...............................نرجو إبداء الرأي من الجميع للأهمية....................

السلام عليكم جميعا ً

طبعا انا هنا كلنا اصحاب وأخوات ولازم ناخد رأى بعض

فى مشكله كده لواحد عزيز عليا جدا جدا جدا

ومحتار فيها

وقولت آخد رأيكم وضرورى جدا

الموضوع ان كان فى واحد وواحد

بعد فشل حبهم الأول قرروا ان هما مايرتبطوا بحد تانى خالص

الأتنين تقريبا كانت ظروفهم ومشارعرهم العاطفيه زى بعض بالظبط

وبالصدفه والقدر كان فى اتصال بينهم

وهو اتشدلها جدا جدا جدا من اسلوبها وكلامها وطريقتها

وهى كذلك
وهو كان بيحاول يبين لكن هى كانت بترفض تماما

لحد ما اتأكدت من حبها وعشقها ليه وفتحتله سكه للكلام

وهو طبعا لما صدق وأعترفلها بحبه
وهى كمان بس هى كانت على طول خايفه

ليه بقى ؟

أولا لأن هو ممكن يكون أصغر منها بحوالى 3أو 4 شهور
ثانيا والدا راجل صعب جدا جدا وبيخاف عليها أكتر من عينيه لأنها بنته الوحيده
ومصمم ان هو مايجوزهاش لحد الا اذا كان عارفه من زمان
ثالثا الولد لسه قددامه شويه مش قبل سنتين علي ما يكون جاهز لأرتباط(بس هي مش ممانعه حاجه زي كده وبتتمنى بس انها تكون معاه)وهى بيجيلها عرسان كتير قوى

ودلوقتى يا جماعه هما فى حير تامه
يمكن بيسمعو صوت بعض بيبكوا والله العظيم قدام عينيا

انا بصراحه محتااااااااار ويمكن دى أول مرة أحتار فيها فى مسئله عاطفيه

لكن مش عارف أعمل ايه

ياريت تقولولى يا جماعه اعمل ايه ؟
:(

:(:(:(:(

انا ما بعرف ليش الحب هيك على طول لازم يكون فيه عقدة

طيب افكر وارجع اقلك
عشان مصدعة
بس قلت احجز مكان:D:D:D
ولا يهمك محمد اكيد كل مشكلة ولها حل

اقتباس:

---

المشاركة الأصلية كتبت بواسطة SaMa aHMad

:(:(:(:(

انا ما بعرف ليش الحب هيك على طول لازم يكون فيه عقدة

طيب افكر وارجع اقلك
عشان مصدعة
بس قلت احجز مكان:D:D:D
ولا يهمك محمد اكيد كل مشكلة ولها حل

---

مش عارف والله يا سما ليه لازم المشاكل

بس بالله عليكي تردي عليا فأقرب وقت

وسما انتى مكانك محجوز على طول ف كل مكان :)

بس اوعي تطنشي

أولا لكى أطمن قلبك المشكلة مش جديدة
دى مشكلة بتكرر كل يوم زى مالجرح بيفرق
بين أتنين
برضه الجرح بيجمع المجروحين
وطبعا مع مواساة كل فرد للأخر تنمو مشاعر مع المواساة
وهى الشعور بالقرب وتوحد الأحساس بالأخر
وتولد نوع جديد من أحساس جديد أحساس خفى
بأن المجروح لايمكن أن يقبل أن يجرح لانه جرح قبل كدة
ولان الأنسان مجروح فبيحاول يبحث عن من يضمد جراحه
فهو أقرب الناس له ويبدأ يترك لعواطفه العنان ولمشاعره الأحساس
وفجأة يشعر بالحب وطبيعى الحب كالزهر رائحته تنتشر بسهولة
فالطرف الأخر يشعر ويفهم تلك المشاعر ولكنه يخاف من تكرار التجربة
وبعد ذهاب الخوف يبدأ الأتنين بالمصارحة ومواجهة المشكلا
والحل من وجهة نظرى
الأقتناع التام بكل فرد بشخصبة شريكه
عامل السن غير مهم خصوصا لو كان أشهر
الفتاة تكلم والدتها وتحاول أقناعها بموقفها حتى تكون سند لها
محاولة كلا الطرفين بدرس أمكانية أولى خطوات الأرتباط الجاد وعرضها عى الأهل
ومحاولة الشاب الحديث مع والدة الفتاة حتى يتعف على شخصية الاب ومعرفة مفاتيح الحوار الصحيح معه
أقتناع الفتاة الجاد بموقفها وعرض موقفها بشجاعة وأحترام عند الأهل ورغبتها بهذا الشخص
والله الموفق
.د جيهان
جينا

