بجد ساعدوني

=((أنا في حيره انا طالبه في الكليه وفى زميل معايا معجب بيا لدرجه قويه من 4 سنين من أول ما دخلنا الكليه وكل سنه كان بيحاول يبدى بيه اعجابه ليا أرفض وأقوله لسه بدري قدامنا وأنا ما بفكرش فى الأرتباط لأنى بصراحه كنت رافضه مبدأ اني ارتبط فى الكليه واعيش قصص الحب وتنتهى بفشل والكلام ده وكنت مقرره اول ارتباط وحب في حياتي يوم ما ألبس دبله الخطوبه مع الأهلي يختاروه ليا وبحكم علاقتنا ابتدى يتقدملى ناس كتير وكالمعتاد اهلى كانوا بيرفضوا لأنى لسه صغيره بس دلوقتى بعد ما وصلت ل4 كليه ابتدو يفكرو فى البيتقدمولى وكده فأنا مش عارفه أتخطب لأي واحد من البيتقدمولى وخلاص خطوبه تقليديه وعد كده ممكن أحبه ولا أدى الفرصه لزميلى ده وأخذ البيحبنى وخصوصا ان من ناحيتي ابتديت اعجب بيه اوممكن معجبه بحبه الشديد ليه وتمسكه بيا مع العلم ان المفروض ان قدامه لسه طريق طويل لسه بقينا سنه فى الكليه لاننا في أحدى كليات القمه وبرده ياعالم الجيش وظروفه وبرده هو علاقته مع ربنا قلقاني مش منضبط اوي بس حاسه انه ممكن يتغير وأخذ فيه ثواب فعلا انا محتاره خايفه أرفضه وأندم بعد كده على انى ضيعت انسان كان بيحبنى بجد وانا فعلا واثقه من مشاعره لانه بسهوله كان ممكن يرتبط السنين الفاتت ديه كلها وخلاه متمسك بيا رغم عدم احساسى بيه كل الفتره ديه ولا أوافق وخلاص على الجاهز وانا معرفش عنه اى حاجه غير شكر الناس فيه وفى أهله وفى النهايه أنا أهلى سيبني حريه الأختيار ووالدتى نفسها محتاره وبتقولى ان من ناحيه الدين الشباب كلهم فى بدايه حياتهم بيبقوا بعاد شويا عن ربنا وبعد كده ربنا بيهديهم لأنها عارفه موضوع الدين فارق معايا اوىوأنا بصلى أستخاره وكيد الخير ربنا هيقدمهولى بس ياريت اعرف ردودكم وفى النهايه اسفه على الاطاله

اولا الموضوع انتي كتبتيه ورديني علي نفسك في نفس الوقت ....

انت يردتي الموضوع وبعدين سيتي الموضوع علي ربنا يبقي رأينا ملهوش لزمه ...

واذا كان علي رأينا يا ستي ...

خدي رأي انا ...

بما اني خبره يعني ...:))

لو انت حاسه انه بيحبك بجد ومتمسك بيكي وشاريكي وانتي حاسه بأنجذاب من ناحيتك ليه فا مفيش مانه انك تستني وتنتظريه طول حياتك ..

لان الحب برضو تضحيه فأنت لازم تضحي بحاجات كتير علشان تقدرو تكملو مع بعض ...

بس اهم حاجه انه يكون في انجذاب وتوافق بينكم

بمعني اتك تكوني ملاحظه ان طاعك قريبه من طباعه ومستواكي قريب من مستواه ...

وتكونوا انتم الاثنين فاهمين بعض كيس جدا ويا ريت لو قدرتو تقربو من بعض شويه قبل ما ييجي يتقدم او اي حاجه من الرسميات ..

وطبعا انتي مش فهماني غلط بالجمله اللي عدت ..

وخلي بالك حاولي تسألي صحباتك اللي معاكي في الكليه ( كليه القمه ) ( الـ يعني اسمك كش معرفنا انك في فني صنايع ) :-B يا دكتوره عن اخلاقه وعن كل حاجه انتي تقدري تعرفيها قل ميا يتم اي شيء رسمي ...

