كورة وانتم عليها شهود
************
مع البرازيل اجتهدنا ولعبنا بجد
وما شفنا انانية فى لعبة من حد
لآخر دقيقة كل عصب فينا انشد
والتعادل عن طريق الحكم انهد
***********
وادام ايطاليا كانوا رجال زى الاسود
كل هجمة ليهم تلاقى منا بدل السد سدود
وبالفوز سالت منا دمعة فرح على الخدود
***********
ادام امريكا لقينا الاسد اصبح مهدود
والاقدام بقت زى عمود للارض ومشدود
والهجمة كل شوية علينا بجون تعود
وكانت ليلة انتم عليها حقيقى شهود
***********
اما مع رواندا فشفنا حسن شحاته
فرحان قوى بالاجوان الحلوة التلاتة
وعشان نوصل لازم نلعب بجد واستماتة
ونكون فى الجدول اوائل والباقى تحاتة
***********
كلمات عماد الدين محمد
دمتم جميعا بالف خير
