هل يا تري انتا ناوي تتجوز صاحبتك؟
السلام عليكم يا شباب
طبعا كلنا عارفين ان في الزمن اللي احنا فيه دا 3\4 الشباب مصاحب و الربع الباقي بيدور علي اي فرصه
يصاحب بيها و دا طبعا (غلط) انا مش بقول انوا صح وفي اللي
مصاحب من سنه او سنتين او ثلاثه (ما اعتقدش ان في اكتر من كده ......)و في برضوا اللي
من شهر او حتي من كام يوم بقوا خلاص مرتبطين مع بعض في كل حاجه يخرجوا مع بعض يتفسحوا مع بعض و
ي........مع بعض وهو يقولها انا بحبك و هي وتقولوا انا بحبك............
بس هل يا تري انتا دلوقتي شاب مصاحب هل انتا ناوي او عندك النيه انك ترتبط بيها رسمي؟
يعني انتا ناوي فعلا بعد ما تخلص دراستك و اذا كان عندك الامكانيات.....الشقه موجوده ....الشغل موجود...
الكلام دا يعني هاتتقدم ليها رسمي.....و لنفترض ان ما فيش امكانيات هاتقولها استنيني كام سنه لحد ما اكون نفسي
يعني انتا فعلا لما تيجي تصاحب بيقي عندك النيه لارتباط الرسمي.....مش هاقول في بدايه العلاقه....لما تقعدوا مع
بعض فتره كبيره......هاتفكر فعلا في الارتباط؟
و لا ها تيجي عند اي مشكله و تقولها خلاص احنا مش هاننفع لبعض و يا دار ما دخلك شر
ولا الصحوبيه دي مجرد علاقه بالبنات وخلاص ؟
بس انا الصراحه قليل اوي لما بسمع ان اتنين كانوا مصاحبين وبعد كده اتجوزوا؟
او الصراحه هما مرتين بس اللي انا سمعت فيهم كده؟
و طب و يا تري البنت بتبقي فاكره ان الولد دا ها يرتبط بيها فعلا ولا هي بتبقي سيباها لظروفها
و لا يمكن تكون بتقول انا هاقنعه [
رد: هل يا تري انتا ناوي تتجوز صاحبتك؟
و الله يا ميرو عندك حق انا طبعا مليش دعوه بالكلام ده
لأنى مش بقتنع اصلا بالصحوبيه و الكلام ده
العكس يمكن الكلمه دى بتستفزنى و الله يعنى ايه مصاحبه دى احنا فأمريكا و لا ايه
بس عامتا اللى بيحصل و الله
ان البنت بتأه مش شايفه اى حاجه اودامها خالص
و لا بتحسبها صح
كلمت ولد اى ولد بتلاأى فيه توم كروز مع انو حته مش محصل اسماعيل ياسين
و الواد يكلم البنت و هيه تكون مفهماه انها معاه فى الحلوه والمره و هنبنيها طوبه دهب و طوبه فضا
و هو يأولها انا مش عارف انا محظوظ انى عرفت واحده قنوعه زيك
و فى النهاره كولوهم بيدحكو لى بعض و خاصه لما تكون زملتو فى الكيه و مش بيحضرو محاضرات و رايحين جايين فى المجمع يصورو بعض و يدحكو مع بعض
و كلو كلام فارغ اصلا انا مش بقتنع بالحاجات دى
................
نيجي بأه لنوأطه تانيه اللى هيه الواد فعلا حته لو بيموت فيها هوه فدماغو ان مينفعش البنت اللى كان مصاحبها دي تبأه مراتو فيوم من الايام ليه عشان سمع الكلام ده من ناس كتير و هوه بأه يرددو زيهم
" تقليد اعمى "
معندوش وجهه نظر بيمشي على تجارب غيرو
مبأولش انك مستفاديش من تجارب غيرك بس على الاقل يبأه ليك وجه نظرك المقنعه
غير انها مين اللى آل انها مش هتعمل كده
لأنك متأكد انها مش بتكلم حد غيرك
رد: هل يا تري انتا ناوي تتجوز صاحبتك؟
اولاً:-
كلمة صاحب او صاحبة دي كلمة مالهاش علاقة بالجواز خالص
يعني ايه اصحاب الاول
اه في صحوبية
وزمالة وصداقة
انما يعني ايه الواحد يصاحب واحدة وفي الاخر يديها استمارة6
كدة يقي الموضوع مش موضوع صحوبية وبس
لاء في حاجات تاني برة الصحوبية
يعني مثلاً الواحد ماهو يعرف بنات - مثلاً يعني - وعادي صحاب بس
واصحاب بجد
يعني والله انا اعرف واحدة في شباب كتير اوي اصحابها ويعتبروها الانتيخ بتاعهم:D :D
بيحكوا معاها
وتعرف حاجات عن ناس اصحابي انا مش بعرفها
دي اللي ممكن من وجهة نظري تبقي صحوبية
انما الكلام اللي انتي بتقوليه ده
اظن برده - من وجهة نظري - العلاقة دي تعدت مرحلة الصحوبية من زمااااااااااااااااااااااا اان
ودخلت علي حاجة تانية خالص
دي علاقة - من وجهة نظري برده - البنت تبقي عايزة تجربها وخلاص
وهي اصلاً شبه متأكدة ان اللي هي سوري في اللفظ ماشية معاه ده ممكن يفك منها في اي وقت
وفي نفس الوقت
في وفي
يعني في كدة وفي كدة
بس نايس توبيك يا دلوعة
رد: هل يا تري انتا ناوي تتجوز صاحبتك؟
ردودكم و مناقشاتكم رائعة
و يا ايويا مناقشة مذهلة منك
اما سراج فمناقشتك تستحق ان اطاطئ لها راسى (على فكرة فى كلام بيطلع منى مش فاهماه خالص)
انت الانيس يا سراج:D
رد: هل يا تري انتا ناوي تتجوز صاحبتك؟
اقتباس:
المشاركة الأصلية كتبت بواسطة دلوعة بورسعيد
اما سراج فمناقشتك تستحق ان اطاطئ لها راسى (على فكرة فى كلام بيطلع منى مش فاهماه خالص)
وربنا ولا انا فاهمه اصلاً:D :D
اقتباس:
المشاركة الأصلية كتبت بواسطة دلوعة بورسعيد
انت الانيس يا سراج:D
اهو انتي بقي:)) :))
وربنا يسامحك:D
