اسمك حقيقي ولا لاء؟.

بصراحه كدا انا ممكن معرفش اعبر عن الموضوع الي عايزه اكلمكم فيه بس كفايه عليا اني هكون حاولت او علي الاقل واحد او واحده منكم هيفهمني وكمان مش هعرف اكتبه باللغه العربيه انما هكتبه باللغه العاميه=(( واسفه جدا لاني مش هعبر عنه كويس

الموضوع هو ان البنات لما بتدخل شات او منتديات او اي حاجه متعلقه بالنت ممكن تخفي اسمها الحقيقي خالص ومتقولهوش وتكتفي بالنيك نيم(الاسم المستعار)
وفي بعض البنات بيكون ليها اسم مستعار وبرده بتقول اسمها الحقيقي
وفي بنات برده بتقول اسمها الحقيقي علي طول من غير النيك نيم
وفي بنات بيقولو اسمهم الحقيقي غلط عشان محدش يطلبه تاني
انتي بقا يااختي من انهي نوع؟؟؟؟؟؟؟؟

الموضوع دا انا عايزه افهم سببه ولكل بنات المنتدي بترضي انك تقولي اسمك الحقيقي؟؟؟؟؟؟؟
ولو لاء يبقا ليه طلما كده كده محدش هيعرفك حتا لو كان معاكي في نفس الدوله؟؟؟؟؟؟؟؟

الموضوع دا انا مش فاهمه سببه وكمان في بنات مبتقولش مكانها الحقيقي يعني مثلا ممكن تقول الجيزه وهيا من القاهره

انا عن نفسي ماما واختي بيقولولي دايما اني مدخلش باسمي الحقيقي ولو حد سالني اقول اي اسم بحبه وهو دا الي انا بعمله وحاولت افهم منهم قالو كدا وخلاص فحبيت اسالكم انتو يمكن الاقي عندكم الاجابه؟؟؟

والسؤال دا مش للبنات بس دا لشباب المنتدي كمان ترضي ان اختك تدخل باسمها الحقيقي وبياناتها الحقيقيه؟؟؟؟؟؟؟؟؟

اسفه مره كمان لان ممكن اكون معبرتش عن الموضوع بطريقه صحيحه لاني حاولت ومعرفتش فكتبته علي اد ما عرفت

موضوع جميل ياساره وانتى عبرتنى عنه كويس والله
بالنسبه للاسم عادى ان الواحديقول اسمه الحقيقه انا مش شايفه فيها مشكله يعنى وليه نكذب اصلا او منرضاش نقول
وموضع النيك نيم مجرد تعبير حلو بنكتبه لاسم بنرتاحله
او اصحابنا بتدلعنا بيه او بنحب نسمعه كتير

الموضوع كله موجه للبنات [-(



موضوع الاسم حقيقي أو مستعار مش هايفرق في حاجه

لإن الشخص مش هايعرف الإنسان اللي قدامه غير لو صدفت إنهم يعرفو بعض في الحقيقة

غير كدا صعب أوي إن حد يعرف الشخص بمجرد معرفة إسمه

ثانيا احنا مش داخلين للنت نتنكر أو نهرب من حياتنا

إحنا داخلين نتثقف .. نكسب صداقات جديده .. نعرف ناس جديده

نحتك بأشخاص من أماكن مخلتفه بعادات مختلفه وثقافات مختلفه

النت مش هدفه إن بنت تعرف ولد وولد يعرف بنت

إلا إن كان مستخدم النت من النوع الهايف اللي بيستخدم النت كأداة لمعرفة الجنس الآخر

تحياتي لموضوعك المميز ولإسلوبك الخفيف

ايوا يا جماعه بس انا لاحظت الموضوع دا في كل البنات الي بكلمهم كلهم انا عارفه ان دا مش اسمهم الحقيقي وهما الي قالو كمان مش انا الي سالت وكل البنات بحس انها خايفه من انها تقول اسمها الحقيقي مع اني مش شايفه سبب مقنع لدا

والوحيده الي اعرفها بنت معايا في المدرسه ولما بقت بتدخل علي النت باسمها الحقيقي مامتها منعتها انها تدخل النت تاني

انا بس كنت عايزه افهم ايه السبب

والله مش عارف

بس اظن انه مش سبب واحد يعني

يعني في منهم اللي بيدخل بأسم مستعار لمحرد انه شيك او سهل

وعلى ما اعتقد ان في اللي بيستخدم الاسم المستعار بيستخدمه لان العرف عندنا انه غلط ان البنت تقول اسمها

