لو حصلك الموقف ده احتمال تروح فيها

بصوا بقي فكرة الموضوع قايمة على التواصل بين الاعضاء يعنى كل واحد يدخل يرد يكتب موقف مضحك حصله عشان نضحك كلنا
وانا هبدا
كنت انا قاعد مع ابن عمتى واصحابه فى شقة كلها شباب بس كان فيها واحد غتت اوى ربنا مايوريكوا خنقة منكد علينا كلنا
كنا حوالى 5 شباب بس مكنش حد طايقه خالص
كلمت ابن عمتى قولتله الكلام ده مينفعش انا مش هستحمل كده قالى طب اصبر على بالليل
المهم جينا بالليل وبالترتيب مع الشباب فهموا الاخ ده ان محمد ابن عمتى بقول ان عليه عفريت وان محمد بيفهم فى موضوع الجن ده وكده المهم اخينا ده كان بيتوهم بسرعة وده اللى ساعدنا
المهم محمد راحله قاله انت عليك عفريتة وهعرفلك اسمها دلوقت وقمت انا نزلت سكينة الكهربا والنور قطع قام الاخ ده اترعب وراح محمد على المطبخ وعمل ميه بسكر وكتب كلمة بالميه على ايده
ورجع محمد للاخ ده قاله هات ورقة وقام مولع فى الورق بحيث انها بقت سودة خالص وقام فركها على ايده فلزقت طبعا على الكلمة المكتوبة بالمية بسكر وكانت الكلمة شاغية
وقاله هى دى العفريته اللى عليك وهنحضرها دلوقت عشان نعرف عايزة منك ايه وقام محمد يتكلم بكلام مش مفهوم وقام واحد من الجماعة دخل لابس ماسك مخيف ولابس ملاية سرير ودخل ومحمد قام عمل فيه مغمى عليه والاخ سبناه مع الشخص اللى عامل فيها عفريت
والواد قعد يصرخ ويقول لا اله الا الله وينادى يا احمد يامحمد الحقونى وقام مغمى عليه بس بجد
بعد مافوقناه وعرف انه كان مقلب قام يضرب فينا بس بعد كده بقي بيقولى يااحمد بيه
الادب حلو برضه
معلش طولت عليكم ارجو للى يدخل يكتب موقف كوميدى عشان نضحك شوية

:)):)):))=))=))ههههههههههههههههه� �ههه جامدة بس حرام كدة كان ممكن يموت فيها
انا مرة انا وصحبتى واخوها الصغير كنا قاعدين لو حدنا وفجاة بنبص من البلكونة لقينا تحت فى الشارع عربية بوكس
وبعدين بنبص على السلم لقينا ناس طالعة جرى على السلم احنا اترعنا وانا استخبيت تحت السرير وصحبتى استخبت ورا الباب وعمر الصغير فضل يقول متخافوش انا هضربهم ولقينا خبط جامد على الباب فتحنا لقينا واحد بيقول لنا فين صبحى قلنالة صبحى مييييييييييييييين وفضلنا نألف قصص ونقفل فى وشهم الباب ويخبطو تانى وينزلو ويطلعو تانى واحنا مرعوبين مرة نقولة بابا موظف ومرة مدرس ومرة احنا مش من هنا جنناهم ورشينا عليهم مية

ميرسي على مرورك يا gogo
انا حصلي موقف مع الشرطة انما ايه مسخرة بصي ياستى
كنت انا وجماعة اصحابي واقفين على الطريق ولابسين لبس ضباط المهم عاملين لجنة وكلماعربية تعدى تدفع خمسين جنيه عشان تعدى
المهم واحد معانا رايح لعربية من التلاتة اللى واقفين ورا بعض فقام واخد معاه نوته وراح لاول عربية عداها ودفعت التانية واحد فيها شافه قاله فى ضابط بيلبس شبشب واحنا انفجرنا من الضحك قاله اصلي بيتنا قريب المهم لقى العربية التالتة شرطة
قال كبسة يا جماعة اجرى ياجدع وحنا خدنا السكة ازح
بس ربنا ستر ومعملنهاش تانى بس الواحد كان مرعوب
كانت ايام الشقاوة بقي ربنا عداها على خير
عموما ميرسي لكى كتير

