ماما ( انا بحب )

السلام عليكم ورحمة الله وبركاته

عندما تُرزق العائلة بمولودة انثى اول ما تفكر به هو كيف ستربيها لتنشأ نشأة صحيحة قريبه الى المثاليه بعيدة عن الوقوع في الخطا مما قد يربك الوالدين ويجعلهم يخطئون في سبل التربية من تشديد وضغط وكبت فتأتي النتائج عكس ما هو مطلوب تماما

واصعب ما يمكن ان تتعرض له الام هي ان ترى طفلتها والتي كبرت بين ليلة وضحاها واصبحت شابه واقعة فيما يطلق عليه حب فتحتار الام في ماهية الطرق والسبل التي قد تخرج ابنتها دون نتائج عكسيه على نفسيتها وصحتها خاصة وان الام تدرك جيداً ان معظم قصص الحب تنتهي بالفشل وتسبب ضغط نفسي على الفتاة مما قد يسبب لها فشلا في امور حياتها الاخرى الدراسية والاجتماعية

تقع المسؤولية الاولى والاهم على عاتق الام وذلك بان تحتوي ابنتها بكل السبل وتحاول ان تتقرب منها وعندما تتحدث فلتسمعها للنهاية ولا توبخها وان كانت التجربة لا تتعدى حدود النت او التلفون فلتجعلها تخوضها برقابة على كل التفاصيل صغيرة وكبيرة ولتبقى على اتصال تام مع ابنتها ومع الطرف الاخر لتكتشف الفتاة بنفسها وهم الحب وزيفه وعلى الام ان تمنع الابنة من اللقاء مع الطرف الاخر مهما كانت الظروف والاسباب وان تقنعها بسرد تجارب فاشلة لاشخاص اخرين تألم اصحابها من نهايتها

ونهاية على الام ان لا تنكر وجود الحب في الحياة ولكن عليها ان توضح ماهية الحب الاسمى والاعظم الا وهو الحب الشريف النقي البعيد عن الاهواء وكلمات العشق والغزل الصريح والبعيد عن اللقاء والخلوة

بس يا ساجده انا ليه بنت زملتي ولدتها مربيها تربيه عجباني او ولدتها بتعمل ايه بتخليها تجيب زميلها ولاد وبنات يذكر عندها في البيت قدام عنيها وغير كده اى حاجه بتحصل البنت بتروح تحكيها لولدتها ولدتها بتكلم معها براحه لو كل الامهات تعمل كده معتقدش ان حيكون في مجال للغلط

لا يا ابني
لا يمكن اسمح لبنتي تجيب زمايلها الاولاد على البيت
نحن لسنا غرب وعندنا عادات وتقاليد وقبل كل شيء الاسلام حرم هذه التصرفات
وان كنا مجبرين على الاختلاط في الجامعات فلن نجره لبيوتنا ايضاً
فالاختلاط يؤدي للمزاح وعدم الالتزام في حدود من الطرفين
ثم هل يقبل شاب ان يرى اخته تحضر زملاء شباب الى بيتها
بوركت ُبني

اطفق معاكى اتفاق شديد وقل ده لازم كل الامهات تحتوى بناتها
وتتكلم معاهم بل وتخليهم يروحو بنفسهم يحكولها على اىحاجه بتحصل وتاتى الشطاره والمهاره من هنا
تسلم ايدك على الموضوع

ميرسى يا احلا ماما بالدني

اقتباس:

---

المشاركة الأصلية كتبت بواسطة ساجدة

السلام عليكم ورحمة الله وبركاته

وعليكم السلام ورحمه الله وبركاته

عندما تُرزق العائلة بمولودة انثى اول ما تفكر به هو كيف ستربيها لتنشأ نشأة صحيحة قريبه الى المثاليه بعيدة عن الوقوع في الخطا مما قد يربك الوالدين ويجعلهم يخطئون في سبل التربية من تشديد وضغط وكبت فتأتي النتائج عكس ما هو مطلوب تماما

