السلام عليكم ورحمة الله وبركاته
أولاً
أحب أشكرك يا إسراء إنك فتحتي الموضوع
ثانياً
جزاكِ الله كل خير عليه
ثالثاً
نناقش بئى
نقول أولاً إن التربية تفرق طبعا ودرجة التدين
يعني هتكلم عن نفسي مثلاً
أنا أظن إني لو قعدت مع واحده يوم كامل لواحدنا مش هقدر افتح معاها اي كلام الا لو هي اتكلمت
ثانياً
عايزين ناخد في الاعتبار اننا راكبين مركب واحده
مش هنا طبعا في المنتدى
أنا اقصد في مجتمعنا الإسلامي ككل
لو غرق حد هياخد الباقي معاه
يعني مثلاً لو الشباب غرق زي ماهو موجود الوقتي المجتمع هيفقد دراعه اللي بيعمل بيها
أو لو العواجيز غرقوا هنفقد برضوا عقلنا اللي بنفكر بيه
ولو الستات غرقوا هنفقد كل دول
اقولك ليه ياستي
زي ماقالوا المرأة نص المجتمع وتربي النصف الآخر
وقالوا برضوا
وراء كل رجل عظيم إمرأة
طب ياستي
الوقتي
شباب اليومين دول مش متربين وعندهم قلة أدب وكل حاجه
مع إن ده طبعا
أساسه من بيته
من أمه على التحديد
عشان هي اللي بتأثر فيه أكتر بتربيتها
يعني ست برضوا
نرجع نقول
ماشي الولاد مش محترمين وماعندهمش دين ولا اخلاق وغيره وغيره
ليه حضرتك وحضرتك وحضرتك تساعديه على البوظان
يعني مثلا
لو في واحد بايظ خااااااااالص
ونزل الشارع مثلا
ولقى كل البنات ماشيين محترمين لابسيين الحجاب ( الشرعي ) وخدي بالك من الشرعي ديه
هل هيعاكسهم وهيفكر يمشي مع حد
طبعا لا
وعلى العكس
لو واحد ملتزم جدا ومؤدب جدا
ونزل لقى الشوارع بالمنظر ده
مره اتنين تلاته
وهيبوظ
انتوا يابنات ويا ستات ليكم دور كبيرررررر جدا في المجتمع
تصوري كده واحده لابسه زي بنات اليومين دول
واتجوزت واحد طبعا اكيد شنكوتي خالص
هيطلعولنا ايه
اكيد مش هيطلعوا صلاح الدين ولا العقاد ولا زويل
هيطلعوا شناكيت صغيره
فاحنا في مركب واحده
لتغرق بينا سوا
لتنقذنا سوا
ولازم نمد ايدينا لبعض
مافيش حاجه اسمها حرية
مادام بتضر المجتمع
البنت تلبس زي ماهي عاوزه وتقول حريه
لا ديه مش اسمها حريه
ديه اسمها سخافه وقلة ادب
ولازم المجتمع يوقفها
عشان كده هي بتضر المجتمع كله
وصدق الرسول صلى الله عليه وسلم حيث يقول " مثل القائم على حدود الله والواقع فيها ، كمثل قوم استهموا على سفينة ، فأصاب بعضهم أعلاها وبعضهم أسفلها ، فكان الذين في أسفلها إذا استقوا من الماء مروا على من فوقهم ، فقالوا : لو أنا خرقنا في نصيبنا خرقا ، ولم نؤذ من فوقنا ، فإن يتركوهم وما أرادوا هلكوا جميعا ، وإن أخذوا على أيديهم نجوا ونجوا جميعا " رواه البخاري
والسلام عليكم ورحمة الله وبركاته
