http://www.vip70.com/smiles/data/f126.gif
كفاك دموع ياقلبي ترى دمعك علي غالي
أنا مالي بها الدنيا سواك احد يواسيني
دخيلك حتى لو صاحت جروحك ترفق بحالي
أخاف صياحها يحيي جروح ميتة فيني
صعبه والله ها الدنيا على مثلك وأمثالي
صغار على الحزن لكن أبت تستوعب سنيني
أسقيتني المر في عمر شرب به غيري الحالي
وكل ما صحت لك يادنيا ذبحني المر تسقيني
وحيد عشت أنادي الفرح لجروحي ولا جالي
رحلت بكل صوب وما لقيت اللي يداويني
وتراها ما غدت تفرق معاي ولو طال ترحالي
أنا أصلا سكنت الجرح وضاعت به عناويني
عشقت الحزن مو برضاي وعيا الوقت يصفالي
ويوم انه رجف دمعي ذبحته في وسط عيني
لك والله وش يفيد الدمع ولو هو سيل متتالي
لك والله امسح دموعك ترى ها الدمع يشقيني
مصير جروحنا تذبل قصر ها العمر أو طال
وإذا جرحك ابى يبرى بضمده بشرايـينيhttp://www.new7ob.com/vb/images/smilies/heart.gif