انا بيتهيالي ان الاب والام لما يحبو يربو اطفالهم سواء بنات او ولاد
مش مطلوب انهم يكونو قاسين او يشدو جامد عليهم
لان كده بيبقي الطفل عايش في كبت ومش حيفضل طفل علي طول
يعني لمجرد ماتيجي فرصه يطلق يبقي خلاص ماحيصدق
بمعني اوضح تلاقي البنت اهلها منعنها تكلم ولا او بمعني اصح ممنوع تكلمي ابن عمك
ممنوع ابن خالك ممنوع ابن جارتك ممنوع ممنوع ممنوع ممنوع وهو ممنوع وخلاص
من غير مايقولولها ممنوع ليه او ان الدين حرم كده او غلط عادات وتقاليد لا ممنوع وخلاص
لمجرد انها تدخل مدرسه او كليه تلاقيها مافيش ولد الا وهي عارفاه نتيجه الكبت اللي عندها

ونفس النظام الولد مع اصحابه يشرب سجاير ومخدرات والحاجات البايظه دي

وطبعا انا مش بقول انهم يسبوها تكلم وتمشي والكلام ده

انا بقول انهم بعاملو بثقه وحدود للمعامله
يعني ابن عمك موجود مثلا اعدي معانا حتهزر طب هزر في حدود الادب كلام مش كويس لاء
هزار بالايد لاء اعدي معانا متعديش معاه لوحدك

كده بيكون في توعيه ان البنت تتقبلها وتفهم هي مش بتعمل الحاجه دي ليه

ده راي والله اعلم
واصعب ما يمكن ان تتعرض له الام هي ان ترى طفلتها والتي كبرت بين ليلة وضحاها واصبحت شابه واقعة فيما يطلق عليه حب فتحتار الام في ماهية الطرق والسبل التي قد تخرج ابنتها دون نتائج عكسيه على نفسيتها وصحتها خاصة وان الام تدرك جيداً ان معظم قصص الحب تنتهي بالفشل وتسبب ضغط نفسي على الفتاة مما قد يسبب لها فشلا في امور حياتها الاخرى الدراسية والاجتماعية

انا برضو من راي ان الام لازم تكون صديقه بنتها
وانها تتقبل كلامها كله وانها تفهم وترد عليها بنصايح مش بعقوبه
يعني ماتجيش واحده تقول لوالدتها انا بحب
تضربها بالام طب لما تعمل كده تفتكري البنت مش حتحب لا طبعا
حتعمل الاصخم من كده بس مش حتقول لامها حاجه تاني
لاكن برضو مش بقول انها تخدها بالحضن وتصقف لاء
انا بقول انها تسمع كلامها كله وبعدين تكلمها بالراحه وتباشرها
تقولها الصح من الغلط المفروض تعملي كذا ومتعمليش كذا
تخلي البنت كل ماتعمل حاجه تجري وتقولها مش تخاف منها

تقع المسؤولية الاولى والاهم على عاتق الام وذلك بان تحتوي ابنتها بكل السبل وتحاول ان تتقرب منها وعندما تتحدث فلتسمعها للنهاية ولا توبخها وان كانت التجربة لا تتعدى حدود النت او التلفون فلتجعلها تخوضها برقابة على كل التفاصيل صغيرة وكبيرة ولتبقى على اتصال تام مع ابنتها ومع الطرف الاخر لتكتشف الفتاة بنفسها وهم الحب وزيفه وعلى الام ان تمنع الابنة من اللقاء مع الطرف الاخر مهما كانت الظروف والاسباب وان تقنعها بسرد تجارب فاشلة لاشخاص اخرين تألم اصحابها من نهايتها

ونهاية على الام ان لا تنكر وجود الحب في الحياة ولكن عليها ان توضح ماهية الحب الاسمى والاعظم الا وهو الحب الشريف النقي البعيد عن الاهواء وكلمات العشق والغزل الصريح والبعيد عن اللقاء والخلوة

