يـــــوم من أيـــام سنــــه 2085

المكان: أحد احياء القاهرة

الزمان: يوم من أيام صيف عام 2085

--------------------------------------------------------------------------------

حفيدة فى سن المراهقة(12سنة) تجلس مع جدتها (70سنة) ويدور بينهما هذا الحوار

الحفيدة:تيته ميرو إزيك..بقى لي زمان ما قعدتش معاكى

الجدة:وهو أنا عارفة أتلم عليكي خالص...ده أنا قاعدة

زهقانة قوي ومش لاقية

حاجة تسلينى

الحفيدة:ومابتفتحيش الدش ليه يا تيته

الجدة:التليفزيون بقى ممل خالص ومافيهوش

غيرسبعتلاف وخمسميت محطة

بس!.وأنا كمان ما بعرفش اغير المحطات

الحفيدة:وإيه الحلاوة دي؟ حلو البادي اللي أنتى

لابساه ده..بس ده موضة قديمة قوي ياتيته

الجدة:يا بنتي أنا ست دقة قديمة وبالبس زى ما جيلنا

الصاعد اتعود وحسب

التقاليد القديمة بتاعتنا

الحفيدة:أيوه بس مش حاسة إنك مخنوقة وانتى لابساه؟

الجدة:أبداً ده هو ده اللبس المحتشم اللي مفروض

الكل يلبسه ويحافظ عليه..فين أيام زمان لما كنا نلبس البادي اللي مبين

البطن والظهر بس، مع البنطلون السترتش الجلد …كانت حاجة اخر روشنة

الحفيدة:اه يا تيته.. ده انتوا كان ليكم تقاليد غريبة خالص

الجدة: وهو انتي فاكرة إن أيامكم دي أيام؟يا بنتي

أيامكم دي ما يعلم بيها إلا ربنا .. فين ايام سنة 2009هي الواحدة

فينا كانت تستجري تشرب سيجارة البانجو ولا تسحب لها سطر بودرة قدام

ابواها؟طب ده الدنيا كانت تتقلب ساعتها وما تتعدلش ..أمال إيه .. كان فيه حاجة اسمها أخلاق


الحفيدة:معقول يا تيته؟ للدرجة الفظيعة ؟؟

الجدة:أمال انتي فاكرة إيه .. وبعدين كانت الست من

دول ما تلبسش اللبس

الخليع بتاع اليومين دول يعني الجيبة كان ما

يقلش طولها عن شبر وربع وكانوا الستات يلبسوا فوقيها بلوزة باستمرار مش زي

دلوقتي! حسبي الله ونعم والوكيل

الحفيدة:يا خبر .. وإيه كمان ياتيته

الجدة:حأقول إيه ولا إيه يعني خدي عندك مثلا

زمان كنا نسمع الطرب الأصيل

لمطربين حقيقيين :مصطفى قمر وعمرو دياب والاستاذ شعبولا وطبعاً كانت

سيدة الغناء شاكيرا، وكانت الأغنية مدتها اكثر من دقتين متواصلين من الطرب الأصيل

والموسيقى الهادية الراسية اللي تعمر النافوخ بصحيح كانوا مطربين روشين وآخر

طحن، حسبي الله ونعم الوكيل

الحفيدة:وبعدين ياتيته

الجدة:وبعدين كنا نسمع على حاجة اسمها اسطوانات

ليزر،ودي صحيح انقرضت،

بس كان ليها طعم عن دلوقتي، يا

سلام لما كنا نحطها فىالوكمان ونعلقها في حزام البنطلون كده ونمشي في

الشارع كده، كانت أيام جميلة.حسبي الله

ونعم الوكيل


الحفيدة: حكاياتك ممتعة قوي يا تيته .. ثانية واحدة

بس لما أصحي سمسم

صاحبي فى المدرسة لأنه بايت معايا في الأوضة من امبارح

الجدة :طيب

(بعد دقائق)

