المشاكل الرومانسيه (متجدد)

بصوا هو الموضوع باين من عنوانه
بس هي مش هتبقي مشكله معينه لا
احنا هنتكلم علي الصفات والحاجات اللي بتحصل من اي من الطرفين اللي بيحبوا بعض وبتخنق الطرف التاني زي مثلا
(الغيره الشك الكدب الخيانه الملل الفتور الاهمال الخانقه .....)
وغيرها من الحاجات اللي احيانا بتوصل العلاقه بين اتنين للنهايه
هيبقي فيه صفه كل اسبوع هنقولها ونتناقش فيها ونسمع رأي بعض
المده هتبقي اسبوع عشان ندي فرصه لاكبر عدد يقول رأيه
وممكن تشرفونا بمشاركتكوا اكتر من مره
ونعرف ده بيبقي سببه ايه
ماشي يا جماعه
ارجوا منكوا التفاعل;;)

نبتدي بأول حاجه وهي

الغيره

اسبابها
والمشاكل اللي بتحصل بسببها
وعلاجها
وكل حاجه


مستنيه أرائكوا يا جماعه

فكره الموضوع حلوة بس انتى ما قولتيش اهم نقطة واصعبهم


الفراق بسبب

الظروف

يعنى بيكون الطرفين مالهمش اى زنب وبيفترقوا

>:D<

اولا موضوعك مميز وفكرتة جميلة
ثانيا انا كنت قريت موضوع بيقوا ان الحب هو ان تزيد من قيمة من تعرف والغيرة هى ان تزيد فى قيمة من لا تعرف
الحقيقة ان من الصعب نحدد سبب للغيرة زى ما اننا مانقدرش نحدد سبب للحب
وكمان الغيرة شىء مش سىء الا اذا زادت عن حدها زيها زى اى حاجة لو زادت عن حدها بتكون ضرر للعلاقة لكن فى حدود بتكون تعبير غير مباشر عن الحب
والغيرة لو كانت بشكل مرض بيكون علاجها اننا نحاول نزود ثقة الشخص المريض بنفسة لان الغيرة بتكون نابعة عن عدم ثقة بالنفس واحيانا بتبقى عدم ثقة فى الطرف الاخر وفى الحالتين بنحاول نزود حالة الثقة فى النفس وفى الاخر
تسلمى على الموضوع وفى انتظار رأيك

اقتباس:

---

المشاركة الأصلية كتبت بواسطة Treka

فكره الموضوع حلوة بس انتى ما قولتيش اهم نقطة واصعبهم


الفراق بسبب

الظروف

يعنى بيكون الطرفين مالهمش اى زنب وبيفترقوا

>:D<

---

ميرسي ليك يا تريكه
ولمشاركتك نورت التوبيك
وياريت تبقي متابعنا وتقولنا رأيك واقترحاتك علي طول

اقتباس:

---

المشاركة الأصلية كتبت بواسطة القبطان

اولا موضوعك مميز وفكرتة جميلة
ثانيا انا كنت قريت موضوع بيقوا ان الحب هو ان تزيد من قيمة من تعرف والغيرة هى ان تزيد فى قيمة من لا تعرف
الحقيقة ان من الصعب نحدد سبب للغيرة زى ما اننا مانقدرش نحدد سبب للحب
وكمان الغيرة شىء مش سىء الا اذا زادت عن حدها زيها زى اى حاجة لو زادت عن حدها بتكون ضرر للعلاقة لكن فى حدود بتكون تعبير غير مباشر عن الحب
والغيرة لو كانت بشكل مرض بيكون علاجها اننا نحاول نزود ثقة الشخص المريض بنفسة لان الغيرة بتكون نابعة عن عدم ثقة بالنفس واحيانا بتبقى عدم ثقة فى الطرف الاخر وفى الحالتين بنحاول نزود حالة الثقة فى النفس وفى الاخر
تسلمى على الموضوع وفى انتظار رأيك

---

ميرسي ليك يا مصطفي ولردك
واكيد عندك حق في كل اللي قلته
مستنيه ارائك في كل المواضيع اللي جايه
شكرا ليك

