أشعر بحالة من الاكتئاب

انا أشعر بحالة من الاكتئاب من فترة وباني لا أرغب بالتحدث الى الناس لا أرغب برؤية أحد حتى أصدقائي وأعز الناس الى قلبي.

حتى في أجمل الاوقات التي يكون الجميع فيها سعيدا أشعر بأني حزينة بدا الامر يتطور حت أني بدأت أشعر بالانطوائية ليس هناك من شيئ جميل في أي مكان ومع أي كان ارجو منكم بالنصيحة ؟

اقتباس:

---

المشاركة الأصلية كتبت بواسطة ‏حــــ$$$ـــــنــاء

انا أشعر بحالة من الاكتئاب من فترة وباني لا أرغب بالتحدث الى الناس لا أرغب برؤية أحد حتى أصدقائي وأعز الناس الى قلبي.

حتى في أجمل الاوقات التي يكون الجميع فيها سعيدا أشعر بأني حزينة بدا الامر يتطور حت أني بدأت أشعر بالانطوائية ليس هناك من شيئ جميل في أي مكان ومع أي كان ارجو منكم بالنصيحة ؟

---

بصى ياحسناء فى ناس كتيرة بتمر بالحاله دى وانا ممكن اكون بمر بيها كتير
بس حاولى انك تغيرى من روتين حياتك
وصلى بجد وادعى ربنا يفرج كربك وهتلاقيها فرجت وبقت تمام

والله ياحسناء انا كمان عندي نفس المشكله واكبر منها 100مره انا بقي ماعنديش اخوات بنات وكمان انا في بلد مش اللي عشت فيها للاسف اتنقلنا للبلد اللي احنا عيشين فيها دي من سنتين وكمان خلصت كليه يعني حياتي القديمه خلاص انتهت خالص كل حاجه اتغيرت حاسه اني عايشه في دنيا تانيه وطبعا ماعنديش صحاب خالص ولا اعرف حتي الجيران وعلي طول في اودتي لما اتخنقت وبقيت بكلم نفسي وتعرفي اكتر حاجه اكرهها اني اروح افراح او اني اخرج اصلا ورغم اني كنت بموت في الرغي والخروج بس اتغيرت كتير واتخنقت من الدنيا خالص وغير كده الحد الوحيد في الدنيا اللي بيريحني او بيزيد تعبي بيدلع جامد وزهقني اكتر ماانا زهقانه هو ممكن يكون العيب عندي اني كتير بتعامل زي الاطفال وبهبل في الكلام بس برده يعني اتغير ازاي ودي الدنيا اللي انا عايشه فيها ممله ممله ممله صدقيني لو كان عندي حل كنت كتبته بس للاسف انا زيك طهقانه

اقتباس:

---

المشاركة الأصلية كتبت بواسطة ‏حــــ$$$ـــــنــاء

انا أشعر بحالة من الاكتئاب من فترة وباني لا أرغب بالتحدث الى الناس لا أرغب برؤية أحد حتى أصدقائي وأعز الناس الى قلبي.

حتى في أجمل الاوقات التي يكون الجميع فيها سعيدا أشعر بأني حزينة بدا الامر يتطور حت أني بدأت أشعر بالانطوائية ليس هناك من شيئ جميل في أي مكان ومع أي كان ارجو منكم بالنصيحة ؟

---

نصيحة مني يا حسناء اقنعي نفسك انك في احسن حالة وانك سعيدة حتى لو بالكدب في الفترة الاولى هتحسي بزهق بعد كده هتلاقي نفسك سعيدة بجد وكمان كل ماتحسي انك مش عايزة تكلمي حد او تخرجي قومي صلي واتصلي باي حد من اصحابك وكلميه في اي حاجة مش متعلقة بخنقتك وصدقيني انا كمان بعمل كده وبيجيب نتيجة:x:x:x:x:x

اقتباس:

---

المشاركة الأصلية كتبت بواسطة نور نور

والله ياحسناء انا كمان عندي نفس المشكله واكبر منها 100مره انا بقي ماعنديش اخوات بنات وكمان انا في بلد مش اللي عشت فيها للاسف اتنقلنا للبلد اللي احنا عيشين فيها دي من سنتين وكمان خلصت كليه يعني حياتي القديمه خلاص انتهت خالص كل حاجه اتغيرت حاسه اني عايشه في دنيا تانيه وطبعا ماعنديش صحاب خالص ولا اعرف حتي الجيران وعلي طول في اودتي لما اتخنقت وبقيت بكلم نفسي وتعرفي اكتر حاجه اكرهها اني اروح افراح او اني اخرج اصلا ورغم اني كنت بموت في الرغي والخروج بس اتغيرت كتير واتخنقت من الدنيا خالص وغير كده الحد الوحيد في الدنيا اللي بيريحني او بيزيد تعبي بيدلع جامد وزهقني اكتر ماانا زهقانه هو ممكن يكون العيب عندي اني كتير بتعامل زي الاطفال وبهبل في الكلام بس برده يعني اتغير ازاي ودي الدنيا اللي انا عايشه فيها ممله ممله ممله صدقيني لو كان عندي حل كنت كتبته بس للاسف انا زيك طهقانه

