صباح الخير يا قلبي ..صباح الروح يا غلا إنسان
صباح الطيب والبسمه صباحك داخل عيوني
صباح المسك والعنبر ..صباح الشوق والتحنان
صباح الصبح للعالم. وصباح الناس للكوني
صباح القاف والمعنى.. صباح البحر..والأوزان
صباحك شعر والحان ترنم داخل شجوني
بربك قلي أخبارك بعد ما جـــيــت لــك بحنان
حبيبي صدق بوجودك تعال وناظر جفوني
اناظر وجهك البارق واتوه بعالم النسيان
وربي بعد ما أشوفك تزايد عندي جنوني
لقيت بصبحك الدافيء جمال الرسم والألوان
بصراحه ..يوم ترسملي تجمل رسمي وفنوني
سرحت بطيفك الرائع كأني ساكن بستان
وحولي ناس من ربعك حقيقة صدق حبوني
تعال وناظر أشواقي كأن بداخلي إنسان
ينادي للناس ويصبح ..امانه لا تلوموني
ووجودك دايم قباله.. يصبح اليوم مفتوني
تلعثم يومك تنادي ..تقول اطربنا يا فنان
نسى شعره / نسى فنه/ تغير عنده الالوان
جريح جاي يصبح لك جريح جايلك عطشان
فقد صبره بعد ما شاف جمال قلبك
يا عمري فدوت عيونك ملوك الصين واليابان
ومعاهم كل من قالوا تفضل ..ثم حيوني
أبيع الناس لعيونك.. وترى منهم عشر اخوان
وأبيع الدنيا بأكملها مادام انك ملك كوني
صباح الخير يا قلبي صباح المسك والريحان
صباح الطيب والبسمة صباحك داخل عيوني
