مشاركات كتييييير .. ليه .. ؟

السلامـ عليكمـ ..


انا يمكن بقالى كتير اوى ما نازلتش مواضيع ..

فجاتلى فكره من كونى انى مش بنزل مواضيع كتير ..

و هى انى بحب لما انزل موضوع اكون انا ال كاتباه او عشان استفيد من ارائكم ..

و جاتلى كمان فكره الموضوع من موضوع انت تكتب اذا انت موجود ..

...........

مشاركات كتير ..

انا هوصل قبلك ..

هدخل اكتب اى حاجه و هقول شكرا ..

و ابقى مشهور فى المنتدى بكثره ردودى و نقلى للمواضيع ..


هدخل و لعب فى قسم الالعاب عشان مشاركاتى تكتر و ابقى الاول فى المنتدى


يااااااااااه

بجد بجد اهداف غريبه ..

لماذا تشترك فى المنتديات

هل من اجل التسليه ..

ام للاستفاده

بصراحه كانت مقدمه غريبه انا عارفه

بس دى الحقيقه

ناس كتيير اوى قابلتها بتدخل عشان بس و لمجرد انها تبقى مشاركاتها كتير و مشهورة ..


نقطه النقاش ..

ايه اهدافك من دخولك للمنتديات ؟؟

بتزعل لما تلاقى حد مشاركته اكتر منك .. ؟؟

و هل يا ترى بتدخل ترد على اى موضوع .. ؟؟


كل واحد منكو هل بيحب و بيراعى انه ينزل مواضيع كل مده معينه .. ؟؟

و اخر حاجه ..
مشاركات كتييييير .. ليه .. ؟

و للنقاش بقيه اثناء الحوار ..

https://forum.masrawycafe.net/images/icons/icon5.gif

روحي يا ورقة الهي يكرمك
انا بوافقك مليون بالمية
حقيقي بدخل اقرأ واستفيد وبحاول اقرأ للجميع ولا يهمنى ان كانت ردود غيري اكثر من الردود على مواضيعي
ولكني احب ان احظى بردود طبعا
ولكن لا اقارن نفسي باي حد لانني ساتعب لو فعلت هذا


ولكن الاحظ ان البعض يشارك باكثر من 5 مشاركات يوميا ً وطبعا معظمها نقل---لا اقول ان النقل عيب -- فكلنا ننقل وبعضنا ينقل ويكتب من نفسه
ولكن فلنعطي مجال ومساحة لغيرنا لكي تحظى مواضيعه بردود ولننحاول ان نكتفي بثلاث مواضيع في اليوم لكي تحظى كل المواضيع بفرصة الرد

ولكن انوه ان هناك بعض الاعضاء لا يستطيعون الدخول يوميا وهؤلاء لهم الحريه في عدد المواضيع ولا نستطيع ذوقاً ان نطلب منهم تحديد عدد مواضيعهم
ولكن من يستطيع ان يدخل كل يوم فلا يتعجل وضع مشاركات على حساب الاخرين

شخصيا اقول لو كل عضو شارك بثلاث مواضيع كل يوم فهذا جيد
الا طبعا كما قلت الاعضاء الذين لا يدخلون كل يوم
وشكرا للجميع جهودهم

وده برضه موضوع يستحق الاهتمام ونسمع رأيكم يا احلى واطيب اخوة واخوات

ايه اهدافك من دخولك للمنتديات ؟؟

هدفى من دخول المنتدى هو الإستفادة من المشاركات
والأراء المختلفة


بتزعل لما تلاقى حد مشاركته اكتر منك .. ؟؟

كنت بزعل فى الأول إنما دلوقتى لأ

و هل يا ترى بتدخل ترد على اى موضوع .. ؟؟

الموضوع اللى بدخل عليه لازم أقرأه كلمة كلمة
وبعدين لو عجبنى برد ولو ماعجبنيش مابردش

كل واحد منكو هل بيحب و بيراعى انه ينزل مواضيع كل مده معينه .. ؟؟


بحاول إنى أكون موجود على أد ماقدر بس مش مواضيع كتير
بالكوم وهو نقل وخلاص

و اخر حاجه ..
مشاركات كتييييير .. ليه .. ؟

علشان اللقب يتغير من مصراوى جديد لنجم مثلاً

موضوعك فى وقته فعلاً
مع إنى معاكى فى إن النقل لايعتبر من إبداعى
بس أنا ممكن ألاقى حاجة كويسة بحب أنقلها علشان أفيد أخوانى
وانا برده باعتز جداً بالمواضيع اللى بكتبها من عقلى
مش اللى بنقلها

شكراً ياورقة على الموضوع
=D>=D>=D>=D>

اقتباس:

---

المشاركة الأصلية كتبت بواسطة ورقه

السلامـ عليكمـ ..