ليه؟ .. مش عارف

اسم البنت مش عوره يعني ولا غلط ان الناس تعرفه

ولو غلط ان الناس تعرف الاسم الحقيقي لبنت معينه

مكناش عرفنا ام المؤمنين عائشه ولا السيده خديجه وغيرهم من امهات المؤمنين

لان النبي اول واحد كان هيمنع الغلط ده

معلش انا خرجت شويه عن الموضوع

بس في الاخر زي مقولت على ما اعتقد ان الموضوع موضوع تقاليد

شكرا يا يونج سؤال فعلا محير

بارك الله فيكِ سارة

اوك رح اجاوبك يا قمر
موضوع كتير حلو نحكي فيه حتى نبين وجهة نظرنا
بداية الاسم الحقيقي مش مهم حد يعرفه لانه مش رح يغير ولا يبدل ولا يضيف ولا ينقص شيء للعضو او للمنتدى او لباقي الاعضاء
وانا مش مضطرة احكي اسمي لاي شخص الا للمقربين مني لا لسبب محدد الا لانه ليس ضروري ان يعرفه الجميع فهل نحن في الحي الذي نسكنه مثلا كل سكان الحي يعرفون اسماءنا اوحتى في الكلية ؟
لا ارى ضرورة لان يعرف احد اسمي الحقيقي سواء كان سيعرفنى ام لن يعرفني

اما الكذب في البلد فهذا لا ارى ضورة للكذب لانه عندما تخفي اسمك انت لم تكذب فانت لم تقل اسمي الحقيقي كذا ولكن ان تقول انا من الفيوم وانت من اسكندريه فهذا كذب لا داعي له

شكرا يا جمر ولي عودة ان اقتضى الامر ذلك

يمكن ياساره لان الزمن بقى وحش ومعظم نوايا الناس سيئه ومنعرفش هم بيكنو لنا ايه يعنى ممكن تبقى حد عارفاه وتتخدعى فيه صح ولالا انتى ضامنه انك تعيشى اما تضمنى ان اللى قدامك ميكنش مخادع لازم تخدى احتياطاتك كويس وتتعاملى مع النت بحذر وتستغله استغلال مفيد

اولا يا ستى طريقتك بسيطه و اكيد كلا فاهمنها .. و بجد انا بحيكى كتييييير ..

ثانيا بقى .. عن موضوعك انا بردو بستغرب اوى . . و لما حد بيسالنى هو فعلا اسمك الحقيقى ولا زى بقيت البنات بقول هو سر حربى ولا ايه .. و بقول اسمى الحقيقى ..

ربنا فهمو بالعقل . . مفيش اى سبب مقنع يخلى اى حد يكدب ..

سواء فى الاسم او فى اى حاجه تانيه ..

.
.

اقتباس:

---

المشاركة الأصلية كتبت بواسطة ورقه

اولا يا ستى طريقتك بسيطه و اكيد كلا فاهمنها .. و بجد انا بحيكى كتييييير ..

ثانيا بقى .. عن موضوعك انا بردو بستغرب اوى . . و لما حد بيسالنى هو فعلا اسمك الحقيقى ولا زى بقيت البنات بقول هو سر حربى ولا ايه .. و بقول اسمى الحقيقى ..

ربنا فهمو بالعقل . . مفيش اى سبب مقنع يخلى اى حد يكدب ..

سواء فى الاسم او فى اى حاجه تانيه ..

.
.

---

استغرب يا اختي من كلامك فهل اسمكِ ورقة ؟
انتِ دخلتِ باسم مستعار ايضاً فلماذا التناقض في الرد والموضوع ؟
هل معنى دخولك باسم مستعار انكِ كاذبة ( لا سمح الله )؟
ثم ما الداعِ ان يعرف الاعضاء اسمكِ الحقيقي ؟
ارى كلام اختي طيف مقنع واكتفي به رداً لي

يا استاذ عمرورقه متقصدش كدا ورقه تقصد ان لو حد سالها علي اسمها هتقوله عادي مفيهاش مشكله

وبالنسبه لكلامك يا منون اذا كان الزمن خاين وفي ناس كتير غداره احنا بنشوف ناس من دي كل يوم وبنقابلهم وبيشوفونا ونشوفهم يعني النت ممكن يكون اقل خطوره من الدنيا نفسها ولو عرف الي قدامي اسمي الحقيقي دا مش هيفرق في حاجه ولو معرفهوش او قلت انا مش عايزه اقول بيفضل يلح في السؤال مع ان دا مش هيفيده في حاجه غير انه يقول احنا عايزين نعرف بعض والكلام الرخم الي بنشوفه كل يوم
قصدي ان زي ماهو مش مهم يعرف الاسم يبقا برده مش مهم نخبيه

