مشاكل : الحلقة الثانية -التعليم-

بسم الله الرحمن الرحيم

هنطرح انهاردة مشكله للأسف بنعاني منها على مختلف الاعمار

وهي


http://www.masrawycafe.net/upload/up...bdc599103e.gif



بيتهيألي مش محتاج اثبت ان عندنا مشكله في التعليم

ومع ذلك اهو


http://www.masrawycafe.net/upload/up...ef3211b078.jpg


ودول بنات :D

اومال الرجاله هيعملوا ايه ؟؟ .. يخترقوا السور !! >:)

كفاية الصورة دي هي اكبر دليل على وجود ازمة في التعليم المصري

http://www.masrawycafe.net/upload/up...ce328ecd36.gif

طيب يا ترى ايه هي اسباب ازمة التعليم في مصر ؟؟

نبدأ بنظام التعليم نفسه

الطفل بيخلص مرحلة الحضانة وبيدخل الابتدائية قطة مغمضة ميعرفش الألف من كوز الدرة

بيطلع منها على الاقل خالص - وده اللي يعتبر لسه منحرفش - بيشرب سجاير:D

ده اقل واجب يعني

ويا ريت بيتعلم حاجة

بالعكس ده ممكن ينسى اللي اتعلمة في الخضانة

وده شئ طبيعي جدا

لان المدرس اللي كان بيدرسلة العاب في سنة اولى بيدرسلة علوم مثلا في سنة تانية

وبتاع الرسم بقى بتاع عربي مثلا

متعرففش ازاي

و حصة التربية الرياضاية تلاقي مدير المدرسة عامل قانون انهم لازم يلموا الزبالة الاول

او مثلا مدرس يقول لواحد فين كراسة الاملا؟ :|

يقوله نسيتها يا استاذ :-B يبعت واد تاني يجيب عصاية ويضربه بيها هو الاول وبعدين يضرب الواد اللي نسي الكراسة

او استاذ يدخل الفصل يلاقي السبورة مش ممسوحة

يروح مقلع واحد قميصه ويقوله امسح ياد السبورة :D

- على فكرة الكلام ده بيحصل فعلا -

المهم يعني لو افترضنا ان الواد ابوه لحقه ودخله مدرسة خاصة ممكن مينحرفش دلوقتي

بس طبعا بما انه بيكبر وعنيه بتتفتح واحده واحده على الدنيا و ذهنه بينمو يبقى هينحرف هينحرف

ليه؟

لأننا لو افترضنا ان نظام التعليم في المدارس الخاصة مظبوط نسبيا

هتلاقي سبب تاني يبوظ اخلاق الواد

مثلا واحد بيقوم من النوم الصبح بالضرب عشان يلحق المدرسة وبصرف النظرف عن اللي حصل في اليوم الدراسي

يرجع البيت مفيش حد بيسأله عملت ايه في المدرسة ؟

كل اللي بيشوفة في البيت مثلا

امه بتطبخ

ابوه نايم زي الـقتيل

ولو ليه اخوات يبقى الولاد صايعين في الشوارع والبنات قاعدين بيتفرجوا على نور ومهند >:)

طبيعي الواد تفكيره هيروح للانحراف

ده غير اصحابة اللي اكيد هيساعدوه على كده :D

طيب هنفترض ان الواد عدى المرحلة دي بسلام و اهله واخدين بالهم منه

وهيدخل في مرحلة الثانوية والبيت مكهرب وعامل كمين وحداد سنتين ورا بعض عشان الواد يعرف يدخل كلية عدلة

والواد مضغوط من كل الاتجاهات

النوم بمعاد والاكل بمعاد ولو فتح باب الاوضه بتاعتة بس يلاقي امه وقفاله وسانده بايد على الباب والايد التانية في وسطها وبتقوله

رايح فين ؟ :-w

يقولها رايح الحمام :D

تقفله على باب الحمام لحد ما يخلص ,, ده لو مدخلتش معاه او مش حاطه كاميرة مراقبة جوا >:)

والواد يا عيني ما بيصدق يطلع من الاوضة رايح درس من الخمس دروس اللي بياخدهم اجباري

شئ طبيعي هيعمل كل اللي ممكن يتعمل لانه هيرجع بعد ساعه و نص او ساعتين للسجن اللي كان فيه

وغالبا الواد بيدرس مواد هو مالوش ميول ليها اصلا ,, ده ابوه عاوزه يطلع دكتور مثلا يبقى يدخل علمي علوم حتى لو الواد طور :D

