لو من باعك رجع اليك نادما ً ... ماذا تفعل ؟

لو من باعك رجع اليك نادما ً ... ماذا تفعل ؟

أكيد الموضوع باين من عنوانه

انا منتظر ردكم وارائكم

بس كل واحد يقوللى اه ليه

ولأ ليه ؟

وهو لسه بيحبة ولا لأ ؟.:):x

بيسعدني اني اكون اول من يرد على موضوعاتك اللي دايما بتبقى شيقه جدا يامودي
ماعليش يعني انت بتقول اللي يبعني وبعد كده يرجعلي واكيد طبعا راجعلي نادم
انا طبعا مش هاوافق ارجعله تاني لسبب يامودي انه ف يوم من الايام بــــــاعني و .... ولا كمان قدر حبي ليه وحافظ عليه من الاول ليه
ولو كمان راجع نادم يعني بردوا مستحييل ارجع لان ماعليش بحسها اهانه ليا وقت مايقدرني ويحس بيا ارجعله ووقت مايبعني ويغدر بيا يسيبني
ده حتى مش يتسمى حب من اساسه
ده من رأي
طيب ورأيك انت يامودي؟؟؟؟؟؟؟

انا من رأى يا ريهام انه ممكن يكون كان غلط

وكل انسان معرض للغلط

يمكن كان فاهم حاجه غلط

وا ندم فعلا ً ورجعلى بكل حب وصدق

فأنا أفضل انى أفكر فالموضوع بعد فترة

وأعيد حساباتى من تانى معاه

علشان أتأكد انه ندمان فعلا ً

بس كده :)

موضوع مميز كالعاده يا مودى تسلم عليه
اما عن رائ فلا يمكن ارجعلوه تانى الى يبعنى وييحفظ عليه وعلى حبى مرجعلوش ابدا
علشان عمرى ماهكون مطمنى على نفسى معاه تانى
ممكن اسمحوا لانى بحبه لكن لا يمكن نرجع ابدا
وانت بقى رايك ايه ؟

اولا معنى كلمة باعنى ان ما كنش فية سبب او سوء تفاهم حتى علشان يبيعنى
لو دة قصدك عمرى ما هفكر ارجع

موضوع مميز فعلا
وانا رايئ انى هرجع لو احنا بنحب بعض بجد ولو هو نادم فعلا

مودى انا من راى ريهام قطتى الرومنسية
كلامها جااااااااااااااامد ونفس الى كنت عاوزة اقولة
بس اسمحلى انا حاسة ان الموضوع لية معاك حكاية
تانى مرة سامحنى على تطفلى صح ولا غلط
ارجو ان تتقبل مرورى
:-/:-/:-/

اقتباس:

---

المشاركة الأصلية كتبت بواسطة -Nona-

موضوع مميز كالعاده يا مودى تسلم عليه
اما عن رائ فلا يمكن ارجعلوه تانى الى يبعنى وييحفظ عليه وعلى حبى مرجعلوش ابدا
علشان عمرى ماهكون مطمنى على نفسى معاه تانى
ممكن اسمحوا لانى بحبه لكن لا يمكن نرجع ابدا
وانت بقى رايك ايه ؟

---

يمكن ندم بجد يا ندى ؟


وانا قلت رأي قبلك علي طول :)

اقتباس:

---

المشاركة الأصلية كتبت بواسطة القبطان

اولا معنى كلمة باعنى ان ما كنش فية سبب او سوء تفاهم حتى علشان يبيعنى
لو دة قصدك عمرى ما هفكر ارجع

---

لا يا مصطفى أكيد فى سبب

اتلكك فى مشكله مثلا

او حد لعب بدماغه

كده يعنى

وشكرا لمرورك :)

اقتباس:

---

المشاركة الأصلية كتبت بواسطة محمد فاروق

موضوع مميز فعلا
وانا رايئ انى هرجع لو احنا بنحب بعض بجد ولو هو نادم فعلا

---

هى دي المسامحه فالحب يا محمد

شكرا لمرورك :)

اقتباس:

---

المشاركة الأصلية كتبت بواسطة رهف

مودى انا من راى ريهام قطتى الرومنسية
كلامها جااااااااااااااامد ونفس الى كنت عاوزة اقولة
بس اسمحلى انا حاسة ان الموضوع لية معاك حكاية
تانى مرة سامحنى على تطفلى صح ولا غلط
ارجو ان تتقبل مرورى
:-/:-/:-/