وبالنسبه لكلامك يا كارثه انا مش بعترف بحاجه اسمها عادات وتقاليد انا بعترف بحاجه حرام وحاجه حلال زي مانتا قلت ان الاسم مش عوره والدليل اننا نعرف اسماء الكثير من امهات المؤمنين ودا لو كان غلط كان الرسول _صلي الله عليه وسلم_اول واحد يمنع دا
وكمان العادات دي هيا بقا اللي انا مش فاهمه سببها وليه بنداري طلما دي حاجه مش مهم اننا نعرفها او منعرفهاش

ويا طيوفه زي ما مش مهم يعرف الاسم الحقيقي يبقا مش مهم برده نخبيه لان زي ما قال كارثه اسم البنت مش عوره بصراحه دا رائي

ونورتو كلكم موضوعي

اهلا ساره
انا شايف ان الموضوع ف مسألتين

الاولى متعلقه بالبنت او الولد

فقد يدفع الشخص لاستخدام اسم مستعار اكثر من سبب

منها حبه للاسم دا كأن يكون اسم شخص مشهور او انه يمثل ذكرى جميله

او
طلبا لشهر ع حساب اسم شاذ او غريب يشد الانتباه -بتحصل:)-

او
ان يكون الشخص يرغب ف فعل اعمال وافعال لا يرغب ان ترتبط بأسمه الحقيقى سواء خيرا او غير ذلك ..

او او او

وف كل حاله بيجد الانسان مبرر مقنع لاستخدامه اسم مستعار...

ع الجانب الاخر

الاهل

وليهم دور برضه

بكمن غالبا ف الخوف- مبرر كان او غير مبرر- ولا يتعلق فقط بالبنت ولكن ايضا بالولد..

فعلى البنت بعتقد نتيجه ترسبات ناتجه غالبا من العادات والتقاليد واللى غالبا ما تشغل مساحه كبيره ف حياه كثير من الاسر..

او على الولد ويتعلق الامر غالبا بالامور السياسيه وما الى ذلك مما قد يقلق الاهل ع الشخص نفسه ..


ومهما تعدد الاسباب فأن ف الاخر الامر يتعلق بالانسان نفسه وشخصيته

فلسنا بالاسماء نعرف انما بالاعمال نذكر
فالحق يعرف بأهله
ف الاخر بعتقد ان المسأله حريه شخصيه وطيف قد اوجزت ف النقطه دى
كمان شايف ان باقى الاراء قد اوفت كذلك..
كمان شايف ان احترام رغبه الاهل ف المسأله دى واجبه وبخاصه ان كما قلت لن تفرق كثير زيد من عبيد فقط تفرق الافعال والاعمال..
اسف للاطاله:)

ويا طيوفه زي ما مش مهم يعرف الاسم الحقيقي يبقا مش مهم برده نخبيه لان زي ما قال كارثه اسم البنت مش عوره بصراحه دا رائي

وانا ما قلت انه عورة وانه عيب انا قلت عالمنتدى مفيش ضرورة الكل يعرفه لكن لو شات ومعرفه من مدة طويله فعادي يعني واضح اني فهمت الموضوع غلط انا فهمت الاسم عالمنتدى ولاشخاص ما بنعرفهم ومشان هيك قلت المقارنة بين اهل الحي او الجيرانشكرا يا جمر على المتابعه

اقتباس:

---

المشاركة الأصلية كتبت بواسطة عمر المختار

استغرب يا اختي من كلامك فهل اسمكِ ورقة ؟
انتِ دخلتِ باسم مستعار ايضاً فلماذا التناقض في الرد والموضوع ؟
هل معنى دخولك باسم مستعار انكِ كاذبة ( لا سمح الله )؟
ثم ما الداعِ ان يعرف الاعضاء اسمكِ الحقيقي ؟
ارى كلام اختي طيف مقنع واكتفي به رداً لي

---

الكلام يا أخي عمر مش عن الإسم المستعار


الأخت بتتكلم في حالة السؤال عن الإسم الحقيقي

اختنا العزيزة YOUNG DEVIL انا شايف من وجهت نظرى انة ليس من ( الإتيكيت ) ان انادى اى اجنبية عنى بأسمها وايضاً ارى انه ليس من الضرورى ذكر اسمك مطلقاً فيكفى النيكنيم لان الاسم لم يضيف اى شيئ على شخصتك كما اشار بعض الاخوة .
اما بخصوص السؤال الموجة للشباب فأنا لا اوافق بئ شكل من الاشكال ...لانه ليس هناك اى مبرر طيب يدفع الرجل معرفت اسم امرءة ... ومحدش يتريق
تقبلى تحيات اخوكى ضيق الافق شيخ البلد