الغيره بين المقبول المرفوض
احيانا تصبح نار تلتهم في طريقها كل الحب والمشاعر والثقه
واحيانا يقولون انها شيء اساسي لالهاب المشاعر
اعتقد ان الغيره شيء اساسي مصاحب للحب
بس في حدود المعقول
مش الغيره المرضيه اللي بتبقي شك
وعدم ثقه
يعني مثلا انت او انتِ تستحمل يبقي حبيبك او حبيبتك
بارده من غير شعور ومتفرقشي ولا بتغير عليك
اكيد شعور الانسان بغيرة حد عليه حاجه حلوه برده
وبيبقي برده نوع من التعبير عن الحب


بس يا ريت برده اسمع رأيكوا في كلامي
ووجهة نظركم;)

الغيرة شى حلو بس فى حدود المعقول لانه لوزدات عن حدها بتخرب اى علاقة مثل ان الشخص اللى كان خطيبى فشكل الخطوبة بسبب الغيرة من اقرب الناس اليه وهو اخوه ولما انا قولت له انت مش وثق فى قال لا بس انا غيرنا عليك هل هو فعلا كان بيحبنى ارجوكم جوبنى على هذا السوال

بصي يا جميل هو ممكن يكون مريض بجنون الغيره
ويمكن يكون عنده حب تملك زياده عن اللزوم
او ممكن يكون اخوه مش مصدر ثقه بالنسبه ليه
او يمكن يكون هو مش عنده ثقه في نفسه
والله اعلم انت اللي اتعاملتي معاه وتقدري تحكمي
بس النوع ده البعد عنه افضل كتير لانه يتعب في التعامل
اتمنالك من كل قلبي السعاده مع من يستحقك ويريحك;)
نورتي يا جميل>:D<

شكرا على الرد

اي خدمه يا جميل
نورتينا

موضوع مميز وجميل يابوبا تسلمى ياقمراية :x

ميرسي ليكي يا حبي والله نورتي التوبيك
بس فين رأيك يا جميل
انت عارفه ان رايك يهمنا

:)موضوع جميل أوى وفكرته أجمل:)
وتسلمى كتيييير عالفكرة الحلوة دى
.....
ولو جينا نتكلم عن الغيرة كأول مشكلة حبيتى تكلمى عنها أنا طبعا مش عارفة أقول ايه لإن بصراحة اللي سبقونى بكلامهم قالوا كل حاجة وان كنت أنا هقول كلام فهو برده بيدور حول نفس الرأى إن الغيرة فعلا شىء جميل ده لو استخدمت صح وفى الوقت المناسب يعنى مثلا عشان احسس حبيبي انه غالي عندى وانى بغير عليه لان طبعا اي حد فينا بنت ولا شاب ميحبش طبعا ان حبيبه يكون بمعنى أصح( بارد مبيحسش) لكن طبعا زى ما انتوا قلتوا لازم نستخدمها صح لانها لو قلت هتبقي فتور وبرود وده برده ممكن أوى يؤدى لنهاية العلاقة وفي نفس الوقت متزدش عن حدها لان ساعتها مش هتبقي غيرة لكن هتبقي شك وعدم ثقة فده برده ممكن أوى يؤدى الي نهاية العلاقة.
وسببها اما يكون راجع فعلا لانعدام ثقة الانسان في نفسه او في حبيبه وبصراحة ساعات كمان السبب ان طرف من الطرفين بيعمل مواقف يثير بيها غيرة الطرف الثانى وساعتها يكون الطرف الاول اللي قام يإثارة غيرة الطرف التانى هو اللي غلطان
وساعات الغيرة سببها ان الواحد منا بيسمع حكايات عن قصص حب لسنين وانتهت بسبب دخول امرأة في حياة زوج أورجل في حياة زوجة فده خلي الواحد منا دايما بيغير حتى لو من اخواتنا وأصدقائنا
فالغيرة في الحقيقة راجعة لانعدام الثقة والصراحة بين الطرفين .
والحل ان الطرف اللي بتقع عليه الغيرة لازم يحسس الطرف التانى اللي بيغير عليه بالأمان وبالحب والاخلاص وكمان لازم يزوده له ثقته بنفسه وده طبعا هينعكس علي الطرف اللي بيغير فربما تقل غيرته وتصل إلي حدود المعقول وهو المطلوب (فخير الأمور أوساطها)
وآسفة جدا للإطالة

ميرسي ليكي حبيبه يا قمر
وميرسي لي ردك
وطبعا عندك حق في كل اللي قولتيه
نورتينا
ونتمني نسمع رأيك في باقي المواضيع