او العكس الواد يبقى ما شاء الله ذكي بس ابوة تاجر مواشي مثلا فيدخل اي حاجه في اي حتة لانه كده كده هيطلع زي ابوة عافية

او ولد متفق هو وابوه ولله الحمد بس واخد التعليم حفظ وكل وظيفتة في الحياة انه يحفظ

ويدخل فعلا الكلية اللي هو بيحبها بس يفاجئ انه حمار مبيفهمش وطبعا مش هيعرف يحفظ

يبقى هياخد السنه في تلات سنين ويتخرج ويدخل الجيش من هنا ويطلع معاش من هنا >:)

بس هنفترض ان الواد ما شاء الله ماشي زي الفل وبيتعلم صح وفاهم ودخل الكلية اللي هو عايزها

يبقى كده هننتقل لسبب تاني من اسباب فشل التعليم في مصر

الواد داخل الجامعة مفهوش غلطة متربي وابن ناس وكان بياكل الكتب في الثانوية يعني المفروض بيفهم

بيدخل الجامعة بيشوف 90% من الطلبة مرمين على الكافتريات :D

ده مبدأيا

بيطلع المدرج بيلاقي كل واحد ماسك واحده وقاعدين على جنب وهاتك يا غرام

والدكتور لو دخل في معادة مظبوط كده كده محدش بيسمعه لانه في الاخر بيحذف الكتاب كله وبرده محدش بيعرف يحل الامتحان

ولو حصل والامتحان اتحل بيحط درجات على مزاجه

ولو الطالب جاب درجة كويسه وطلع من اوائل الدفعة مكانه بيكون بعد ابناء الدكاتره و ولاد الناس الواصلين :D

ونرجع تاني لاول مشكلة اللي هي البطالة >:)


http://www.masrawycafe.net/upload/up...ce328ecd36.gif


طيب ازاي ازمة التعليم تتحل؟

يعني هنفترض اننا كلنا دخلنا ولادنا مدراس خاصه

وكلنا ربينا ولادنا صح

وكلهم اتخرجوا من الجامعة واشتغلوا

والبلد مبقاش فيها اي حرفيين

تفتكروا كده احنا حلينا مشكلة التعليم؟؟

على ما اظن لاء

احنا مشكلتنا مع التعليم اننا كلنا بنتعلم وهدفنا اننا يا نكون اطباء يا مهندسين يا صيادله يا وكلاء نيابة مع ان النسبة اللي بتحقق ده متعديش 20%

وبنقول على الميكانيكي او اللي بيبيع خضار او واقف في مطعم انسان فاشل "أصله متعلمش"

مع ان التعليم مش لازم يكون علم بس

ممكن واحد يتعلم حرفة بس يتعلمها صح

ومفهومنا عن التعليم اننا نتعلم عشان في الاخر نشتغل ونجيب فلوس

في الوقت اللي العالم كله بيفكر بالعكس

ازاي يجيب فلوس عشان يتعلم :|

اولا السلام عليكم يا كوارث
انا حاسة ان التعليم فشل بكتر الكوارث اللي بتعملها :">
ماعلينا بص ياسيدي انا ماليش خلفية عن التعليم في مصر
لان مادرستش غير سنة وحدة وبقيت عمري بره مش ده المهم
بس بصراحة مهما حصل ومهما كان التعليم هناك وحش
بس عندنا في بلدنا برضو تعليم عالاقل بنتعلم ولو معلومة صغيرة
انا لو حكيت عن التعليم هنا هتقول مصر اهون بكتير
كفاية انهم هيخلو كل السنين معادا الثانوية تقويم يارب تكون عارف يعني ايه تقويم
وبعدين انت بتقول لو دخلنا مدارس خاصة التعليم حاله هينصلح
اشمعنا يعنى مالهاش دعوة مدارس خاصة او حكومية التعليم بيرجع للكل حاجة
وانت قولتها كمان اولا البيت ثانيا دور المدرس ثالثا التربية نفسها من الاساس
يعني البناية لازم تكون من الاول مظبوطة مش السبب فشل التعليم
انا بصراحة ضحكت اوي عالصورة مش متخيلة ان في بنت محترمة تعمل كده وعشان ايه من اصله
وده ايه كمان هروب ولا ايه بالظبط ياساتر بس ارجع واقول مصر اهون معليش اني رغيت انا معنديش حل
بس بصراحة الحل الوحيد طالما التعليم بقى مشكلة كبيرة ومش عاوزة تتحل يبقى البيت هو اللي ياخد باله من اولاده
والابهات اللي نايمة زي القتيل على رأيك والامهات ربنا يعين كل أسرة عندها ولاد بيدرسو يارب

