هكذا تختفي الأعضاء الفعالة والأقلام المبدعة ..

بسم الله الرحمن الرحيم

( س )
عضو نشيط وفعال فى منتدى ما
بيحب المنتدى زى عنيه وبيعتبره فعلا بيته التانى

العضو ( س ) جت ف دماغه فكره
انه يعمل موضوع عن
( الشباب واهدافهم واحلامهم وحياتهم )
ولان العضو ده مش بيحب موضوعاته تكون اى موضوعات والسلام

وعشان الموضوع مهم

قعد يبحث ويقرا
ويدور يمين وشمال على النت
على كل كلمه
وكل معلومه تفيده فى الموضوع

وعشان الموضوع مهم -
- فمتاكد انه هيدخل اعضاء كتيره تتناقش معاه ف الاهداف والاحلام
وكل واحد هيدخل يقول رأيه

وف اليوم المطلوب
بدأ العضو ( س ) كتابة موضوعه الهام
وبدأ فى اختيار الكلمات المعبره عن اهمية الموضوع

وفى نفس اللحظه كان موضوع تانى لعضو تانى بيتكتب
الموضوع التانى عباره عن لعبه ( ادخل وقول اكلتك المفضله -- او مقاس جزمتك ايه ؟ )

انتهى العضو ( س ) من الكتابه
وهو يسأل الله ان يمنحه الوقت الكافى للرد على مشاركات الاعضاء التى ستتهافت على موضوعه الهام


خرج العضو ( س ) لقضاء بعض الاشياء التى اراد ان ينجزها سريعا حتى يعود للرد على الاعضاء
فالموضوع هام ولا يحتمل التأخير

فتح العضو ( س ) بريده
فوجد رساله واحده
كان متوقعا انها رساله من المنتدى بأن هناط ردودا كثيره على موضوعه المفيد الهام القيم
ولكن المفاجاه ان الرساله لم تكن ردا على موضوعه
بل هى رساله اعلانيه لموقع جديد على الانترنت

دخل بسرعه على موضوعه
فوجد عداد الردود على موضوعه لم يتخطى الرقم ( صفر )
بينما عداد الزوار قد تخطى بكثير حاجز ( المائه )


وفى نفس اللحظه
كان موضوع ( مقاس جزمتك ) مملوء على اخره ( بالجزم ) اقصد بالردود المتهافته على المقاسات


مر اليوم الثانى كاليوم الذى قبله

وفى اليوم الثالت وجد عداد الردود قد تحرك الى العدد 2

احدهما من مشرف المكان
والاخر من عضو كان رده على الموضوع القيم الذى سهر عليه ليالى لاعداده كلمة ( شكرا )

بينما وصل موضوع ( مقاس جزمتك ) المائة صفحه بل قل تخطى الالف مشاركه


وبعد اسبوع
كان موضوع العضو ( س ) فى الصفحه التانيه وسرعان ما وصل للصفحه الثالثه
بينما لم يحتاج المشرف الى تثبيت الموضوع بتاع
( مقاس جزمتك )
لان معدل الردود كاف لجعله دائما اول موضوع فى اول صفحه


هكذا

قرر العضو (س ) ان يغادر المكان
بعدما حاول مرارا وتكرار انعاش موضوعه بالردود واعادته الى الحياه بالصفحه الاولى
ولكنه سرعان ماتلاشى الموضوع

وقرر العضو المبدع المفكر ان يغادر
تاركا المكان للعضو صاحب موضوع مقاس جزمتك
الذى صار فى لمح البصر مرشحا للاشراف
بل وتخطى عدد مشاركاته الالف مشاركه
هو ابن اول امبارح



وهكذا انتهت حكاية العضو (س )
وبعده بدأت حكايات مماثله لاعضاء هم على نفس شاكلته
والتى سرعان ماانتهت حكاباتهم نفس النهايه
وتركوا المكان لاصحاب موضوعات مقاس جزمتك ومقاس شبشبك ...


