أولا يجب عليك ان تتعلم مباديء الغلاسه التي يجب توافرها في أي غلس وهي :
لما تسأل واحد وتقلوا أقول ولا مقولش ..يقلك قول ..قله قول وطعميه .
لما تسأل واحد وتقله صح ولا غلط ..يقلك صح ..قله صح النوم
لما تسأل واحد وتقله الكلام دا حصل ..قالك حصل ..قله حصل وطحينه
لما واحد يقلك انا جيت نورت البيت قله ..لا دا نور الكهربه
لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان
لماتسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش
لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه
لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه
لما واحد يقلك طز فى اي حد .. قله طز بلبن
لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا
لما تلاقى شب بيستظرف قله : ايه يلا العسل ده مولود ف بالاص ولا امك نحله
لو لقيت حد لابس قميس مكرمش قله ايه القميص الى طالع من بق كلب ده .... ولو لون القميس غريب قله مافيش منه رجالى ده
لو حد استظرف عليك قال على قميصك مافيش منه رجالى ... قله لا والله ده اخر واحد
لو حبيت تخنق حد قله معاك ولا عه يقولك لا – ولا كبريت .... لا – ولا ظلتين عشان نولع بالشراره ... لا – طب معاك بوتجاز .... لا - ؟؟؟امال بتاكل الأكل نى ولا ايه .....
الخ الخ لحد مايضربك
يا جماعة دي مبادئ علم الرخامة .... طبعا في ناس عندهم الحكاية دي بالفطرة ... و في ناس بيحبوا يتعلموا ...
بعد كده طرق الغلاسه على البنت:-
العمليه في منتهى السهوله و سيتم عرضها من خلال عدة مواقف متتاليه و ربنا يقدرنه على بنت حواء .. والله المستعان
1. اذا كنت مشفتهاش من زمان و قابلتها صدفه و بتسألك انت عامل ايه ازي أحوالك ؟؟
- ترد عليها بمنتهى السماجه ... انتي مش شايفاني فرحان و سعيد اني قابلتك .. أقوم أرقص لك يعني
و لما ترد و تقول خلاص انا اسفه .. ترد و تقول شيء طبيعي
2. لو كنت ماشي في الشارع و عدت قدامك واحده حلوه طبعا من الزوق و الأدب انك تعاكسها بمنهى الغتاته أو على الأقل ترش عليها ميه
3. لو كنت في عربيتك و عدت جنبك عربيه و فيها بنت حلوه افضل باصص لها و متنح و لما تسألك انت بتبص لي كده ليه .. شد على الرابع و نفض لها
4. لو بتتصل بواحد صاحبك و النمره غلط و ردت عليك واحده و قالت لك النمره غلط طبعا من الطبيعي انك ترد عليها و تقول معلشي اصل صوتك شبه صوت حسني بالظبط
5. لو ماشي مع بنت جميله جدا و بتسألك على رأيك في شكلها قول لها ( هايله يا حياتي بس لو في منك على حريمي )..
6. لو عاوز تغتت أكتر و أكتر على أي بنت في الشارع وقف أي واحده و اسألها الساعه كام .. هتقولك مثلا الساعه 4.30 بص في ساعتك و قولها تمام الساعه بتاعتك مظبوطه
7. لو راكب عربيه نقل ( مقطوره ) و عدت جمبك بنت فمن الجنتله انك تقرب منها و تزمر على اّخرك
8. لو نفسك تمشي مع بنت زميلتك في الكليه و كانت جايه تطلب منك حاجه للمره الاولى في حياتها و ( الطريقه مجربه و جابت مفعول ) ... هتنادي عليك ... محمد ممكن لو سمحت .. بصلها و اضحك في وشها و بعدين دير وشك و نفضلها خالص ولا كأنك شفتها قبل كده .. طبعا وشها هيبقى احمرررررر .. و بعد كده هتروح تشتكيك لزميلاتها و تقول عليك انك واد تنك و معندكش دم ولا زوق .. و فجأه روح كلمها عادي كنتي عايزه ايه .. ولا كأن حاجه حصلت .. هتحتار فيك و تعجب بيك . ويمكن تحبك كمان
9. لو انت في محل و دخلت بعديك بنت .. طبعا من الزوق انك تقول للبياع ( خلص الانسه الاول ) .. و البياع لسه بيجيب لها الحاجات .. قوله : ما تخلصني بقالي ساعه قدامك و بعدين أنا جي قبل الانسه
) طبعا اعمل حسابك ان البقال هيضربك بأي حاجه في ايده (
10. لو انت مع بنت و هتركبوا تاكسي و خايف السواق يقعد يبص لها في المرايه .. طبعا اتصرف بسرعه و قعدها هي جمب السواق و اقعد انت ورا
11. لو انت مصاحب بنت جادعه اوي و بتقف معاك في كل المواقف المنيله اللي بتحصل لك و اخر موقف انك نايم على السرير بعد ما انضربت من شوية رجاله كانوا بيعاكسوها و انت عملت فيها أحمد عرابي ... امسك ايديها برومانسيه و بص في عينيها و لو لابسه نضاره متبصش و قولها : أنا مش عارف أرد جمايلك دي كلها ازاي .. لما رسبت السنه اللي فاتت وقفتي جمبي و لما اتثبت و اتسرقت هدومي و فولسي وقفتي جمبي .. و لما أبويا مات وقفتي جمبي .. .. مش عارف ليه يا حياتي حاسس انك فقر و نحس عليا !!!