مرة حصلى موقف بجد انا وانا فى الموقف كنت مضايقة اوى بس اول ما روحت فضلت اضحك ضحك فظيع كنت ماشية بليل كانت حوالى 8.5 او 9 كده وكان فى ولد بيعاكسنى بس مش بيعاكس وخلاص لا فضل ماشى ورايا وعمال ايه بقى كلام شعر ومش عارف ايه ويمشى جنبى شوية وايه انا اتخنقت منه وعمال يقول نكت واشتغالات وحاجات فظيعة فانا اتخنقت منه اعمل ايه قلت امشى و واروح واجى يمكن يتوه وفضلت ماشية واخش فى شوارع واطلع من شوارع وايه وهو ماشى ورايا راغى فظيع صدعنى وفجاة وقفت ببص حواليا لقيت نفسى توهت :D وبقى منظرى زبالة جدا وقمت بصاله وقلتله اتنيل امشى قدامى وطلعنى على الشارع الرئيسى الواد بصلى كده واستغرب وقلى طيب نتعرف قلتله امشى عشان مزعلكش وطلع جدع ووصلنى كان ماشى قدامى وانا كنت هموت من الضحك كنت عايزة اتوه تهت انا بس اول لام وصلت قلتله متتوقعش انى هشكرك لا انت صدعتنى ومفيش سلام ومشيت جرى ههههههههههه تسلم على التبويك الجامد :D

بصراحه مواضيع جامده نار انا كمان حصلحي موقف محرج اوى كنت ماشيه في الشارع في مصر وكنت راسمه نفسي على الشباب اني مش بكلم ناس بيئه وانى هاكون مهندسه المهم واحد كان عايز يكلمني وفضل يبعتلي بنات صحابي ويتحايل عليا فانا تقلت عليه وجاب رقمي وكلمنى وانا زعقتله وفغلت في وشه المهم تانى يوم ماشيه فى الشارع جت ام العيل ده وكلمتنى المشكله ان كان معايا واحد صديقي اوى المهم الست قالنلى بصوت عالى منك لله ياشيخه جننتى الواد طبعا انا فى نص هدومى ربنا يخرب بيتك انتى فاكره نفسك حلوه دانتى شبه عود القصب المسوس المهم صديقى قالها انتى ازاى تكلميها كدا قالتله وانت بقا اللى هي فضلتك عن ابنى غوروا فى داهيه جاتكم القرف وفضحتنى في الشارع وقدام صاحبى وفضلت اعيط وصاحبى يضحك عليا وبعدين الشله كلها كلمتنى وطلع الاستاذ اتصل بيهم واحد واحد وحكالهم
:)):)):)):))

نسخن شوية ياجماعة

:-P:-P:-P:-P:-Pانا بقي في يوم ماما طلبت مني انزل الشارع اشتريلها حاجه وفضلت ماشيه ....... مااشيه ...... بس محصلش حاجه....بس بجد مواضيع جاااااااااامده ;;) معلش بقي بهرج معاكواااا

هههههههههههههههههههههه مواقف حلوووة


لما افتكر حاجه هرجع اكتبها

ميرسي على مروركم بس عايزين الكل يدخل ويكتب عشان عايزين نضحك شوية
الهمة يا جماعة

اللى يدخل يرد ويخلى عنده دم
هو احنا شغالين لله وللوطن
استجدعوا بقي

فكره جامده يادودي وكل سنة وانت طيب علي عيد ميلادك
لا انا بقي في العيد الكبير ده حصل حته موقف نكته اخر حاجة بجد
كنا عايزين نخرج حديدنا اخر يوم الرابع المهم نزلنا الساعه 6
وهنروح البيت الساعه 9 ونص
المهم روحنا نتغدي وبعد مااتغدينافي بيتزا هات وخلاص مشينا شوية وواحده صاحبتي البوت بتاعها السوسته طارت
ومش عارفين نتصرف ولا نمشي ولا نعمل اي حاجة والبت واقفه تضحك وانا مقتوله من الضحك المهم كان في عربيه فيها شباب جمبنا قعدوا يضحكوا وانامقتوله اصلا
وواحد يقولي وشك بقي احمر اوي ارحمي نفسك من الضحك وبعدين نتصرف ازاي الساعه بقيت 7 ونص
قدمنا ساعتين وبعدين
المهم فين وفينا لما وقفنا تاكسي وروحنا بيتها غيرت
ونزلنا الساعه بقيت 8 ونص فاضل ساعه ياجماعه هنلحق نرجع تاني هناك قالوا اه نلحق رجعنا طرح البحر الساعه بقيت 9 الا ربع وتقوم بقي مامت واحده حبتنا تكلمها تقولها تعالي دلوقتي حالا خالك جايلناولازم تكوني هنا
وقفنا نستني تاكسي عشان تروح
الساعه 9 ولسه مش لاقين تاكسي الساع بقيت 9و10دقايق ركبت روحنا مروحين ومستكفين بكده وقولتلهم مش خارجه معاكوا تاني ده يوم مرض يخربيتكوا بس

