( حدث في الواقع ) .. { الرشوة ..!!

السلام عليكم ورحمت الله وبركاته

__

ازيكم يا جماعه وحشتوني كتير جدااا

يارب كلكم تكونو بالف خير وصحه وسعاده

:):)

((( ندخل علي الموضوع )))

الحقيقه انا بتقع قدامي مواقف متعدده منها بسيط ومنها مش بسيط خالص

وساعات كتير بتشغلني اوي واقعد افكر فيها

مواقف خاصه بالشارع المصري

واليومين الـ فاتو دول وقعت قدامي مواقف كتير جدا وكلها ما شاء الله تكسف

فا قررت اعرضها عليكم ونتبادل وجهات النظر والاقتراحات

http://www.masrawycafe.net/upload/up...711c46c017.jpg


بــسم الله الـــرحمن الــرحيم

**
في يوم الخميس قبل الـ فات حصل موقف كده قدامي حيرني برضو وبجد بجد دموعي نزلت

حزنت اوي علي حال بلدي

المكان / حدايق القبة

الحدث / رشوة

هيا في نظر الكتير مش رشوة يعني يقولك دا بيسلك نفسه!!

المهم ندخل في الموضوع

كنت واقف مع زميل مستنيين واحد صاحبنا في الحدايق

وكنا قدام سنتر كبير وطبعا حطين قدامه ممنوع الوقوف بالسياره يعني

وحطين سلسه حديد كده وواقف عسكري

المهم جت عربيه لادا صغيره كده نزل منها راجل عجوز شكله يدل انه بسيط

يعني علي قد حاله ومعاه تقريبا ابنه ركن العربيه جمب السلسله الحديد الـ قدام السنتر

ودخل السنتر مفيش دقيقه ونزل ملقاش عربيته ليييييه ؟؟

الونش كلها :D

اخدها يعني طبعا علي اقرب نقطه مرور واجري بقي يا عجوز علي المرور وادفع غرامه

واتبهدل ( بس معلش علشان تبقي تلتزم بالقوانين )

المصيبه بقي معداش ربع ساعه وجه واحد راكب عربيه هوندا موديل محترم

شاب كده نزل من عربيته اتكلم مع العسكري دا واعطاله فلوس:-/

لقيت العسكري فتح السلسله ووقف يساعد الراجل انه يركن عربيته

( يمين شويه لالا شمال شمال اييييوه تمام كده )

الله الله :-O:-O X-(

مش دا نفس المكان الـ الراجل الغلبان دا كان واقف فيه وعربيته اتسحبت

بالرشوه الشاب دا ركن عربيته لا وكمان عسكري حكومي بيحرسها

طيب والراجل الغلبان :-/

قولت في بالي بقي هيا ماشيه كدا

!!!!!!!

وفكرت اني اروح ابلغ عن العسكري دا

بس حرام مهو برضو غلبان يعني بياخد كام في الشهر وتلاقيه عنده اطفال

يعني العجوز الغلبان غلط واخد اكتر من عقابه

والعسكري غلط واخد رشوة ومخدش عقابه

والشاب غلط طبعا ولا حد هيقوله حاجه

وهيفضل ماشي بالاسلوب دا طالما متاح طبعا

طيب وايه الحل نمشي احنا كمان بالـ رشوة ونسلك امورنا زي ما بيقولو

ولا نفضل علي مبادئنا وناكل علي دماغنا

ولا ايــــه

؟؟!



http://www.masrawycafe.net/upload/up...711c46c017.jpg


الـ اللقاء في حدث اخر
و
حدث في الواقع

***

اولا اتكلم فى الموضوع
الموضوع مهم وبقيت كل حاجة ماشية كده واللى بيمشي غير كده بيبقى مغفل سورى يعنى بس دى حقيقية والله
هى الرشوة دى زى الواسطة بالظبط يعنى بردو من غير واسطة الحاجة ماتمشيش

هانعمل اية ده حال الدنيا وصدقنى مش هاتتغير ابداااااااااا

ثانيا نتكلم بقى فى الغياب ده والله بجد الواحد افتقدكم جدا سواء انت او ندى حبيبة قلبي
ويارب يكون المانع خير
وحمد لله على سلامتك
عقبال مااشوف ندى قريب >:D<

أولا حمد لله على سلامتك
أفتقدناك لفترة الماضية لعل المانع خير
ثانيا الرشـــــــــــوة دى بقت حاجه عادى مش من دلوقت من كام سنة كده
وعلشان نغير العاده دى لازم نغير حاجات كتير!!!!!!!!!
وغصب عنك علشان تقدر تخلص أعمالك لازم ترش!!
والا مش حتخلص فى يومك وده حصل معايا وصممت أنى مدفعش وتخنقت مع الفراش وده بقى الوسيط بتاع الموظف وبرضه لم أستطيع أن أخلص أوراقى الا بعد اللى دفعوا
ربنا يسترها ياشريف
عموما موضوعك جدير بالمناقشة أشكرك:x:x