كلامك صح ميه بالميه

ومافيش حاجه تانيه اقولها بعد كلامك الروعه ده

فعلا لو كل ام تعمل كده يبقي حاجه كويسه جدا

معلش انا ممكن اقتبس كلام ده واعلق عليه


لا يمكن اسمح لبنتي تجيب زمايلها الاولاد على البيت
نحن لسنا غرب وعندنا عادات وتقاليد وقبل كل شيء الاسلام حرم هذه التصرفات
وان كنا مجبرين على الاختلاط في الجامعات فلن نجره لبيوتنا ايضاً
فالاختلاط يؤدي للمزاح وعدم الالتزام في حدود من الطرفين
ثم هل يقبل شاب ان يرى اخته تحضر زملاء شباب الى بيتها


معلش اسمحيلي اعلق علي الجزئيه دي

دلوقت مثلا احنا بنات يعني

الامتحانات قربت

ومحتاجين حد يشرحلنا حاجات معينه في المنهج

ومعانا الاول علي الدفعه ولد وفاهم الحاجات دي

انهي الاحسن اطلع انا واصحابي البنات مع مجموعه شباب

في كافتريا وناعد نذاكر ولا يجو في بيت واحده من البنات في حضور والدها او اخوها

طب لما هو اختلاط

طب مالبنت والولد بياعدو في نفس البنش لازقين في بعض هو ده مش اختلاط

مابرضو البنات لازقين في الشباب في الاتوبيس او القطار او المكروباص

مش ده اختلاط
طيب مالستات دلوقتي والرجاله بيشتغلو مع بعض

كل ده اختلاط

احنا بقي لو نقول يبقي نقول

لازم يكون في حدود للعلاقه

يعني لما اجي اجيب زمايلي شباب في بيتي

يبقي لازم والدي او اخويا او والدتي تكون موجوده معانا لمنع اي هرج يحصل

لما نيجي نتعمل نتعامل في حدود السلام عليكو عليكو من السلام

معايا ورق طب ماشي شكرا

مش نخرج ونتفسح ونلعب ونقول اصحاب

ولا حضرتك ايه رايك

---

انا طولت اوي بس معلش الموضوع عجبني جدا وحبيت اشارك فيه

ياريت ماتخديش عني فكره اني رغايه هههههههه

تسلم ايديكي علي الموضوع المميز

علي ما اظن ان كلام روللي كله صح وياريت كل الامهات تعمل كدا

وبرده موضوع ان الشباب يجو يزاكرو معاها في بيتها انا موافقاها فيه بالكليه لان برا البيت بنبقا معاهم طول النهار ويوم ما نقول هنذاكر قدام عنيكو هيقولو لاء؟
وعلي فكرا يا روللي الكلام دا اتسجل عليكي وبما انك هتكوني ام في المستقبل القريب يبقا لو دايقتي بنتك في حاجه هنقتلك ونوريها الكلام دا


ياريت ماما تدخل معايا المنتدي وتسمع الكلام دا ههههههههههههههه انا بهزر محدش ياخد كلامي جد

ميرسي يا استاذه ساجده علي الموضوع الهادف دا

علي ما اظن ان كلام روللي كله صح وياريت كل الامهات تعمل كدا

وبرده موضوع ان الشباب يجو يزاكرو معاها في بيتها انا موافقاها فيه بالكليه لان برا البيت بنبقا معاهم طول النهار ويوم ما نقول هنذاكر قدام عنيكو هيقولو لاء؟
وعلي فكرا يا روللي الكلام دا اتسجل عليكي وبما انك هتكوني ام في المستقبل القريب يبقا لو دايقتي بنتك في حاجه هنقتلك ونوريها الكلام دا



ياريت ماما تدخل معايا المنتدي وتسمع الكلام دا ههههههههههههههه انا بهزر محدش ياخد كلامي جد

ميرسي يا استاذه ساجده علي الموضوع الهادف دا

بوركتم على مروركم وارى اننا نتفق في كل شيء الا مسألة حضور زملاء المدرسه او الكلية للبيت وهذا لا يمكنني التهاون به وذلك ان وضعهم هكذا كمن يصب زيتاً على نار اما الاختلاط بالكليه فهو مختلف تماما عن التزاور بين الشباب والفتيات على البيوت