الحفيدة: ها ياتيته وبعدين

الجدة:أحلى أيام بقى كانت أيام الدراسة، الفصل كان

على أيامنا رايق وعدد

التلاميذ فيه ما يزديش عن ستين سبعين

تلميذة، وكنا ساعتها بنعرف نفهم الدرس كويس مش زى دلوقتي وكانت الشوارع

أيامها فاضية يعني كانت إشارة المرور

تقعد ساعة إلا ربع بس لأن مصر كلها كان تعدادها 70مليون مش أكثر، تخيلي

بقى الروقان اللي كنا فيه؟ حسبي الله ونعم الوكيل


الحفيدة:70مليون بس

الجدة: أمال إيه .. عشان كده كانت كل حاجة رخيصة ،

يعني مثلاً كيلو اللحمة يوم ما يضربه الدم كان يبقى بخمسة

وثلاثين جنيه أو اربعين جنيه وكان أتخن جوز جزمة بـ 500 جنيه، وكان الواحد

يقدر يشتري شقة تمليك بـ200 ألف جنيه

بس..وكان الدولار بخمسة جنيه ونص بس.. تخيلى بقى؟

الحفيدة:ما هو علشان كده الجواز على ايامكم كان

سهل خالص، إحنا بقى خلصنا من العُقد دى

الجدة:أُمال إيه .. ده احنا الواحدة مننا كانت بمجرد ما

توصل سن 17 سنة تبتدي تفكر فى الجواز العرفى على طول،

وما كانش عندنا الافكارالغريبة اللي بتعملوها دلوقتي، أنا شخصياً شايفة إن ده

أوفر شوية، ده احنا يا بنتي على

أيامنا لا يمكن البنت تتأخر بره البيت عن الساعة اربعة الصبح طب ده باباها كان

ممكن ساعتها يخاصمها

الحفيدة:ياي! ده انتوا كنتوا متزمتين خالص ياتيه

الجدة:يا بنتي إحنا اتربينا على الأخلاق والفضيلة

والعادات والتقاليد . يعنى كان

أهل الفن محتشمين جداً وكانوا دايماً

يطلعوا بالميوهات البيكيني، والمذيعات كانوا يقعدوا جنب الضيف مش على ركبته

زي دلوقتي هيـ يـ يـ يـ ـه الله يرحم

دي أيام.. فكرتيني بالذى مضى حبي الله ونعم الوكيل تمسك الجدة بتليفون

محمول في حجم علبة الكبريت


الحفيدة:ح تكلمي مين يا تيته؟

الجدة:الحقيقة أنا كنت موصية الجزار على اتنين كيلو

لحمة و اديته 600 دولار

عربون وعايزة اطلبه أشوف إذا كانت اللحمة وصلت ولا لأ

الحفيدة تنهض من مكانها) تشاو سي يو تيته

الجدة:سي يو

وبعد مرور عدة ساعات انتابت الجدة خلالها غيبوبة

بسبب الشيخوخة و في المساء دار هذا الحوار

الجدة : إنتي كنتي فين يا فتفت؟

الحفيدة : أصل إحنا أخدنا الولد من الحضانة

الجدة : ولد !! ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا

جبت ولد من سمسم صاحبي

الجدة : يا بنتي مستعجلين على إيه مش لما

تتجوزوا ؟ حسبي الله ونعم الوكيل


الحفيدة : يا سلام عليكي يا تيته.. إنتي عليك

تحكيمات غريبة.. طيب إيه اللي يمنع نخلف من غير

جواز ؟ أنا شخصياً عملتها ونفعت

الجدة : مشكلتي إني ما باعرفش أزعل منك يا

فتفت ياعكروتة ..وسميتوا المحروس إيه بقى

الحفيدة : سميناه : دوت كوم


الجدة : نعم .. دوت كوم؟ نظام هاي تك بقى؟

يعني لما تعوزي تنادي له تدوسي (إنتر) ولا إيه

بالضبط ؟


الحفيدة : ها ها ها ها .. إيه الخفة دي يا تيته

والله فكرة .. لما أعوز أنده له أدوس إنتر .. ولما

أحب أقول له روح أوضتك أدوس

ألت و إف 4


الجدة : وأخدتوه من الحضانة وديتوه فين بقى؟

الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟

الحفيدة : أيوه .. ده نادي جميل معمول برعاية

كبار رجال الأعمال .. وتحت رعاية وزارة الزراعة

وده بيعلم الأطفال حاجات ظريفة خالص

ومصاريفه رخيصة جداً وبعدين الولد الكويس

ممكن يبعتوه يكمل تعليمه في إسرائيل على

نفقة وزارة الزراعة أصل

(ميدو يوسف والي)