12. لو خطيبتك كانت في رحله و ورتك صوره كانت متصوراها جمب قفص القرود و بتسألك عن رأيك في الصوره دي .. قولها : هو انتي مين فيهم !!!
13. لو كنت ماشي مع بنت سامره و كانت لابسه فستان أحمر و بتقولك دلعني .. قولها : يا فحم مولع !!!
14. لو كنت ماشي مع بنت و شفت شاب بيبوس ايد حبيبته ( رومانسيه طبعا و ولد جنتل أوي يعني ) و بتقولك ما تبقى تعمل زيه .. رد عليها و قول .. و أعمل زيه ازاي و أنا معرفش البنت اللي بيمشي معاها !!
15. لو بتسألك في غيره . ( انا سمعت انك ماشي مع بنت تانيه غيري اسمها دعاء و شاقره ) قول لها لا والله انا ماشي مع بنت خمريه و اسمها ساره !!
16.لو قالت لك أي بنت مش بزمتك أنا ماليه عليك حياتك
رد عليها و قول : أيوه بس لو مكنتش أعرفك كانت محفظتي هتفضل مليانه
الجزء الثاني ( ازاي البنت تحبك ) .. بيب بيب أنابيب
أولا : البنت بتحب الولد التقيل
خلى دمك تقيل عليها
سوق الرخامه عليها سوق التلامه والغلاسه ولو ما بتعرفش
تسوق
طلع
رخصه..... مطلعتش....اضرب رخصه
ثانيا : البنت بتحب الولد الغنى
اسرق .... انهب ..... اعمل اى حاجه عشان يبقى عندك فلوس
فلوس
كتير... كتير اوى اوى اوى كمان
مره ..
مش
ضرورى حلال يستحب انها
تكون كمان حرام
عشان تحس ان انت كريم عبد العزيز فى حرميه كيجى2 ولو
ما عندكش فلوس .......وفاشل
ارسم عليها انك غنى
اشتغلها.. هو انت يعنى لاقى شغل يا فاشل اشتغلها
واعملها شغلانتك.
ثالثا : البنت بتحب الولد الى ماتفهموش
خليك متخلف فى اسلوبك وطريقتك
معاها خليك اهبل فى كلامك
ماتديهاش كلمه
مفيده ابدا تفهمها منك وان فهمت كلمه منك
ارجع قولها عكسها خليها تتهبل ولا تفهمش حاجه
خالص
رابعا : البنت بتحب الولد الكداب
افتح عليها علب احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار الناس
وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين.
خامسا :البنت بتحب الولد الحبوب المحبوب
استخف نفسك وخليك كده فريش طول الوقت وغلس على كل خلق الله
وهزر فى اى وقت وبداعى ومن غير حسسها ان كل الناس بتحبك تهزر معاهم.
سادسا : البنت بتحب الولد الى مش راجل
خليك ناعم كده وبسكوته وحساس اوى خالص جدا موت عالاخر ياى حس شويه
سابعا :البنت بتحب الولد الى يفهمها انها احلى بنت
اوصفلها فى جمالها واحكيلها قد ايه هى فاتنه
وحلاوتها مدوباك ومسهراك يا حبه عين امك
وان هى الوحيده فى العالم الى حلوه وهى بس الى يتبصلها
لان البنت لازم تحس انها احلى واحده لان ماعندهاش عقل يفهم
ان ربنا فضل الناس على بعض فى خلقها واشكالها.
ثامنا : البنت تموت فى الولد الى شكله معتوه
البس لبس غبى ....لازم تسقط البنطلون
البس تيشيرتات مرسوم عليها فران وكلاب وحمير
البس جزم حمرا وكوتشات خضرا وخليك بلياتشو
حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون
طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول
لو عمر دياب مره حلق حواجبه اوع تتردد اديها حواجب قرعه
علطول.
تاسعا : البنت بتحب الولد التافه
اتكلم ع التمثيليات وبرامج التليفزيون والاغانى الجديده
والفيديو
كليبات و والمطربات والمطربين وخد بالك من النقطه الجايه دى بقى
اقنعها ان انت صوتك حلو وبتغنى وقريب هيكتشفو
موهبتك وهيخلوك تغنى فى برنامج مواقف وطرائف الحيوانات
عاشرا : البنت تحب الولد الى بيحب غيرها.
عمرك سمعت عن بنت حبت واحد
بيحبها
لاء
طيب خد النصيحه دى.. اهم نصيحه وسر نجاح اى علاقه باى
بنت
البنت ماتحبش اى واحد يحبها.. وتحب اى واحد تكون هى
ولا
على
باله ..طنشها واركنها ولا تحسسها انها بنى ادمه
واهم حاجه الكلام
الى فات ده كله شرط انك تعمله مع
اكتر من بنت ويستحب
يكونو خمس بنات او من مضاعفات العدد خمسه
لان ده الرقم الى بيمنع الحسد والنقص فى النسوان .
اوع تكون هى الوحيده فى حياتك ولو مش لاقى بنات تانيه غيرها
اتصرف...
صاحب اى شغاله ولا اى بياعه خضار
ولا اى شحاته
((نوع كده وخليك واد كووووووول))
النتيـــــــــــجــة
هتعلق نص بنات الدنيا والنص التانى هيعلقو واحد تانى قرا
نفس الموضوع ولو
أنت و هو اتفقتو سوا ممكن تبقو تبادلومع بعض النص بتاعك
والنص بتاعه لو كل واحد اتخنق من النص بتاعه
طبعا هتسأل وباقى شبان الدنيا
يابنى دول خلاص ندهتهم النداهه كلهم كمنشات ومعظمهم مضحوك عليه
وعايش فى وهم معيشاه فيه بنت
أجدد الأسئله الرخمه ..