---

على فكرة يانور الحياة مش مملة ولا حاجة وبعدين احنا اخواتك البنات اللي انتي عايزاهم واوجهلك نفس النصيحة اللي وجهتها لحسناء

اقلك ارمي الدنيا ورا ضهرك واكيد دي مشاكل حب صح وارجو ان تكوني محبه للدنيا وللحياه وحبي الدنيا وهي عمرها متديكي ضهرها وتقربي من ربنا اوي وصلي بس اخوكي في الله عمر الحلفاوي وده راي انا

اسمحوا لى تكون دى اول مشاركة ....اديكم الاول فكرة سريعة عن نفسى اذا سمحتم عشان اوصل اللى عايزة اقوله ......انا متزوجة من 14 سنة وعندى بنتين وولد و الحمد لله على كل حال بس انا حاسة ان الحياة فيها حاجات جميلة كتير ممكن نعيشها لكن جوزى وولادى مش مدينى اى فرصة على طول وقتى اللى فاضل بعد ما ارجع من شغلى بيكون مشغول بالبيت و بطلباتهم اللى ما بتخلصش ليل ولا نهار فأنا صعبان على نفسى جدا وكل يوم باغرق فى الاكتآب لان عندى هوايات مالهاش حصر و نفسى ارجع امارسها تانى ومش مالكة خالص فأنا انصح الاختين نور وحسناء اولا بالتذكر دائما بشكر الله على نعمة استمرار الحياة التى قد حرم منها غيرنا ....وبعدين حاولوا تشغلوا نفسكم بأى حاجة مفيدة تخطر على بالكم حتى ولو شفتوها بسيطة فى الاول ......و بعدين فيه حاجة مهمة جدا جدا .......انكم ماتستنوش التغيير من الناس اللى حواليكم لانهم ممكن يكونوا بيحبوكم بس مش فاهمين طبيعتكم كويس فمش عارفين انتم محتاجين منهم ايه ابدأوا انتم و جربوا طرق تانية اذا كانت الطرق بتاعتكم مانفعتش فى التفاهم مع الآخرين .....اسفة طولت عليكم وتقبلوا تحياتى وطمنونى عليكم

مشكورين على النصائح والمساعدة

تحياتي لكم

نصيحتي ليكي التمسك بالدين

قال تعالى : (( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى )) سورة طه الآية رقم 124

بصى حاولى تركزى ف اى حاجه علشان تخرجى من المود ده

وقربى من ربنا وكمان مامتك وان شاء الله هتعدى المرحله دى

بصى يا حسناء انا بصراحة جربت الحالة دى وبجد احلى شئ هو الدعاء والاستغفار
وقول( لااله الا انت سبحانك انى كنت من الظالمين )

(واللهم انى اعوذ بك من الهم والحزن واعوذ بك من العجز والكسل واعوذ بك من غلبة الدين وقهر الرجال )

( ولا حول ولاقوة الا بالله)
ودعاء والتضرع لله واظهار ضعفك واحتياجك لمساعدة الله ومرة فى مرة ربنا هيشيل الحالة دى
وطبعا حاولى تتقربى من اهلك واصدقائك ومتبيش نفسك للشيطان

ولاhttp://www.masrawycafe.net/upload/up...6d5c712a47.jpg


ولازم طبعا تعرفى ايه سبب الحزن ده وتفضفضى لربك ولحد تثقى فيه او اعرضى مشكلتك هنا وان شاء الله تلاقى الحل وكمان لازم تشوفى حال الناس ما تعشيش لنفسك بس هتلاقى ان مشكلتك دى بسيطة قدام مشاكل الناس ولازم تعرفى ان احنا فى دار ابتلاء واللى يصبر ينول واحمدى ربنا فى سراء والضراء والجئيله وان استمريتى لمدة كبيرة ممكن تستشيرى اخصائى نفسى لان لازم كمان ناخذ بالاسباب ونتوكل على الله وربنا يفرج همك وهم جميع المسلمين

مشكورة حبيبتى حنين على المساعدة والنصيحة والله بحاول اغير حياتي و اتقرب الى الله اكتر

تسلمين اختي

" لو علمتم الغيب لااخترتم الواقع "