السلام عليكم

طرح رائع للموضوع كالعادة يعني ..
المهم انا هبدأ بحاجة بسيطه :

اسباب فشل التعليم فى مصر من وجهة نظري :

• السبب الرئيسي لمشكلة التعليم هي الكوسه :) مش عارف داخله فى كل حاجة فعلاً والله
• تاني سبب ممكن نقول الاهمال من الاهل الأول .. يعني لو الطفل من الأول اخذ على نظام ان مامته او باباه يسأله أخدت اية في المدرسة النهاردة وراجع معاه كل اللى أخده الطفل هياخد على كده فعلاً ( وده سبب رئيسي تاني )
• للأسف اننا اخدنا على نظام واحد .. بتحفظ شوية الكلام المهم وتدخل الامتحان تكب المعلومات اللى فى دماغك وشكراً بعد كده مش هتفتكر اي كلام من اللى انت اتعلمته ،
• وكتيير كمان ان شاء الله هكتبهم بعدين ...

طيب ازاي هنحل المشكلة دي ؟
انا شايف الأول ان اولياء الامور هما اللى عليهم الحمل بنسبة 90%
يعني المفروض الاب او الأم يتابعوا اولادهم ويتابعوا مع المدرسة
لأن اكيد اي حاجة غلط هيشوفوها ممكن تتصلح ،

وكمان المناهج عندنا .. انا مش عالم او هقول المناهج مش تناسب السن
بس هقول على حاجة بسيطه .. اننا بندرس حاجات ملهاش لازمه بجد

في نقطة حابب اقولها فى الآخر
التعليم عندنا فى مصر أحسن بكتير من دول عربية تانية
بس نظام التعليم فى الدول العربية عموماً ( شبه فاشل )

وبنحاول نبص لحد أحسن مننا :)

ولـي عودة ان شاء الله

اقتباس:

---

للأسف اننا اخدنا على نظام واحد .. بتحفظ شوية الكلام المهم وتدخل الامتحان تكب المعلومات اللى فى دماغك وشكراً بعد كده مش هتفتكر اي كلام من اللى انت اتعلمته

---

ده الكلام اللى انا كنت هاقولو و مستر على قالو و قام بالواجب و زياده

و التعليم فى مصر 100/100 و محدش يقدر يقول غير كده و اللى يقول غير كده يبقى 100/100

http://www.noor-elshams.com/t9ameme/gift/s6.gif


أولا انا بشكرك جدا احمد على الموضوع الاكثر من رائع وغير كده طريقة تناولك للمواضيع دايما بتكون مميزه :)
انا وجهة نظرى ان اهم اسباب تدهور التعليم فى الدول العربيه طرق التدريس اللى بتقوم على التلقين والحفظ واضعاف قدرة الطلاب على الحوار والمناقشة والتفكير وابداء الرأي.
وبتكون العلاقه مبنية على التسلط والإجبار من قبل الأستاذ والخوف والإذعان من جانب الطالب.
تانى حاجه عدم تطوير المناهج بمعنى انه زى ماقال على بندرس حاجات ملهاش لازمه

فانا بشوف ان الحل يكمن فى تطوير المناهج وتطوير طرق التدريس بأن يتم تدريب وتاهيل المدرسين جيدا قبل العمل بالمدارس وزيادة التوعيه لأولياء الأمور