اقتباس:

---

المشاركة الأصلية كتبت بواسطة شيخ البلد

اختنا العزيزة YOUNG DEVIL انا شايف من وجهت نظرى انة ليس من ( الإتيكيت ) ان انادى اى اجنبية عنى بأسمها وايضاً ارى انه ليس من الضرورى ذكر اسمك مطلقاً فيكفى النيكنيم لان الاسم لم يضيف اى شيئ على شخصتك كما اشار بعض الاخوة .
اما بخصوص السؤال الموجة للشباب فأنا لا اوافق بئ شكل من الاشكال ...لانه ليس هناك اى مبرر طيب يدفع الرجل معرفت اسم امرءة ... ومحدش يتريق
تقبلى تحيات اخوكى ضيق الافق شيخ البلد

---

=D>=D>=D>=D> نفس راي انا بردو
وميرسى YOUNG DEVIl

انا من رائى ان البنت متقولش اسمها لان البنت سواء قالت او مقالتش مش هتفرق كتير وكمان معظم الشباب دلوقى مش كويسين يبقو يعرفو اسمى وكل حاجة عنى ليه

بيتهيألى إن كل الردود اللى فاتت جاوبت عليك
ياسارة أو يونج فعلاً مش هتفرق معايا
اللى يفرق معايا فعلاً
العضو دة كويس ولا لأ وكتاباته وردوده
هو دة اللى أنا عايز أعرفه
تقبلى مرورى

اقتباس:

---

وكمان معظم الشباب دلوقى مش كويسين يبقو يعرفو اسمى وكل حاجة عنى ليه

---

أعتقد إن مش معظم الشباب وحشين دول قلة
بس للأسف هما دول اللى انتى بتشوفيهم واللى بيرزلو عليك
إنما الشباب الكويس مش هيتعرضلك بحاجة فممكن ماتعرفيهوش أصلاً
تقبلو مرورى مرة تانية
=D>=D>

كلكم بصراحه رديتو ردود مقنعه واهنيكم عليها بس انا مش بتكلم علي المنتديات بس انا بتكلم علي الشات والايميل وكل دا و الي معترش في ان البنت تقول اسمها يقول ايه الغلط من ان هيا تقول اسمها بس هو دا كان قصدي من الموضوع كله

أنا معترض على كلام البنت مع الشاب على الشات
ماعتقدش انه فى داعى للشات دة بالعكس
دة رأيى من غير زعل
وممكن بردة تقرأى الموضوع دة
اضغط هنا

https://forum.masrawycafe.net/showthread.php?t=4845

ميرسي جدا عوامي للتوضيح انا مكنتش اعرف ان كلام الشات اصلا حرام لاني مسمعتش حد قبل كدا يقول انه حرام تسلم ايدك يا عوامي وميرسي جدا علي النصيحه

الحمد لله اللى قدرنى إنى أقدم نصيحة وحد يستفاد منها إن شاء الله هتستفادى منها صح
اللهم ارزقنا الهدى والتقى والعفاف والغنى
=D>=D>

اقتباس:

---

المشاركة الأصلية كتبت بواسطة عمر المختار

استغرب يا اختي من كلامك فهل اسمكِ ورقة ؟
انتِ دخلتِ باسم مستعار ايضاً فلماذا التناقض في الرد والموضوع ؟
هل معنى دخولك باسم مستعار انكِ كاذبة ( لا سمح الله )؟
ثم ما الداعِ ان يعرف الاعضاء اسمكِ الحقيقي ؟
ارى كلام اختي طيف مقنع واكتفي به رداً لي

---

لا لا تناقض ايه بس ..

اسمحلى اذا كنت فهمت كلامى و وهه نطرى غلط فدى مش مشكلتى انا

انا فهمت الموضوع انها ليه ماتقلش اسمها لما تكلم حد على الايميل مش على المنتديات و بعدين انا معظم الناس عارفه اسمى هنا

مش عشان انا داخله باسم ورقه يبقى فى تناقض .. انا بالنسبه ليا الاسم دا مش اسم مستعار على قد انه اسم له معنى بالنسبه ليا يمسنى انا و يمس شخصيتى ..


و بعدين مفيش داعى ابدا ان ادخل منتدى و اقول اسمى انا بتكلم ان لو حد سالها مفيش داعى انها تكذب ..

ميرسي جدا يا عوامي واحنا فهمنا قصدك يا ورقه يسلم مرورك