انسانه حقوده ارجو المساعده
السلام عليكم ورحمة الله وبركاته
يمكن العنوان غريب لكنه موقف حصل ومحتاره ومحتاجه تساعدونى وتعطونى من وقتكم وتقرو الموضوع بتركيز لانو اجابتكم مهمه كتير
نحنا بالجامعه عاملين فرق عمل وكل فرقه ست طلاب اما مختلط او بنات لوحدهم وولاد لوحدهم وفرقتى مش مختلطه يعنى نحنا ست بنات
رئيسة الفرقه نحنا انتخبناها لانها انسانه متميزه باخلاقها ومتوفقه ومحترمه فوق الوصف
معنا بنت تانيه بالفرقه انا كنت افكرها كويسه وطيبه من كلامها المعسول
والبنات كلهم مفكرينها بردو طيبه وما بعرفو انها مش امينه ولا تستاهل ثقة او محبه
كيف عرفت انها مش امينه انا وصاحباتى والرئيسه تبع الفرقه كشفنا انها مش امينه لانو بتطلب نكتب اسمها معنا على التقارير وهى ما بتعمل منهم شي ومعتمده علينا
بتجيب تقارير جاهزه من طلاب قدام وبتحط اسمها عليهم وبتقول انهم تقاريرها
البنت الرئيسه عالفرقه امينه فوق الوصف وبتخاف الله كتير ولو اعز صحباتها ما سلمو التقرير بوقته بتكتب متلا ساندرا تاخير يوم
ما بهمها انه نحنا صحبات لانها اهم شى عندها الامانه
وصار مرة انه قالت عالبنت انه التقرير مش لالها وانه قديم وانها تعيده او بتكتب جنب اسمها ملاحظه
البنت التانيه ما تقبلت وشكت على الرئيسه والبنات منهم صدقوها ومنهم لا
هلا الرئيسه مرضانه واستغربت حقد صديئتى وانها شمتانه بمرض صديئتنا لا وكمان طلبت تكون رئيسه مكانها
انا بغلي من جوا لانو عارفه كلشي وما قادرة اتكلم لانه الاسلام امر بالستر
ومغيوظة انه شمتانه باخت مسلمه وكلنا رحنا زرناها وهى رفضت تزورها او تشارك بهديه
كلامها معسول وعم تحاول تكسب كل البنات وفي بنات عارفين حقيقتها وعدم امانتها وكدبها وساكتين
وانا ما كنت مدايئة الا لمن شفتها شمتانه وفرحانه بمرض صديئتنا
انصحونى شو اعمل
ابطل اكلمها
ولا
اتركها لله وهو يمهل ولا يهمل
ولا ابلغ عنها الدكتور
لانه عم تاخد شى مو من حقها وحقدها غريب وغيرتها من صديئتنا المرضانه فظيعه لدرجة المرض