ركز معايا
ليه ابوتريكة بيلبس فانلة 22 ؟
عشان 21 ضيقة عليه
طب ليه مبيلبسش 23 ؟
عشان فلافيو بيلبس 23
طب ايه هو الحيوان التعيس؟
القطة
ليه؟
عشان ديما تخربش ومتكسبش
طب ايه الحيوان اللي دايما مشغول؟
الخرتيت .. تيت .. تيت
طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟
طب ايه اقدم حيوان؟
الحمار الوحشي .. عشان ابيض واسود
طب ايه هو اجدد حيوان؟
القنفد .. ليه ؟
عشان بشوكه
طب ليه التلاجة غبية؟
عشان بتحفظ الاكل .. مبتفهموش
واحد بيحدف زلطة على بيت ازاز والبيت محصلوش حاجة ليه؟
عشان الزلطة مجتش فيه
طب كتكوت بيعدي الشارع و فجأة مات .. ليه؟
الزلطة جت فيه
حاجه طايراه فى السما وبتقول نياو ايه هى؟؟؟
قطه بيضاء مضروبه بالشلوت
طب حاجه سوده طايره فى السما وبتقول نياو ايه هى؟؟؟
غراب بيستهبل
طب حاجه بنى طايراه فى السما وما بتقولش حاجه ايه هى؟؟؟
فرده الجزمه بتاعه الراجل الى ضرب القطه البيضاء
طب حاجه سوده طايراه فى السما وما بتقولش حاجه ايه هى؟؟؟
غراب عاقل وما بيحبش يستهبل
حاجه زرقاء طايره فى السما ايه هى؟؟؟
ذبابه لابسه بنطلمن جينز ازرق
طب حاجه سوده وفيها خط احمر وطايراه فى السما من الشرق للغرب ايه هى؟؟؟
ذبابه لابسه فستان سواريه وحاطه روج ورايحه فرح واحده صاحبتها
طب حاجه سوده وفيها خط احور وطايراه فى السما من الغرب للشرق ايه هى؟؟؟
نفس الذبابه نسيت حاجه فى البيت فرجعن تجيبها
حاجه سوده ماشيه فى الصحراء ايه هى؟؟؟
سرب نمل رايح يعزى
نقطه سوده على الحيطه ايه هى؟؟؟
ذبابة
طب نقطتين سود على الحيطه تبقى ايه؟؟؟
فيشه
طب 3 نقط سود على الحيطه تبقى ايه؟؟؟
ذبابه وفيشه
طب 73 نقطه سوده على الحيطه تبقى ايه؟؟؟
يبقى البياض بتاع بيتكم بيقشر
حاجه رفيعه وطويله ولونها ابيض ايه هى؟؟؟
فتله بيضاء
طب حاجه رفيعه وطويله ولونها اسود ايه هى ؟؟؟
خيال الفتله البيضاء
ازاي نحط فيل فازازة؟
نزقه فيها وهو بيشرب
ازاي نحط فيلين فازازة من غير ما يلمسوا بعض؟
نحط بينهم فيل تالت
طب ازاي تركب 4 فيلة على بسكلته؟
واحد يسوق ويمسك الازازة
ازاى نركب اربع فيلة فى عربية فولكس
اتنين ورا واتنين ادام
طب8فيلة فى مرسيدس
نبيعهاونشترى عربيتين فولكس ويبقى اتنين ورا واتنين ادام
ازاى نصطاد الفيل الاحمر؟
ببندقية الفيل الاحمر
ازاى نصطاد الفيل الاخضر
نستنى لما يستوى ونصطاده ببندقية الفيل الاحمر
ازاى نصطاد الفيل الازرق؟
نكسفه وشه يحمر ونصطاده ببندقية الفيل الاحمر
دكتور اتجوز محامية خلفوا ولد يسموه ايه؟
احمد على اسم جده
ايه الفرق بين القلة والزير
فى فوازير ومافيش فوا قلة
ايه عكس كونكريت
لاتكن كريت
ايع عكس زمان
زا ومن (The Woman)
ازاي نحط فيل في الثلاجة على ثلاث مراحل؟
نفتح الثلاجة - ندخل الفيل في الثلاجة - نقفل الثلاجة
طب ازاي نحط زرافة في ثلاجة على اربع مراحل؟
نفتح الثلاجة - نخرج الفيل - ندخل الزرافة - نقفل الثلاجة
ماهو الشئ اللي ننام عليه ونجلس فوقه ونغسل اسناننا فيه؟
السرير والكرسي وفرشاةالاسنان
ماالذي له راسان و8 اقدام؟
كلبان
س15:كيف نعرف ان 8 افيال موجودين داخل فندق شيراتون بدون ان تدخل الفندق؟
اذاوجدت 2 فولكس في مواقف الفندق
احترقت حديقة الحيوانات فاحترقت جميعالحيوانات التي
بها الا الزرافة لم تحترق...ليه؟
لاننا وضعنا الزرافةداخل الثلاجة
نكت زي الفل
كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير
لحد ما عم عوض راح باني كوبري في الصحراء
تاني يوم لقاهم واقفين عليه وماسكين سناره وبيصتادوا
*****
اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟
*****
واحد حرامي قرر يتوب سرق شريطين لعمرو خالد
*****
الميكانيكي : الكاوتش ده ضرب ازاي ؟؟
الراجل : دست على ازازه
الميكانيكي : وما شوفتهاش ازاي وهي بتلمع في الشمس
الراجل : ما هو الراجل الحمار كان حاطتها في جيبه
*****
ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم
*****
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
*****
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين
بيقولك مرة أبو العربى حس بخيانة مراته ليه فقرر انه يراقبها فمشا وراها لحد لما لقاها ماشيه مع راجل غيره فقام مشا وراهم حتى وصلو إلى الكورنيش فاستخبا ورا الكورنيش فسمع الراجل بيقول لمراته إى بقا يا أم العربى انا كل مرة لما أمشى معاكى أمسك إيدك اليمين نفسى مرة أمسك إيدك الشمال قالتله ام العربى : لا إيدى الشمال دى بتاعة ابو العربى فاطلع ابو العربى وقال لمراته: أصيلة يا ام العربى
=====
اثنين من الصاعيده هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل الصعيدي
الأول وسأله البحراوي:حاجه بنلبسها لونها أسود وليها رباط
فجاوب الصاعيدي:جزمه طبعآ
فرد البحراوي عليه:شكلك هتخلينا نغير تفكيرنا في الصاعيده نادي على ذميلك ألي بره
الصعيدي وهو خارج همس في ودان ذميله وقال له:هيسألك عن الجزمه
سأل البحراوي الصاعيدي الثاني حاجه لونها أسود بتتألي في الزيت وبتتاكل أه هيه؟
رد الصاعيدي:برباط يا بيه!!!