http://www.mayyar.com/album/data/media/23/j87.gif

على ما اظن يا كارثه معظم اسبابك صحيحه 100% لكن يضاف ليهاا اسباب تانيه
مثلا احناا بنقول التعليم التعليم مبقااش فى تعليم بس ليه مبقااش فيه تعليم زمان النااس عموماا مش المدرسين بس
كان بيبقى فيه بركه فى الرزق والراتب اللى بياخذوه منكش زى اللى موجود دلوقت
فانت دلوقت تلاقى المدرس بيعمل على قد فلوسه تلاقيه قاعد فى الفصل مبيشرحش ولو مدرس زميله جاله قاله ياعم اتقى الله
يقولو على قد فلوسهم :D
وده اناا باعتبره من اهم الاسباب اللى قدت الى تدهور التعليم
من الاسباب ايضاا التبعيه فى التعليم تلاقى التعليم مش مستقل بذاته تلاقيه تابع لده ولده ولو مميش زى ماهم عايزين يبقى القيامه قامت
وبصراحه التعليم ايضاا باظ لان مفيش شغل اناا عن نفسى محبط جداا يعنى الواحد يتعلم ويصرف وده وده
وبعدين تلاقيه قاعد على قهوه ولا صايع مش لاقى شغل .
اماا حكايه التعليم الخاص مفيش فرق دلوقتى بينه وبين العام معاناا نااس كثير فى خاص وفاشله جامد جداا يعنى
هى المشكله فى التعليم نفسه واللى قايمين عليه والاباء فى البيت
وكل شويه ذاكر الواد يجى من المدرسه ذاكر المفروض العيل من الصغر يعلموه ازاى يحافظ على وقته
ويقسمه كيف مذاكره لعب خروج وكل حاجه يعطيهاا حقهاا فمكنااش هنلاقى ده كله
شكراا ليك كارثه على الفكره الجامده التانيه

اقتباس:

---

اولا السلام عليكم يا كوارث

---

وعليكم السلام ورحمة الله وبركاته :D

اقتباس:

---

كفاية انهم هيخلو كل السنين معادا الثانوية تقويم يارب تكون عارف يعني ايه تقويم

---

ايوا سمعت عنه اللي هو لو حد سقط في ماده مش لازم يمتحنها تاني >:)

اقتباس:

---

وبعدين انت بتقول لو دخلنا مدارس خاصة التعليم حاله هينصلح
اشمعنا يعنى مالهاش دعوة مدارس خاصة او حكومية التعليم بيرجع للكل حاجة

---

لا لا لا لا لا :D

انا اصدي في مرحلة معينه وهي الابتدائية لانه الطالب بيكون لسه طفل وملوش ميول للانحراف

لكن بعد كده بقى سواء خاص او حكومي هينحرف هينحرف :D

بس هي الفكره ان مرحلة الابتدائية بتكون غالبا بداية الفشل لان مفيش طفل هيفشل في حضانه مثلا :-B

عمرك سمعتي عن طفل عاد كي جي تو >:)

اقتباس:

---

بس بصراحة الحل الوحيد طالما التعليم بقى مشكلة كبيرة ومش عاوزة تتحل يبقى البيت هو اللي ياخد باله من اولاده

---

هو طبعا البيت فعلا بيتحمل مسؤلية تعليم اولاده بس من غير نظام تعليم صحيح يبقى معملناش حاجه :D

اقتباس:

---

السلام عليكم

---

وعليكم السلام ورحمة الله وبركاته :D

اقتباس:

---

وكمان المناهج عندنا .. انا مش عالم او هقول المناهج مش تناسب السن
بس هقول على حاجة بسيطه .. اننا بندرس حاجات ملهاش لازمه بجد

---

اهو انت كده حطيت ايدك على زتونة الموضوع >:)

المناهج

فعلا المناهج اصبحت تحمل شئ من التفاهة

يعني مثلا

التربية الفنية مطلوبة لانها الى حد ما فن زي ما بيقولوا

بس ازاي التربية الفنية تضاف للمجموع والتربية الدينية لاء ؟:|

اقتباس:

---

ده الكلام اللى انا كنت هاقولو و مستر على قالو و قام بالواجب و زياده

---

افادكم الله

طبعا كل كلامك صح بس انت اتكلمت عن احوال المتعلم اللى هو الطالب ومعاناتو اليومية فى اليوم الدراسى
وبعدت خالص عن اسباب انهيار التعليم ...اللى بيحصل للطالب دا نتيجة مش سبب نتيجة للنظام التعليمى الفاشل
فى الدول المتقدمة بتبقى الاولوية الاولى للتعليم افتكر ان اوباما اثناء فترة الترشيح للرئاسة كان اول برنامج لية هو تطوير التعليم
لكن فى بلدنا بجد اخر اولوية بتبقى للتعليم لانهم لو بيهتمو بية بجد اكيد كان اتطور شوية بس للاسف هو بينهار اكتر
اول سبب الياسة التعليمية فى مصر
كل شوية يطرحو خطة لتطوير التعليم وطبعا كلها خطط غير مدروسة لانها فى الاخر بتسبت فشالها ويلغوها ويخترعو لينا خطة غيرها وكلو فى الاخر مش بيجى غير على دماغ الطالب
زى مثلا الغاء الغاء الصف السادس الابتدائى وبعد كدا رجعوة وبعد كدا لغوة تانى
دا غير اللى بيعملوة فى المرحلة الثانوية سنة 1994 تم تطبيق نظام التحسين فى الثانوية العامة النظام دا بقا خلى كل اللى مش مؤهل للتعليم الثانوى العام يدخلو وبعد كدا بـ 3 سنوات لغوة وبعد كدا وبعد قدا خلوها على مرحلتين المرحلة الاولى فى الصف الثانى والمرحلة الثانية فى الصف الثالث دلوقتى بقا بيقولك هيعمل الثانوية العامة على سنة واحدة بترمين
دا غير التنسيق اللى ارتفع بطريقة مخيفة يعنى اية طالب يجيب 97فى المية وميلحقش طب دا اسمو تعجيز والتنسيق فى الطالع واللهى خايفة حد يجيب مية فى المية ويقلولو ملحقتش طب

