يلا ننفرد بقسم مميز فى مصراوى كافيه

بسم الله الرحمن الرحيم
اعزائى اعضاء ومشرفين مصراوى كافيه
انا جاتلى فكره نعمل بيها موضوع ويبقى حصرى لمصراوى كافيه
الفكره بتتكلم على

انا فكرت نعمل موضوع فى قسم قناة مصراوى كافيه
اسموا (مصر بتقول ايه النهارده)
وهيبقى كلاتى
اولا لازم يكون مكون على الاقل من خمس اعضاء يمسكوا الموضوع
وهننزل الشارع وهنشوف الموضوع الى شاغل المصريين
وطبعا هيبقى فيه تصوير ونصور مواضيع مميزة ونعمل حوارات مع ناس مسؤولين بالصور او الفديو
وننفرد باخبار حصرية
اما على التصوير فمفيش اى مشكلة الكميرات موجودة بس هيكون فيه واحد هنرشحة علشان هو يعمل الحوار وواحد نرشحة يكون صاحب اعداد الاسئلة

طبعا دى فكره جتلى
عايز اعرف ايه رايكوا هل تؤيدونى فى الموضوع ده

MeZo

هيا فكره حلوه بس انت مش تتخيل انها فكره صعبه شويا انها تتنفذ او ممكن نلاقي الوقت الفاضي ان حد يعمل كدي انا مش بحبطك لا بالعكس فكره حلوه بس صعبه التنفيذ وعلي العمووم تسلم يا كبير علي الفكره الحلوه ديا ومستني باقي الاعضاء :)

اقتباس:

---

المشاركة الأصلية كتبت بواسطة ملكــ الاحساســ

هيا فكره حلوه بس انت مش تتخيل انها فكره صعبه شويا انها تتنفذ او ممكن نلاقي الوقت الفاضي ان حد يعمل كدي انا مش بحبطك لا بالعكس فكره حلوه بس صعبه التنفيذ وعلي العمووم تسلم يا كبير علي الفكره الحلوه ديا ومستني باقي الاعضاء :)

---

ممكن نستغل الموضوع ده فى الاجازة وباقى الحاجات عليا انا

هياا صعبه مش لاناا هننزل
لاننا كل واحد مناا فى مكان فعلشان تجمع حاجه زى كده لازم
كل موضوع خاص يبقى من منطقه واحده او محافظه واحد لان
كل شىء بيختلف من محافظه للتانيه
فهى هتبقى صعبه شويه
بس اعرض الموضوع على على كمان وشوف

دا انت عايز تعمل قناه اخبار لمصراوي كافيه بقي

والله فكره جميله خالص بس زي ما محمود قال كل واحد فينا في حته

الا بقي لو رشحت خمسه من كل محافظه صعبه شويه

بس الفكره نفسها جميله

**

فكرة روشة طحن بس محتاج تفكير واعداد كبير جدا;):D

لاننا كلنا بعيد>:D<

انا موافقة طبعا يامحمود

http://www.v9v6.com/up//uploads/imag...d19b29dd65.gif

هى فعلا الفكرة حلوة وجميله

لكن انا هقولك لحضرتك على حاجه

سيبك من الكاميرات والكلام ده لأن انا شغلى أصلا ً فى الكلام ده وده كله سهل


لكن علشان حضرتك تقدر انك تتكلم مع الناس وتصور فيديو أو حتى فوتو

فده لازمله تصاريح من وزارة الأعلام ووزارة الدخليه

فأعتدقد ان ده هيكون صهب للأننا موقع وليس محطه فضائية


شكرا ليك ولفكرتك

وانا بقترج ان احنا بدل ما ننزل الشارع
نعتبر نفسنا احنا الشارع ونشوف ايه اللى شاغل بالنا احنا ونتكلم فيه ونناقشه

وشكرا ليك ومنتظر ردك .......... :)

الفكرة حلوة ياميزو وتمنيت اكون بمصر لكي اشارك معاكو لكن للاسف انا بقارة وانتو بقارة

ممكن تتاجل لما انزل بالاجازة

فكرة فعلا ممتازة

تسلم افكارك
محيى

طبعا يا جماعة بشكركوا على رايكوا ده
بس يا ريت تشجعونى عملى احسن من نظرى يعنى مثلا
حكايت كل واحد فى محافظة عادى ممكن نكون شباب من الجيزة مثلا او من القاهرة اكيد فيه شباب من الجيزة كتير اوالقاهرة
ثانيا موضوع التصريح ده متحتلوش اى هم انا ليا صحاب كتير ممكن يسهلولى موضوع المقابلات دى
اما موضوع التعب لا مفهاش تعب خالص ده هيبقى لقاء كل اسبوع يعنى هنجهز المقابلة الواحدة فى اسبوع ونعرض كل حاجة عن اللقاء فى اخر الاسبوع على الموقع ودى بقه عليا
ومن حيث راى الاستاذ على طبعا انا مفتكرش ان الاستاذ على هيرفض الفكرة دى
وانا هعرض عليه الفكرة بردو
يا ريت الاهتمام والسعى فى الموضوع ده علشان انا حاسس ان هيكون موضوع هايل
ولو العملية اتعقدت اكتر انا ممكن اعمل الموضوع ده كلو لوحدى

ايه يا جماعة سكتوا ليه ما تخليكوا معايا وشوفوا الموضوع ده هيرسى على ايه

اقتباس:

---

المشاركة الأصلية كتبت بواسطة Mr.Mo0ody

هى فعلا الفكرة حلوة وجميله

لكن انا هقولك لحضرتك على حاجه

سيبك من الكاميرات والكلام ده لأن انا شغلى أصلا ً فى الكلام ده وده كله سهل


لكن علشان حضرتك تقدر انك تتكلم مع الناس وتصور فيديو أو حتى فوتو

فده لازمله تصاريح من وزارة الأعلام ووزارة الدخليه

فأعتدقد ان ده هيكون صهب للأننا موقع وليس محطه فضائية


شكرا ليك ولفكرتك

وانا بقترج ان احنا بدل ما ننزل الشارع
نعتبر نفسنا احنا الشارع ونشوف ايه اللى شاغل بالنا احنا ونتكلم فيه ونناقشه

وشكرا ليك ومنتظر ردك .......... :)

---

أنا رأيي من رأي مودي لأنه هو الرأي الصائب
الفكرة جميلة ولكن صعب جداً تنفيذها ..
أنا بقول هذا الكلام عن تجربة شخصية
مع أحد الأحزاب وتعرضنا للكثير من المضايقات
ولكنها فكرة جميلة جداً أنا مرحب بها ..
ممكن تخلق شخصيات اعلامية لامعة
ربنا معاكم .