قاله البحراوي:لأ
رد الصاعيدي:تبجى بلغه يا بيه
واحد بخيل عنده اربع حيطان دهن واحده منهم باللون
الاصفر والباقى كتب عليهم نفس اللون
دكتور مجانين اخد المجانين بتوعه ووداهم البحر قال يمكن حد مع جمال الطبيعة ربنا يشفيه المجانين وهما فى البحر الى بيلعب فى الراملة بالجاروف والى بيلعب بالجردل لقى واحد منهم قاعد تحت شمسية وبيبص للبحر ومش بيلعب سأله انت مش بتلعب ليه معاهم قالوا دول مجانين شوف بيعملوا ايه قال الحمد لله ربنا شفا واحد منهم قالوا انت بتبص للبحر ليه كده قالوه بتخيل لو البحر ده كله ملوخية هيكفوه عيش منين
=====
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س
=====
مره واحد صعيدى قابل واحده سالها : انتى منين
قالتله: وات؟
قالها: اجدع ناس الوتاوته
=====
واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة
=====
واحد دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فراح لف وشوشها في ودنها التانيه : التلاوَت منين؟؟
*****
حلاق وابنة بيتفرجوا علي ماتش كورة فالولد سمع المعلق بيقول (وشاطها
بمشط رجله وجات في المقص وجووووووووووووون) راح الولد لابوة وقاله الحق
يا بابا دول باينلهم بيلعبوا في العدة
***
مرة تلاتة مصاصين دماء دخلوا قهوة اتنين طلبوا كبيتين دم و واحد طلب كباية ماية سخنه ليههه
عشان معاة دم فتلة
***
نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده اول يوم ما شفتش حاجة... تاني يوم بدأ يعمل الاكل تالت يوم غدانى وعشانى بره
الزوجة المصرية: انا قلت لابو العيال انا مش هعمل حاجة في البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم ابتديت أشوف شوية بعيني الشمال
***
اتنين مساطيل واحد سأل التاني هو النهارده السبت و لا الحد ؟؟ قاله
الاتنين قاله ماشاء الله هما بقو سوا
***
واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين
مرة واحد بلديتنا راح يشترى قفل فالبيّاع جابلوا قفل كبير فقاله بلديتنا يا بووووى !!
قاك جايبلوا قفل صغير فقال بلديتنا يا خوووووى
هريدي وقناوي راحوا السينما فهريدي بيقول لقناوى الحصان ده حيجع فى الحفرة دلوقتى فقناوى راح
اقايله لامش حيقع راح اقايله لاهيقع اتفقوا لو الحصان وقع في الحفره هريدي هيدي لقناوى 10 جنيه ولو موقعش قناوى هيدى لهريدى 10 جنيه فا الحصان وقع فى الحفرة فجناوى اعطى لهريدى 10 جنيه فلما طلعوا من السينما هريدى قال لجناوى انا سمعت الفيلم ده كتير جبل كده فجناوى قاله وانا كمان بس انا قولت ان الحصان هياخد باله المرة دى ومش هيجع فى الحفرة
**
واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".
و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".
الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"
***
ابو العربي راح ع القهوة
قال لهم مش تباركوا لي مش انا خطبت البت سعااااااااااد
واحد رد علية وقال له يا راجل سيبك منها دي ماشية مع نص شباب بورسعيد
ابو العربي قال له يا راجل وهيا بورسعيد كلها أد اي
***
مرة واحد صعيدى حب انه يعمل زى العلما الكبار زى اينشطاين ونيوتن وايدسون
فقال لازم يعمل تجربة زيهم
فجاب ضفدعة
وقطع رجلها الأولى وقالها اقفزى فنطت
جابها مرة تانية وقطع رجليها التانيه وقالها اقفزى فنطت
جابها مرة تالته وقطع رجليها التالته وقالها اقفزى فنطت
جابها مرة رابعة وقطع رجليه الرابعة وقالها اقفزى فمش رضيت تنط اقفزى مش راضية اقفزى مش راضية
فقال ملحوظة:
"عند قطع ارجل الضفدعة الأربعة فإنها تفقد حاسة السمع"
***
ندل اتصل على الإذاعة (الراديو) وطلب أغنية بابا فين وأهداها للأيتام
***
مره المانيا مخترعه جهاز لكشف الكذب فجابوا واحد امريكي فقال احنا فكرنا نطلع القمر وطلعنا واحنا
فكرنا نعيش فوق الشمس وعيشنا فالجهاز رن
فجابوا واحد ياباني وقال احنا فكرنا نبقي من الدول الصناعيه في العالم وبقينا واحنا فكرنا نعيش تحت الماي وعيشنا راح الجهاز رن
فجابوا الصعيدي فقال احنا فكرنا راح الجهاز رن
***
محشش جاب ولد بعد سبع بنات راح
سماه بدري
***
مرة كان واحد ماشى بسيارة لقى لفته مكتوب عليها خفف 70 مشى على 70كليوبعد شويه
لقى مكتوب خفف 7كليو مشى على 7 كليو بعد شويه لقى مرحبا بيكم فى خفف
***
واحد بيقول لمراته تصدقى جارنا بيقول انه خان مراته مع ستات العمارة كلهم الا واحدة بس؟ قالت له اكيد الولية الرخمة اللى فى الدور الراب
***
مرة واحدة صحت من النوم الفجر ملقتش جوزها جنبها.. لبست الروب وقعدت تدور عليه لقته قاعد فى المطبخ وحاطط فنجان قهوه قدامه ومستغرق فى التفكير لاحظت دموع نازلة من عينيه سألته ايه الموضوع ؟ قاعد لوحدك ليه فى نص الليل؟؟؟
قالها فاكرة لما اتواعدنا من عشرين سنة ؟؟؟ قالتله اه فاكرة قالها: فاكرة لما شافنا أبوكي واحنا في العربية؟؟؟ قالتله: آه فاكرة قالها: فاكرة لما حط مسدسه في وشي وقالي يا تتجوزها يا اسجنك عشرين سنة؟؟؟ قالتله: آه فاكرة
نزلت الدموع من عينه وقالها: لو كنت دخلت السجن كنت خرجت النهاردة
***
مرة واحد صعيدى دخل محل اجهزة كهربائية دخل وقال سلام عليكو التليفزيون دة بكام رد الراجل وقالة امشى من هنا مش بنبيع لصعايدة .. الصعيدي اتغاظ وصمم انة لازم يشترى التليفزيون راح حلق شنبة ولبس بدلة ودخل وقال مساء الخير لو سمحت بتبيعو التليفزيون دة بكام الراجل قالة امشى مش بنبيع لصاعيدة الصعيدى قفلت معاه انة لازم يشترى التليفزيون لبس نقاب وراح للراجل وقالة مساء الخير يا اخى بكام تبيعون هذا التليفزيون ردا الراجل وقالة امشى مش بنبيع لصاعيدة راح الصعيدى قلع النقاب وقالة انت بتعرفنى ازاى قالة عشان دى غسالة مش تليفزيون
***
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل
مش حيتعشى!!!
***
واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب
الاتوبيس ونوفر النص جنيه .... فرد وقال له طب منجرى جنب تاكسى ونوفّر خمسة
جنيه
***
مرة واحد بيقولوا له .... مراتك ماشيه مع كهربائي المنطقه .... قال لهم ده ولا
كهربائي ولا بيفهم حاجه في الكهربه !!!
***
واحد حانوتي ربنا فتحها عليه و فتح محل فكهاني..كل يوم في المحل يقعد ينادي :المووووووز علينا حق
***
اتنين سكرانين ماشيين...فواحد قال للتاني:لما أموت ابقى اشرب لي الكاس
بتاعي ....فصاحبنا مات ، وبعد كام يوم التاني راح البار وطلب كاسين... قاله:
ايوه بس انت لوحدك.... فحكى له على الموضوع .....وبقى كل يوم يشرب
كاسين...لحد ما فى يوم طلب كاس واحد ........الراجل قالوه اشمعنى...قاله:
اصل انا بطلت اشرب
***
واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.
***
عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده
***
حشاش بيقول لصاحبه:
انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك
***
بيقولك فيه واحد بلدياتنا اشترك بمسابقة من سيربح المليون وكان السؤال الثاني:
عصفور باليد ولا عشرة على
أ) الشجرة ------------------- ب) البقرة
ج) الصفراء ---------------- د) الحمراء
فقال لجورج قرداحي من أولها صعبة . ما نسأل الجمهور،
فكان جواب الجمهور 100% الجواب الأول الشجرة،
فقال لجورج مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة
والجواب الثاني البقرة.
فقال لجورج يااااادي المصيبة بقى الجوابين الشاكك فيهم .
طب نتصل بصديقي ( هريدي ) فأتصل بهريدي ( إزيك يا أبو صميده كيف أخبارك ، أم صميده إزيها والعيال --)
راحت الثلاثين ثانية وملحق يسأله السؤال.