ولكي من حياه سعيده بأذن الله تعالي ...

تقبلي مروري الرخم ...:-B

وانا كمان بأيد رأي ماج مان جدا

وطالما انتي شايفه انو بيحبك ومتمسك بيكي اوي كده

يبقى نصيحه من اخ لاخته متضيعيهوش

وبتمنى لكي حياة سعيدة

تحياتي

انا مش عارف ايه السلبيه واللامبالاه اللى انتى فيها دى
يعنى انتى الاول رفضتى حبه بسبب مستقبلك وخوفك من فشل القصه
عايزه توافقى على اى جوازه والسلام بعدها ليه ..
ماتصبرى وتفكر كويس فى القرار اللى مش هينفع فيه راجعه
ولو انتى ابتديتى تعجبى بزميلك ده يبقى ايه المانع انك تديله الفرصه يدخل حياتك وتكونوا مع بعض على الاقل هيبقى شاريكى وفاهمك وبيحبك وانتى كمان

<P><FONT size=5>شكرا على مرورك المش رخم<IMG class=inlineimg alt=0 src="https://forum.masrawycafe.net/images/smilies/4.gif" border=0 smilieid="15"> وبجد الواحد احيانا بيبقى محتاج يسمع لراى الناس ومنكم نستفيد<A class=bigusername href="https://forum.masrawycafe.net/member.php?u=162"><FONT color=#336699 size=2>MagMan</FONT></A>&nbsp;وماله فنى الصنايع والله زى الفل<IMG class=inlineimg alt=0 src="https://forum.masrawycafe.net/images/smilies/15.gif" border=0 smilieid="26"></FONT></P>

<P><FONT size=4>شكرا على ردوددكم ليا جميعا</FONT></P>
<P><A class=bigusername href="https://forum.masrawycafe.net/member.php?u=8052"><FONT color=#800080 size=2><B>m.chezoo</FONT></B></A>
<SCRIPT type=text/javascript> vbmenu_register("postmenu_327579", true); </SCRIPT>
</P>
<P><FONT color=#708090 size=4>انا مش عارف ايه السلبيه واللامبالاه اللى انتى فيها دى </FONT><BR><FONT size=4>مش فكره سلبيه بس انا فعلا بخاف من الجرح نظرا لانى مريت بظروف صعبه فى حياتى فحاسه انى مش حمل انى انجرح وخايفه انى احاول اتقربله هو يتعلق بيا اكثر وانا لا فبالتالى اعيش بعقده ذنب&nbsp; بس ربنا يسهل واحاول اعمل بنصيحتكم <IMG class=inlineimg alt=0 src="https://forum.masrawycafe.net/images/smilies/22.gif" border=0 smilieid="33"></FONT></P>

انا فاهمة قصدك انت الاول كنتى تقولى لنفسك مش هحب غير اللى اتجوزو صح وانك مش هتحبى قبل كداغير اللى هتتخطبى ليه
وبتقول لنفسك لية اعيش قصة حب فاشلة واعذب حد معاية واتعذب انا كمان بس لما جيتى دخلتى فى الجددد ولقيتى نفسك ممكن ترتبطى بحد انتى متعرفيش عنو حاجة خوفتى واترددتى واكتشفتى انك مش هتقدرى توفقى على حد الا لو كان عندك عنو فكرة مش شرط قصة حب بس على الاقل فكرة عن شخصيتو وعن طبعو وكدا يعنى
فكرك اللى اتغير دا هو اللى خلاكى تبتدى تهتمى بزميلك ويلفت نظرك لان تفكيرك اتغير بس عارفة مدام متاكدة من حبو ليكى وانتى حاسة بمشاعرك اتحركت نحيتو جربى تقربو من بعض بس لازم تكونى متاكدة من مشاعرك كويس علشان لو اخدتو قرار ان انتو ترتبطو ببعض تقدرى تستحملية وتستنية مش تيجى فى نص الطريق ومتكمليش وزى ما انتى بتقولى اهلك سايبين ليكى حرية القرار يعنى عندك فرصة تفكرى وتختارى من غير ضغط
اما حكاية انضباطو دى اللى بيحب حد بجد بيتغير علشانو ويحاول يرضية ويسعدو
وربنا يسعدك يارب ويعمل ليكى اللى فية الخير:x

