هو الزمن دا كده
لما نقابل قلب يسأل
كالعادة نبعد !
وما نعرف بنبعد ليه
ودايما منه بنزعل
والذنب جاي عليه
وإن فكر يوم يقرب !
نهرب من بين عينيه !
هو إيللى شاري الزمن دا
كل العيوب فيه !
ولا إنت قولك إيه
مش يمكن قلبه صافي ؟
و عشان قادر يوافي
وبشوق مادد إديه
أوام بسرعة نأسى
ونقول دا فيه وفيه
إيه ايللي شفته منه ؟
ومنين عرفت عنه ؟
إن إنه ؟ وإنه !
وقادر تحكم عليه
يعني الوجوه حقايق ؟
تحكي ايللي حاسس بيه !
ولا القلوب تضايق !
ما تقولي قولك إيه ؟
ماهو الزمن دا كده !
ما يفرق بين داه وده !
وليه كمان كل ده ؟
طالب تنول الرضا !
من قلب خالي الرضا !
لاعمره رد ندا ؟
ولا كان لهمسه صدى ؟
والهجر ساكن فيه !
ماهو الزمن داه كده !
ولا أنت قولك إيه؟
وأرجع و أقول يا صاحبي !
الدنيا لسه بخير !
فيها قلوب ياما
تتمني ليك الخير
طول ما فيه بالسما!
جناحات فوقينا تطير!
فخلي عندك أمل!
تسكن بقلب كبير
حنانه بيك يكتمل!
وشوقه ليك يناديه !
ماهو الزمن دا كده!
ولا أنت قولك إيه
كلمات ل محيى