والى لقاء اخر مع
اعضاء فعاله
و
اقلام مبدعه

احناا يا احمد لو هنعمل زى عمك العضو س يبقى محدش
هيبقى فى المنتدى
لان كلناا بنعمل مواضيع ومبيتردش عليهاا
اناا مثلا بعمل مواضيع تستحق الرد ومواضيع اخرى يعنى عاديه
بيترد عليهاا اكثر من اللى اناا شايفهاا تستحق
فدى بترجع للنااس اللى معاك وطريقتهم وفكرهم وكده يعنى
هياا فعلا حاجه بتحرق الدم بس يا سيدى عادى

انا معاك فى رائيك يا محمود
بس هانعمل اية ادينا صابرين وبنعمل اللى علينا
تسلم احمد لمجهودك الجميل >:D<


http://www4.0zz0.com/2009/06/06/09/146379304.gif

وانا مع محمود في رايه :)

ولو حنتكلم عن الكافيه فهو بيكبر بس محتاج شوية اهتمام وتدقيق:|

لان بقى عندنا مواضيع كتير ملهاش لازمة:(

محتاجين نعمل ريفرش للكافيه شوية:)

ومرسي يا احمد على التوبيك اوعى تطلع انت س;):D

عندك كل الحق فعلاً كلام مظبوط 100 % أنا لاحظت كدة إن المواضيع الجادة ردودها اقل بكتيير من المواضيع الهزلية يمكن لأن الواحد بيستسهل لسة يقول رأيه في الموضوع الجاد دة ولسة هيتكلم كتير لكن المواضيع التانية بتبقي كلمة و يخلص نفسه
علي العموم متزعلش نفسك كل حاجة مهمة و جديدة محدش بيعرف قيمتها لحد ما تنتهي .. ساعتها بس بنعرف قيمتها

:)) :)) :)) :))

فعلا والله عندك بس مش كل الناس زى العضو س
ميرسى ليك
تقبل مرورى

أحمد أعجز عن الكتابة برد يعبر عما أحس به
لأنك أشرت عن أشياء مهمه وتحدث فعلا
الموضوعات المهمة لا يتم الرد عليها مثل المواضيع الركيكه
والأمثلة كثيرة هنا
بس أه العمل؟؟؟؟؟؟؟

اقتباس:

---

المشاركة الأصلية كتبت بواسطة abdelnaby

احناا يا احمد لو هنعمل زى عمك العضو س يبقى محدش

هيبقى فى المنتدى
لان كلناا بنعمل مواضيع ومبيتردش عليهاا
اناا مثلا بعمل مواضيع تستحق الرد ومواضيع اخرى يعنى عاديه
بيترد عليهاا اكثر من اللى اناا شايفهاا تستحق
فدى بترجع للنااس اللى معاك وطريقتهم وفكرهم وكده يعنى
هياا فعلا حاجه بتحرق الدم بس يا سيدى عادى

---

فعلا كلامك مظبوط يا حودا

وزي ما قالت تحت نجمة الاحلام ممكن بيستسهلوا الرد في المواضيع الهزليه

ميرسي ليك يا محمود على رأيك اللي دايما منورني ومشرفني

:)

اقتباس:

---

المشاركة الأصلية كتبت بواسطة شيري العسولة

انا معاك فى رائيك يا محمود
بس هانعمل اية ادينا صابرين وبنعمل اللى علينا
تسلم احمد لمجهودك الجميل >:D<


http://www4.0zz0.com/2009/06/06/09/146379304.gif

---

ميرسي ليكي يا شيماء على ردك الاجمل

تحياتي

:)

اقتباس:

---

المشاركة الأصلية كتبت بواسطة spirit cafe

وانا مع محمود في رايه :)

ولو حنتكلم عن الكافيه فهو بيكبر بس محتاج شوية اهتمام وتدقيق:|

لان بقى عندنا مواضيع كتير ملهاش لازمة:(

محتاجين نعمل ريفرش للكافيه شوية:)

ومرسي يا احمد على التوبيك اوعى تطلع انت س;):D

---

صح كلامك واللهي يا نهى .. المواضيع المكرره واللي ملهاش لزمه كترت اووي

ومحتاجين فعلا اهتمام اكتر شويه

ميرسي ليكي يا خوخه على ردك اللي دايما منورني ومشرفني

:)

يا أحمد الحكاية كمان مش حكاية مهم ومش مهم
الحكاية ان المواضيع بقت زي الرز
الواحد عينيه زغللت مش عارف يشوف ايه ولا ايه
وانا بصراحة زهقت من كترها يعني عشان نرد عليهم كلهم محتاجين يوم على بعضه
وده تقريبا اتكلمنا فيه كتير الاعضاء بينزلو بالهبل تحس انها سباق مين يوصل الاول
ما علينا المهم ان الواحد بيعمل على اد مايقدر وياخد اللي يفيده
شكرا ليك يا ابو حميد وربنا يوفقك

اقتباس:

---

المشاركة الأصلية كتبت بواسطة نجمة الأحلام

عندك كل الحق فعلاً كلام مظبوط 100 % أنا لاحظت كدة إن المواضيع الجادة ردودها اقل بكتيير من المواضيع الهزلية يمكن لأن الواحد بيستسهل لسة يقول رأيه في الموضوع الجاد دة ولسة هيتكلم كتير لكن المواضيع التانية بتبقي كلمة و يخلص نفسه

