خانتك وعايزة ترجعلك!!!

السؤال موجه اكتر للشباب ولو البنات عايزين يقولو رأيهم مفيش مانع




بس بجد انا محتاجة اجابة السؤال
يعني محدش يطنش


لو انت حبيت واحدة اوي وحسيت ان هي كمان حبتك اوي
وفضلتو مع بعض اكتر من 3 سنين
واول ما اتقدملها عريس وافقت بيه ومن غير ما تقولك ووافقت برغبتها مش عصب عنها
وطبعا سبتو بعض
وبعد اكتر من سنة لقيتها راجعة تقولك انها زهقت من خطيبها وعايزة ترجعلك
مع انك عارف خطيبها وعارف انه شخص كويس
يعني على الأقل مش بيعاملها وحش

عايزة ردككم وعايزة اعرف ايه رد فعلكم لما تعرفو ان واحد اتحط في الموقف ده ووافق بسهولة
انه يرجعها مع انه تعب جدا من الموقف ده وفضل معاها لحد كا سابت خطيبها وعملت حفلة مع اصحابها عشان سابته

موضوع رائع تسلمى ..... بصى بقى لو حبها بجد وحبيته وسبيته عشان تتخطب لواحد تانى لايمكن يوافق يرجعلها حتى لو قادتله صوابعها العشرة شموع ..وتكون واثقه انه حتى لو اتهف فى عقله ورجعلها زى ماقلتى فوق مش حيرجعلها حبا فيها لالالالا حيرجعلها عشان يدوقها الجرح اللى وريتهوله...وهو يكون عايش حياته مع انسانه تانيه فهماه وفاهمها وواثق فيها ووثقه فى ومتتخلاش عنه بالسهوله دى لان حاجة زى دى صعبه جدا جدا جدا على اى شاب فالعقل انه يرجعلها ويفمها انه بيحبها وعااادى خالص وفى اقرب فرصه حيشربها من نفس الكاس... لانها بالحركة دى قلت فى نظره جامد وشكرا على الموضوع الجميل دة

اشكرك على ردك واهتمامك
بس على فكرة هو سامحها ورجعلها عشان بيحبها مش عشان ينتقم

على فكرة انا دخلت مخصوص عشان ارد على الموضوع دة بصى انا هقولك حاجة هو موضوعك متناقض شوية بجد يعنى اية تبقى بتحبك اوووى زى مانتى بتقولى وبعدين تسيبك كدة وتتخطب لا واية برغبتها طيب منين بتحبك اوى ومنين تتخطب وبرغبتها يبقى فين الحب بجد بس انا عرفت الحب دة فين ومكانة فين لانى شايفة وعارفة كويس النوع دة من الحب ودة سبب دخولى مخصوص للمووضوع دة

لكن اسمحيلى اتكلم عنة حاجة تانى وحالة تانية فية حالة تانية بجد لو كان الموضوع فية غصب وحاجة خارجة عن الارادة وقتها مش هرجعلها بس لالالا دانا هرجعلها ونص وتلات اربع كمان عشان هيا مكنش بأديها حاجة دى حالة الرجوع انها تبقى مغصوب عليها .............. تسمحيلى ااقولك لية هو وافق يرجعلها بجد حتى بعد اللى هيا عملتة فية ((( عشان هو حبها حب اقسم بربى انا اللى حاسس بية وباللى هو حاسة ليها وبجد لو نفس الاحساس اللى واصلنى وعايشة يبقى يرجعلها ونص حتى كمان عشان والله دة نوع من الحب مش كل االناس بتوصلة ولما بيوصلوا حد بجد ربنا يكون فى عونة عارفة الدنيا والحياة والناس والبشر كل كل حاجة بتبقى حبيببتة كل حاجة ادامة بتتهيىء بصورة حبيببتة بجد فراقها وزعلها ثانية واحدة الدنيا كلها بتسود فى عين اللى عايش الحب دة ياااااة .. ياااااااااااااة بجد صعب اوووى البعد لاى يبب كان والله الموت اهون بكتير ... ربنا معاة يارب ويسعدة بحبيبتة اللى رجعتلة والله انا حاسس فرحتة وشايفها معاة الف مبروك رجوع حبيببتة لية الف مبروك

سورى بجد على التطويل بس انا قولتلك من الاول انا دخلت ارد على الموضوع دة مخصوص ... بااااى

اولا اشكرك جدا
ثانيا لا داعي للاسف مفيش تطويل ولا حاجة
انا كاتبة الموضوع عشان اعرف رأيكم بصراحة وانت جاوبت
ثالثا هي مكنش مغصوب عليها وانا قلت ده
وبعدين اللي تسيبك مرة من غير سبب ممكن تسيبك الف مرة عشان سبب هايف
وبعدين انت متأثر اوي كده ليه هو الكلام جه ع الجرح:D:D:D

اقتباس:

---

المشاركة الأصلية كتبت بواسطة mozo

اولا اشكرك جدا

ثانيا لا داعي للاسف مفيش تطويل ولا حاجة
انا كاتبة الموضوع عشان اعرف رأيكم بصراحة وانت جاوبت
ثالثا هي مكنش مغصوب عليها وانا قلت ده
وبعدين اللي تسيبك مرة من غير سبب ممكن تسيبك الف مرة عشان سبب هايف