انا يمكن بقالى كتير اوى ما نازلتش مواضيع ..

فجاتلى فكره من كونى انى مش بنزل مواضيع كتير ..

و هى انى بحب لما انزل موضوع اكون انا ال كاتباه او عشان استفيد من ارائكم ..

و جاتلى كمان فكره الموضوع من موضوع انت تكتب اذا انت موجود ..

...........

مشاركات كتير ..

انا هوصل قبلك ..

هدخل اكتب اى حاجه و هقول شكرا ..

و ابقى مشهور فى المنتدى بكثره ردودى و نقلى للمواضيع ..

هدخل و لعب فى قسم الالعاب عشان مشاركاتى تكتر و ابقى الاول فى المنتدى

يااااااااااه

بجد بجد اهداف غريبه ..

لماذا تشترك فى المنتديات

هل من اجل التسليه ..

ام للاستفاده

بصراحه كانت مقدمه غريبه انا عارفه

بس دى الحقيقه

ناس كتيير اوى قابلتها بتدخل عشان بس و لمجرد انها تبقى مشاركاتها كتير و مشهورة ..

نقطه النقاش ..

ايه اهدافك من دخولك للمنتديات ؟؟

بتزعل لما تلاقى حد مشاركته اكتر منك .. ؟؟

و هل يا ترى بتدخل ترد على اى موضوع .. ؟؟

كل واحد منكو هل بيحب و بيراعى انه ينزل مواضيع كل مده معينه .. ؟؟

و اخر حاجه ..
مشاركات كتييييير .. ليه .. ؟

و للنقاش بقيه اثناء الحوار ..

https://forum.masrawycafe.net/images/icons/icon5.gif

---

مبادرة طيبة بس احنا حاولنا قبل كده كتير وحاولنا ان الاعضاء اللي بتعمل مشاركات

على الفاضي انها تكون مشاركات مفيدة لباقي الاعضاء ويكون الرد على قد الموضوع ......

وهنحاول تاني ومعاكي يا ورقة وانتوا معانا نحاول أن نضبط الوضع ده .........

وكلنا مع بعض ..........

وانا بقترح من الاعضاء اللي عاوزين الافادة لمنتدانا الغالي أنه لو لاحظنا عضو بيعمل

مشاركة وخلاص وبيحاول يزود مشركاته .........

حل بسيط رسالة خاصة وانتهى الامر

المشاركات مش بكثرتها ولكن بفائدتها
FreeMan

انت فعلا كلامك صح يا ورقه
لازم نرد ونستفيد ونناقش ومش ننزل مواضيع فقط
لا نفصصها
ولازم دخولنا يكون هادف طبعا
تقبلى مرورى ولى عوده

تمام كل ردودكو و كلامكو تمام


و انا متاكده و عارفه ان كلامكو مش مجرد كلام و ان كل كلمه فيه صحيحه ..


و حل جميل اوى ال قاله فرى مان ..

و انا معجبه جدا حتى بالتوقيع ال انت حاطه ..


و يا ريت فعلا اهدافنا و كلامنا يكون للافاده و ليس للشهره ..


بجد اشكركم

ايه اهدافك من دخولك للمنتديات ؟؟

اني استفاد ومش اقضي وقتي علي النت في حاجه تافهه وكمان اقدر افيد ناس تانيه ممكن تكون مش عارفه معلومه انا عارفاها


بتزعل لما تلاقى حد مشاركته اكتر منك .. ؟؟
الاول كنت بحاول اخلي مشاركاتي كتير بس بعد كدا عرفت ان المشاركات مبتدلش علي صاحبها لو كانت مش نافعه المشاركات الي اعملها لازم تكون ليها فايده مش كلام وبس

و هل يا ترى بتدخل ترد على اى موضوع .. ؟؟
الحمد لله اي موضوع ادخله لازم ارد لو الموضوع عجبني وافادني بشكر صاحبه ولو ليا تعليق بقوله ولو الموضوع معجبنيش بقوله معجبنيش في ايه بالظبط يمكن رائي يفيده بحاجه