فسأله جورج قرداحي وهلا شو بدك تسوي
فجاوب راح أنسحب ياعم و آخد ال 200 ريال بتاعت السؤال الأول والمثل بيقول:
عصفور باليد ولا عشرة على الشجرة
_____________
واحد مسطول رجع البيت متأخر فمراته بتسأله كنت فين يا سوبر مان قالها كنت فى مشوار يا وليه قالتله
مشوار ايه يا سوبر مان قاله يا وليه بقولك مشوار قالتله انا عايزه اعرف مشوار ايه يا سوبر مان قالها ياوليه بقلك كنت فى مشوار وبعدين ايه حكاية سوبر مان سوبر مان دى قالتله اصل مفيش حد بيلبس اللباس على البنطلون الا سوبر مان
***
مرة واحدة ست عجوزة قاعدة لوحدها في البيت وبعدين التليفون رن لقت واحد بيقولها انا الرجل ذو الايدي الملوثة بالدماء انا هاجي لك بعد سنة الست قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 11 شهر الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 10 شهور الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 9شهور المهم فضلو كده كل شهر يتصل بيها لغاية ما في يوم اتصل وقالها انا هاجي لك بكرة الست خافت ليكون بيتكلم بجد تاني يوم اتصل بيها وقالها انا الرجل ذو الايدي الملوثة بالدماء انا هاجي لك دلوقتي الست خافت اوي اوي وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي وايديه كلها دم وقالها انا الرجل ذو الايدي الملوثة بالدماء ممكن اغسل ايدي ؟؟
***
واحد بلدياتنا اشتري راديو حط فيه حجرين المذيع اتسطل
***
واحد حب يصطاد ارنب - قلد صوت جزرة
***
مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح
***
مسطول بنته إتأخرت بره سألها كنت فين؟ قالتله شباب خطفونى وإغتصبونى قالها الإغتصاب كله نص ساعة رحتى فين بعد كده؟ََ
***
ليه مدرس الانجليزى بيخش الفصل بقلمين؟؟؟؟ علشان واحد يكتب بيه و التانى يكتب سى
***
تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه
***
سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
***
مرة واحد حب... كلته الفراخ
***
مرة واحد فك مفترس معرفش يركبه تاني
***
لتلميذ : بحبك يا أبله و عاوز أجوزك... المدرسه: بس أنا مبحبش الأولاد
الصغيرين... التلميذ: وأنا مش مستعجل على الأولاد
***
واحد صعيدى بيهرش تحت باطة لقا
كلبة ولدة
***
- الشمس غايبة عن الكويت بقالها شهر "تعرف ليه"؟؟؟
نبيل شعيل ناشر جلبيته
***
- كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين قالوه الارنوب :عملنا عثير وثربناه
***
- في فيلم هندي جديد*إثنين يلاقو بنت صغيرة ... خدوها ... ربوها ... وفى الاخرتطلع أمهم
.
***
- في واحد محشش سأله واحد سكران إيه أسامي إخواتك قال له كلهم محمد إلا خالد اسمه فيصل.
***
- محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا
بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
***
- واحد ميكانيكي فتح مصنع شيكولاتة سماه
كالاكسى
***
- طرزان شاف مامته بتلف ورق عنب.... قال لها
كم مرة قلت لك متلعبييييش فى الشورت بتاعى
***
- مره واحد بلدياتنا اتجوز جه ابو العروسة قاله
لو لقيتها بنت اضرب طلقتين فى الجو وفرحنا ولو لقيتها مش بنت اقتلها واغسل عارنا اول يوم ضرب طلقتين وتانى يوم موتها
***
- مرة 3 حشاشين قاعدين على القهوة بالليل و جامبيهم متحف,جت عليهم كبسة فاستخبوا فى
المتحف و وقفوا زى التماثيل راح الظابط لأول واحد و أداله على قفاه فقال آآآآآآي والثانى زيه راح عند الثالث اداله علي قفاه فقال تتنننننننن
***
- كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام
ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة
ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة
نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة
جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة
ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد
ولمايجي ابوسريع نعمله اكل ثاني ..وبداو ياكلو..."فجاة خرج ابوسريع من ورا شجرة وقال يعني لو كنت رحت كنتم كلتم من غيري
***
- مرة كان فيه صبي ميكانيكي اسمه "دقدق" قال للاسطى بتاعه : تعرف انا اعرف رئيس الحي
قام الاسطى قالو:امشي ياض العب بعيد وهو مش مصدقو..بعد شويه عدى رئيس الحي وراح مسلم على دقدق
قام قال للاسطى مش قلتلك دا انا كمان اعرف الوزير..وراح برضو الوزير معدي وسلم على دقدق والاسطى مذهول
دقدق قال للاسطى :بص بقى انا هجبلك مالاخر انا اعرف جورج بوش...قام الاسطى قاللو الميه تكدب الغطاس ولو طلع يعرفك هديك الورشة...فسافرو على امريكا ..دقدق قال للاسطى استنى هنا عند باب البيت الابيضو انا وجورج هنطلع نسلم عليك مالبلكونة..قاللو ماشي..وفعلا طلع دقدق وبوش مالبلكونة وشاورو للاسطى...بصو لقو الاسطى اغمى عليه ..وفالمستشفى دقدق سال الاسطى :انت اغمى عليك عشان شفتني مع بوش ...قللو: لا..انا اغمى عليا لما اتنين امريكان معديين سالوني مين اللي واقف مع دقدق دا؟؟!!
***
تابع الجزء الثاني : نكت مصريه غبيه
صعيدي اشتري كمبيوتر... شال ال
mouse وحط جاموسة
كتبت أحدي الصحف القومية عن ظهور البؤبؤ....
وبدأت الناس تتسأل هل ممكن يشوفوا البؤبؤ قبل ما يموتوا ويتحقق لهم حلمهم الكبير...
وكانت المفاجأه بعد شهرين..كتبت الصحف أن البؤبؤ سوف يقوم برحلة حول العالم علي متن سفينتة الخاصة....ومن ضمن برنامج الزيارة سوف يجيء الي مصرنا الحبية أرض الكنانة..