ثانيا ياتى دور المدرسة اللى تقلص بصورة رهيبة ويمكن الصورة اللى انت حاتطها دى دا تقصير من المدرسة وبقا فية تقصير مخيف ومفيش رقابة على الطلاب
دا غير المعلم وبسسب ظرف معيشتو اضطر يلجأ للدروس الخصوصية واجبار الطالب عليها وعدم وجود اهتمام بية من قبل الوزارة لتطوير اسلوبة فى التعليم
وتعليمة طرق جديدة للتعليم ورفع شانو ومستواهة دا غير الاسلوب اللى لجؤلية لتقييمة للكادر الخاص بجد مهزلة
دا غير دور الاسرة اللى اهملت اولادها
وفكرت ان دور اقتصر على اعطاء ابنائهم دروس خصوصية فى كل المواد يعنى وحاجات كتير بس انا دلوقتى مش فاضية ممكن ارجع اكمل مناقشة بعد كدا

وطبعا بشكرك على طرح موضوع مهم زى دا
تقبل مرورى اختك سارة

اقتباس:

---

http://www.noor-elshams.com/t9ameme/gift/s6.gif

---

وعليكم السلام ورحمة الله وبركاته

اقتباس:

---

أولا انا بشكرك جدا احمد على الموضوع الاكثر من رائع وغير كده طريقة تناولك للمواضيع دايما بتكون مميزه :)
انا وجهة نظرى ان اهم اسباب تدهور التعليم فى الدول العربيه طرق التدريس اللى بتقوم على التلقين والحفظ واضعاف قدرة الطلاب على الحوار والمناقشة والتفكير وابداء الرأي.
وبتكون العلاقه مبنية على التسلط والإجبار من قبل الأستاذ والخوف والإذعان من جانب الطالب.

---

طبعا كلامك صح العلاقة بين الاستاذ والطالب فيها نوع من الجبروت

وسمعنا اللي حصل من فترة قريبة ان استاذ ضرب طالب و مات

اكيد مبدأ الثواب والعاقب مطلوب

بس اللي احنا شايفنه دلوقتي مبدأ العقاب والعقاب :D

والمفروض ان العقاب يكون بحكمة على عكس ما بيحصل

المدرس بيبقى ناقص يدوس على الطالب زي البرص >:)

اقتباس:

---

فانا بشوف ان الحل يكمن فى تطوير المناهج وتطوير طرق التدريس بأن يتم تدريب وتاهيل المدرسين جيدا قبل العمل بالمدارس وزيادة التوعيه لأولياء الأمور

---

ده اللي المفروض يحصل وعلى مختلف المراحل

يعني مش نهتم بمدرسين المرحله الثانوية بس

المفروض ان المرحلة الابتدائية مثلا محتاجه مدرس اكفأ لانه بيخاطب عقول اطفال

يعني المفروض يكون عارف ازاي يتعامل مع الطفل ويوصله المعلومه صحيحه ومن غير تعقيد

اقتباس:

---

بصراحه التعليم ايضاا باظ لان مفيش شغل اناا عن نفسى محبط جداا يعنى الواحد يتعلم ويصرف وده وده
وبعدين تلاقيه قاعد على قهوه ولا صايع مش لاقى شغل .

