هتعمل ايه لو عرفت ان .......

اهلا وسهلا باعضاء المنتدى وخصوصا الشباب

ياترى هتعمل ايه لو عرفت ان اختك حبيبتك عايشة قصة حب؟؟؟؟؟؟؟
سواء هى قالتلك او عرفت من برة هتعمل ايه ايه هو رد فعلك؟؟؟؟؟؟

ولو عارضتها وضربتها وده المتوقع وقالتلك طب ما انت بتحب هتقولها ايه؟؟؟؟؟؟؟؟

ولو فضلت مضايق ومخنوق وقابلت تانى يوم حبيبتك وقالتلك مالك ليه مضايق فضفض معايا وقولتلها اصل عرفت ان انا اختى بتحب وضربتها وقالتلك ضربتها
ليه هو الحب عيب (استلقى وعدك ياحلو)هتقولك ايه حبيبتك
ولو سالتك طب انت ليه بتحبنى وقابل عليا كدة هى اختك احسن منى فى ايه؟؟؟؟؟؟؟؟؟
هترد تقولها ايه

وياترى لو حبيبتك ليها اخ وعرف انها بتحب هيعمل فيها ايه؟؟؟؟؟؟؟؟

ياريت شباب المنتدى يجاوبوا على كل الاسئلة دى
وياريت البنات يقولوا لنا ايه رايهم

انا عايز اسمع اراء الكل
اووووووووووووووووكى؟؟

الحب للجميعؤ

انا عن نفسى مش بحب اللا ابوية وامى واخواتى والوطن غير كدة واللهى مفيش
بس لو اختى عملت كدة دة انا ارميها من على البيت من فوااااااااااااااااااااااا ااااااء

ههههههههه هقتلها واتاوى العار ههههههههه
لا شوف بجد .. انا طبعا هقرب منها واعرف الحكايه بالظبط وهشوف الحنتوس ده واسال عليه واتكلم معاه كمان واعرف هو ناوى على ايه
لو خير يبقى البيت موجود
انما يقضيها مقابلات وحركات عنده مامته ميلزمناش معرفته X-(

الموضوع ده جامد بس انا نفسي الشباب كلها تجاوب و بردود مقنعه عشان السؤال ده نفسي اخويا يجاوبني عليه

وانا كمان يالولو نفسي اخويا يجاوب عشان اخد مني التليفون مرتين قبل كده وبابا بيرجعهولي

فعلا انا شايف ان الاجابات مش مقنعة والبعض بيتهرب منها
>:D<

أولا موضوع جميل وثانيا حصل معاي الموقف دا وأختي قالتي أنا بحب واحد يعني هي قالتي مش حد تاني وأنا بالنسه لأختي زي ألاصحاب مش بتخبي عليا حاجه وأنا عودتها علي كدة ولما قالتي أني هي بتحب روحت قابلت حبيبها وجاي أتقدملها وأتجوز وسعداء مع بعض حاليا أنا عايز أقول حاجه للشباب أني الواحد يعامل أخته زي صاحبه يقرب منها ويحاول يعرف عنها كل شئ ويقف جنبها ويحاول أن يسعدها لان أخت الواحد أمانه في عنقه لازم يحافظ عليها ويسعدها علي قد ما يقدر _وميرسي ليك

شكرا لردك ومشاركتك

دا الاخوات دول حاجه غريبه جدا... يحللوا الحاجات ليهم ويحرموها لغيرهم.
ايه النظام ده؟؟!!
بس انا الحمدلله الموقف ده مش هيحصل معايا لاني معنديش غير اخ واحد وصغير.
وانا مستنية اسمع ردود الشباب اللي في المنتدى.
وميرسي على السؤال الجميل والمهم ده.

شكرا يمان الموضوع حلو جدا بس انا مش مع مصطفى لطفي في حاجه عشان اختي الصغيره في ثانيه اعدادي قالتلي مره انها بتحب انا قبلت الموضوع عادي جدا بس الولد اللي هيا كانت بتحبه كان رخم ومفهوش ولا صفه حلوة فهمتها بالراحه على الرغم من ان فرق السن بينا ثلاث سنين بس انا محصليش الشرف قبل كده ولو فرض واختي حبت في الجامعه او الثانوي لازم اجيب قراره واتكلم معاه واعرف اذا كان بيحبها بجد يروح يخطبها ولو كان العكس صحيح حقوله يبعد عنها وهفهمها ان هو ولا حاجه ومن حسن حظي ان انا معنديش اخوات اولاد عشان كنت حاسه ان 70%هيكونوا زي مصطفى لطفي بس بصراحه انا بهني اخته بيه عشان عندها اخ يخاف عليها واحب اقوله ياريت رد الفعل مع اختك لو حبت يكون هادي وميكنش مخيف كده

شكرا لردودكم
ومشاركتكم النقاش

أنا مش عارف ليه البنات ظالمه الشباب الأخوات ويقولو الحب حلال عليهم وحرام علي البنات أنا عايز أقول أن مش كل الشباب اللي بتفكر كدة في شباب كتيرة متحضرة وبيحبو أخواتهم ويعاملوهم ذي أصحابوهم ومش معني كدة ان الواحد معندوش نخوة ولا شرقي وعندة مبأدي وقيم وأخلاق بالعكس تلاقي شباب عندها كل القيم دي وانا والحمدلله منهم وذي ماكتبت قبل كدة ان كان لي فضل كبير في أني وقفت مع أختي وساعدتها أني تتجوز اللي بتحبه لان في أعتقادي ان الحب الطاهر لا حرام ولاعيب وأناأختي كانت بالنسبه ليها الانتيم كنت أعرف عنها كل حاجه أكتر من أمي نفسها فبلاش البنات تظلم الشباب ويا ريت لو كل واحدة عندها مشكله تيجي تقول لاخوها وتحكي معاة مش الواحدة تعمل كل حاجه غلط ويكون أخر من يعلم أخواها وتيجي تلوم أخواها وتعتبرة متخلف ومش فاهم حاجه _ سوري أني طولت عليكم

دايما الولد يقبل على نفسه انه يحب لكن لما يعرف ان اخته بتحب انتوا ادراى بيعمل ايه
لكن الولد اللي بيفكر وعنده ثقافه بيصاحب اخته من صغرها عشان تتعود تعمل كل حاجخ قصاده ومتعملش حاجه غلط من وراه ولا حاجه تتكسف منها :">

شكرا لردودكم
ومشاركتكم النقاش