الامانة
**************
من حسن السير والسلوك
ان الحلال حلو ومبروك
والحرام شر ومتروووك
*******
ولما مد الايد للحرام يزيد
يبئه كتيييرللشيطان عبيد
مرتشى بهدية يكون سعيد
*********
ياللى ما تصون الامانة
مين علمك طبع الخيانة
ياللى اتمنيت سوء المكانة
هتورث ولادك ذل ومهانة
*********
ويا خاين ليه تخووووووون
ربى وربك رب الكوووووون
هيحاسبك مهما تكوووووووون
**********
الرشوة بتحضنها بايديييييييك
وللمهالك بتجرى رجلييييييييك
قريب يملى التراب عنيييييييك
**********
لو ابنك من الحرام هتربييييييييه
احترامك مهتشوفه بعنييييييييييه
وابكى من دلوقتى بحسرة عليييييه
**********
كلمات م/ عماد الدين محمد عبد المنعم
على فكرة دى كلمات
كنت كاتبها
عن موضوع رشوة كبيرة
كانت بالملايين
ونشرتها الصحف
ولم اجد ما ارد به على موضوعك
غير هذه الكلمات
فتقبل مروى
دمت بالف خير
فى
حفظ الله ورعايته

طيب لو كل واحد قال هنعمل ايه وقعد ساكت هتبقي مصيبه وكارثه حقيقيه

اكيد في ايدينا حاجه يا شيماء دي بلدنا برضو

...,,...

سيبك انتي منوره والله

وانتو كلكم وحشتوني كتير فعلا

وعقبال ما تطمني علي ندي ان شاء الله

**

ديت الدنيا الرشوه ملهاش نهايه بصى مش هنعيش كتير فى نهايه

الله يسلمك يا ام اسراء

وانا والله برضو انتو وحشتوني كتير جدا

:x:x

**
الموضوع بقي

برضو مينفعش الواحد يعمل الغلط لمجرد ان الناس بتعمله

لازم الواحد يكون ليه موقف من الحاجات دي وميعملهاش

ميقولش ما كله بيعمل جت عليا يعني

دا بقي اكبر غلط

وللأسف كتير بيعملو كده

**

ديت الدنيا معلشى الرشوه ملهاش نهايه حتى لو دخل السجن فى نهايه عيشين ليها

http://www.masrawycafe.net/upload/up...99d160aea9.jpg

كلماتك جميله جدا يا عماد

اقتباس:

---

الرشوة بتحضنها بايديييييييك
وللمهالك بتجرى رجلييييييييك
قريب يملى التراب عنيييييييك
**********
لو ابنك من الحرام هتربييييييييه
احترامك مهتشوفه بعنييييييييييه
وابكى من دلوقتى بحسرة عليييييه
**********

---

فعلااا رائعه تسلم ايديك

**

اقتباس:

---

المشاركة الأصلية كتبت بواسطة bogey

ديت الدنيا معلشى الرشوه ملهاش نهايه حتى لو دخل السجن فى نهايه عيشين ليها

http://www.masrawycafe.net/upload/up...99d160aea9.jpg

---

اقتباس:

---

ديت الدنيا الرشوه ملهاش نهايه بصى مش هنعيش كتير فى نهايه

---

ايه الجمال دا كلمات شعريه

وعمرو دياب

شكل حضرتك متأثر بالموضوع جدا

:D:D

اهلا اهلا

**

الف حمد الله على السلامه والله انهاردا كنت على بالى
بس يلا انت قطعت علياا المواصلات :D
خليناا فى الموضوع
ما اكثر الرشوه فى حياتناا من اصغرهاا لاكبرهاا
من عند سواق العربيه لعسكرى المرور
للنصبه الكبيره فى الشركات والبنوك
لا نسيت والحكومه
ربناا يسترهاا عليناا فالراشى والمرتشى لهم حسابهم
من الله وربناا يجزيهم بماا يفعلون
بس هى دى سنه الحياه معاك تعيش ممعاكش
خلاص مش هقولك متعيش شوف حياتك بنفسك ازاى هتمشيهاا
وطبعاا احناا غلابه لا بنعرف نودى ولا نجيب
بتاجى معناا ستر من ربناا لانه اعلم باحولناا
وتلاقى البركه فى كل شىء بالنسبالناا والله
ويارب يديمهاا عليناا
وشكراا لحقائقك
وزيدناا منهاا دايماا

اقتباس:

---

بس هى دى سنه الحياه

---

يا خبر ابيض سنه الحياة :(:(

دي مصيبه بجد بقي المهم اننا منعملش زيهم ونفضل علي مبادئنا

,,

و الله يسلمك انت وحشتني كتير والله يارب تكون بخير

**

تحية لك على فتح الموضوع
فواقعنا ملئ بالمفاجات المفزعه
وللاسف دى سلوكيات لبعض الافراد
ومهما حصل مش فرض علينا ان نتبعهم لانه باختصار حرام فالراشى والمرتشى فى النار
بركة ايه اللى حتعود علينا من تسليك امورنا
بالرشوه
وطالما احنا ساكتين بيزيدو فيها
لكن حيجى اليوم لنقول كفايه لهذه النوعيه

استمر فالسلوكيات كتير
******

احزننى بعض الردود
ازاى وانا رسمت لاخواتى صوره من كتابتهم
******


http://www.dohaup.com/thumbnails/67_700x2147483647.jpghttp://www.manarcom.com/~card1/image...mareed/1_a.jpg

كلام صحيح طبعا يا طله القمر

مش علشان كتير ماشيين بحكايه الرشوه دي نبقي زيهم

ودا الـ انا بحاول اوضحه بس للأسف دا واقع فعلا اكتر الناس ماشيه كده

وميرسي كتير لمشاركتك ورأيك السليم

**