لذيذ الموضوع يادودى
وانا بقي متلاقيش عندى غيرالمواقف المحرجه والمضحكه .. بس معظمهم في البيت
الاول ياسيدى
انا بموووووت في الايس كريم وغير انى بموت فيه فأنا بطبيعتى طفسه :D
المهم
ماما كل مااتعمل ايس كريم تلاقيه ناقص كل يوم عن اليوم اللى قبله جدا واخواتى ياعينى مش بياخدو منه غير مرة واحده
( والله بيصعبو عليا هههههههه)
وفي كل مرة ماما تسأل ياجماااااااعه الايس كريم راح فين وانا طبعا غلبانه ولا بيبان عليا حاجه ( وطبعا ماما عجنانى وخبزانى ;))
يوم بقي مايعلم بيه الا ربنا , مشيت علي طراتيف صوابعينى وجيبت علبة الايس كريم ونزلت تحت السرير وعيشت بقي:x:x:x
بس بقي معرفش ايه اللى حصل وخلانى انام :-S
وطبعا ماما واخواتى فضلو يدورو عليا ماما في الاخر ماما لاقيتنى تحت السرير وفي ساااااااابع نومه وواخده علبة الايس كريم في حضنى

وفي هذا الموقف اتفضحت بسبوووسه فضيحه بجلااااجل=))
بس تقول ايه بقي ... مازالت الطفاسه مستمرة
ههههههههههههههه


والى لقاء اخر في المواقف المحرجه ;)

سلام عليكم انا عدي عليا كتيييير منهم مثلا اني كنت في المصيف وكنت في الشارع انا وصحبتي وعدينا علي كبينه تليفون وسمعنا بدون قصد واحد بيكلم مامته وبيقولها ايوه يا ماما انا في القاهره بس اصل المواصلات زحمه وانا ربنا يسامحني حبيت اعرف مامته انه بيكدب عليها فنديت لصاحبتي بصوت عالي وقولتلها ايوه يا نانا بعد نص ساعه هستناكي علي البلاج ومتنسيش المايوه بتاع بوطه معاكي هههههههههههه الولد وشه احمر واخضر وسمعته بيقول لمامته لآ لآ بلاج ايه دي واحده بتهزر هههههههههههههههههههه لما افتكر حاجه تاني هكتب اصل ده محرج ليه هو مش ليا انا

احنا نرد بالدور بقي
اولا ياريماس والله منورة التوبيك وبصراحة موقفك غريب شوية وبجد محصليش موقف زيه قبل كده
بس والله دايما مشرفانى بردودك

اما انتى يابسبوسة يالهوى عليكى مش عارف اقولك ايه
بس فكرتينى بفيلم ابو على الواد اللى اكل الجبنة
منورانى دايما
والجديد جاى متقلقيش بس بحط اخر اللمسات بتاعتى قبل مااحطه

وانتى ياtreminitor
والله منورانى فى التوبيك
بس حرام عليكى زمان الواد كان هيقطعكوا
انا لو مكانه بالسماعه واعذرينى فى دماغك
طبعا بهزر انتى على راسي من فوق ياجميل

ههههههههههههههههههههههههه ههههه بصراحه ان مش قدره اكتب من كتر الضحك على المواقف الحصلتلى ههههههههههههههههههه الانا مش فكره منها ولا موقف لما افتكر مش هدخل ولا هكتب حاجه هههههههههههههههههههه:-P:-P:-P:-Pهههههههههههههههه:)):)):))

انا بقي كنت في رحله لدريم بارك كنت اول مره اروحها و روحنا انا وصاحبتي نركب قطر الموت وكان زحمه اوي فكنا بنشوف الناس كلها وهي طالعه اللي مغمي عليها واال بتعيط واللي بتصوت وصحابها ساندينها فا صاحبتي بتقول مش فاهمه انا البنات اللي قلبها خفيف بتركب ليه وقعدت تتريق عليهم وانا قلتلها حرام عليكي المهم اخيرا جه دورنا وركبنا انا غمضت عيني ومحستش بحاجه خالص وهي كنت ببص عليها كانت في الكرسي اللي جمبي مشفتهاش كانت راجعا لورا اوي المهم خلصت اللعبه وانا قمت ومستنياها تقوم لقيتها مغمي عليها كنت هموووووت من الضحك وسندتها ووقعت مني من كتر ما انا بضحك عليها بس
شكرااااااا عالفكره الجامده دي.