علي العموم متزعلش نفسك كل حاجة مهمة و جديدة محدش بيعرف قيمتها لحد ما تنتهي .. ساعتها بس بنعرف قيمتها

:)) :)) :)) :))

---

لا واللهي نظرية بردو :-P

ميرسي ليكي نجمه على ردك ورأيك الجميل

تحياتي

:)

اقتباس:

---

المشاركة الأصلية كتبت بواسطة gogo

فعلا والله عندك بس مش كل الناس زى العضو س
ميرسى ليك
تقبل مرورى

---

اكيد مش كلهم زيو والدليل المواضيع اللي ملهاش لزمه والمكرره اللي كترت

ميرسي ليكي جوجو على ردك الي نورني ده

تحياتي

:)

L-) اسمح لى يا أحمد أنا موافقة نهى ان بعض الأعضاء بيعمل كذا موضوع فى نفس اليوم و ده مع انه حلو فى انه بيثرى المنتدى بس بيشتتنا ساعات و يخلينا مش عارفين نرد على ايه ولا ايه :(
;;) لكن الأفضل اللى يعمل موضوع أو 2 أو بالكتير 3 فى المرة عشان ناخد فرصتنا فى الرد عليه
/:) و ما تبقاش الحكاية نقل مواضيع عشان أكتر عدد مشاركاتى و بس
:) أنا طولت عليك ؟؟؟ آسفة :) بس لازم أرد و أشكرك كمان

>:D<لك كل تقديرى>:D<

اقتباس:

---

المشاركة الأصلية كتبت بواسطة ام اسراء

أحمد أعجز عن الكتابة برد يعبر عما أحس به

لأنك أشرت عن أشياء مهمه وتحدث فعلا
الموضوعات المهمة لا يتم الرد عليها مثل المواضيع الركيكه
والأمثلة كثيرة هنا

بس أه العمل؟؟؟؟؟؟؟

---

المفروض اي عضو مينزلش كمية مواضيع كتير كده في قسم واحد

هو لو نزل موضوع او موضوعين هادفين هيكون احسن وهيلاقي اهتمام كبير بيهم

وكمان اغلبها بيكون مكرر او ملهوش هدف

...

اسعدني مرورك وتواجدك ام اسراء

بجد شرفني واسعدني ردك جدا

تحياتي لكي

:)

طبعا عندك حق بس عارف موضوع زى مواضيع الاستاذ (س) دى إن مكنتش بيترد عليها بس بيدور عليها بعد كده بس لما الواحد بيتزنق
بس للأسف ممكن ساعتها ميلقهاش
:) ميرسي لموضوعك المميز :)

اقتباس:

---

المشاركة الأصلية كتبت بواسطة بحر الحنان

يا أحمد الحكاية كمان مش حكاية مهم ومش مهم
الحكاية ان المواضيع بقت زي الرز
الواحد عينيه زغللت مش عارف يشوف ايه ولا ايه
وانا بصراحة زهقت من كترها يعني عشان نرد عليهم كلهم محتاجين يوم على بعضه
وده تقريبا اتكلمنا فيه كتير الاعضاء بينزلو بالهبل تحس انها سباق مين يوصل الاول
ما علينا المهم ان الواحد بيعمل على اد مايقدر وياخد اللي يفيده
شكرا ليك يا ابو حميد وربنا يوفقك

---

وكمان اعضاء كتير من اللي بينزلوا مواضيع كتيره كده في يوم واحد بيشتكوا من قلة الردود
مش عارف مين اللي هيقدر يردلهم على المواضيع دي كلها

...
بجد كلامك صح واللهي يا نهى

اسعدني جدا تواجدك

تحياتي

:)

اقتباس:

---

المشاركة الأصلية كتبت بواسطة botta

L-) اسمح لى يا أحمد أنا موافقة نهى ان بعض الأعضاء بيعمل كذا موضوع فى نفس اليوم و ده مع انه حلو فى انه بيثرى المنتدى بس بيشتتنا ساعات و يخلينا مش عارفين نرد على ايه ولا ايه :(
;;) لكن الأفضل اللى يعمل موضوع أو 2 أو بالكتير 3 فى المرة عشان ناخد فرصتنا فى الرد عليه
/:) و ما تبقاش الحكاية نقل مواضيع عشان أكتر عدد مشاركاتى و بس
:) أنا طولت عليك ؟؟؟ آسفة :) بس لازم أرد و أشكرك كمان

