حبيبتى دموعى بتتكلم ...بتقول بحبك بحبك بحبك
حبيبتى تعرفى كل يوم بكلمك وباحكيلك وباشكيلك
باترجم احساسى لكلام يحسة البشر
بس اللى جوايا ابدا ماحسوش قبلى بشر
مليتى كيانى وحياتى وقلبى وعقلى ووجدانى
حبيبتى تعرفى وانا باكتب كلامى دة
عينيا بتدمع ...دموع حبى ليكى ..احلى دموع
نفسى اعيش بين ايديكى واموت بين ايديكى زى ما اتولدت على ايديكى
دموعى جاية من قلبى لعينيا ..بتنور وشى بنور حبى ليكى
كل دمعة بتوعد وعد ..هاكون مخلصلك ..هاكون حبيبك ..هاكون كل شىء ليكى
الدنيا كلها بتحسدنى عليكى ..لقيت حبيبتى لقيت تؤامى وهاعيش معاكى
دموع حبك نازلة على خدودى بتسابق بعضها
كل دمعة عايزة توفيلك اكتر من اللى قبلها
دمعة تقولك بحبك ...ودمعة تسبقها تقولك وحشتينى ..ودمعة خايفة عليكى
هحافظ عليكى واخاف عليكى من قبل ما نكون لبعض
حبيبتى شايف فرحتنا ..شايف حياتنا ..شايف ولادنا
شايف نور ..شايف ندى
عايشين معايا وعايشين معاكى ..حتة منى وحتة منك بيتحركوا وعايشين
ابدا ولادنا مش هيموتوا ....مش هندفهنهم بايدينا
ابدا احلامنا مش هتنتهى ..كل حلم حلمتة معاكى هنعيشة وهنحسة احسن ماحنا حسينة
انتى امانى والحنان اللى كنت بادور علية من زمان
انتى املى وعمرى الجاى و فرحة عمرى كلة
حبك علمنى ..شكلنى ..حببنى فى الحياة
اول احساس معاكى..كلمة بحبك ..وحشتينى ..باعشق عينيكى ..بيوحشنى صوتك
احساسى مكتوب باسمك وملكك ..ماينفعش يكون الا ليكى
حبيبى بريئة وشقية ..حبيبتى طفلة مش عادية ...حبيبتى بخاف عليها اكتر من عينيا
حبيبتى رقيقة وطيبة ...حبيبتى روحى ملكها...حبيبتى بجد بحبها
تعرفى دلوقتى قلبى بيتكلم ...روحى بتتعلم ....عينيا بتتأمل
قلبى بيتكلم بيقول بحبك
روحى بتتعلم معنى حبك
عينيا بتتامل جمال عينيكى
مارو وهبتك قلبى وعمرى الجاى وأمنتك على حياتى وروحى
عايز اعيش معاكى يوم بيوم وساعة بساعة
يوم حب ويوم هنا ويوم وفاء
قلبى نفسة يسكن جنب قلبك يسمع نبضة ورجفتة لما باكون معاكى
نفسى املى عينيا منك ..نفسى عينيا تكلم عينيكى ...قلبك يحس قلبى
بحب ضحكتك ..بعشق صوتك ...باموت فى تنهيدتك
معاكى بابقى اضعف واحد فى الكون ..ضعف الحب
باحس انى من غيرك اضيع
بيكى انا كل حاجة ..ومن غيرك ولا حاجة
كلام الدنيا كلة مايكفيكيش
مارو ماتسيبنيش
--------------------------------------------------------------
اول مرة اقول بجد ..انا بحب ..انا بعشق ...بقى ليا ملهمة
عرفت ودوقت وجربت بجد طعم الحب
ازاى بخاف عليها وازاى بتوحشنى وبابقى هاموت واسمع صوتها
هى حياتى ..معنى حياتى ...مغزى حياتى ...أمل حياتى
باصحى على صوتها ..وبانام على صوتها
وطول اليوم هى معايا
تعرفوا كل واحد فينا لما بيكون لوحدو بيبقى قافل على ايدة اوى
علشان عارف ان التانى معاة وحاضن ايدة
ماحدش فينا بيغلط علشان التانى شايفة
معاها انا طفل صغير ..بحب اسمع كلامها
معايا هى بيبى صغنن..بتسمع كلامى وبتطمن عليا
فيها حنية وحنان وادب ورقة وبراءة الدنيا
انتو عارفين اننا هنعيش مع بعض فى الدنيا وفى جنة ربنا
بنحب بعض وبنرضى ربنا ..وعايزين نكون مع بعض فى دنيتة وفى الجنة بردو مع بعض
امى وبنتى ومراتى وحور عينى
بعد كل صلاة كل واحد بيدعى ان التانى يكون احسن منة واننا نعيش مع بعض
عمرى مابانسى اى تفاصيل ما بيننا
اول عيد حب يعدى عليا....وانا بحبها
مع ان معاها كل يوم عيد حب
هى كل حاجة فى حياتى
يوم بتكون امى وباكون ابنها
يوم باكون انا بابا ..وهى بنتى
وكل يوم هى حبيبتى وانا حبيبها
اتعلمت منها كتير ولسا باتعلم
وعمرى ما اشبع من حبها
نفسى تفضل معايا ومش ازعلها ابدا
بحبك....بحبك....بحبك