---

طيب انت نفسك بتقول اللي بيتعلم مش لاقي يشتغل

اومال اللي مش هيتعلم هيتعمل في ايه ؟! :D

مش مبرر طبعا ان في قلة فرص عمل

على الاقل خالص احنا كشباب نعمل اللي علينا

وبعد كده ربك يسهلها :D

اقتباس:

---

شكراا ليك كارثه على الفكره الجامده التانيه

---

لاء العفو يا ريس :D

اقتباس:

---

طبعا كل كلامك صح بس انت اتكلمت عن احوال المتعلم اللى هو الطالب ومعاناتو اليومية فى اليوم الدراسى
وبعدت خالص عن اسباب انهيار التعليم ...اللى بيحصل للطالب دا نتيجة مش سبب نتيجة للنظام التعليمى الفاشل

---

كلامك مظبوط فعلا في اسباب كتير مذكرتهاش بس ده عن تعمد لاني لو هذكر كل الاسباب يبقى الموضوع مش مطروح للنقاش واللي هيرد هيقول شكرا وخلاص :D

اقتباس:

---

كل شوية يطرحو خطة لتطوير التعليم وطبعا كلها خطط غير مدروسة لانها فى الاخر بتسبت فشالها ويلغوها ويخترعو لينا خطة غيرها وكلو فى الاخر مش بيجى غير على دماغ الطالب
زى مثلا الغاء الغاء الصف السادس الابتدائى وبعد كدا رجعوة وبعد كدا لغوة تانى
دا غير اللى بيعملوة فى المرحلة الثانوية سنة 1994 تم تطبيق نظام التحسين فى الثانوية العامة النظام دا بقا خلى كل اللى مش مؤهل للتعليم الثانوى العام يدخلو وبعد كدا بـ 3 سنوات لغوة وبعد كدا وبعد قدا خلوها على مرحلتين المرحلة الاولى فى الصف الثانى والمرحلة الثانية فى الصف الثالث دلوقتى بقا بيقولك هيعمل الثانوية العامة على سنة واحدة بترمين

---

ده شئ طبيعي لان كل وزارة بتتغير بتضع خطة جديده عشان تبقى عملت حاجه:D

بس طبعا خطط كلها ملهاش لازمة ومش مدروسة كويس

اقتباس:

---

وطبعا بشكرك على طرح موضوع مهم زى دا
تقبل مرورى اختك سارة

---

العفو و نورتي الموضوع :D

اقتباس:

---

المشاركة الأصلية كتبت بواسطة Mr.KaRsA

ايوا سمعت عنه اللي هو لو حد سقط في ماده مش لازم يمتحنها تاني >:)

---

لالالالا يبقى ماتعرفهاش :-O
دي عبارة عن تقويم مستمر طول السنة ولما يجي وقت الامتحان هما مالهمش
خلاص يقعدو في بيوتهم بقى >:D<
والكلام ده بيسري من سنة لسنة لغاية مايوصل الثانوي اولى ثانوي يعني
ومايبقاش في غير الثانوي اللي بيمتحنو والباقيين في بيوتهم بيتفرجو عالتلفزيون :D

http://www.masrawycafe.net/upload/up...ce328ecd36.gif

بص بقى ياعم كارثة
انا هاكتبلك وامرى لله
اصلي كتبت فى المشكلة الاولى مرتين ومظهرش مش عارفة لية :-O
خلينا في الموضوع احنا هانرغى :D

اولا احب اشكرك على طرحك للفكرة الموضوع
لانة بجد بقت حاجة سورى يعنى تقرف بجد ومش بهزر
ولا خاص نافع ولا عادى نافع المهم عند المدرس الفلوس ثم الفلوس
وزياريت بيعمل بضمير بقى يعنى يدرس صح ويدى الناس حقها لا بيعمل عكس كده
ياخد الفلوس ويجرى كانة اول مرة يشوفها
ولعلمك سبب فشل التعليم هى وزارة التعليم نفسها
يعنى يخلونا ندرس حاجات يعنى مش ملهاش لزمة بس لا دى حاجات معقده خالص
والواحد لو اتكلم يقولة انت بتغلط فى الحكومة
هو اية اي هبل بيدروس للاطفال
وياريت تيجى على المدارس بس لا دى فى الجامعات كمان واحب اكرر سواء خاصة او حكومة
انا فى خاصة اهو وكانى لسة داخلة مع انى فى سنة رابعة :D
يعنى اقصد ان الدكتور يجي يرمى كلمتين ويشمى فهمنا بقى مفهمناش هو مالوش دعوة
اقربها لسة اهو الواحد بيقول يهادى وهايمتحن وفى ماده بيدرس العميد احنا تفائلنا وقولنا اكيد هايكون كويس
ويارتنا مافكرنا ده طلع ........... قال اية الكتاب كله مكرر وفصل واحد ملغى علشان سياده مشرحوش :-O
طيب بزمتك ده كلام يعنى ازاكر كتاب 300 ورقة علشان 6 اسئلة مين يقول كده :(
ولو اتلمنا بناخد ....... علشان عيب ده العميد يكونشى وزير وانا مش واخد بالى :D