اولا انا مش محتاجة منك غير حاجة واحدة بس التفكير السليم فى كل جوانب مشكلتك لانى بالطبع مش انا اللى أختار لك تتجوزى مين او أساعدك
وانا معجبة براى أصدقاءنا بالمنتدى لكن انتى رأيك أهم
وعشان كدة هاوضح لك نقط انتى لازم تفكرى فيها
1- هل الزواج فى الفترة دى او الخطوبة مش هايعطلك عن متابعة دراستك وعملك كطبيبة
2-هل بعد دراسة سبع سنوات طب وبعد ذلك تعين بمستشفى حكومى وفترة أمتياز وتدريب هاتقدرى كمان تنتظرى شخص قدامه على الاقل اربع او خمس سنين بعد تخرجه لبداية الخطوبة مش الزواج وهل لو وافقتى انتى على الأنتظار أهلك هايوافقوا
3- هل ستقفى بجانبه وتسانديه وتخلصى له وتبادليه حبه ولا تكتفى بحبه لكى وتستغلى ذلك فى فرد ارادتك وسيطرتك
4- هل ستبعدى شبح الندم على خطوبتك له وانتظارك معه وياريت كنت خدت فلان من الواضح انه بيحبنى أكتر وكمان ظروفه أحسن ومستواه المادى أحسن فتحطمى قلبه بندمك أو تركك له
4- لاتغفلى ان زواج الأطباء من بعضهم يحتاج بعض تضحيات فأثبات ذاتك بعد سبع سنين من الدراسة الصعبة واجب فزواج أتنين أطباء يحتم انك تتركى المجال فترة لزوجك أثبا ذاته وعمله بعدانجاب الاطفال لانك ستتعبى كثيرا عندما تمارسى االمهام جميعها بنفس الوقت هلى يمكن تساعديه فى أثبات ذاته وانتى بجانبه وليس أمامه لو طلب منك ذلك
5- الزواج يبنى ياصديقتى على أسس أهمها الود والتوافق والأحترام المتبادل والوقوف بجانب شريك العمر فى السراء والضراء
أعقليها وتوكلى على الله
جينا

بصي يا بنت الحلال

أولا وأخيرا انتى لسه سنك مش كبير (مش هتعنسي يعني :))

الراجل ده انا شايفه انه شاريكي
وبيحبك بجد

بس انتى كنتى فى فترة انانيه شويه
بس انانيه بعقل

كنتى انانيه لأنه هو حبك وانتى رفضتى
لكن اتى لما أبتديتي تعجبي بيه . فكرتي فيه !

وده مش عيب
لكن العيب انك ترفضيه لمجرد ان هو لسه بيبنى حياته

انتى ممكن ترتبطى بواحد مليونير
لكن مش بيحبك ومش حنين عليكي
مش هتقدري تقوليلي يا حبيبي من قلبك

هتبيقى حياتك بلا قلب ......

وده أحنا مش عايزينه

انتى تدي فرصه لزميلك ده وتقوليلو

... بص يابن الحلال . انت لو فعلا عايزنى وبتحبنى بجد
أدخل الباب من بيته
وتعالا ولو حتى تقري فتحه
وانا مش ممانعه

وتبتدو مع بعض قصه كفاح وحب وأمل


وتوتا توتا وخلصت الحدوته =))

مستنى ردك :)

بجد شكرا ليكم اوى ياجماعه على ردودكم والله رايحتونى شويا وخلتونى اخذ بالى من حاجات كنت مش واخذه بالى منها وبجد رأيكم عجبنى وعلى فكره ياجينا انا أخر سنه ليا السنه الجايه لأن كليتى 5 سنين بس فالموضوع مش هيطول أوى كده وبجد اقتنعت برأيكم وأكيد ربنا هيقدملى الفيه الخير بس أدعولى بس براحه البال :xميرسى ساره ,جينا ,مودي ,شيزو ,ماج مان,انتهينا/:)