بس ياعمنا انا مبحبش اتكلم واحكم على قصه بدون ما اكون عارفه الاشخاص معرفه حقيقيه
بس انا حاسه واحساسى عمره مايخيب انى عارفه الولد كويس اوى كانى اعرفك بالضبط يامودى00طبعا اكيد مش انتى بس انا بقول مثلا يعنى
المهم علشان متطولش عليكانا شايفه بصراحه ان المشكله سهله جدا جدا وهما اللى مصعبنها على نفسهم وعلى حبهم على الفاضى كانهم يابنى غاويين يعيشوا النكد والهم ومستكتريين على قلبهم انه يفرح ويتهنى00انا والله بقولهم حرام عليكم انسوا كل المشاكل ديه وارموها ورا ظهركم 00ده ربنا لما يكون كاتب النصيب فين محدش فى العالم يقدر يقف قصاده مش تقولى باباها وخايف والكلام ده
والله الصراحه ده عمره ماكان مبرر انه يعمل الى مشكله لاى حبيبين00هاتلى يامودى اى بنت باباها مش شديد عليها ولا خايف عليها ولا حلف انه مش هيجوزها اللا اللى هو عايزه00ده معناها ان قصص الحب للبنات ديه فشلت ومجوزوش اللى بيحبوهم والله حرام عليك
وقولهم حرام عليكم فوقوا وانسوا المشاكل ديه وعيشوا حبكم واستمتعوا بكل لحظه بالحب ده ومتحرموش قلوبكم من السعاده ولما يجى بجد وقت النصيب لو ليكم نصيب فى بعض مستحيل حد على وجه الكون يقف قصاده
انا اسفه بجد على الاطاله مودى بس ياريت توصلوهم كلامى ده وتقولوهم فوقوا قبل ما العمر يعدى ونتحسر على اللى فات

الف الف الف شكر ليكي جينا ورليكي يا رشا

كلامكو فعلا مظبوط وصحيح

ومنتظر باقى الآراء

بص يامودى انا مع رشا
والله كلمها صح اللى بيحب مافيش حاجة تقف قصاده خالص وانتوا حاولوا مع باباها هو لسة اصلا ماكلموش ازاى يحكم انها مشكلة بقيى
وبعدين هى تكلم مامتها واكيد مدام هى بنتهم الوحيده هايبقوا عايزين يفرحوها وميزعلوهاش
خليهم يحاولوا بس وبعدين يقرروا فى مشكلة ولا لا
بس ارجع واقولك الحب موجود كتير بس الرك على اختيار الحبيب ومااظنش الحبيب الكويس المخلص الصادق و و و و .....زالخ موجود كتير
ويارب يقربهم من بعض على خير ان شاء الله

اسفه تأخرت
كل الاراء روعة محمد اتمنى تاخد فيها

انا برضه من رأيهم

لكن

اولاً وقبل اي شيء وقبل الاستمرار

لالالالالالالالازم يتأكدوا من مشاعرهم ولو حب نت لازم يتأكدوا من شخصيات بعض باي طريقه
ممكن عن طريق الامهات لانه التفاهم مع الام اسهل

مبدئياً طبعا

الان بعد التأكد من حقيقة الشخصية --- انا بعرف كتير بنات وشباب ضحكوا على بعض وكانت شخصياتهم مش حقيقيه للاسف ولما الامر تطور واصبح جاد البنت هربت ولا عادت تقعد نت :D والشب لسه بيلطم وبيدور عليها

هلأ خلصنا من النقطة الاولى

النقطة التانيه التأكد من مشاعر الطرفين بالاختبار
يعني يعرض عليها خطبة مؤقتاً لغاية ما يقدر يكون نفسه ويتزوج
ازاي
برضه عن طريق الامهات