وأجتمع مجلس الوزراء...وبدأوا يعدوا العده لزيارة البؤبؤ
تم تجديد ميناء الأسكندرية....وفتح محلات وبازرات ومطاعم وبناء فنادق فاخره لأستقبال السياح من جميع أنحاء العالم...التي سوف تأتي في جموع غفيره...لمشاهدة البؤبؤ..
وجاء اليوم الموعود...وظهرت السفينة..وها هي تقترب من رصيف الميناء
رويدا رويدا....ورست السفينة علي الرصيف....
وظهر قبطان السفينة...وكان يحمل بيده زجاجة كبيرة...
فألقي بها في الماء ......وعملت بؤ بؤ بؤ بؤ
***
واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة
***
كان فيه خمسة صعايدة سموا نفسهم الشجعان التلاتة
***
:ماهي قمة الحيرة؟
يقال لك اجلس في ركن غرفة مستديرة
س4:ماهو قمة الذكاء؟
ان تجد ركن للغرفة
س5:ماهو قمة الالم؟
التزحلق على زحلاقة مغطاة بشفراتحلاقة وشظايا الزجاج
س6:ماهي قمة العذاب؟
السقوط بعد ذلك في حوضبة كولونيا
س7:ماهي قمة الادب؟
ان تطرق باب الثلاجة قبل فتحها
ما هي قمة الدهشة؟
ان يفتح احدهم لك الباب
عملوا مسابقه عالميه بين واحد ياباني وواحد صعيدي اللي يضرب التاني ضربه اقوي
والدنيا اتقلبت اعلام وصحافه وتصوير ومطافي ( قتقلي ليه مطافي ) هيا بتيجي علي طول في اي مناسبه
المهم جاء الصعيدي وقال للياباني أحنا معروفين بالكرم اضرب أنت أول يالياباني.
الياباني ماصدق خبر قام نط فالهوى وعمل حركتين فالسماء وضرب الصعيدي في رقبته.
الصعيدي على طول أغمى عليه وودوه للمستشفى قسم العناية المركزة.
اجتمعوا العالم على الياباني وسألوه ايه الضربه الجامده دي احنا اول مرة نشفها ؟ رد عليهم هذه ضربتي الخاصة وسميتها: شنغ منغ بوو.
بعد أسبوع صحى الصعيدي من غيبوبته وطلب المبارزة مع الياباني طبعا دلوقتي دور الصعيدي هو إلي هيضرب الياباني .
وكالعادة اجتمعت الصحافة والقنوات الفضائية والعالم ......والياباني واقف مستنى الصعيدي يضربه الضربه
المهم جاء الصعيدي ولابس عابيه ولما قرب للياباني طلع الصعيدي حاجه غريبة من عبيته وضرب بيها الياباني: .... الياباني مراحش المستشفى خده دفنوه علي طول من قوة الضربة .
وسألوا الصعيدي ايه الضربة إلي قتلت الياباني ؟ رد الصعيدي وقال:هذه سين ميم جيم
) س م ج (
ياعني ايه س م ج ؟
قال الصعيدي يعني: ساطور ملفوف بجرنال !!!!؟
(اموت فالشلل العنيف)
***
صعيدى شاف فى الجرايد حادثه واحد فى امريكا قتل مراته ودفنها تحت السرير والبوليس الأمريكى لم
يكتشف ذلك الا بعد 25 سنه قام قال لنفسه يبقى انا لو عملت كده البوليس عندنا مش حيكتشف ابداً راح فعلاً قاتل مراته وحفر تحت السرير وحطها مفيش ربع ساعه والبوليس قبض عليه فتعجب قوى وسأل الظابط انتم ازاى كشفتم الجريمه بسرعه قوى كده ده فى امريكا
***
مره راجل خلف ولد جبله كوره بنج بونج حمره دخا المدرسه جبله كوره بنج بونج حمره دخل الجامعه جبله كوره بنج بونج حمره خلص جامعه جبله كوره بنج بونج حمره اتجوز جبله كوره بنج بونج حمره خلف ولد جبله كوره بنج بونج حمره المهم ابوه تعب شويه وابنه راحله بيساله يابا ايه حكايه الكوره البنج بونج حمره ابوه قله ..... اء ومات
***
واحد بيقول لحبيبته (واحده ست ) يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محســـــن
***
مره اغلس اتنين فى العالم
قعدوا مع بعض
الاول بيقول للتانى
ماتيجى نغلس
التانى قاله لااااااااااا
الاول قاله لييييييييييييه
التانى قاله غلااااااااااااااااااااااا اااااااااااااااااااااااسه
***
مرة واحد وقف تاكسى
قاله : حدايق القبة
قاله حتضايقها ليه يا عم
***
مره ولد صغير كل يوم يروح لمحل جاتوهات يقول لصاحب الحل عاندك تورته بالكوسه
يقوله لأ ياحبيبي تاني يوم يا عمو عاندك تورته بالكوسه يقوله لأيا حبيبي المهم الولد إستلم صاحب المحل 3 شهور و 12 يوم علي نفس النظام صاحب المحل قال لما أقوله اه فيه وخلاص جه الولد اليوم اللي بعد كده قاله عمو عاندك تورته بالكوسه قاله أه يا حبيبي رد الولد قاله يععععععععععععععععع
***
نزل قرار فى البلد بمنع الصعايده من السفر طب يعملوا ايه عشلن يعرفوا الصعايده قالك احنا
نجيب جوافاية ونسأل كل واحد ده ايه الصعيدى هيقول على الجوافة دوافة واحد صعيدى عرف قالك انا اركز واحفظ الكلمه صح المهم الصعيدى ده راح المطار بتاع الجوازت بيقولوا ايه ده يا بلدينا قاله جوافة ب قاله الظابط مظبووط قام قاله وايه دي؟ قاله الصعيدي ماندة (مانجة)
***
كان فيه بنت مشاغبه جدا في المدرسه راح الاستاذ وداها للناظر فالناظر بيقولها انت عملتي ايه قالتلو انا بس رميت ورده من الشباك قالها بس كده؟ خلاص روحي على صفك بعد شويه جت بنت متكسره ومتعوره الناظر بيقولها انت مين قالتلو اناورده اللي اتراميت من الشباك
***
كان يامكان كان فى مرة بطة البطة دى كانت بتروح عند البقال تقولو عندك حلاوة يقولها
لاء...اليوم التانى عندك حلاوة يقولها لاء.....اليوم تالتت عندك حلاوة يقولها لاء فالبقال زهق بقى وقالها لو جيتى تانى هدبس رجليكى بالمسامير فى الارض...فراحته بعدها تانى قالتلو عندك مسامير قالها لاء....قالتلو طب عندك حلاوة
***
حبة شلل اصيل بقى اتفضلوا :
مرة واحد رجع ف كلامه داس اللي وراه!
