العذاب في مصر فوق الارض وتحت الارض !!!!

فرج إسماعيل مواطن مصري يملك مصنعا للبلاط كان في طريقه إلى المنزل



. يقول


كنت في محطة مترو أنفاق شبرا.. عسكري مجند طلب مني البطاقة وأخدني على مكتب أمين الشرطة.. فتشوني وطلعوا كل حاجة من جيوبي.. ما لاقوش حاجة.. جيت آخد حاجتي أمين الشرطة حجز علبة السجاير على جنب.. طلبت العلبة بتاعتي.. العسكري المجند ضربني ببوز جزمته في قصبة رجلي.. ضربته.. أمين الشرطة راح ضاربني.. وأخدني على محطة مترو أنفاق العتبه.. عرفت بعدها إن ده قسم رابع شرطة مترو الأنفاق. دخل الضابط وعرفت اسمه.. المقدم أشرف طه.. ضربني قلمين وشتمني واتصل بمركز شرطة الجيزة.. ما لقاش علي حاجة.. اتغاظ.. غافلني وضربني بالبوكس في بقي.. شفتي اتعورت.. غصب عني شتمته.. راح جايب أمناء الشرطة.. قلعوني ملط.. وربطوا إيدي ورا ضهري بالبنطلون.. وعلقوني من خلف وإيدي ورا ضهري في ركن الأوضه.. علقوني في حاجة ما شفتهاش.. عصبوا عنيا بقميصي وسدوا فمي بالفانلة الداخلية وحطوا سلكين على راسي وكهربوني.. ساعة الصدمة كنت بأرتعش وأشوف دواير شرار قدام عيني تحت الغماية.. ساعة ما علقوني كنت واقف على ترابيزه وبعدين شالوا الترابيزة.. مع الضرب والكهربا الرباط فك.. جم اتنين أمناء شرطة.. شدوني من رجلي وأنا متعلق.. وأنا في الوضع ده ادوني صدمة كهربا.. اتعذبت ساعات طويلة.. يعلقوني شويه وينزلوني شويه أعمل تمارين.. أرفع دراعي لفوق وأرجع أتعلق تاني.. التعذيب تم في حجرة رئيس المباحث أشرف.. كنت بأنام في أوضه تانية مجاورة على الأرض جوه قفص حديد.. اليومين التانيين، الأربع والخميس، بدأ الضابط يحط لي مرهم على الإصابات الظاهرة.. لما اتحسنت الإصابات سابني يوم الخميس 23 يناير، وقال لي: ما تشتكيش.. أخوك المحامي مش هينفعك.. واحنا حكومة هنجامل بعض


يقول الأستاذ جمال رجب إسماعيل المحامي (أخو فرج


لفيت على أخويا جميع أقسام الشرطة والمستشفيات.. طبعا اللي فوق الأرض.. ما لقيتهوش.. لغاية ما لقيته داخل علينا يوم الخميس 23 يناير. قعدت أربع ساعات أحاول أسجل محضر ضرب في مركز شرطة الجيزة وهم مش راضيين


جاء في تقرير الطب الشرعي:
أن السيد فرج رجب إسماعيل يعاني من إصابة مزدوجة في الضفيرة العصبية للذراعين نتيجة إصابة مباشرة وجذب أعلى للذراعين نتج عنها ضعف شديد وضمور في عضلات الذراعين وضعف في الإحساس يشمل أساس الأعصاب من الخامس إلى الثامن من الناحية اليمنى ومن الخامس إلى السابع من الناحية اليسرى


هل كان المقدم أشرف طه إلى ذلك الحد في حاجة إلى سيجارة؟؟
أم كان مطمئنا إلى أنه لا يوجد قانون يردعه و"إن الحكومة هتجامله" على حد تعبيره؟

بسم الله الرجمن الرحيم

حبيبى ابحث هذا الموضوع وستجد ان شاء الله به ارقام خدمه الجمعيه
وهذا الرابط لاتنسى انت تفحصه
http://masrawycafe.com/vb/showthread.php?t=3365
رجاء لاتنسى ان تبلغ الجميع بما حدث وشكرا

لو كان فرج تعرفيه ابلغينا بما حدث بعد ان تاخذى الارقام من الجمعيه الى بيقولو عليها وياريت تكون جمعيه صحيح ما تكنش كده وكده

لا حول ولا قوة الا الله
المفروض مش يسيب حقه ولو ايه اللي حصل
ولو صوته طلع الاعلي جهة في مصر
شكراً روللي

تسلمو علي المرور

مفيش فايده في مصر


هايفضل نباح الكلاب أعلى من عويل البشر

تسلم مسلم علي المرور

نورت بتواجدك

شكرا روللى للموضوع منهم لله رجال الشرطه بجد فاكرين انهم مش هيجيلهم يوم
يتحاسبو بس ربنا فوق الجميع

عندك حق يا منون
تسلمي علي المرور
نورتي يا جمر

تسلمى يا عسل
على موضوعك الرائع

اقتباس:

---

المشاركة الأصلية كتبت بواسطة treka777

تسلمى يا عسل


على موضوعك الرائع

---

تسلم يا جميل

علي مرورك الاروع

نورت بتواجدك