الي تحبها متتجوزهاش؟؟؟؟يعني ده كلام ينفع؟؟؟انتا ايه رايك؟؟؟؟؟

الى تحبها متتجوزهاش ؟؟ يعنى دة كلام ينفع ؟؟انت ايه رأيك؟؟؟؟؟







اللى امشى معاها متجوزهااش ..............جمله اترددت كتير اوى الايام دى.....انا مش عارفة ليه؟؟

الواد يقول مدام انا مشيت مع بنت تبقى البنت دى مينفعش اتجوزهاااا

علشان هيه مشيت معايا وخرجت واتفسحت معايه حبه .....وكمان كان ممكن تعمل كده مع حد غيرى...........؟؟

بذمتكوا مش فيه ناس كتير اوى بتقول كده........ولا ايه؟؟

طب البنت دى اكيد انت تعرفها كويس

انت تضمن منين بقه ان البنت اللى هتخطبها او اللى هتتجوزها جواز صالونات مش تبقى عملت كده مع كتير غيرك؟؟؟؟؟؟؟



ايه رايكم فى الموضوع ده ياشباب

بصى يا الاميره لو فكر هيلاقى انه كما تدين تدان
ولو هو مشى مع واحده قبل ميخطب ولا يتجوز هتكون مراته او خطيبته عملت كده فى يوم من الايام علشان ربنا مبيسبيش حق حد
وهو ضيع حق واحد قبل كده وبالتاكيد هى ضيعت حقه مع غيره
انا جربت الموضوع ده وبقول كلام عارفه لانى والله كنت فيه
شكرا على طرح الموضوع وجزاك الله خيرا

يا عينى عالناس الشيزوفرنيا

معلش انا عاوزة اقول اللى يقول كدة يبقى واحد المفروض يتعرض على دكتور نفسى

طيب سيب اللى انت مشيت معاها وروح اتجوزلك واحده مشيت مع عشرة غيرك

يا ريت نتقى الله فى بنات الناس شويه

اللى امشى معاها ..مااتجوزهااااش......
حلو الكلام ......لا طبعا مش حلو
بصى يا قمرايه
يعنى ايه انا احفرلك حفره وبعد كده احاسبك واقلك انتى ليه وقعتى فى الحفره
طيب مانت اللى حفرتها
لما انت انسان عامل نفسك تمام ومش هاتاخد غير التمام اللى زيك
بتغلط ليه بقه ولاد الناس.........
نسيبنا من كل الكلام ده .....
اولا انا بنت وبالرغم من كده مش هارمى اللوم كله على الولد
لا برضه البنت عليها غلط ......منين حبتيه وخرجتى معاه ومعرفتيهوش
وليه احنا دايما بنتسرع ونفرح بالكلام الحلو؟؟؟؟؟؟؟
لو لسه فى فى الدنيا ولاد كده
يبقى لازم يكون فيه بنات مش كده ..........
يعنى يا بنتى خليكى ناصحه .....واعرفى اللى معاكى من اللى ضدك

والحيـــاه حلــــوه
yasoo

اصلا ليه البنت تمشى مع ولد انا مش من انصار الرأى ده وفى الاول والاخر البنت هى اللى غلطانه لانها رخصت نفسها وغشت اهلها وخدعتهم ومشيت مع ولد وانا لو ولد ماهى اللى هتمشى معايا ايه اللى يضمنلى لنها متعملش كده في المستقبل واللى هجوزها اكييد هسأل عليها كويس وانا لو كنت ولد مكنتش همش مع بنات

