أولى حلقات برنامجنا

السلام عليكم ورحمة الله وبركاته

عدنااااااااااااااااا مع اول حلقات برنامجنا ..
امممممممممم اللى انا مش قولتله اسم ..
ماعلينا ..


ثواااااااب رمضاااااااااااااااااان

ما جزاء الصائم؟ ما ثواب من يصوم رمضان ؟

كل الطاعات والعبادات معروف جزاءها .. الا الصيام فيه اقوال كثيرة ..

يقول الحق تبارك وتعالى فى الحديث القدسي :" كل عمل ابن ادم له الا الصيام وانا اجزى به"

معنى الحديث .. يا صائموووووووون انتظرو مفاجأة صيامكم فى الجنه .. انتم تعلمون يااخواتى ويا إخوانى لما اخفى الله عنا الوصف الدقيق للجنه .. وقال عنه نبينا صلى الله عليه وسلم :" فيها ما لا عين رأت ولا أذن سمعت ولا خطر على قلب بشر" كان هذا الحديث بمثابة حافز للأنفس .. عشان نعد نتخيل ونفكر فيها ونتعلق بيها ومهما وصلنا بخيالنا نقوووووووول .. وما خطر على قلب بشر .. دى احلى من اى تخيل وصله حد ..

كذلك مكافأة الصائم جعلها الله غير معلنه لكى يحفز الصائمون ويعلقهم بهذا الجزاء الخفى .. فيبذلون اعلى الهمم فى رمضااااان ..

على فكره كان ممكن ربنا يخلى الحكايه كده .. يعنى مش هتعرفو ثواب صيامكو الا لما تدخلو الجنه ..
بس ارحم الرااااااااااااااااااااحم ين .. واكرم الاكرمييييييييين .. الله عز وجل ..

اعطانا مكافأت اخرى معلومه .. تصبيرة لغاية ماندخل الجنه ونشوف الجزاء الكبير ..

تعرفو عدد المكافأت " التصبيرة" دى كام؟


هااااا



هااااااا



فكرو شويه ..





صح ..



ستة مكافأت .. متخيلين الكرم يعنى ربنا هيدينا فى الدنيا 6 مكافأت كتصبيرة صغيرة لصيامنا .. اومال الجزاااااااااااء الكبير هيكون ايه .. الله اعلم .. اكيد لن يخطر على قلب بشر ..


ومع اول هذه المكافأت ..
1- مغفرة الذنوب..

وهل الذنوب لا تغفر الا فى رمضان .. لا طبعا .. بس فى رمضان المغفرة بغير حساب ..
*قال رسول الله صلى الله عليه وسلم :" من صام رمضان ايمانا واحتسابا غفر له ما تقدم من ذنبه "

يعنى اللى يصوم 30 يوم بتوع شهر رمضان بشرطين ..
ايمانا= عايز ارضيك يا رب احتسابا= كمعان فى الثواب
مبروووووووووووووك .. اتغفرلك كل اللى فااااااااااااااااااااااات .. الله اكبر

كتيييييييييير .. مش هتعرف تعمل الشرطين دول طول الشهر .. طب فيه حاجه تانيه

*قال رسول الله صلى الله عليه وسلم:" من قام رمضان ايمانا واحتسابا غفر له ماتقدم من ذنبه"

طب لو صليت التراويح بس 30 يوم بتوع رمضااااااااااااااان .. يتغفرلك كل اللى فااااااااااااات

طب ممكن اقصر فى صلاة التراويح ليله ..

* قال رسول الله صلى الله عليه وسلم :"من قام ليلة القدر ايمانا واحتسابا غفر له ما تقدم من ذنبه"
اييييييييييييييييه الكرم ده .. هى ليله لو صليت التراويح فيها يتغفرلك كل اللى فااااااااااات


هاااااااااااااااااا .. احنا لسه بنقول يا هادى ..
ودى لسه اول تصبيرة..