كل واحد منكو هل بيحب و بيراعى انه ينزل مواضيع كل مده معينه .. ؟؟

لما موضوع بلاقيه مفيد او هينفع الي يقراه بنزله ولو مش مفيد يبقا مش مهم اني انزل موضوع لما بلاقي موضوع حلو ممكن انقله ولو موضوع جه في بالي برضه بكتبه انما لو مفيش يبقا مش مهم


و اخر حاجه ..
مشاركات كتييييير .. ليه .. ؟
لاني لازم ارد علي الموضوع الي ادخله زي ما قلت الاول وكمان زي ما بستفاد من المنتدي ممكن افيد الي افادوني وغيرهم

وموضوع ان حد يبقا مشهور او الكل يعرفه دا بيتوقف علي مقدار ثقافته او اهتمامه بالامور مش اي حاجه تافهه

وميرسي يا جميل علي الموضوع الجميل دا

عودا حميدا يا ورقــــــــة .. موضوعك جميل جدا

ايه اهدافك من دخولك للمنتديات ؟؟
الهدف طبعا الاستفادة .. يعني عملية تبادل معلومات

بتزعل لما تلاقى حد مشاركته اكتر منك .. ؟؟
إطلاقا .. يعني هي حاجة عاديــة
ممكن يكون واحد مشاركاته فوق 5000 و بيكون دوره هامشي في المنتدي
و ممكن بمشاركة واحدة يكون ليك دور أساسي و رئيسي في المنتدي

و هل يا ترى بتدخل ترد على اى موضوع .. ؟؟
زمـــان فعلا .. بس للأسف حاليا نادرا لما بأدخل
و بأحاول أرد علي كل موضوع بأدخله

كل واحد منكو هل بيحب و بيراعى انه ينزل مواضيع كل مده معينه .. ؟؟
بأحاول اني أنزل مواضيع مفيدة .. مش مهم المدة
بس أهم حاجة وجه الإستفادة .. يعني ممكن أنزل موضوع كل يوم
أو أنزل موضوع في الاسبوع و هكذا

و اخر حاجه ..
مشاركات كتييييير .. ليه .. ؟
و الله هي بتيجي كدا .. من كتر المشاركة في كل موضوع
و بأرد بفكرتي الخاصة .. و بأحاول افيد و أستفيد
فبلاقي المشاركات بتكتر عندي

ميرسي كتير يا ورقـــة مربعات علي الموضوع الجميل
و يلا مستنين مواضيعك الجايه

بسم الله الرحمن الرحيم .. نبدأ


في البداية أحب أهنيء نفسي وأهنيء كل الأعضاء هنا بوجود أعضاء مميزين .. أولوا فكر .. وعندهم إهتمام زيك بالمنتدى


سبقك في نفس الفكرة .. أخونا عمر المختار .. وكنت بردو مشارك معاه في نفس السياق


حاسس بإن فيه نوع من الهرج في المنتدى


ردود ملهاش هدف أو معنى .. مواضيع غير نقاشيه بالمرة .. أفكار منقوله .. نصوص منقوله .. ومفيش حتى مجال للنقاش

وإن طرحت موضوع للنقاش تفاجئ بنص اللي بيردو بيقولو مشكور [-(


عن نفسي لا أهتم ابداً بإني أكتب رد أو موضوع بقدر ما أحب إني أقول كلام مناسب ومفيد وأقرأ كلام مفيد

تحياتي ليكي على ملاحظاتك ومبادرتك الجميلة

انا لاحظت اننا كلنا تقريبا بندخل فعلا عشان نستفيد ..

و عندك حق فعلا يا مسلم

انا يمكن بحب ارد و اقرا المواضيع اكتر من انى انزل مواضيع ..

بحس اصلا ان ردى موضوع

و بضايق جدا من الناس ال بتقول مشكور .. او الموضوع يكون للقرايه و احس انى عايزة ارد بس مالقيش كلام اقوله ..

و ناس عندها اعتقاد انى لازم ارد عشان اشجع صاحب الموضوع

طب و النبى اشجعه على ايه .. و انا اصلا مااستفدش بحاجه ..


تسلمو لمروركو . .

قد تكون فكرة الموضوع مكررة ثلاث مرات على نفس القسم ولكنها لم تجدي نفعا
لان كل عصو يتوقع ان الكلام ليس له وهنا لا بد من ان انبه الى ان هناك اعضاء مشاركاتهم كثيرة ولكن مميزون ولا يخفون على احد مميزون بخلقهم وطريقة ردودهم
تحباتي اختي طيف

https://forum.masrawycafe.net/showthread.php?t=1751
https://forum.masrawycafe.net/showthread.php?t=4859