يالا اقولك الحل بقى وكفاية رغى

الحل اية

اولا : المنهج لازم يتغير من الابتدائى للكلية والطلبة ماتدرس غير اللى مهم مش كوسة وخلاص X-(

ثانيا : التربية السلمية والاهل تاخد بالها من اولادها ومن الانحراف وراء الاصدقاء السؤ

ثالثا : كل من يعمل فى مهنة التدريس يراعى ربنا يعنى فى المدرسة او فى الدروس الخصوصية بجد
المدرس ياخد الشىء الفلانى ويقعد مع الطالب نص ساعة ويقول رضى :-S

رابعا : التعليم مش كوسة يعنى مش مدرس الالعاب يدرس رياضة او بتاع العربي يدى دين وهو مش فاهم حاجة ويوصل المعلومات غلط
ودى انا بشوفها كتير وبجد حرام ده دينا ماينفعش كده

خامسا : لو وزارة التعليم سواء للحكومة او للخاص عملت نظام معين للمدرسين بمعنى لو زوده المرتب مش هايلجوا للدروس الخصوصية ولو فى مراقبة على المدرس
اكيد هي راعى ربنا فى شغلة :-B

وبكده اكون خلص يا احمد باشا وبجد موضوع جميل جدااااااا >:D<
وياريت يتصلح علشان شببنا وبناتنا
ولو عندك اضافة مافيش مشكلة :D

http://www.althkra.net/pic/ep/Bow13.gif

اقتباس:

---

طيب بزمتك ده كلام يعنى ازاكر كتاب 300 ورقة علشان 6 اسئلة مين يقول كده

---

http://www.masrawycafe.net/upload/up...543fdd77b7.gif


ده القانون التجاري :D

1200 صفحة جه منهم 3 اسئلة >:)

ما علينا خلينا في الحلول :D

اقتباس:

---

اولا : المنهج لازم يتغير من الابتدائى للكلية والطلبة ماتدرس غير اللى مهم مش كوسة وخلاص X-(

ثانيا : التربية السلمية والاهل تاخد بالها من اولادها ومن الانحراف وراء الاصدقاء السؤ

ثالثا : كل من يعمل فى مهنة التدريس يراعى ربنا يعنى فى المدرسة او فى الدروس الخصوصية بجد
المدرس ياخد الشىء الفلانى ويقعد مع الطالب نص ساعة ويقول رضى :-S

رابعا : التعليم مش كوسة يعنى مش مدرس الالعاب يدرس رياضة او بتاع العربي يدى دين وهو مش فاهم حاجة ويوصل المعلومات غلط
ودى انا بشوفها كتير وبجد حرام ده دينا ماينفعش كده

خامسا : لو وزارة التعليم سواء للحكومة او للخاص عملت نظام معين للمدرسين بمعنى لو زوده المرتب مش هايلجوا للدروس الخصوصية ولو فى مراقبة على المدرس

---

حلولك منطقية

بس احنا في مصر

يعني كل حل من دول محتاج يتعمله وزارة جديده

وكل وزارة تضع خطة للعمل على تنفيذ هذا الحل>:)

هااي مستر كارثة
الصراحة الموضوع جديد وممتع
بس انا للأسف معرفش حاجة عن الي بيحصل للتعليم في مصر لأني طول عمري عايشة بره:">
بس هو موضوع جامد اخر حاجة :)
وان شاء الله توصلو لحل :D

بصراحة
انا معنديش فكرة عن التعليم في مصر لأني عايش بره :D

بس انا عايز اقول حاجة صغيرة

هو مش كان المفروض نبدأ بموضوع التعليم قبل موضوع البطالة لأن التعليم سبب في كل حاجة X-(X-(

وعلى العموم كان نفسي اقول رأيي بس بجد الموضوع ده ماليش فكرة عنه

وتسلم يا برنس على الموضوع الجامد :-P:-P

السلام عليكم ورحمة الله وبركاته أود أن أطرح موضوع جديد ألا وهو الغلاء و انتزاع البركة من كل شىء فى حياتنا ونود ان نجد ردودا سليمة و مقنعة وواقعية تضيف الحل و الرأى السليم لنا جميعا نود مشاركة الجميع يأرائهم " ماهر 5"