الام خطيرة لما تنوي وبتقدر تساعد كتير بل يمكن دورها اكتر اهمية من الاب -- في البداية --
البنت تصارح امها
والابن يصارح امه

الام تكلم الاب وتاخد رأيه على اساس انه ست كلمتها وطلبت رأيها

كده اتوقع الامور بتنحل وبتبان النوايا اكتر
بدل ما يرجع كل واحد منهم يعيش قصة ويتألم وينجرح

اتمنى اكون ساعدت وما عقدت
بانتظار رأيكم

اتمنى لهم التوفيق ان شاء الله

سما تكسب يا معلم :D:D

معاها في كل كلمة

وربنا يقدم الي فيه الخير :)

وآسف اني دخلت في الخط غلط .. بس مش غلطتي دي غلطة الشبكة كلها :D

طيب الحاجة اللى منقدرش احنا عليها نعمل ايه
اقولك يا سيدي
نصلي استخارة وندعى ربنا باخلاص اذا كان خير قربه واذا كان شر ابعده من غير ضراء مضرة ولا فتنة مضلة جرب وادعيلي
ومن ناحية تانية قول لصاحبك يروح لوالدها بعد صلاة الاستخارة وافتح له قلبك بكل صراحة ووضوح هتكبر فى نظره وهيعرف انك راجل .
ربنا يصلح لهم الحال وكل امة الاسلام تحياتى يا محمد >:D<>:D<>:D<

لو النوايا صادقة وسليمة لازم يقابل باباها ويقنعة بنفسة وشخصيتة ويقدم الضمانات الازمة لان دة اب
وهى كمان لازم تساند وتعضد من موقف الولد

انا من رأي ســــــــــما يا مودي لاني بتكلم عن تجربة الشخص اللي انا حبيته اول مرة شوفته عرفته على امي علطول بس انا بقى امي كانت عايزة تقف معايا بس هو اللي طلع واطى:Dما علينا انا بقول برضه انه الامهات ليهم تاثير كبير ونعمل صلاة استخارة برضه عشان ربنا ينورنا وينور طريقهم وربنا يوفقهم يارب

وأنا بأيد كلامك يامان:-*:-* ياعم حماده

أنت الى تكسب قشطه صباحك فل ومساؤك ورد;);)

انا بصراحه مش عارف اقول ايه

وكل اللى اقدر اقوله ربنا يصبرهم ويوفقهم

ويصلح لهم طريقهم

القلب الكبير

النصيب يا مودي النصيب

اقوي من اي حاجه وعمر ما حد هيقدر يقف قصاده كل الـ اقدر اقولهولك

لو هما مكتوبين لبعض محدش هيقدر يفرقهم مهما كان مين

وطالما بيحبو بعض بصدق وبأمانه زي ما بتقول يبقي اكيد ربنا هيقف معاهم ويوفقهم

وكل الـ اقدر اعمله اني ادعلهم

ربنا يوفقهم ويجمعهم علي خير

:):):)

***

انا شخصيا مش شايفة ان في مشكلة
اولا بالنسبة للسن الفرق مش كبير للدرجة اللي تخوف
والمهم العقل مش السن
ثانيا والدها لو حاولت تقنعه انه بيحبها وبيخاف عليها وهي كمان بتحبه وعايزاه وهتكون مرتاحة معاه اكيد مش هيمانع ان بنته تكون مرتاحة مع شخص بتحبه
ثالثا هي مش لازم توافق على العرسان ومحدش هيقدر يجبرها عاى الجواز
ومش لازم برضه تقول لأهلها عنه دلوقتي
ويعيشو حياتهم بكل حب على قد ما يقدرو
وهو كمان يحاول يعمل اقصى ما عنده عشان ميديش فرصة لوالدها يرفضه
يارب يكون رأيي مفيد
سماح

بصراحه هم معقدينها على انفسهم بيتوقعوا ويخافوا من اشياء ماحصلت وامكن بإذن الله ماتحصل ولازم يعقلها ويتوكل ويخطبها من ابوها بعدين نحكم عالاحدث ونشوف ممكن يعملوا ايه !!
وبالتوفيق للجميع...