الكدب
من ابشع الصفات اللي ممكن تتواجد في شخص
واسهل طريقه للتخلص من المشاكل هي الكدب
هل من الممكن نكدب في علاقاتنا عشان منجرحشي اللي قدمنا
او عشان نتفادي مشكله تحصل بنا
او نقول دي كدبه بيضه مش فيها ضرر
يا تري لو اللي بنحبه كدب علينا ممكن نسامحه وللا لا؟؟
يللا يا مصراويه مستنيه ردودكو واراكوا وتجاربكمhttp://www.nice-girl.net/vb/images/s...91f92f88b2.gif

الغيره اساس الحب ومن وجهت نظرى ان اى شاب او بنت بيفرحو قوى لو حسو باحساس الغيره يعنى احياانا فى شباب كتير وهما مشين مع حبيبته تلقيه ينظر على اى بنت لمجرد ان يسير شعور الغيره عندها وده ااكيد ااحساس هيسعده لان هيحس ان حبيبته بتمووت فيه وايضاا اى بنت تلاقيه عارفه ايه اللى ممكن يكون بيضايق خطبها او حببها وتعمله يعنى لو ميحبهااش تلبس حاجه ضيقه مثلا تلقيها بتتعمد تلبس كل حاجه ضيقه وهى معاها علشان اول لما يشفها يقوم يزعلقها وطبعا هى بتكون من جوااها مبسوطه يعنى طلاما الغيره فى حدود المعقول بتكون حلوه بس كل حاجه بتزيد عن حدها بتنقلب لضدهاا

اما عن الكدب فخلينا وقعيين محدش يقدريعيش من غير ميكدب اذا كان واحد ولاا وحده فكله بكدب على كله وده لان الحياه بقيت صعبه والبنات والشباب كل واحد فيهم مسيطره عليه فكره وحده هى الخوف الخوف من اان واحد فيهم يسيب التانى وده بيخليهم مع اول مشكله بنهم يطر الغلطان يهرب يعنى يكدب علشان الموضوع يعدى والمركب تمشى

بصراحة الموضوع جامد اخر حاجة ابدأ بالغيرة دى اللى بتشعلل الحب وكمان الحب من غير غيرة يبقي مالوش طعم بس زى ماقالو كل المشاركين كل حاجة لو زادت عن الحد بتتقلب للضد
اما الكدب بأة دى اكتر حاجة لايمكن اغفرها لحبيبي مهما كانت حاجة بسيطة واد ايه صغيرة مش هتضر لازم يكون في صراحة ووضوح حتى لو ممكن تضايق انا احب اعرف كل حاجة من حبيبي مااحبوش يكدب عليا خالص وبجد انا ممكن يزيد في نظرى يعنى من باب اولى اعرف منه بدل مااعرف عن ريق الصدفة من اى حد وقتها لايمكن اغفرله
وفي حاجة كمان في حاجة اسمها الكدب في المشاعر دى اصعب حاجة لا يمكن ان اى حد يتقبلها
بفضل الصراحة والوضوح في اى حاجة
اسفة على الاطالة وبجد دا موضوع متميز وانا ان شاء الله دايما هتابع موضوعاتك المتميزة انا اصلي لسة جديدة في المنتدى وياريت تتقبلي مروروى
ياسمين

اقتباس:

---

المشاركة الأصلية كتبت بواسطة اميره2009

الغيره اساس الحب ومن وجهت نظرى ان اى شاب او بنت بيفرحو قوى لو حسو باحساس الغيره يعنى احياانا فى شباب كتير وهما مشين مع حبيبته تلقيه ينظر على اى بنت لمجرد ان يسير شعور الغيره عندها وده ااكيد ااحساس هيسعده لان هيحس ان حبيبته بتمووت فيه وايضاا اى بنت تلاقيه عارفه ايه اللى ممكن يكون بيضايق خطبها او حببها وتعمله يعنى لو ميحبهااش تلبس حاجه ضيقه مثلا تلقيها بتتعمد تلبس كل حاجه ضيقه وهى معاها علشان اول لما يشفها يقوم يزعلقها وطبعا هى بتكون من جوااها مبسوطه يعنى طلاما الغيره فى حدود المعقول بتكون حلوه بس كل حاجه بتزيد عن حدها بتنقلب لضدهاا

---

فعلا كل حاجه بتزيد هن حدها بتتقلب لضدها
لان الغيره لما بتزيد بتتحول لمرض ولشك

يسلم مرورك ورأيك يا قمر

اقتباس:

---

المشاركة الأصلية كتبت بواسطة اميره2009

اما عن الكدب فخلينا وقعيين محدش يقدريعيش من غير ميكدب اذا كان واحد ولاا وحده فكله بكدب على كله وده لان الحياه بقيت صعبه والبنات والشباب كل واحد فيهم مسيطره عليه فكره وحده هى الخوف الخوف من اان واحد فيهم يسيب التانى وده بيخليهم مع اول مشكله بنهم يطر الغلطان يهرب يعنى يكدب علشان الموضوع يعدى والمركب تمشى

---

عندك حق بس صدقيني لما الكدب بينكشف
بتبقي صعبه اوي
وبعدين ممكن تتحول لعاده
ومش بس الواحد يكدب عشان يخرج من ازمه
ده بقي حاجه عاديه جدا
وعلاقات الحب لازم تبقي مبنيه علي الصراحه
لان الاساس لما بيبقي قوي الحياه تستمر
لكن مع كل كدبه بيتكسر حاجه ومعني جميل
نورت يا قمر
وميرسي ليكي

اقتباس:

---

المشاركة الأصلية كتبت بواسطة قطقوطة

بصراحة الموضوع جامد اخر حاجة ابدأ بالغيرة دى اللى بتشعلل الحب وكمان الحب من غير غيرة يبقي مالوش طعم بس زى ماقالو كل المشاركين كل حاجة لو زادت عن الحد بتتقلب للضد
اما الكدب بأة دى اكتر حاجة لايمكن اغفرها لحبيبي مهما كانت حاجة بسيطة واد ايه صغيرة مش هتضر لازم يكون في صراحة ووضوح حتى لو ممكن تضايق انا احب اعرف كل حاجة من حبيبي مااحبوش يكدب عليا خالص وبجد انا ممكن يزيد في نظرى يعنى من باب اولى اعرف منه بدل مااعرف عن ريق الصدفة من اى حد وقتها لايمكن اغفرله
وفي حاجة كمان في حاجة اسمها الكدب في المشاعر دى اصعب حاجة لا يمكن ان اى حد يتقبلها
بفضل الصراحة والوضوح في اى حاجة
اسفة على الاطالة وبجد دا موضوع متميز وانا ان شاء الله دايما هتابع موضوعاتك المتميزة انا اصلي لسة جديدة في المنتدى وياريت تتقبلي مروروى
ياسمين

---

اولا ميرسي ليكي اوي يا قمر علي كلامك الحلو ده
وده شرف كبير ليه ويسعدني جدا انك تتابعي مواضيعي
ومنوره الكافيه

اما بالنسبه لردك علي الموضوع فطبعا انت عندك حق في كلامك كله
نورتي يا قمر وشرفتي موضوعي

http://www.majdah.com/vb/images/user..._1140984523jpg
http://www.majdah.com/vb/images/user..._1140984523jpg
إذا اكتشفت خيانة من يحبك وhttp://www.majdah.com/vb/images/user..._1140984523jpgتحبه ... ماذا سوف تفعل ؟
الخيانة بكل معانيها سيئة ومؤلمة , هذا الامر يتحدث عن علاقة الرجل بالمراة كزوج او كصديق لصديقة , او غير ذلك . وبكل تاكيد هناك العلاقة بين الصديق وصديقه حين يخونه صديقه ويغدر به في اي امر يتعلق بالوفاء . ولكن في العالم يعرف الجميع , ان الخيانة بين الحبيب والحبيبة هي التي توجع القلب الى اقصى حد


فهناك من لا تسامح من الفتيات وهناك من لا يسامح من الشباب , وهناك الزوجة التي يخونها زوجها . ولكن تشير الدراسات ان العلاقة التي تبدا بحب متين وبدون علاقة غير شرعية قبل الخطوبة في حال تمت , فانها تكون اقوى العلاقات العاطفية التي ستثبت انها الاعمق . وهي في حالة الخيانة تكتسح الطرفين بتدمير شخصياتهم وحياتهم وبما في ذلك الاكتئاب غير المسبوق له.

السؤال : اذا اكتشفت خيانه من تحب. ماذا تفعل ؟
1- هل تسامحه.
2- هل تنتقم منه.
3- هل تنفصل عنه.

ياريت اسمع رأيكم وتجاربكم وردود افعالكم

الغيره سبب لفشل معظم العلاقات
بس انا بقول انها شىء ضروى ان اراجل يغير على مراته او حببته والست برده لان معناه ان هو بيحبها