---

ههههههههههههه

ولا تطفل ولا حاجه يا رهف
انا دى حاجه تسعدنى بجد

بس هى فعلا مش ليه حكايه معايا
بس انا واجبى و شغلى هنا انى أطرح كل فكرة وأعرض كل الأراء

بس والله مش أكتر

وشكرا لأهتماماك واتمنى انى اشوفك معانا على طول :)

انا عايزه اقول حاجه واحده بس ان الشارى عمره ما بيبيع

اقتباس:

---

المشاركة الأصلية كتبت بواسطة nanooo_87

انا عايزه اقول حاجه واحده بس ان الشارى عمره ما بيبيع

---

بس يمكن ظروف يا نانوو

يمكن زى ما قلت قبل كده حد لعب بدماغه وندم بعد كده ورجعلك

صح ولا ايه ؟

اللي يبيع مرة يبيع الفففففففففففففف مرة

بص يامودى مفيش سبب يخلى انسان يتخلى عن حد بيحبه
ولو باعك وسابك يبقى مكنش بيحبك من الاول .. عشان كده انا مستحيل افكر ارجعله تانى ..

موضوع حلو جدا بس يعنى ايه حد يحب حد فيبيعه هى الموازين اختلت ليه كده يعنى احب واحد واتمنى ان يكون مش بس حبيبى يكون كل دنيتى وحياتى وبعدين اخونه او ابيعه انا مش شايفه ان ده يتسمى حب انا مفهومى عن الحب حاجه تانيه خالص وبعدين يبقى فى سؤال انا هارجع ولا لا طبعا لا ارجع لحد باعنى يبقى معنى كده انا بقوله اعمل فيه اكتر من كده كمان وربنا يعافينا من الناس اللى بالشكل ده

انا شايفة ان الكلام سهل اوي المهم الفعل والمشكلة ان اللي بيحب بجد بيضعف قدامالحبيب حتى لوكان ظالمة

بص يا مودى فرصة وحدة اة اكتر من فرصة لااااااااا


يعنى لو انا حاسة ان اللى خلاة بعد عنى حاجة غصب عنو وان لسة فى بينا حب هرجع لية واديلو وادى لنفسى فرصة لانى ممكن اند م بعد كدا انى مش ادتيو الفرصة دى لان الظروف والدنيا بتحطنا فى مواقف ممكن نعمل حاجات كتير غصب عننا
ومعنى ان هو رجعلى تانى يعنى حس بقيمتى واكيد هيقدرنى ويحافظ عليا ويحبنى اكتر من الاول كمان
بس اكيد لو عملها تانى معاية وباعنى مفيش فرصة تانية طبعا ولا هيكون لية مكان فى حياتى ولا قلبى ولا حتى ذكرياتى يبقى انتهى خااااااااالص كانو مكنش موجود اصلا

اولا انا احب اشكرك على الموضوع الروعه ده
انا من راى ان اللى بيحب مش ممكن يبيع
حتى لو رجع ندمان لو رجعته تبقى اهانه زى ما القطه قالت


تسلم ايدك على الوضوع

انى اعانى من نفس المشكلة فقد انهاء خطيبى خطوبتنا فى 15 يوم بدون اى اسباب مقنعة وهو الان نادم على مافعلا وحاول الرجوع وانى متاكدة من انه نادم ولكنى خائفة ان ارجع ويرجع يعمل كده تانى مع انى احبه ولكنى خائفه علما بانه اول حب فى حياتى اريد معرفة ارائكم

اقتباس:

---

بص يا مودى فرصة وحدة اة اكتر من فرصة لااااااااا

---

اقتباس:

---

انا من راى ان اللى بيحب مش ممكن يبيع

---

اقتباس:

---

خائفة ان ارجع ويرجع يعمل كده تانى مع انى احبه

---

اقتباس:

---

اللي بيحب بجد بيضعف قدامالحبيب حتى لوكان ظالمة

---

اقتباس:

---

يبقى معنى كده انا بقوله اعمل فيه اكتر من كده

---

اقتباس:

---

لو باعك وسابك يبقى مكنش بيحبك من الاول .. عشان كده انا مستحيل افكر ارجعله تانى

---

بجد شكرا لكل اللى شاركو معايا
وطبعا الأختلاف فى الرأى لا يفسد من الود قضيه
وفعلا انا فرحان جدا لتفاعلكم مع الموضوع

وشكرا ً

انا هتكلم عن نفسى يا مودى واقولك لو رجعلى ندما ممكن اقبل الاعتذار وممكن ارجع بس صعب جدا انسى وابقى زى الاول طبعا لما بتتفرجعلى فيلم لاول مرة بتتشدلو لكنلما ترجع تتفرج مرة تانيه مش بتبقى بنفس الحماس يارب اكون عرفت اوصلك المعنى صح
او بمعنى اخر.........لو كسرت كوب ورجعت شربت فيه تانى اكيد هيسببلك جرح وده اللى هيحصل لو مغيرت الكوب او حاولت تصلحو وعفوا للاطاله

اقتباس:

---

المشاركة الأصلية كتبت بواسطة اميرة الجراح

انا هتكلم عن نفسى يا مودى واقولك لو رجعلى ندما ممكن اقبل الاعتذار وممكن ارجع بس صعب جدا انسى وابقى زى الاول طبعا لما بتتفرجعلى فيلم لاول مرة بتتشدلو لكنلما ترجع تتفرج مرة تانيه مش بتبقى بنفس الحماس يارب اكون عرفت اوصلك المعنى صح
او بمعنى اخر.........لو كسرت كوب ورجعت شربت فيه تانى اكيد هيسببلك جرح وده اللى هيحصل لو مغيرت الكوب او حاولت تصلحو وعفوا للاطاله

---

اكيد وجهه نظرك وصلتلى يا أميرة

بس انتى كده صح https://forum.masrawycafe.net/images/icons/icon6.gif

تسلمي

ونورتى التوبيك :)

انا من رئيي ان الى بيحب بيسامح وهو لو كان بيحبني بجد عمره ما كان هيكرهنى ولو باعنى اكيد هيكون غلطة والانسان مش معصوم من الغلط وكل انسان بيغلط وانا لو فى نفس الموقف دة هحتاج وقت افكر الاول عشان اتاكد من حبه والبعاد دة كان سببه ايه ... شكرا ليك موضوع جاامد بجد :) إيمى

لو هو بيحبني بجد يبقى هيبعني ليه
ماعتقدش اللي بيحب هيبيع اللي بيحبه
وان حصل صعب ارجع لانه هيكون اهني
وطبعا ماحدش بيقبل على نفسه الاهانة
هكون بحبه اه هكون لسه بحبه ويمكن كمان بتعذب عشانه
بس ارجع تاني اللييبيع مرة يبيع الف مرة
شكرا ليك مودي موضوع متميز وشيق

هي كلمة باعك شوية بتعمل حساسية وأكيد الكل حيجاوب
بلاء _ مش ممكن ارجع وهو باعني _
لكن لو صحيح بتحب لي باعك أو سابك مهما كان الظرف غصبا عنه
أو لسبب ثاني يكفي انه يرجع لك ندمان
وبيستعطف قبولك أكيد حتسامحه
يمكن ترفضه في الأول وانت من جواك بتتمنى انه يفضل
يحايل فيك ويطلب مسامحتك
( ده طبعا لو انت بتحبه ويهمك )
يعني يا مودي الانسان بطبعه خطاء
ولكي يسير الركب لازم نسامح
وحاجة ثانية حيفضل شايلهالك طول العمر
كفاية انه رجع ولقا القلب الي باعه فاتح دراعاته
وبيقوله مسامحك
يعني ولا حيفكر يبيعه مرة تانية
ده رأيي المتواضع

لو الحبيب باعنى ............ صعب أرجع له
السبب ......هنعيش مع بعض ازى اذ هو باع مرة لكن أسمحه فقط ........... وكل واحد يتحمل نتائج أفعاله
:-*:-*:-*:-*:-*:-*:-*:-*:-*:-*:-*:-*>:D<>:D<>:D<;););););)

انا عن نفسى مش ينفع ارجعلة تانى عشان طول الوقت هفضل فاكرالة انة جة يوم وبعنى وممكن يبعنى مرة تانى لية لا ماهو اتعود انة يبعنى وانا ارجعلة