طب يا استاذه ممكن يكون الشباب دول فاهمين حاجه احنا مش عارفين نفهمها يبقا نقعد في اي كافيتريا ولا نروح كلنا في بيت واحده زميلتنا ويفهمونا قدام عنين اهلها او اهلنا كلنا
بس الي ممكن يبقا مرفوض تماما انهم يروحو بيت الولد انما في بيت بنت زميلتهم يبقا احسن وهيبقا قادم عنين باباها ومامتها احسن من لما يكونو لوحدهم في كافي او حتا الكليه

السلام عليكم ورحمة الله وبركاته

أختي الفاضلة ساجدة

والبنات الحلوة كمان

طبعا فكرة الموضوع مهمة جداااااااااا

لكن فيه أساس مهم لو بدأنا بيه مع أولادنا من الأول هيحل مشاكل كتيرة جدا

مفهوم العلاقة بين الولد والبنت

حدودها فين وشكلها لازم يكون ازاي من البداية

من والبنت لسه صغيرة

ماينفعش لما تكبر أبدأ الكلام معاها وأقول ده ينفع وده ماينفعش

وطبعا وقبل كل شئ لازم نعلم بناتنا مفهوم العلاقة بين البنت والولد من خلال الأساس الاسلامي

بالشرح والمناقشة والتفاهم

نيجي بأه لموضوع صداقة الأم لبنتها موضوع مفروغ منه

لو الصداقة دي مش موجودة هنا المشكلة

اقتباس:

---

وان كانت التجربة لا تتعدى حدود النت او التلفون فلتجعلها تخوضها برقابة على كل التفاصيل صغيرة وكبيرة ولتبقى على اتصال تام مع ابنتها ومع الطرف الاخر

---

لو كانت البنت اتربت على مفهوم العلاقة بين الولد والبنت من الأول صح

هي نفسها هتفكر ألف مرة قبل ما تتجاوب مع أي علاقة على النت أو بره النت

التجربة في حد ذاتها حتى لو كان فيه رقابة فيها خطورة

لكن نرجع للوضع الراهن والأسلوب اللي عايشين بيه في بلادنا العربية

محتاج ان الأم تكون مرنة طبعا وصاحية أربعة وعشرين قيراط

نيجي لكلام البنوتات

نيجب أصحابنا الولاد البيت يذاكروا معانا ولا لأ

همه ممكن يكونوا فاهمين حاجات احنا مش فاهمنها يفهموها لنا

وبعدين مااحنا بنشوفهم كل يوم في الكلية

طيب ليه الموضوع مايبأش في البيت تحت عنين ماما وبابا

الأول ياترى اللي انتي مش فاهماه كل البنات معاكي في دفعتك في قسمك مش فاهمينوه

يعني مفيش ولا بنت ممكن تشرحك الجزء اللي انتي مش فاهماه

أرد مكانك

آه مفيش

لأ مش عارفه يمكن فيه

أصل مش كل البنات في دفعتي أعرفهم [-(

تيجي كده ناخدها بشكل تاني

انتي رايحة حفلة ياترى هتفتحي دولابك تدوري فيه على فستان مناسب

ولا هتروحي مباشرة على دولاب أختك تدوري فيه

بالتأكيد هتفتحي دولابك الأول

لو مالاأتيش اللى انتي عايزاه ساعتها بس هتدوري عند أختك

لازم الأول نفكر خطوة خطوة

طيب مالاأتيش بنت فاهمه وممكن تفهمك

اللي فاهم في الدفعة كلها همه الولاد

يبأى هشوف ولد محترم طبعا ومع مجموعة من البنات معايا هطلب منه انه يشرح لي الدرس

اللي مش فاهماه في حدود التعامل اللي اتربينا عليها في ديننا واللي فهمنا من أهالينا

كده حدود الكلية

نيجي للبيت

ياترى هتكوني على راحتك مع مجموعة بنات وولاد في البيت وانتي بتذاكري

ولا هتكوني بتاخدي بالك من كل تصرف انتي بتعمليه أو أهلك بيعملوه ؟@-)