وزير الزراعة ده راجل متفتح قوي

هه..أفتح لك التليفزيون يا تيته عشان تشوفي

نشرة الأخبار؟

الحفيدة تضغط الريموت كنترول لنرى شاشة كبيرة

بطول وعرض حائط الغرفة، وتظهر صوت مذيعة

مصحوباً بلقطات للأنباء تقول :


المذيعة : هاي شلة ! إليكم عناوين الأخبار

-
أمريكا ترصد 25 مليار دولار لرأس تامر بن محمد

بن أسامة بن لادن المتهم الأول في تفجير قصر

السفير الأمريكي في أفغانستان

واشنطن تتهم ليبيا بتفجير سفينة فضاء فوق

كوكب المريخ

وزير الاقتصاد د. فريد يوسف بطرس غالي يصرّح:
إعدام الفقراء هو الحل لخروجنا من عنق الزجاجة

موافقة مجلس الشعب أخيرا على خصخصة

معبد الكرنك


أخبار عربية=======:
زهرة ياسر عرفات تطالب بانسحاب إسرائيل

حتى حدود عام 2030، وإعلان الدولة الفلسطينية

في مايو المقبل


إسرائيل ترفض الإنسحاب من البصرة إلا بعد

ضمان أمن مستوطناتها في بغداد

اشتباكات على الحدود الإسرائيلية المغربية





أخبار الفن =====

زفاف المطربة صباح على حفيد الفنان الراحل

راغب علامة

رئيسة قطاع الإنتاج لم يستقر بعد على بطلة

فوازير رمضان ويعقد إجتماع مع السيدة توتي

محمد صفوت الشريف وزيرة الإعلام الجديدة

لمناقشة هذه القضية

-
الفنان محمد هنيدي يهاجم نجوم الكوميديا الجدد


المذيعة : فينيش باي


الجدة : لأ بقى حسبي الله ونعم الوكيل فيكم فعلا

(يغمى عليها)







الحفيدة : تيته..تيته

إيه دا ؟.. دي ماتت ..

هههههههههههههههههههههه
جامده اخر حاجه
تسلم الايادي

=))=)):))=))=)):))=))=)):))=))=)):))=))=))

اقتباس:

---

المشاركة الأصلية كتبت بواسطة شوشو حبيب الكل

هههههههههههههههههههههه

جامده اخر حاجه

تسلم الايادي

---

ميرسي ياعسل:):)

اقتباس:

---

المشاركة الأصلية كتبت بواسطة Princess maya

=))=)):))=))=)):))=))=)):))=))=)):))=))=))

---

:):):):):);););)

ههههههههههههههههههههههههه هههه

حلوه اوى يا كوكو

والله انت انسانه رائعه ربنا يخليكى لينا

:)):)):)):)):)):)):)):)):))
هو ده الى ناقص

اقتباس:

---

المشاركة الأصلية كتبت بواسطة ابو تريكه

ههههههههههههههههههههههههه هههه

حلوه اوى يا كوكو

والله انت انسانه رائعه ربنا يخليكى لينا

---

ميرسي ياقمر
ويخليكوا كلكم ليا يارب:):)

اقتباس:

---

المشاركة الأصلية كتبت بواسطة THE_GAME

:)):)):)):)):)):)):)):)):))

هو ده الى ناقص

---

كل شئ متوقع انه يحصل كمان 20 سنه;);););)

ههههههههههههههههههههههههه ههههه:)):)):))

والله تحفه

بصراحه مواضيعك كلها جامده

=))=))=))=))

اقتباس:

---

المشاركة الأصلية كتبت بواسطة آسر القلوب

ههههههههههههههههههههههههه ههههه:)):)):))

والله تحفه

بصراحه مواضيعك كلها جامده

=))=))=))=))

---

ميرسي يااسر
ونورت ياقمر