ماشي يا سمسمة براحتك بس كفاية انك رديتى
اما لولو بصراحة انا متشكر لردودك جدا بس ياريت اعرف واحد ولا واحدة عشان الاحراج فى الكلام

هههههههههههههههههه واديك عرفت بس انا اسمي ابرار

اسم جميل شخصية اجمل
مش بعاكس
انا غلبان

لا طبعا عارفه انك غلبان و شكرا علي المعاكسه ههههههههههه

مش كده والنبي

هههههههههههههههههههههههه:x :x:x:x

يسلم عمرك
وتسلملى ايدك اللى بتكتب احلى ردود

هو انا ليا واحد صاحبي هو اوفي اصحابي واجدهم واخلصهم ليا وانا باعلن حبي واحترامي ليه من موقعي هذا وان ولسوف اكون ولسوف يكون ولسوف نكون اكتر اتنين اصحاب حصلوا ايه الكلام الكبير ده
المهم الموقف حصل لما كنت في سنة 5 ابتدائى انا دلوقتي رايح 2 ثانوي يعني من زمان اوي
((في يوم تلات كنا في الفسحة وبنلعب انا وهو وباسم وهو ايمه سامي المهم
سامي كعبلني فوقعت ولما وقعت راح مقومني وقلتله انا فقدت الذاكرة يــــــــــــــــــــــــ ـــــا ســـــــــــــــــــــــا مي ركزوا في الحتة ديه انا ناديته باسمه والمفروض اني فقدت الذاكرة وطبعا كلنا عارفين انه اللي يفقد الذكرة مش هيعرف كده لوحده طبعا يعني من الاخر مينفعش بكل الطرق افقد الذكرة من غير حتى ما يغمي عليا المهم هو سدق واصحابي التانيين عمزتلهم علشان يصيعوا هما كمان المهم صعنا لحد الحصة السادسة اللي هي بعد الفسحة بحصتين يعني قعدت في الفصل فاقد الذاكرة وعلشان محدش يكشفني اول ما حد يسالني سؤال اقول مش عارف على اساس اني مش مذاكر وكده واصحابي طبعا مغطيين عليا وسامي بقي كان بيموت بكي وخايف احسن يكون فيا حاجة كده ولا كدهلا والمصيبة مكنتش فاكر حد غيره انا وفاقد الذاكرة..... وبس وبعدين انا اخدته بالحض وقلتله انافقت والذاكرة رجعتلى وبعد كده زعل منى شوية وبعدين عرفت اصالحة.
طبعا كل هيقول ازاي 5 ابتدائى ويعمل ده كله والله حصل وعملته وعملت افظع منه بس مليش نفس اكتب علشان انا بكتب بالتفصيل الممل ومش بعرف اختصر وايدي بتوجعني من الكتابة وغير كده خايف اتقل عليكم وشكرااااااااااااا


L-)
تم بحمد الله...........B-)

انا بقى حصلي موقف
كنت في المصيف فنزلت البحر كان عندي 13 سنه وكنت مع بنت وابن عمي
المهم نزلنا وبنعوم انا كنت بعوم بعوامه
المهم الميه سحبتنا لجوه واحنامش عرفين فلاقيت ابن عمي عمال ينزل ويطلع في الميه وينزلني معاه
فلقلتلوا انت بتسطعبت وبقف في الميه عشان اضربه بحط رجلي مش لاقيه رمل رحت مسوطه اترينه بنغرق
المهم ان اصلا الناس عاملين يصفروا ان في حد بيغرق واحنا كنا عاملين نبص مين اللي بيغرق
طلعنا احنا وبنت عمي كانت معانا بس قدام شويه وعامله فيها الشجاعه ودخله تجبنا غرقت معاناه
بس الحمد لله اتنجدنه
ومن بعدها حرمت انزل البحر تاني

اولا انا من بورسعيد وفي قريه هنا في بورسعيد اسمها الكروان لو في حد يعرفها القريه دي في الصيف بتكون كلها ناس بتكون زحمه موووت المهم كان في وحده من صحابنا ليها شاليه هناك واتصلت بينا وعزمتنا علشان نروح نقضي معاها يوم وروحت انا و 3 اصحابي والقريه كانت زحمه موووت ووحده من صحابي بتهزر مع التانيه وجابت شويه مايه من البسين في اديها وبترش علي صحبتي التانيه وطبعا صحبتي بتجري بس بطهرها و هوب قامت واقعه غي البسين طبعا احنا مقدرناش موتنا من الضحك وكلنا وقعنا في الارض من الضحك ده غير الشباب اللي كانت موجوده وهي اول لما وقعت قالت الموبايل الموبايل وطبعا احنا اصلا مش قادرين لحد لما الامن بتاع البسين وصل وطالعها واحنا ميتين من الضحك يارب ما اكون طولت عليكم وميرسي بجد علي التوبيك الجامد مووووت ده

والله انت فكرتنى برمزى لما عمل فيها فاقد الذاكرة
وطالع بيقول لاشرف انا مين يادولة

والنبي ياميرو بلاش المواقف اللى تودى فى داهية دى
نا رايح المصيف بكره وربنا يستر
وميرسي على ردك ياقمر

اما انتى ياياسمين خلى بالك مش لازم تعرفى المنتدى كله انتى منين
وعموما انا مش هقول لحد
انتى زى العسل
عموما انا عرفت العنوان وهاجى عشان اخطبك