>:D<لك كل تقديرى>:D<

---

هو دا بالضبط رأيي

ميرسي ليكي بوتا على ردك اللي بجد اسعدني

وبعدين انتي تاخدي راحتك

بشكرك مره تانيه على مرورك

لكي تقديري

:)

اقتباس:

---

المشاركة الأصلية كتبت بواسطة حبيبة

طبعا عندك حق بس عارف موضوع زى مواضيع الاستاذ (س) دى إن مكنتش بيترد عليها بس بيدور عليها بعد كده بس لما الواحد بيتزنق

بس للأسف ممكن ساعتها ميلقهاش

:) ميرسي لموضوعك المميز :)

---

;;)


ميرسي ليكي حبيبه على تواجدك اللي نورني

لكي تقديري

:)

ايه الجمال دا يا ابو حميد

فعلا دا بيحصل ساعات بيحصل

بس حط في دماغك طالما العضو س كان عامل الموضوع باخلاص وانه موضوع مهم فعلا

وبالرغم ان محدش رد فيه

دا فعلا بيرجع لتفكير باقي الاعضاء الـ سابو الموضوع الهام وراحو يلعبو في موضوع مقاس جذمتك دا

بس هقولك علي حاجه

(( ان الله لا يضيع اجر من احسن عملا ))

والعضو س لازم يكمل وفي يوم اكيد هيلاقي اعضاء

تفكرهم مثل تفكيره يهتمه بموضوعه المهم والمثير

ويفتحو باب المناقشه زي ما كان عايز

***

اقتباس:

---

المشاركة الأصلية كتبت بواسطة Sherif _S_a_s_a

ايه الجمال دا يا ابو حميد

فعلا دا بيحصل ساعات بيحصل

بس حط في دماغك طالما العضو س كان عامل الموضوع باخلاص وانه موضوع مهم فعلا

وبالرغم ان محدش رد فيه

دا فعلا بيرجع لتفكير باقي الاعضاء الـ سابو الموضوع الهام وراحو يلعبو في موضوع مقاس جذمتك دا

بس هقولك علي حاجه

(( ان الله لا يضيع اجر من احسن عملا ))

والعضو س لازم يكمل وفي يوم اكيد هيلاقي اعضاء

تفكرهم مثل تفكيره يهتمه بموضوعه المهم والمثير

ويفتحو باب المناقشه زي ما كان عايز

***

---

هو اكيد فيه اعضاء بيهتموا بالمواضيع الجاده ويتناقشوا فيها لكن قليل جدا

المشكله دلوقتي ان بجد كترت المواضيع الهزليه بشكل كبير

واللي يفرس بقى انك تلاقي اهتمام كبير بيها

...

ميرسي ليك يا استاذ شريف على رأيك الجميل

اسعدني تواجدك جدا واللهي

لك مني كل تقدير واحترام

:)

ايه ده ياأبوحميد ثلاث صفحات ردود .. وتقول فين الأعضاء
اللهم .. لا حسد .
ايه الموضوع اللي عامل شغل جامد ده
هههههههههههههههه
تكلمنا في هذا الموضوع كثير جداً
ولا حياة لمن تنادي ..
سيبك من الكلام ده فتحت قهوة جديدة
في موقع خطير علي ىكورنيش اسكندرية
ايه رأيك في اتنين عنّاب مثلجين
غلي حسابي ههههههههههههههههههه

بجد موضوع خطير .. لعلاّ وعسي
تسلم يا أوحميد .

اقتباس:

---

المشاركة الأصلية كتبت بواسطة احمد طنطاوي

ايه ده ياأبوحميد ثلاث صفحات ردود .. وتقول فين الأعضاء

اللهم .. لا حسد .
ايه الموضوع اللي عامل شغل جامد ده
هههههههههههههههه
تكلمنا في هذا الموضوع كثير جداً
ولا حياة لمن تنادي ..
سيبك من الكلام ده فتحت قهوة جديدة
في موقع خطير علي ىكورنيش اسكندرية
ايه رأيك في اتنين عنّاب مثلجين
غلي حسابي ههههههههههههههههههه

بجد موضوع خطير .. لعلاّ وعسي

تسلم يا أوحميد .

---

ههههههههههههههههههههههههه ههههههههههههههههههههههههه ههههههههههههههههههههه

ههههههههههههههههههههههههه ههههههههههههههههههههههههه ههههههههههههههههههههههه

ههههههههههههههههههههههههه ههههههههههههههههههههههههه هههههههههههههههههههههه

لا تعليق :-P

نورت يا ابو حميد

واللهي انك سكر :x

:):)