سؤال جريئ جداااا (شباب وبنات)
مساء الخير على كل الناس الحلوة
انا بصراحة جية فى بالى حاجة عاوزة اعرف اية رايكو فيها واية نظرتكو ليها وخصوصا الشباب
وسؤالى هو..........................
البنت اللى بتسلم نفسها للشخص اللى بتحبة سواء كان تربطها بية علاقة عاطفية او علاقة رسمية مثل الخطوبة او عقد القران هل البنت دى بتبقى فى نظر الشخص دة مخطئة ومذنبة وهل هو بيفكر فيها وقتها انها بنت مش كويسة سواء كانت سلمت نفسها لة بشكل كامل او حتى رضيت بفعل بعض التصرفات الغير المسموح بها فى هذة الفترة
ياترى هو ممكن ينصرف عنها ويقطع علاقتة بيها او يكمل معاها ويكون متأكد انها معملتش كدة غير معاة وعشان بتحبة وبس ومش ممكن تكون عملت كدة مع حد تانى قبلة
وهل حتى لو تزوجها وكمل معاها الطريق هل بيبقى متطمن ليها ولا حاسس انها ممكن تخونة فى اى وقت وبيكون شاكك فيها دايما
ياريت اعرف رايكم كلكم وبمنتهى الصراحة بجد
هتعمل اية لو مشاعرك اخدتك انت وحبيبتك لطريق انت مش عارف نهايتة اية ومشيتو فى الطريق دة وكملتو خصوصا وانتو الاتنين مشاعركو واحدة وكنتو صادقين جدا مع بعض فى اللحظة دى يعنى ماحدش كان بيضحك على التانى
ياترى هتبقى نظرتك ليها ازاى هتبقى واثق منها ولا شاكك فيها لانى دايما اسمع ان الشاب بيهرب من البنت اللى بتسلم لية نفسها ومش بياخدها زوجة وام لاولادة وبيبعد عنها ياترى الكلام دة صح ولا غلط
وانتى هل لو اخوكى جية وقالك انا عملت كدة مع حبيبتى او خطيبتى هتقوليلو اية
مستنية اعرف رأيى كل الناس وبكل صراحة
م
ن
ق
و
ل