هرجع لانى اكيد هكون بحبه وهو هيكون راجع وهو ندمان بس هسيبه شويه واحسسه انى مش لعبه
يسيبنى و يرجعلى وقت ما يحب
ميرسى:)

الف شكر لأرائكم الممتازة فعلا

واللى بيحب عمرة ما بيقسي ولا بيزل


ميرسي ليكو ونورتو التوبيك :)

بصراحة دا لو عليا لو كنت بحبه اوووووووووووووووووووووووو ىاكيد هسمحه

انما لو مش بحبه وحاجة كده جوايا سوده ليا فا مش ينفع اكلمها >:)

رجوع تانى استحالة لان الحاجز اتوجد

اقتباس:

---

بصراحة دا لو عليا لو كنت بحبه اوووووووووووووووووووووووو ىاكيد هسمحه

انما لو مش بحبه وحاجة كده جوايا سوده ليا فا مش ينفع اكلمها >:)

---

اقتباس:

---

رجوع تانى استحالة لان الحاجز اتوجد

---

شكرا لرأيك يا جنرال ويا مايا

ونورتو ا التوبيك

ميرسى يا مودى على الموضوع المميز ده....

أنا لو لسه بحبه هضعف قدامه واكيد هرجعله!!

ياجماعة على رأى مودى اللى بيحب عمرة ما بيقسى ولا بيزل ودة الحب ومعناة الحقيقى واكيد هو راجع ندمان وعرف غلطتة واتعلم الدرس كويس فلازم نحافظ على الحب واكيد هو هيبقى راجع بحب اكتر من الاول بكتير بس محتاج بس السماح وربنا بيسامح فأكيد العبد لازم يسامح ويدى الفرصة الاخيرة وبس ووقتها بجد هيعرف ان حبيبة رجعلة عشان يبقى ملكة ومش هيبعد عنة تانى ابدااا ابداااا

< باعنى >
حصلت معايا يا مودى و كان ردى إنى إخترت البعد بالرغم إنه صعب جدااااااا
لسبب بسيط ماكانش فيه سبب إنها تبيع إنسان حبها بجد
أه الحب فيه مسامحه اوك بس كمان لما تبقى الغلطه بسيطه
مش مره واحده كله يهون
موضوعك لذيذ يا باشا

انا رايي لو كان الحب قوي و متين اكيد سيتسامح معه
على فكرة كل اللي قال انو مش هيسامح بقولو مجرد كلام بس لانه لما يكون في الموقف و كان الحب كبير حيكون تصرف تاني ما راح يفكر انو باعو من فرحتو
وادا بتفكرو انو مع اول مشكلة تعاند و تقطع العلاقة مش حتكملو مع اي حد لانو مفيش علاقة من غير اخطاء

موضوع جميل طبعا وطبعا مافيش حد فينا مابيغلطش ولازم نسامح ونغفر لان الحب الحقيقى مش بيتلاقى بسهولة

اقتباس:

---

هو هيبقى راجع بحب اكتر من الاول بكتير بس محتاج بس السماح

---

اقتباس:

---

أه الحب فيه مسامحه اوك بس كمان لما تبقى الغلطه بسيطه
مش مره واحده كله يهون

---

اقتباس:

---

لو كان الحب قوي و متين اكيد سيتسامح معه

---

اقتباس:

---

مافيش حد فينا مابيغلطش ولازم نسامح ونغفر لان الحب الحقيقى مش بيتلاقى بسهولة

---

شكرا لكل من رد
والأختلاف فى الراي لا يفسد من الود قضيه
لكن انا شايف ان اللى بيحب بيسامح :)

وشكرا لكم :)

مش ممكن ارجعله خااااااااااالص

اللي بيحبكـ بجد سواء كان صديق او حبيب عامة
مستحيل يتنازل عنك للحظة واحدة
مستحيـــــــــــــــل
هاتقولي ماهو حس بقيمتكـ ورجع غلطان ندمان
هاقولك يبقى ارجعله واستنى منه جرح تاني قريب
بص حد بعد عنك وانت اديتله كل حاجة
ورجعلك تاني بيبكي يبقى تعرف
ان ده محبكش م الاول
وزي ما باعكـ مرة هيبيع تاني وتالت ورابع
ف ليه ده كله وكسر القلوب غالى
وانا قلبي غالى اووووووى

وثانكس ليك ع التوبيكـ بجد جااااااامد اخر حاجة