هقلك كلمتين اتنين بس في مثل بيقول خد اللى يحبك ومتخدش اللى بتحبه بس

انا هقلك كلمتين اتنين في مثل بيقول خد اللى بيحبك ومتخدش اللى بتحبه بس

طيب ما تصلى صلاه استخاره وشوفى كده هتحسى بايه

وافقى على اللى بيحبك واوعى تكسرى قلب بيحب بجد

ممكن ااقولك حاجة


متخديش برأى حد



انتى فكرى وشوفى انتى عايزة اية واقعدى مع نفسك واحسبيها كويس وشوفى الافضل وانتى اللى عارفة ظروفك مش احنا

واكيد هتخرجى بالقرار السليم اللى هيريحك

بس نصيحة

اوعى ننجوزى جواز تقليدى لأنك هتتعبى اوووى

على فكرة انا واحد من الناس فكرت اتجوز جواز تقليدى بس والله فية ظلم كبير

بس هو بيبقى مفيش غيرة طالما الفشل هو اللى بيبقى مصاحب اى فرصة للجواز اللى فية حب وتفاهم

وسيبيها للمولى هو اللى هيعدلها

تقبلى مرورى

شكرا ليكم اوى وبجد أدعولى بالخير :)

بجد أنا حاسه بيكى أوى لأنى حصلى موقف مشابه
وفى الأول برده بعدت وكنت خايفه اتجرح أوتحصل أى ظروف
تخلينا نبعد..بس لما لاقيت أن الانسان ده بجد بيحبنى
وبجد شارينى وفعلا عنده استعداد يتغير علشانى
فلاقيتنى برده بتشدله زى ما انتى بتقولى
وقررت انى هجرب عشان هو حد يستاهل
وفعلا انا دلوقتى حاسه انى طايره فى السما مش على الأرض
ياريت لو هو بيحبك بجد مش تسيببه بس لازم تتأكدى فعلا
انو بيحبك بجد لأن فيه شباب صبوره جدا فى انها تصطاد البنات
اسفه طولت عليكى..بس اتمنى انى اكون أفادتك

الاول اهلا بيكي يا قمرفي الكافيه
بصي هو لو ابدي اليك باعجابه مرة تانية انتى ممكن تقوليله
انه يدخل من الباب وساعتها هتعرفى الرد اللي انت عايز تعرفه
لكن لو مكلمكيش تاني
بصراحة انا مش عارفة اقولك ايه بس
لازم ساعتها تنسيه....
بس ممكن تروحي تقوليله انا عايزة بوتجاز...
انا بهزر وان شاء الله يتحقق كل اللي بتتمنيه...
واهلا بيكى في الكافيه مرة تانية..

بصى ياحبيبتى انت بنفسك قولت ان زميلك ده لسه أدامه شويه الجامعة وبعدين ياعالم الجيش وخلافه والشخص اللى متقدملك اوكى انت مش تعرفيه بس أكيد لازم هتعرفيه بعد الخطوبه وهتدرسيه كمان وأكتر الجوازات الناجحة بتبدتى بكده الخطوبه التقليديه وبعد كده هتحبيه أكيد قبل الجواز ولو ياجميل مش الشخص اللى انتى عايزاه بكل بساطه هتقولى لأ بس هيبقه فى النور برضا أهلك وبكرمتك والله أعلم بزميلك ده أخرته ايه أو ناوى على الارتباط ولا؟؟ بدل ماتخسرى كل حاجه وأهلك مش هيصبروا عليكى وانت معاه وهتتعبى وتتعذبى فالأحسن تشوفى حياتك والحمد لله انك مش كلمتيه أو اتعلقتى بيه بجد وفكرى بعقلك فى المواضيع دى بس بقه لو كنت حبيتى زميلك ده يبقه موضوع تانى وتفكير تانى انت أدرى بحالك مننا:x:x
وربنا يوفقك وكفاية صلاة الاستخارة هتبين ليكى الصح من الغلط فى الشخص اللى متقدم :x

;;)طولت عليكى اقبلى أسفى;;)