ولا مافيش فرق بين البنات والولاد في التعامل ؟:^O

اللي ممكن أتصرفه مع بنت زيي ممكن يكون مع ولد؟

مش معقول طبعا

لاحظي في الكلية هتلاقي فيه بعض من الحرص والتكلف في تصرفات البنت أو الولد

لما يجي كل واحد فيهم يعامل التاني

طبعا لو بنت زيك هتكوني طبيعية في تصرفاتك

كمان أهلك في البيت مش هيبقوا قلقين

طيب همه قلقين ليه مااحنا في البيت أدام عنيهم

معنى كده ان يااما..ماما.. يااما.. بابا هيسيبوا اللي وراهم ويعدوا معاكم

أظن المذاكرة هتبأى تجنن ساعتها @-)

ولا هتفهموا حاجة :-SS

وهتعملوا حساب كل كلمة وكل تصرف

طيب بابا ولا ماما يفضلوا قاعدين على نفسنا ليه :-SS

مااحنا مع بعض في الكلية هو ايه يعني اللي اتغير

اللي اتغير ان الكلية مكان مفتوح عام

كل واحد بيعمل حساب ان مليون عين شيفاه

كمان انتي الرقيبة فيه على نفسك ساعتها هتحسي بمنتهى المسئولية

في البيت مكان محدود محتاج رقيب
والمسئولية اترمت بالكامل على ماما وبابا
لو حصل أي مشكلة هترمي عليهم المسئولية الكاملة وهتنسي انك انتي مسئولة معاهم

وبعدين نرجع لأساس المشكلة

للأسف بيوتنا العربية نسيت ان فيه أصول في الدين الاسلامي

دينا ماسابش جزئية في حياتنا الا ووضعها قوانين

لكن للأسف بدلناه والدنيا اتلخبطت وعشان كده الشباب تايه

والأهل مش عارفين يعملوا ايه

بوركتِ اخيتي شمس الاصيل ولا تعقيب على ردك المجزي بإذن الله

اولا الموضوع جامد جدا وكمان موضوع عصرى لانه بيحصل وبيدق باب اى بيت فيه بنت

انا متفق مع حضرتك فى معظم ارائك

لكن بالنسبة لموضوع ان اختى تجيب اولا يذاكروا معاها فى البيت الموضوع ده ممكن يحصل فى حالة واحدة


على جثتى طبعا


انا خريج جامعة طبعا وفاهم ان مهما حصل لابد يكون فيه اختلاط لكن فى فرق بين بنت عندها استعداد تتكلم فى حدود الدراسة وفى بنت تاخد موضوع الدراسة سبب عشان العلاقة توصل لمجالاات ابعد ( انا لا اقصد اهانة )


وبالنسبة لفكرة ان ممكن يكون ايام الامتحانات سبب للمذاكرة مع اولاد احب اقول انا مثلا اتعرضت لموقف زى ده لكن اللى كنت بعمله انى اتكلم مع بنات زمايلى فى الجامعة مثلا واقولهم ان انا بذاكر بالطريق 1 2 3 والمهم كذا والملغى كذا .................... الى اخره حتى ايام الامتحانات نفسها المفروض كل واحد يذاكر لوحده المجموعة بتساعد على الرغى والتشتيت مش المذاكرة



ده رايى

توبيك جميل و مش دايما تجارب الحب بتنتهى بفشل:):):):):):):):):):):):):):)

اقتباس:

---

المشاركة الأصلية كتبت بواسطة بسام مجدى

اولا الموضوع جامد جدا وكمان موضوع عصرى لانه بيحصل وبيدق باب اى بيت فيه بنت

انا متفق مع حضرتك فى معظم ارائك

لكن بالنسبة لموضوع ان اختى تجيب اولا يذاكروا معاها فى البيت الموضوع ده ممكن يحصل فى حالة واحدة