وبعدين انت متأثر اوي كده ليه هو الكلام جه ع الجرح:D:D:D

---

بالنسبة لردك على ردى انا مقلتش انها مغصوب عليها بس انا طرحت الحالة دى لانها موجودة وحصلت وبتحصل

ثانيا انتى بتقولى اللى تسيبك مرة تسيبك الف مرة عشان سبب هايف والله اختى المحترمة .. انا قولتلك انها لو بجد راجعة ومش اى راجعة راجعة تعيش معاك وتحبك انت ومتبعدش عنك تانى يبقى بجد اهلا وسهلا برجعتها دى الحبيبة اللى ياما فرحتة

لكن بقى الحالة اللى انتى بتتكلمى عليها دى موضوع تسيب الف مرة والله اختى انا مليش فى الكلام دة ومقدرش ااتكلم فية عشان بجد مش بعرف وموضوع الخيانة وانها تسيبة بلا مبالاة دى حاجة تانية ملهاش دعوة بالحب وانا مقدرش اتكلم فيها لكن انها راجعة توفى وتعيش بجد ومعاة هو وترتبط بية هو يبقى اهلا وسهلا ....... باى

_________________________________________

لا مستحيل بعد الخيانه مفيش رجوع

هتكون انعدمت الثقه ولو بموت فيها وبحبها وهافضل احبها طول عمري

مينفعش ارجعلها

**

يا عم بالراحة علينا شوية
:D:D
وبعين انت هتعرف منين هي راجعة تعيش بجد ولا راجعة كده وخلاص

اقتباس:

---

المشاركة الأصلية كتبت بواسطة Sherif _S_a_s_a

لا مستحيل بعد الخيانه مفيش رجوع

هتكون انعدمت الثقه ولو بموت فيها وبحبها وهافضل احبها طول عمري

مينفعش ارجعلها

**

---

اهنيك شريف على ردك وثقتك بنفسك

اقتباس:

---

المشاركة الأصلية كتبت بواسطة mozo

يا عم بالراحة علينا شوية

:D:D

وبعين انت هتعرف منين هي راجعة تعيش بجد ولا راجعة كده وخلاص

---

يا اختى خلاص من الواضخ انك مش فاهمة ردودى خالص

شكرا لموضوعك المحترم جداا

والله الموفق

موضوع جميل

من وجهة نظرى المتواضعة

انه عمره لو هيموت حتى ما يرجعلها

طيب هي كان مبررها ايه علشان سبته

بتجرب واحد تانى

على اساس انه فستان

او سورى فى اللفظ

جزمة وما جتش على مقاسها

اسف جدا على اللفظ

بس لو الموقف ده حصل معايا

مستحيل ارجع لها تانى

دمتى بخير وود

تقبلى مرورى

اولا شكرا ع النقاش المفيد ده
انا لو مكانه مش هارجعلها طبعا
لاني مش استبن
سوري في اللفظ
بس لو فكرت ارجعلها هارجعلها علشان
انتقم منها
وادوقها طعم الخيانة
اللي دوقتهولي

بسم الله الرحمن الرحيم
موحة الموضوع جامد جدا وبصراحة القصة دى حصلت ادامى كذا مرة
بصى اللى حاصل وانا متفق جدا مع رأى ايمرى شوووو ان الحالة اللى وصلها فى حبه ليها تخليه يرجعلها لان اللى بيح بجد وبالصورة اللى هوا فيها تخلليه يسامحها ويغفرلها ذنبها تجاهه لان الحب بجد بيسموا بمشاعر الفرد مننا تجاه حبيبه .
هيا ماكنتش بتحبه اوى او بجد هيا حبيبها ده اللى هيا سابته واتخطبت ده ماكانتش بتحبه حب حقيقى احنا ممكن نقول انه كان بالنسبة ليها رجل المرحلة(بمعنى انه دلوقتى وفى المرحلة دى هوا الحب الاول والاخير لانها موش شايفه غيره ادامها )وبعد ما تعدت المرحلة دى شافت نفسها فى التغيير وخاصة انه جالها عن طريق البيت والخطوبة والاكيد ومن المؤكد ولان صاحبنا بيحبها لدرجة انه فضلها عن نفسه وانمحت فى حبه ده معانى كتير رجعلها وغفرلها وسامحها.
هوا ده اللى انا شايفه حصل او هوا ده السيناريو الاكيد..
اما بالنسبة للتعقيب على كلامك اللى هوا انها عملت حفلة مع اصحابها علشان سابت خطيبها :-
فده بيأكد كلامى السابق لانها شايفة حياتها
المفروض يحصل مع انسانة زى دى انه يقف ادام نفسه ويجبرها انها تنساها لانها زى ما عملت كده مع الانسان اللى كان خاطبها ومعاه هوا شخصيا هتعمل كده مرة واتنين وتلاته ...
لان اللى زى دى او النمط ده من الشخصيات لاترضى بوضعها الحالى وزى ما قلت فى الاول هيا بتاعت ما نسميه برجل المرحلة ...
هذا وبالله التوفيق
انا اسف على الاطاله بس كان لازم للفائدة .

اشكركم جدا للمتابعة ولابداء رايكم