السلام عليكم ورحمه الله وبركاته
اخواتي انا بجد لاحظت حاجه غريبه جدا وحبيت اناقشها معاكم هو شئ انتشر بين البنات ومش البنات بس لا في سيدات كمان متجوزين ومخلفين وبيعملو نفس الموضوع طبعا الا من رحم ربي ..
الموضوع هو العبايات اللي نزلت دلوقتي زمان كانو بيقولو ان العبايه دليل علي الاحترام لانها واسعه ومبتظهرش من جسد المرأه حاجه دلوقتي الموضوع بقي غريب جدا الكل بيلبس عبايات الله اعلم دي نوعها ايه بجد ضيقه لابعد الحدود والاسم ان البنت لابسه عبايه
نوع قماش العبايات دي نوع اعذروني في اللفظ عامل زي الاستريتش كده بيجسم جسم البنت او السيده اللي لبساه ويوصفها
انا بصراحه احترت منين دي عبايه ومنين هيا كده يعني حتي المحترمات بقو يلاقو صعوبه عشان يلاقو عبايه محترمه بنوع قماش كويس
انا بسألك سؤال يا اختي؟ ازاي ترضي تلبسي شئ زي ده ؟ حتي لو كان شكلها حلو يااختي دي مش عبايه وانتشرت فعلا انتشار السرطان بين المحلات وفي الاسواق والكل بقي بيلبسها وبيقول محترمه واهي عبايه !!
نصيحه مني ليكي يا اختي بجد الاحترام مفيش زيه حتي هيحسسك بقيمتك .. ليه تعرضي نفسك كده لالي يستاهلك واللي ميستاهلكيش ؟!
طبعا النصيحه مش علي العبايات دي بس انما كمان علي البديهات واتونيكات اللي بقت لا تخفي شئ من الجسد لانها بتوصفه كله !!
نصيحه ليكي يا اختي وانا بقول كده من اللي بقيت بشوفه من البنات استري نفسك وحافظي علي دينك لان ده اللي هيبقالك:)
