شوية اسرار عن الشباب... هديه منى للبنات.... !!
50 سر عن الشباب هديه منى ليكم
( للبنات خصوصا )
جربوها كده وادعولى
..........
1- الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو روحها حلوة و جذابة .
2- ممكن الشاب يعجب بيكي للحظة و ينساكي بعديها ولا كأنه شافك قبل كده .
3- لما الشاب يقولك انا مش قادر افهمك هوا يقصد ببساطة ان أنتي مبتفكريش بطريقته .
4- "بتعملي إيه ؟" أو "كلتي ولا لسه ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .
5- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .
6- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك اوحش خلق الله) .
7- ابتسامة فرح جميلة منك بالدنيا واللي فيها عند الشاب .
8- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .
9- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .
10- لما الشاب يقولك انه عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسي بحلاوة النصر .
11- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن
12- على فكرة الشاب بيعيط (مهما بان جامد و قوي مهو بني آدم برده) .
13- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .
14- الشاب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .
15- لما توصلي لقلب شاب أنتي كده دخلتي سكة مفيهاش رجعة (دخول الحمام مش زي خروجه) .
16- الشاب لما يكون بيتسلى بواحده لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه .
17- لما الشب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد حتى يدفع فيكي قرش واحد .
18-لما تقولى لشاب " لأه "هو بيسمعها حاول تانى كره(معلش أطرش هههههههههههههه) .
19-الشاب بيموت في أمه (يعني كلوا الا هيا) .
20- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .
21-متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .
22- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .
23- الشاب لو قالك بحبك مرة واجدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .
24-زي ما حصل مع امنا حوا و ابونا آدم * أنتي نقطة ضعف الشاب (استغلي المعلومة دي كويس هههههههههه ).
25-صح انك تجربي الشاب الأول قبل ما تصدقي كلامه * بس متسيبيهوش مستني كتير برة دائرة ثقتك .
26-الشاب غالبا بيبقى صريح قوي لما يجي يتكلم عن نفسه .
27- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله (يا كثووفي )
28- الشاب الشيك النضيف يموت لو هدمه ات***ت حتى لو كانت الحتة اللي ات***ت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .
29- الشاب بيحب البنت المحترمة حتى لو مكانتش أمورة للدرجة .
30-انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما الاتنيين و تخسري الاتنين حبيبك و انتيمتك (وكدة 1000 مبروك خرجتي أنتي من مولد بلا حمص ايد ورا و ايد قدام ) .
31- الشاب لو شكالك همه و حكالك عن مشاكله * هوا مش عايز منك غير انك تسمعيه * واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .
32- حركة لا إرادية الشب بيعملها فيكي لما تكوني أنتي حبيبته * يفضل يضايقك و ينرفزك و يغيزك و يعلق على كل كلمة تطلع من بقكك .
33- الشاب بيحب البنت اللي عندها حاجة اسمها عقل مش البنت اللي بتلبس
34- عملياً الشاب بيتفاخر عن كل حاجة تخصه ( ده أساسي يعني هههههههههههه ) .
35- الشاب غالباً عمره ميتآمن على سر خدي بالك بقه مبيتبلش فيه فولة وده غصب عنه دى طبيعة عادي يعني .
36- الشاب دماغه مبتهداش على طول بتودي و تجيب مبيبطلش تفكير ابدا .
37- الشاب خيالو واسع قوي (يرمح فيه الخيل يعني . . . ههههههههه) .
38-الشاب طولك عندو مش مهم بس صدقيني مفيش عنده أهم من وزنك حااااسبي .
39- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .
40- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .
41- تحذير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمرو ما هيكبر و يعقل ويبطل لعب العيال وانا عملت اللي عليا و قولتلك عشان متقولوش حنين مقالشتش
42- الشاب عموماً عندوا انفعال و شغف انه يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .
43- لما الشاب يقولك سبييني في حالي إعرفي إنو بيقولك بلييز تعالي و إسمعيني يعني زنى عليه عشان يحس انك مهتمة بيه و ان اللي يدايقه يدايقك (بس مش الزن اللي يخنق) .
44- الشاب في الحقيقة غالباً ملوش قرار نهائي ( وخدي بالك من النقطة دي) .
45-لما الشاب يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .
46- لما الشاب يسيب التهريج و يبقى عايز يتكلم بجد * إسمعيه و وريه اد إيه أنتي مهتمة .
47- لو الشاب فضل ساكت و قافل بقوو متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .
48-الشاب ما بيآمنش بالحب من أول نظرة على عكس معظم البنات * وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .
49-الشاب ميحبش البنت المسترجلة اللي البوكس منها يودي الواحد روسيا بس من غير طيارة هههههههههه .
50- الشاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه
.......................
