النهايه المتوقعه لمكالمه التليفون بين ,,,,,,,,,,,,,,
البداية كانت مكالمة بالغلط
وانتي رديتي واتماديتي ودة غلط
كنتي قفلتي ع الحكاية م البداية
وكنتي قولتي آسفة النمرة غلط
رديتي عليه بصوت حنين جننتيه
وهو ما صدق يلاقي حاجة تسليه
عاملها حجة وسئلك كام سؤال
وكلامه عجبك دخل دماغك وجاوبتيه
سئلك سؤال وجاوبتي
وانتي بتجاوبي ضحكتي
وطمعتيه فيكي
بقى كل ثانية يرنلك
ويقولك بجد اشتاقتلك
ونفسي اشوف عينيكي
طلب منك انه يقابلك في الشوارع
وانتي ضعفتي ووافقتي وقولتي مافيش مانع
قابلك وشوفتيه وشافك
وقالك انك قمر ولو سابك حيبقى ضايع
صدقتي كل كلامه وسرحتي فيه
وبقيتي بتتمني .....تكلميه
وبقيتي تحت امره وبقى تحت امرك
في اي طلب منه تطلبيه
خلاكي خاتم في صباعه
ولا يوم بتتمني وداعه
وأخذ مزاجه منك
بعد ما ضيع فيكي
احلى برائة في عينيكي
وخد اغلى حاجة منك
وبعد وقت مش كبير معاكي
قالك خلاص مابقيتش حاسس هواكي
ومع السلامة خلاص أخدت منك مزاجي
وانتي رخيصة ومش عايز تاني اكون معاكي
قولتيله طب واللي بنا واللي انت عاملته معايا
حيقولك كله بمزاجك وانتي وافقتي م البداية
وكان في ايدك انك تقولي لأ مش حكمل
بس انتي ضعفتي وكملتي وماتلومينيش في الحكاية
ودي اخرتك لما ضعفتي
زلك وكسرك واتهانتي
ومبقاش ليكي عين
شيلتي بإيديكي غلطاتك
ودي اكبر غلطة في حياتك
حتعيش معاكي سنين
ودي حكاية منها كلنا نتعلم ونستفيد
لازم نطيع ربنا و م الذنوب نبعد بعيد
علشان نلاقي في النهاية الجنة
ونبعد عن اي نار او عذاب شديد
وربنا عارف اننا ضعاف
وكمان عارف وعالم اننا بنخاف
وطمعانين في رحمته وجنته
وعايزين نقوى يشوفنا الكافر يخاف
يارب احمينا م الذنوب
وخلينا ليك دايما نتوب
واغفرلنــــا
انت يارب انت الكريم
وانت اللي دايما بينا رحيم
اغفرلنـــــا
الكلمات مش محتاجة توضيح وفي انتظار اراءكم
لان دي قصة بتتقال في شعر
يارب يكون مفيد
