عرض للطباعة
ازيكم يا شباب انا حبيت افتح الموضوع ده
عشان كلنا نتعلم من بعض فى المواقف ونحاول نقلد الصح
نتلافى الخطا ----
ممكن كلواحد منكم يقول اغرب موقف اتعرض له
ازاى خرج منه واستفاد ازاى ومكنش متخيل ان ه ممكن يحصله ------
ايه هو اغرب حاجه اتعرضتلها يلا قول
موقف هزك غيرك عجبك هستنى ردكم .
هممممممممم
موضوع كميل كميل يعني
شوفي يا جمر
انا اغرب موقف وقعت فيه
كان في الثانويه العامه
يوم جواز اختي الكبيره
المفروض ان انا حروح الكوافير البس واتمكيج واعمل طرحه والحاجات دي
المهم ان انا كان عندي امتحان شهر وبابا مش عايزني اغيب عشان الدراسه مهمه وكلام الابهات ده
وقبلها بيومين روحت للوكيل قولتله ينفع احضر الامتحان واخرج عشان الحق معاد الكوافير وشرحتله الموقف ده يعني المهم قالي اه ينفع هاتي اختك بالطاقه وتخرجي معاها قولت كويس
جه اليوم وكنت علي اخري عشان خلصت الامتحان واختي اتاخرت جت هي وبنات عمتي الاتنين
المهم جيت اخرج معاه الامن مرديش وقالي لازم ورقه من المديره
اترفزت اكتر وروحت للوكيل وقولتله الامن مش راضي يخرجني قالي وانا مالي
قولتله حضرتك انا حكيتلك علي الموقف وقولتلي ينفع اختي تيجي تاخدني
قالي انا مقولتش حاجه واختي واقفه جمبي مكسوفه جدا
قولتله انت كداب وشخط فيه جامد وبدءت اتنرفز اكتر واكتر واختي تهدي فيا وانا ابدا
انا مش بحب الكدب اصلا وبتنرفز من كده المهم
دخلت علي المديره رزعت الباب من غير مخبط انا قولت حترفض خلاص
لقيتها بتقولي ايه في ايه طبعا كان وشي احمر وبطلع صهد من خدودي هههه
حكيتلها قالتلي خلاص ايه المشكله اختك تكتب علي نفسها تقرير انها جت اخدتك وخلاص
قولتلها ماشي واخت الورقه وروحت طالعه من عندها لقيت الوكيل واقف بيقولي ها ياريم
ومادد ايديه معرفش ازاي ضربت ايديه ضربه اختي اتصرعت قالت البت دي اترفدت
وانا قلبي وقف برضو لقيته مشي وسبني هههههههههه
وروحت الكوافير ههههههههههههههه
انتي رغايه كده ليه هههههههه
وجعت دماغك حرجع بوجع تاني قصدي بموقف تاني
لا موقف تحفه ياريم بس take care المره الجيه
مش كل مره تسلم كده -- مرسى جدا لمرورك .ياقمر
رح احاول اتزكر وراجعة اكيد
لكن هو ممكن يكون موقف طريف متلا ولا لازم طريف وغريب ؟؟؟
لا غريب او طريف بس موقف شدك عمرك مهتنسيه اللى تحبيه
يا طيف
بصراحة منى في موقف وانا صغيرة
كان ابن عمتو يعمل فينا مقالب كتيرة
هو كان ساكن ببلد تانيه مو عمان وهو يعنى اكبر منى
المهم كنت عمرى 9 سنين وهو كتير مشاكس ومشاغب ومشكلجى بموت في المشاكل وانا صراحة كتييييييييييييير هاديه وما بعمل مشاكل بالمرة
فكان يومها عيد وهو جه عنا زيارة
وكان بموت في الاكل طبعا ف ماما كانت تعمله كل شي بحبه
ومرة ونحنا بنتغدا هو اكل كل صحنه طبعا وطلعه كانه مجلي -- يعنى مغسول
واخد طبقي من قدامى وحط طبقه مكانه وصار ياكل ولا كانه عمل شي
طبعا انا ما قدرت اتكلم يعنى
ماما استغربت كتير وقالتلى احطلك كمان قلتلها ايوة وطبعا هى فرحانه انى يعنى اكلت الطبق الاولانى وبدى كمان واحد تانى
وهو ولا على باله وكان منظره عنجد مستفز كتير بياكل وبيبتسم وانا محرجة احكى اى شي