فى انتظار تعليقاتكو .. والحلقه التانيه مع تانى تصبيرة ان شاء الله

أستودعكم الله

اللهم بلغنا رمضان واجعلنا من عتقاء رمضان
آآآآآآآمين
موضوعك طيب ان شاء الله
جعلة الله فى ميزان حسناتك
متبعاك .....بااارك الله فيك
يثبت الموضوع تحية للشهر الفضيل

جزاكى الله خيرا وجعله فى ميزان حسناتك

اللهم بلغنا رمضان

اللهم اغفر لنا جدنا وهزلنا وخطأنا وعمدنا وكل ذلك عندنا

دمتى بخير وود وبارك الله فيكى

جزاكي الله خيرا
اللهم بلغنا رمضان
موضوع جميل جدا
وان شاء الله يجعله في ميزان حسناتك

أختى الحبيبة منى
أخى الفاضل سلامة
أختى الحبيبة بحر الحنان
جزاكم الله الفردوس الأعلى وبلغكم رمضان بأحسن حال ياااااااارب

جزاكى الله خيرا
بجد موضوع جميل وربنا يتقبل منا ومنكم ان شاء الله
ومتابعة معاكى ياقمر :)

توبيك جميل موووووووووووووووووت
ويا ريت يكمل

تسلمولى يا بنانيت على ردودكم العسولة ياااااارب

وبلغنا وإياكم رمضان يااااارب

السلام عليكم ورحمة الله وبركاته

ورجعناااااااااااااالكو مع الحلقه الثانيه ..



بس لازم نفكر المشاهدين بأول تصبيرة ؟



اهاااااااا .. مغفرة الذنووووووووووووب .



وتانى تصبيره هى ..



2- العتق من النار..



* قال صلى الله عليه وسلم:" ولله عتقاء من النار فى رمضان وذلك كل ليله"



يعنى ايه عتق؟



يعنى مش هتدخل النار ولا حتى هتشوفها ولا تشم ريحيتها ..



طب انا فى رمضان بعمل حاجات تخلينى اعتق ... بس بعد رمضااااااااااان..



بصوا يا جماعة ربنا عز وجل مش بيرجع فى كلامه .. بمعنى ابذلوا كل جهدكم فى رمضان



وادعوا انه يعتقكم من النار وتيقنوا القبول .. وان شاء الله يعتقكم .. بس انووا انكوا تفضلوا



كويسين لبعد رمضان كمان ..



طب اعرف ازاى انه اعتقنى؟ يعنى افرضى انى اعتقت قبل كده ؟ اعرف ازاى؟



من اعمالك بعد رمضان .. ان الطاعه تغلب المعصيه .. هتعصى احنا بشر .. بس مع المعصيه



دى توبه + طاعه .. قال رسولنا الكريم :"واتبع السيئه الحسنه تمحها"..وقال تعالى:"ان



الحسنات يذهبن السيئات"...



يعنى لو اشتغلتوا على العتق فى رمضان .. خلاااااااااااااص .. انتوا نجيتوا رقابكم من النار..



ومتخافوش من اى حاجه بعد رمضان.. ولويوم ضاع منكوا مش مهم قدامكم 30 يوم .. ركزوا



انتوا بس .. وربنا يعتقنا واياكم..



كده احنا قولنا تصبيرتين من ثواب رمضان ..



الحلقه الجايه مع التصبيرة التالته .. فى انتظار مشاركتكم

أستودعكم الله الذى لا تضيع ودائعه


وأحييكم بتحية أهل الجنة


السلام عليكم ورحمة الله وبركاته

بارك الله فيك اختى الكريمة
اللهم اقبلنا عندك من عتقاءك
يبارك بعمرك
ياااريت اختى انا مثبتة الموضوع لو جمعتيهم فى موضوع واحد يكون جميل وجزاك الله خيرااا
لو بتحبى أدمجة مع الاول
منتظرة رد حضرتك

وبارك الله فيكى حبيبتى
وأكيد فكرة ممتازة ربنا يكرمك يارب على اقتراحك
وشكرا حبيبتى على مساعدتك ليا
جزاكى الله خيراااااا :x

اقتباس:

---

المشاركة الأصلية كتبت بواسطة تواقة للجنة

وبارك الله فيكى حبيبتى
وأكيد فكرة ممتازة ربنا يكرمك يارب على اقتراحك
وشكرا حبيبتى على مساعدتك ليا
جزاكى الله خيراااااا :x