مرة واحد عداه العيب خد العيب اللي بعده!
مرة واحد كبر دماغه ما عرفش يقلع الفانلة
مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكونت"، الأستاذ قال له "حطها ف جملة مفيدة" قال له "كوكونت من الشباك"
مدرس جغرافيا جاب لمراته هدية سلسلة جبال .
عجوز وجدت مصباح علاء الدين، فقال لها العفريت: ماذا تتمنين؟ فقالت له:أتمني أن اصبح بيضاء ويلتف حولي الرجال، فحولها الي حمام عمومي!
مرة واحد أكل جوز هند، قامت هند اكلت مراته!
اتنين بلدياتنا زهقوا من الضحك عليهم فسافروا الهند، أول مانزلوا من الطيارة لقوا الهنود بينحنوا عشان يحيوهم، فواحد منهم سأل الثاني: هما بيحترمونا كدة ليه؟ قال له: أصلهم هنا بيعبدوا البقر!
ميكا نيكي فتح ورشة وكتب يافطه علي الباب الصبر مفتاح 14 .
في إثنين راحو مع بعض، رجع بعض وسابهم لوحدهم!
مدرس كيمياء رزق بولد .... فسماه سامي أكسيد الكربون!
المدرس ما معنى كلمة "سبيل" الطالب:طريق المعلم: ممتاز اذا ما معنى كلمة سلسبيل الطالب:طرطريق!
مرة دكتور عظام نزل الشارع جريت الكلاب وراه.
في واحد وقفت ساعته .... جاب لها كرسي.
واحد كتب علي نمرة عربيته "أبوأحمد" ، فوقفته لجنة المرور، فقال: أبو ظبي مش احسن مني.
الاول : الشارع ده بيروح علي فين؟ الثاني : الشارع ده طول عمره هنا لا بيروح ولا بيجي!
مرة واحد بلع فوطة نشف ريقه
واحد سمع عن الدورة الدموية راح يسجل فيها.
مسطول بيقول لمسطول "أنااستنبطت بقلق مشقبز ف البلكونة" المسطول التاني قال له "يعني إيه بلكونة؟"
صعيدي اتخنق من النكت اللي بتطلع على الصعايدة، راح مسك النكت كلها حطها ف كيس و رماها ف البحر، السمك طلع يضحك.
ندل فتح مدرسة للأيتام علشان يذلهم ويعمل كل يوم اجتماع أولياء أمور.
واحد ندل عينوه مدير المطافي غير النمرة من 123 عملها 567309261046574852 .
اثنين محششين .. قال الأول : بالي مشغول من امبارح.. فأجابه الثاني : يمكن حد رافع السماعة ..
مرة واحد صعيدى اتهموه بالذكاء، طلع براءة!
قام وزير التعليم بزيارة منطقة في الصعيد فذبحوا له مدرسة.
بخيل بيقول لعيالة أوعدكم إذا نجحتوا في الامتحان هاوديكم تشوفوا أولاد بياكلوا في كنتاكي.
فيه مدرس كل مايقول للولد قول "دجاجة"، يقول "دداده"، فزهق المدرس، وقال قل لأبوك يجي بكرة، فجه الأب فقال له المدرس اللي حصل، فقال الأب : ماهو ده اللي مدنني.
مرة واحد نام متاخر لقي الحلم بدأ
واحد قاعد مع صديق له صوته وحش قوي، قعد يغني وبعدين قال لصاحبه: صوتي هو الثروة الوحيدة إللي اداها لي ربنا! فقال له صاحبه: والله الفقر مش عيب!
طفل أنابيب شاف كبايه قال لها: ازيك ياخالتي؟
صعيدي أول مرة يشوف ياباني، قال يا حظه ده شبعان نوم.
مرة واحد مستعجل اتجوز واحدة مستعجلة خلفوا ولد مش فاضيلهم
الاب : لو ضربت اختك مرة اخرى سأحرمك من العشاء، الابن : إذن ساضربها بعد العشاء.
قال احد المساطيل ان اجمل خمسة اشياء في الدنيا هي ثلاثة: النوم والحشيش. منقووووووول
بس كان لازم انقلوا ^^