ويا ريت حد يرد عليا ويقولى كلامى صح ولا غلط

مش كل الناس هتايد ده مع ان كلامك صح بس هى الحياه كده
تسلم ايدك

السلام عليكم ورحمة الله وبركاته
أولا : أحب أشكرك يا قمراية على الموضوع الجميل وبجد الآراء ما شاء الله جميلة وبتبين ان ما شاء الله شبابنا لسة بخير
ثانيا : بعد إذنك انا عاوزة أقول حاجة بس , يعنى لية يا جماعة نعرض نفسنا للقلق كل واحد ماشى مع واحدة مثلا وبعدين سابها لانه شايف انها طالما مشت معاه يبقى ملهاش أمان ويفضل عايش فى قلق ياترى أنا زى ما عملت فيها كدة ياترى ربنا هيعمل فى حد من اخواتى او زوجتى اية ويفضل طول الوقت عايش فى قلق ودة والله ممكن يوصله انه يشك فى رحمة ربنا ويبقى عايش خايف من عقاب ربنا عليه ياترى الضربة هتيجى فين ياترى العقاب هيبقى شكله اية
طب لية يعنى ما إحنا نتقى الله من أولها كدة ونخاف على بعض وبجد الولد اللى يقبل ويبقى موافق ان فى بنت تكلمه من ورا أهلها وهو عارف كدة وبرده بيقول انا بحبها يبقى سامحونى مبيحبهاش وبيضحك عليها لان مفيش واحد يقبل ان حبيبته تاخد لقب خاينة لأمانة أهلها وخاينة قبل دة كله لأمانة الله
الحل الأفضل انه يشغل وقته يحاول يركز فى مذاكرته يبقى حاطط هدف أنا بحبك يارب انا عايش علشانك يارب انا هشتغل وهذاكر علشان تبقى راضى عليا يارب وعلشان أبقى ناجح وعلشان أعمر فى الأرض وعلشان لما تروح تتقدم للبنت اللى انت عاوزها تبقى قاعد مبسوط من نفسك انك حققت حاجة وهتقدر تسعدها وساعتها بقى عمر ما أبوها هيقولك انت يابنى لسة طالب هتأكلها منين هتسكنها منين لما تبقى قد المسؤلية تعالى واتقدم
يمكن أكون رغاية حبتين :D بس معلش سامحونى واستحملونى انا حبيت أقول رأيى فى الموضوع

بجد تسلم ايدك وانتى رايك حلو وكويس اووووى
بس مش كل الناس بتفكر كده
وبردو معلش مش عشان بيكلمها من ورا اهلها يبقى مبحبهاش دى وجهه نظر مش صح سورى متزعليش بس هى بتبقى ظروف متخليش البنت تقدر تواجه اهلها ولو كل الناس عملت كده مش هيبقى فيه حاجه اسمها حب وهيبقى جواز تقليدى لان اول العلقه مينفعش تبقى خطوبه على طول ولا ايه؟
ومش معنى كده انها تكلمو من ورا اهلها واقولك ده تصرف صح لاء غلط وعيب بس الحب بقى
وتسلم ايدك يا قمر

أكيد مش زعلانة حبيبتى بس صدقينى مفيش حب يخلى البنت تكلم حد من ورا أهلها لأن الحب اللى يخليها تخون أمانة أهلها وثقتهم سامحينى هيبقى مبنى على أساس غلط لأن المفروض ان البنت تغلى نفسها هى تقعد فى بيتها زى الأميرة وهو اللى يجى لحد عندها ويتقدم وأكيد فترة الخطوبة معمولة علشان انهم يتعرفوا على بعض لكن انهم يتعرفوا على بعض بحجة انهم عاوزين يدرسوا أخلاق بعض الأول دة فى رأيى تفكير غلط وبعدين بالله عليكى هى لو ماتت قبل ما هما يتجوزوا او هو لو ربنا سئله يعنى هيقوله اصل انا كنت بحبها طب مسبتهاش علشان خاطرى لية ومحافظتش على الامانة اللى هو ( القلب ) لية هيقوله اية وبعدين من ترك شيئا لله عوضه الله خير منه
وانا مش بنقد رأيك والله بالعكس أنا أحترم رأيك جداااااا لكن حبيت أوضحلك رأيى كاملا