---

لمست التقى والأيمان فى كتاباتك
فلى الشرف ان تنيرى الاسلامى
شكراااا لتعاونك وان شاء الله يكون مثبت لك
حتى تمتعينا كل ماتسمح لك الظروف لتمتعينا بكلمات
عن الشهر الفضيل يبارك بقلبك
اختك فى الله منى رشدى
http://m002.maktoob.com/alfrasha/ups...670/395857.gif

اللهم بلغنا شهر رمضان
تسلم أيديك موضوع يستحق المشاركة
جزاكى الله كل الخير وجعله فى ميزان حسناتك:x:x:x

ربنا يكرمك يا مونى يارب على كلامك الجميل دة :x :-*
وشكرا حبيبتى أم اسراء وبلغنا واياكى الشهر الكريم فى أحسن الحال يااااااااااارب :x:-*

السلام عليكم ورحمة الله وبركاته

ورجعنا لكوا مع الحلقة الثالثة

كنا قد بدأنا سلسله .. "ثواب صيام شهر رمضان "

واختصارا .. قولنا انه هناك ثواب عظيم لم يخبرنا الله عنه .. وسنجده فى الجنه .. مكافأة لكل

الصائمون ..ولكن من رحمة الله بنا انه مع هذا الثواب العظيم يوم القيامه اعطانا .. سته

اثابات "تصبيرات" اخرى فى الدنيا ..

1-مغفرة الذنوب

2-العتق من النار

والان مع التصبيرة الثالثة .. وهى:

3- كنووووووووووز الحسنات ..

قال رسولنا الكريم صلى الله عليه وسلم:"من تقرب فيه بخصله من خصال الخير .. كانت له

كالفريضه .. ومن ادى فيه فريضه كانت ب سبعين فريضه "

ممكن اله حاسبه عشان الحسبه معقده شويه...

بناءا على الحديث الشريف تعالوا نحسب ثواب الخمس صلوات فى شهر رمضان ..

5 فروض (ضرب) 30 يوم (ضرب) 27 درجه للصلاة بالمسجد ( ضرب) 70 ضعف ثواب

الفريضه فى رمضان = 2835000 حسنه ... اية يعنى المحافظه على اداء الصلوات الخمس

فى رمضان فى جماعه تساوى 3 مليون حسنه والله يضاعف لمن يشاء..

انتو متخيلين كنووووووووووووووز الحسنات اللى بتتفتح فى الشهر ده ..

طب تعالى نحسب ثواب قراءة القرأن فى رمضان ..

الجزء به تقريبا 7000 حرف (ضرب) 10 حسنات (ضرب) 70 ثواب رمضان (ضرب) 30يوم

=147 مليون حسنه

وذلك عند تلاوة جزء واحد من القرأن يوميا يستغرق 45 دقيقه..

فمابالكو باللى بيختم القرأن كله .. واللى بيختمه اكثر من مرة .. واللى بيحفظه فى رمضان ..

ليكو بقه ان تتخيلو ثواب بقيه العبادات فى رمضااااااااااااان ..


يا جمااااااااااااااااااااااا عه عبادة السنه كلها كوم وعبادة رمضان كوم والله ..

ممكن بعبادة الشهر ده صح .. تسبق كل اللى بيعبدو بقالهم 10 سنين .. واكتر

ممكن اسأل سؤال .. لو كان ال3 حاجات دول هما ثواب رمضان ومكنشفيه باقى لسه ومكنش

فيه ثواب اعظم لا يعلمه الا الله فى الجنه .. مش كان هيبقى كفايه ؟

لا بس ربك كرييييييييييييييييم .. واذا اعطى لا يبخل ..

يلاااااااااااااااااااا.. فى انتظار .. ردودكم

وانتظرونى فى الحلقة القادمة مع التصبيرة الرابعة

أستودعكم الله الذى لا تضيع ودائعه

وأحييكم بتحية أهل الجنة

السلام عليكم ورحمة الله وبركاته

السلام عليكم ورحمة الله وبركاته
شكرا ليكى يا تواقة بجد جميييل جدااااااااااااااااااااا
جزاكى الله خيرا