على جثتى طبعا


انا خريج جامعة طبعا وفاهم ان مهما حصل لابد يكون فيه اختلاط لكن فى فرق بين بنت عندها استعداد تتكلم فى حدود الدراسة وفى بنت تاخد موضوع الدراسة سبب عشان العلاقة توصل لمجالاات ابعد ( انا لا اقصد اهانة )


وبالنسبة لفكرة ان ممكن يكون ايام الامتحانات سبب للمذاكرة مع اولاد احب اقول انا مثلا اتعرضت لموقف زى ده لكن اللى كنت بعمله انى اتكلم مع بنات زمايلى فى الجامعة مثلا واقولهم ان انا بذاكر بالطريق 1 2 3 والمهم كذا والملغى كذا .................... الى اخره حتى ايام الامتحانات نفسها المفروض كل واحد يذاكر لوحده المجموعة بتساعد على الرغى والتشتيت مش المذاكرة



ده رايى

---

تسلم عينك ابني
بوركت
وهذا رأيي مثل رأيك اوافقك تماماً

اقتباس:

---

المشاركة الأصلية كتبت بواسطة محمود هلال

توبيك جميل و مش دايما تجارب الحب بتنتهى بفشل:):):):):):):):):):):):):):)

---

بوركت ابني
تسلم عينك

بصراحة يا مدام ساجدة عندك حق في كل كلمة قلتيها
والمفروض ده يكون واجبنا احنا أولياء الأمور
وبسام قال رد يشكر عليه ونا متفقة معاه
كل لي نقوله ان ربنا يهديهم ويوفقهم
ويبعد عنهم كل شر
بجد موضوع رائع والأروع هو المشاركة لي فيه
تسلميييييييييييييييي

اقتباس:

---

المشاركة الأصلية كتبت بواسطة شمس

بصراحة يا مدام ساجدة عندك حق في كل كلمة قلتيها
والمفروض ده يكون واجبنا احنا أولياء الأمور
وبسام قال رد يشكر عليه ونا متفقة معاه
كل لي نقوله ان ربنا يهديهم ويوفقهم
ويبعد عنهم كل شر
بجد موضوع رائع والأروع هو المشاركة لي فيه
تسلميييييييييييييييي

---

الغالية شمس
اعجز عن شكرك بما يليق فهل يكفي الدعاء
وفقك الله وزوجك واولادك وكل من تحبين

طبعا كلامك كله صح

بس الحب كده كده موجود بس لازم تكون الام عارفه

تسلمى وبالتوفيق

اعتقد من وجهة نظرى المتواضعه ان الاستاذه ساجده عندها حق

يعنى ايه فاهمين حاجه انتم مش فاهمينها

مفيش ولا بنت فاهماها!!!!!!! صعب اووووووووووووى

اقتباس:

---

المشاركة الأصلية كتبت بواسطة ابو تريكه

طبعا كلامك كله صح

بس الحب كده كده موجود بس لازم تكون الام عارفه

تسلمى وبالتوفيق

---

بوركت ابني
تسلم عينك

اقتباس:

---

المشاركة الأصلية كتبت بواسطة salama10

اعتقد من وجهة نظرى المتواضعه ان الاستاذه ساجده عندها حق

يعنى ايه فاهمين حاجه انتم مش فاهمينها

مفيش ولا بنت فاهماها!!!!!!! صعب اووووووووووووى

---

بوركت ابني
يسلم قلبك

هو كل واحد له وجه نظر في الموضوع ده بس المهم اننا نعترف اننا امه مسلمه اللي احب اضيفه ومن وجهه نظري ان الرجل رجل والبنت بنت ولازم يكون في حدود في العلاقه بين الاتنين يعين انا صريحه جدا مع اهلي في كل علاقاتي بس مش اقدر اقول لبابا انا ىزميلي جاي يذكرلي انهارده دي انا عارفه انها مرفوضه وانا ما احبش اني اعملها لان لو اهلي موافقين في ناس جيران وحاليا مافيش حد بيسيب التاني في حاله اسفه اني طولت وممكن كلامي مش يعجب ناس كتير بس اللي جوايا قولته وارجوكم تقبلوه