بجد انتى صح وانا معاكى بس دلوقتى محدش بيفكر كده
ثانكس
تسلميلى

انا متفقه مع تواقه للجنه في رايها
البنت فعلا لازم تاخد بالها من نفسها ولازم نتعلم بقي من المشاكل اللي غيرنا من البنات وقعوا فيها
الحب لو كان في السر يبقي غلط ويبقي مش حب حقيقي
اللي بيتبني علي معصيه ربنا مش هيستمر بنجاح حتي لو معظم الناس بيعملوا كده
اشكرك علي موضوعك وتقبلي مروري

بجد ميرسى وفعلا ده الصح
تسلميلى يا قمر

ليه نظلم البنت ممكن تكون محترمه ومخلصه ليه ولو حبته مش هتحب غيره ولا حبت حد قبل كده غيره والبنت مش زي الولد يعني سهل انك تلاقي واحد انت اول حب في حياتها بس صعب تلاقي واحد انتي اول حب في حياته وحكاية اللي مشيت معاها مش هتجوزها مش دايم صح ولا دايم غلط لانو دي حسب الضمير وفي ناس ضميرها صاحي وبتدخل من الباب بس اكيد لازم الولد يقول للبنت قبل ما يجي وهي وشطارتها بقى

انا من راي لية ميتجوزهاش لو هو حاسس انها متنفعش علشان هي مشيت معاة طب ميقول دة لنفسة مفو كمان مشي معاها يبقي مينفعش لا طبعا الي بتحبها لازم تتجوزها بدل انت بتحبها واخرت الحب اية غير الجواز علشان تعيش مع الي بتحبها ولا كلامي فية حاجة غلط

لا مش غلط
تسلم ايدك يا عسل

الشخص الى يقول كده شخص تعبان و اوعدك انه فضل يتحايل عليها اكتر من شهور علشان توافق ولما توافق يقول هيا خرجت معايا يبقى خرجت مع غيرى وهتخرج مع غيرى ده شخص متخلف عقليآ بس عمره ما هيقدر يقراء افكرها ولا يعرف عنها كل حاجه من مجرد اميل او تلفون او ميك فى كونفرانس لا لازم يقبلها عينه فى عنيها مجرد نظرت عنيه لعنيها يفهم كل حيتها والى عاوزه تقوله لاكن اننا نحب بنت من مجرد الصوت يمكن بتتسلا بيه يمكن شكل ابو الهول بتضحك عليه لاكن الحب الحقيقى انك تشوفها وتشوفك تعرفو محاسن بعض و عيوب بعض لانه فى الاخر هيقول شايل حمل الجبال صابر على كل حال ظلمنى الماضى والحاضر واقول حاضر واقول ماشى
لانه ولا عمره هيحب ولا هيتحب وهجوز جوازه تقليدى
وشكرآ

عندك حق يا سومة
بس دايما تفكير الولاد كدة انك مينفعش تتجوزها
هتربى ولادى ازاى والكلام ده
ماهو مش كل جواز الصالونات ناجح

صح يا هوبه
مرسى يا محب لرايك جاااااااااااااامد اوى

هو مش كل الولاد كده هم الاغلب بس طبعا اكيد اللي يعمل كده يبقي ناقص عقل ودين وبعدين ليه الولاد بيحللوا الغلط لنفسهم والبنات لا مع ان الحب مش غلط
ليه لما البنت تعمل غلطه واحده يقولوا عليها صايعه ولما الولد يغلط كذا مره عادي اصله ولد شقي اصله طالع لبباه كان عفريت وهو صغير مش فاهمه اخره التخلف اللي الناس فيه ده ايه حسبنا الله ونعم الوكيل ربنا يهدي .

