السلام عليكم جميعا
رايح فى النوم .. زى العاده بعد يوم لعب وتعبان جدا ..
يرن الموبايل .. رنته مزعجه جداااااااااا ..
صحيت على صوت .. مصطفى صاحبي
مصطفى : الو
انا : ايوه يا عم قلق خير
مصطفى : عاوزك تجيلى دلوقتى
انا : مالك يا ابنى
مصطفى : محمود مقالكش ولا ايه " صوته مخنوق قووى " ؟؟
انا : قالى ايه ؟؟ فيه ايه يابني " مفزوووع " ؟؟؟
مصطفى : إيهاب .. تعيش انتا
انا : !!!!!!!!!؟؟؟؟؟؟؟؟؟؟؟.............,,,,,, ,,,,,,,,,,
شلة صحاب .. واحد وقع منهم فجأه ,, وهما لسه يادوب ف عمر
الاحلام والاصرار على تحقيقها ..
حسيت اننا كبرنا قووى .. ورايحين نشيل جثة واحد كنا ماشيين
معاه امبارح .. نسمع قرأنه فى العزا ..
وناخد عزاة من الناس .. نحضن بعض بحرقه .. نفتكر .. ونفتكر
ف ذكريات جمعتنا سوى ..
وحاجات كان ممكن تجمعنا ..
الموضوع مش بس ايميانيات يا خواننا .. كلنا هنموت منا عارف
وده طبيعي ,,
لكن المشكله كلها فى اننا بنكبر .. يمكن مش حاسين او مش
عاوزين نحس ..
ماشيين واحنا عاوزين ومصرين على اننا نفضل ف نفس المرحلة
بنفس طبيعتها وطبيعتنا البريئة ..
ومش فاهمين اننا بجد بنكبر ..
واللى كنت بتعمله امبارح مش هتقدر تعمله النهارده ..
واللى كنت بتعمله النهارده مش ممكن ينفع تعمله بكره ..
الدينا كل يوم بحال وانتا كمان كل يوم بحال ..
والحياه مراحل ,,
لازم تعيش كل مرحله فيهم بمتطلباتها وتكون قادر عليها بكل
تفاصيلها ..
دلوقتى احنا كبرنا ..
بعده هنعجز ..
فكرت هتعمل ايه ف بكرة .. وفكرت محضر ايه لبعده ..
صدقنى كل يوم بيعدى بيزود علينا احمال كتير قووى
المسؤليات بتزيد ..
الاحلام وقت تحقيقها المفترض بيقرب مننا
والعمر بيجرى ..
ووسط ده كله مصايب بتهزنا .. تفوقنا لو كنا من جوه اقويا ..
وتكسرنا لو كنا من جوه ضعاف .. وتجبرنا على اننا نجرى احنا كمان ..
وبنتمنى اننا نوصل فى المعاد ..
وتقبلوا خالص تحياتي