موضوع التسرب من التعليم ;;)و الفساد العقلى>:D< راجع لعدة اشياء منها>:D< البعد عن الاسلام و تعاليمه و تفكك الأسرة و انتشار الدش و النت و الإستخدام الخاطىء لهم أدى ذلك الى ما نحن عليه الأن و موضوعك جيد "ماهر 5";;)

السلام عليكم و ر حمة الله و بركاته
هذا صحيح و يجب اضافه اليه الاسباب الاتيه الفقر و الحهل وعدم وجود وظائف لمعظم الخريجين
وشكرا

للأسف جعلنا من التعليم وسيلة رغم أن التعليم لا بد أن يكون غاية فى حد ذاته فليس مطلوبا أن أتعلم وأعمل بنفس ا[YOUTUBE][/YOUTUBE]لمهنة التى درستها فى الجامعة ما المانع أن أتعلم واتقن عمل فى مجال آخر بمعنى أن يصبح التعليم هدف فى حد ذاته خارج عن أى عوامل أخرى فالتعليم فرض كفاية نعم ولكن لابد أن نقوم به .
لابد أن تكون هناك توعية بأهمية التعليم دون النظر الى الربح المنتظر من ورائه , كنت قرأت أن رجلا فى اليابان اتجه للتعليم بعد أن تجاوز المائة عام لان فى معتقد البوذية أنه النعيم لايملكه بعد الموت الا المتعلمون , فهل هذا كلام ونحن نعتنق أعظم الديانات ولا نعطى للتعليم أى أهمية رغم أن الدين الاسلامى يحثنا جميعا على التعليم .
المشكلة فى التعليم فى مصر واعتقد العالم الاسلامى كله ليست مشكلة مهنية فقط بل اجتماعية واخلاقية واقتصادية وايضا وهذه هى الطامة أنها سياسية لا بد من توعية عامة ........
وآسف للاطالة

موضوع جامد

شهادة الاعدادية

موضوع مهم وردود قوية وواعية، بس فيه خلط بين الأسباب والنتائج وعموماً فيه أسباب تتعلق بالمدرسة كمنشأة محتاجة إمكانيات،وأسباب تتعلق بالمدرس، وأسباب تتعلق بالدولة، وأسباب تتعلق بالأهل، وأسباب تتعلق بالتليمذ.
وبمنتهي الاختصار نقدر نقول: إن المدرسة ناقصة إمكانيات كتير أوي وحتي الخامات والأجهزة الموجودة فيها فعلاً ما هي في نظر القائمين علي العملية التعليمية إلا عُهدة بس عهدة أبدية يعني المفروض إنها موجودة علشان نتفرج عليها مش تخلص ونجيب غيرها.
وكمان ميزانية التعليم في مصر بتتكلم وتقول إن التعليم ليس علي رأس أولويات الدولة ولا في النص ولا حتي قبل الآخر بكام متر!!!
معظم المبلغ التافه المخصص للتعليم والبحث العلمي بيروح ف المرتبات تخيل يا أخي!! أمال لو بنصرف علي البحث العلمي كان المدرس - اللي عنده ضمير- اشتغل بعد الظهر علشان يصرف علي المدرسة...من جيبه!!!
بما إن المرتبات عبيطة فالمدرس واخد راحته ع الآخر في موضوع الدروس ومن ناحية تانية الدولة ملهاش عين تنقي وتفرز الصالح من ال!!!!!!فاهمين طبعا
الكثافة الطلابية ف الفصل مش محتاجة تعليق وببساطة المطلوب إن الواد يقعد مرتاح الأول وبعدين يتعلم.
نسبة الأمية في مصر مازالت فوق ال80% مع إن الدولة مصدقة نفسها ف التهريج اللي بتسميه محو الأمية!!!لاحظ إن الأميين دول هم الأب والأم!!!
التعليم الفني عموماً بيضيع فيه ملايين علي كتب بتتباع بالكيلو ف آخر السنة ويمكن قبل كده بشوية وبتكون بحالة الزيرو!!! أموت وأعرف إيه الهدف من تدريس اللغة الإنجليزية مثلاً لطالب وصل لسنة أولي فني صناعي زراعي أو غيره ولسه مش بيعرف يكتب 10 جمل صحيحة........... بالعربي!!!

إحنا عندنا مشكلة واحدة ف مصر...

إحنا عندنا...

أزمة ضمير...
وبس