لما القدس تصرخ تبكي
ولا حد يسمع ولا حد يلبي
لما العالم كله يضحك
وطفل لوحده يفضل يبكي
لما الانسان يرخص تمنه
وفي كل لحظه ينزف دمه
طفل صغير اغتاله برائته
روي بدمه أرض بلاده
رصاص الغدر قتل كتير
وخلي دم شبابنا يسيل
اتبدلت البسمه بدموع وآهاات
والفرحه بقت موت ورصاص
جراح وألاام وكرامه بتتهان
والقلب بالحزن والبكي مليان
بيوت وأحلام قدامنا بتنهار
ودم ودمع بيسيل ليل ونهار
طفل صغير ماسك حجاره
بيدافع عن وطنه بكل بساله
بيحلم بالنور والفرح لبلاده
بيحلم ان وطنه يعيد امجاده
مستني في يوم شمس الحريه
تشرق وتمحي الاهانه والأسيه
يا ناس يا عالم فوقوا من الوهم
ضياع العرض والأرض مش سهل
مش هنسكت عن حقنا
متسلحين بإيمننا بربنا
والله لبكره نعيد أمجادنا
ونرد الكرامه والنور لبلادنا
اللي اتكتب أقل كتير من اللي بيحصل ومن اللي حاسينه
بس يا ريت نقدر نعمل حاجه غير اننا نكتب ونبكي وندعي