يااااااااااااارب
ميرسى يا قمر

انا من رأىَ إن الولد لما بيحب بيحب عشان حاجتين يا إما عشان يلعب ويتسلى يا إما عايز يحب بجد حب حقيقى ف إللى بيتسلى ده أكيد هيبقى مش فى باله حكاية الجواز دى خالص والارتباط والكلام ده كله يعني زي ما بنقول كان بيعشله يومبن وخلاص ف شور طبعا مش هيفكر فى البنت إللى مشى معاها دى عشان زى م قولت فى الأول مش فى باله جواز خاااااااااالص
إنما اللى عايز يحب بجد ويعيش أجمل قصة حب ف ب العكس عمره ما هيفكر التفكير ده ولا هيفكر وحش فى البت دى وعموما هو بيبان إنه بيحب بجد ونيته سليمة فهيكون أسعد واحد إنه يتجوزها وكمان من تصرفات البنت وافكارها هيعرف اذا البنت دي كويسه ولا لأ
ومحدش يقولى الى بيمشي مع واحدة مستحيل يفكر فيها والكلام ده خااااااااااااااااااالص والله
أومال قصص الحب الجميلة إللى بنسمعها واى تنين متجوزين عن حب
دول إيه مش فضلوا يحبوا بعض 3 او 4 سنيــن ولا إيه وفى أكتر والله
ولا دول عرفوا بعض وحبوا بعض فى الحلم ولا فى فترة الخطوبة ولا إيـــه ؟؟؟؟؟؟؟؟؟؟؟؟؟؟؟؟؟؟؟


وبعد إذنكـ يعنى أنا بس عايزة أعلق على كلام * تواقة للجنة *

انه مفيش بنت تخليها تكلم ولد م ورا أهلها وأنها بكده بتخون أهلها والكلام ده كله
أول حاجة أنا بحترم وجهة نظركـ جداااا

تانى حاجة : هو لأ طبعا مش خيانة لأهلهــا خاااااااالص
بس هى كل الحكاية ان احنا لو حبينا بنخبي على اهلنا
إتقاء ردة الفعل ولو قولنالهم يبقى إنتحرنا بأدينا عشان كده
عشان كده بنحب من وراهم
واصلا لو كان الاهل بيفهموا مشاعر البنت ويدوَلها المجال عشان تصارحهم لو مرت بتجربة حب صدقينى هتلاقى بنات كتيـــــــــــــــــر هتتجنب الوقوع بمشاكل واغلاط كتيـــــــــــــــــر بتحصل فى العلاقة ..
ف ليه كده طب ما الأهل يحاولوا يفهمونا ويقربوا مننا ويقدروا مشاعرنا
ويعرفوا كمان ان دى حاجة مش بأيدينا احساس بييجيلنا وبنحسه وبنحب نعيشه
غصبا عننا يعني طب ليه ما يحاولوا يصاحبونا ع الأقل تكون العلاقة فى النور وقدامهم
ويبقوا شايفين تصرفاتنا وعارفين احنا رايحين فين وجايين منين وينصحونا لو لاقوا حاجة غلط
ويقفوا جنبنا لو وقعنا فى مشكلة ويساعدونا على اننا نتجاوزها و ..... و ....... و.......
كلام كتير والله وحاجات كتيـــــــــر اووووووى ممكن تتغير لو غيرنا تفكيرنا فى انه البنت لو كلمت ولد تبقى عملت جريمة

بس ده كل اللى عندى وتقبلى وجهة نظرى
وثانكس ليكى انتى يا سومة يا قمراية ع التوبيكـ
بجد فكرته حلوة اوووووووووى

علي فكرة كلامك فعلا صح وفي حاجه هقولهالك نقطة انه بيقول دي بتعمل كده مع غيري والله الكلمه دي علي لسان كل شاب رغم انها ممكن تكون فعلا بتحبك وعشان كده خرجت معاك انما انتي بتقولي لمين دماغهم سوري يعني جزمه بجد مش ينفع كده قبل ماتفكر بعقل اللي حوليك فكر بعقلك انت ماهيا ممكن تكون خرجت معايا عشان بتحبني بصي ياستي كل ده واللي قولته واللي انتي قولتيه وانسي برضو انه يجيب نتيجه رغم ان لو بنت هتقول لانه بيحبيني بنصدق اي حاجه لما بنكون بنحب بجد


ميرسي للتوبيك الجامد اخر حاجه ده;;)

عندك حق
تسلميلى يا قمر