كمل طبقه وكان رح ياخد طبقي كمان مرة بس انا مسكت الصحن كويس هالمرة وقلتله نووووووووووووو
فساعتها طلب ماما تسكبله .............هو طبعا هدفه بس يغيظنى لانه ممكن عادى ياكل اد ما بده
طبعا لليوم بيزكرنى في الموقف ونحنا كبار
بقلي يومها كنت نفسي انك تنرفزى او تزعلى او تعيطى او تحكى لانى كنت بغيظك لكن انتى غظتينى انك ما تكلمتى ولا شكيتى مني
هو مو كتير موقف حلو بس هو خطر على بالي هلا
ولى عودة ان شاء الله
لا جميل طبعا كفايه انه منك وطالما انتحكيتيه يبقى بتحبى الموقف ده شكرا حبيبتى لمرورك
هو مفيش حد عنده موقف غريب ولا ايه
طيب انتى منون لازم تحكيلنا موقف برضه
والله حسه ياطيف انك هتطلبى منى ده برده بصى ياستى اغرب
موقف اتعرضتله بجد او مش هنساه كنا يوم قعده انا وواحده
فى الصيدليه محدش معانا المهم دخل راجل علينا شكله
مجنون من صوته وزعيقه العالى انه مجنون المهم
مفيش منفز نجرى خلاص هو امر واقع ولازم نمسك نفسنا
الراجل كانعاوز مضاد حيوى مش عارف اسمه المهم قلتله مش عندنا
لفلنا جوه ههههههه بقى واقف قدام المكتب بينا وبينه مفيش
المهم قالنا شكلكم خايفين انا مش ماشى االا اما اخد المضاد الحيوى
قلتله بص عندك المضادات الحيويه هناك وشاورت عليها
عشان يمشى ويسبنا المهم ربنا هداههههه ربنا وحده اللى مشاه
المهم بقى دى مش شجاعه منا اننا مهربناش لا متفهمنيش
غلط هههههه احنا رجلينا مكنتش شيلانا اصلا انا كنت سامعه
دقات قلبى فى ودنى والله ربنا ميورى حد اليوم ده
الحمد لله على كل حال
:)):)):)):))
والله موقف فعلا بموت ضحك وانا متخيله منظرك وانتى خايفه ومتخبيه
المهم وين عفاريتك طيب :-SS:-SS:-SS
هما يسيبوكى في وقت تكونى محتاجاهم وشاطرين يخربولك النت بس :D وتبعتيلهم ليا ف نص الليل يا مفتريه [-([-(
شكرا منى على الموقف فعلا نهفه ومن الاخر :-*
ماشى ياطيف اههه هعيط ياشماته ابله ظاظا فيا العفاريت طارو ياطيف
وسبونى لوحدى هم الظاهر مش شاطرين غير عليكى انتى واحمد بس
لكن انا معايا النداله بتبان
اغرب حاجه حصلت ليا
انى كنت فى يوم راكب ميكروباص وبعدين ايه
السواق قعد يقول الاجره ومش عارف ايه المهم
لمينا الاجره واديهنالوا المهم بعد ببص لقيت السواق
بايد واحده قولت ياربى هوه انا مش شايف ولا ايه
قولت لا انا لسه قايم من النوم:-Bلا ازاى والله الراجل
بايد واحده المهم كنا على الدائرى فقولت انزل ولا اكمل
لو نزلت هاشوف الويل لما اركب ميكروباص تانى
المهم قررت انى انزل ففى واحد جنبى قبل لما اقول
اقف يا اسطى قالى هوه السواق بايد واحده ولا ايه
قولت لنفسى هيييييييييه @-)انا مش نايم ولا حاجه
قولتله اه قال للناس الى معاه والى معاه قالوا للى ادامهم
لحد ما نزلنا كلنا على الدائرى وشوفنا الويل بجد لما
ركبنا ميكروباص تانى والى كان يخنق بقى بجد ان الراجل
كان هايخانق فينا ياعم اركب منك ليه مش هانركب ياعم
اركب لالالالالا روح انت احنا هاننزل هنا خلاص براحتكم
وبس ده اغرب موقف حصلى
وموضوع جاااااااااااامد جداااا يا دكتور وتقبلى مرورى
موقف جامد يالوست بجد ده ايه مزنق مشكله فعلا
شكرا لمرورك ياقمر
ياجماعه عاوزين مواقف ايه محدش اتعرض لموقف غريب خالص