اقتباس:

---

المشاركة الأصلية كتبت بواسطة ورده مصريه

هو كل واحد له وجه نظر في الموضوع ده بس المهم اننا نعترف اننا امه مسلمه اللي احب اضيفه ومن وجهه نظري ان الرجل رجل والبنت بنت ولازم يكون في حدود في العلاقه بين الاتنين يعين انا صريحه جدا مع اهلي في كل علاقاتي بس مش اقدر اقول لبابا انا ىزميلي جاي يذكرلي انهارده دي انا عارفه انها مرفوضه وانا ما احبش اني اعملها لان لو اهلي موافقين في ناس جيران وحاليا مافيش حد بيسيب التاني في حاله اسفه اني طولت وممكن كلامي مش يعجب ناس كتير بس اللي جوايا قولته وارجوكم تقبلوه

---

لا يا قمر محدش يقدر يزعل من كلامك لانك بالتاكيد حرة فى رايك وعلى فكرة انا معاكى فى كل كلامك الراجل راجل راجل والست بنت




واحنا مجتمع شرقى

اقتباس:

---

المشاركة الأصلية كتبت بواسطة ورده مصريه

هو كل واحد له وجه نظر في الموضوع ده بس المهم اننا نعترف اننا امه مسلمه اللي احب اضيفه ومن وجهه نظري ان الرجل رجل والبنت بنت ولازم يكون في حدود في العلاقه بين الاتنين يعين انا صريحه جدا مع اهلي في كل علاقاتي بس مش اقدر اقول لبابا انا ىزميلي جاي يذكرلي انهارده دي انا عارفه انها مرفوضه وانا ما احبش اني اعملها لان لو اهلي موافقين في ناس جيران وحاليا مافيش حد بيسيب التاني في حاله اسفه اني طولت وممكن كلامي مش يعجب ناس كتير بس اللي جوايا قولته وارجوكم تقبلوه

---

الرأي المحترم الصحيح لا احد يرفضه وكلامك ابنتي كلام ناضج ومقبول جداً
سلمك الله

اقتباس:

---

المشاركة الأصلية كتبت بواسطة بسام مجدى

لا يا قمر محدش يقدر يزعل من كلامك لانك بالتاكيد حرة فى رايك وعلى فكرة انا معاكى فى كل كلامك الراجل راجل راجل والست بنت




واحنا مجتمع شرقى

---

بوركت ابني بسام على متابعتك
سلمك الله

موضوع جميل جدا وانا اوفقك الراى جدا وربنا يبارك فيكى ويبارك فى شباب مصر جميعا

اقتباس:

---

المشاركة الأصلية كتبت بواسطة love-alex

موضوع جميل جدا وانا اوفقك الراى جدا وربنا يبارك فيكى ويبارك فى شباب مصر جميعا

---

بوركتي غاليتي وسلمك الله

انا معاكي ياأستاذه ساجده في كل اللي بتقوليه

اقتباس:

---

المشاركة الأصلية كتبت بواسطة د/سندريلا

انا معاكي ياأستاذه ساجده في كل اللي بتقوليه

---

بوركتي ابنتي سندريلا سلمك الله ووفقك

طبعا یا جماعه ما ینفعش ان بنت تجیب ولد زمیلها البیت بحجه المذاکره احنا کمان فی کلیات بس انا کولد بقول ان الولاد
لما بیقعدوا مع واحده طبعا بالحجه المعروفه محا ضره مش فا همها او مش فهماها لکن مره واتنین ویحصل ما لا یحمد عقباه
یا بنات مفیش حاجه اسمها ان الاول علی الدفعه ولد یا بنات ان کنتی بجد
محتا جه تذاکری حاجه دوری علی بنت زمیلتک هی افیدلک
هتقدردی تتکلمی معاها براحتک تهزروا تضحکوا فی حدود الحلال مهما کان لا مبرر لوجود شاب مع فتاه .

مع ارق الامنیات لکم جمیعا بالسعاده
شکر خاص لکی امی/ ساجده