بالله عليكم ساعدوني انا مش عارفه اعمل ايه

انا بحب واحد وبعدين كنت رنيت من عند واحده صاحبتي عليه بس من زمان هي بقي سيفت الرقم
: من فتره اتصلت عليه من رقم تاني عندها وعملت عليه قصه كده وغيرت اسمها هو مايعرفهاش اصلا
: وبعدين هو امبارح بيسألني انتي تعرفي الرقم ده قولتله اه ده رقم ساره صاحبتي
قالي دي بتتصل بيه وقالي كل الكلام اللي قالتله راح قولتله خلاص انا هكلمها قالي لأ استني ومتعمليش حاجه غير لما تقوليلي وانا هتصرف معاها الاول علشان اشوفها عايزه ايه
لقيتها بعدها بشويه بتتصل بيه
وبتقولي انا عايزه اقولك موضوع
: وراحت قالت لي انها كلمت عمر
: قولتلها انا عارفه
: وانا بقي غبيه فكرت انه قالها
بس هو رن عليها شكت
: لانه ماكنش بيرن عليها
: راحت قالت الحق اقولها قبل مايحصل حاجه
: وقالتلي انا كنت عايزه اتأكد بيحبك ولا لأ
: وبعدين انا بقي قولتلها انا مش عايزه اعرفك تاني
: راحت اتصلت عليه
: وقالت له اني قولتلها انه قالي
: وفكر اني متفقه معاها
: وهي قالت له لأ
: بس هي طبعا بتغير معايا في الكلام
: رغم اني متأكده انها كانت بتقوله بطريقه غير مباشره اني انا اللي قولتلها تعمل كده


وبعدين
: لقيته بعت لي رساله
: قالي شكرا انا مكنتش استاهل منك كده
: وبعد كده راح قالي ياريت تنسي رقمي وكفايه كدب عليه لحد كده

انا متأكده ان مفيش حد فاهم حاجه :((

لا يا نور انا فهماكى بس انتى غلطتى ن الاول كان المفروض تمسحى الرقم بعد ما اتصلتى على طول وهو لو مرجعش ليكى وهو متاكد انك عمرك ما تعملى كدة يبقى هو بيتلكك وخلاص ةبعدين اى ولد ممكن يتحط فى الموقف ده واى بنت كمان والموضوع بيعدى عادى هو مكبر الموضوع ليه

اه انا فهمت الموضوع بأعجوووبه

بصى صحبتك دى هى اللى بوظت كل حاجة ويستحسن تبعدى عنها لان النوع دا من الناس ما تعرفيش هو بيفكر ازاى

انتى المفروض تشرحيله كل حاجة

وبجد هو لو بيحبك وباقى عليكى ها يتفهمك ويصدقك لانك ما كنش ليكى اى ذنب

وبعدين انا حاسه انه مكبر الدور اوى بردو

عادى يعنى مافيهاش حاجة عشان يعمل دا كله

الا اذ كان بيتلكك عشان تسيبوا بعض

معلش انى بقولك كدة بس انا شايفه ان الموضوع اقل من انه يقولك انسى رقمى ويبيع كل حاجة بالسهووله دى

ما تزعليش نفسك بقا

وخير ان شاء الله

بصراحه متزعليش منى يا نور انتى الغلطانه كان المفروض تمسحى الرقم على طول بس هولو بيحبك اكيد ميه فى الميه هيرجعلك ومتزعليش نفك بس عوزاكى تبانى قدامه ان انتى مش فارك معكى علشان يعرف ان انتى من غيره مش هتموتى وسعتها هيرجعلك بس لو حسستيه ان انتى من غيره مش عرفه تعيشى كده ممكن يتقل عليكى بس برده انتى بنت يعنى لازم يبقى فى طبعك الرئه والرحمه ولا ايه رايك

بصي ياستي انا عملت حاجه مش كده بس كان قصدي اتأكد منه بس كانت صاحبتي هيا اللي كلمته وكده انا كنت معاهاوبصراحه
اعترفتله بعد ماسمعت رد فعله
زعل وانا عملت اني زعلا نه وهو اللي صالحني وقالي
بس مش تكرر تاني
انتي برضو اتقلي وة ولو صالحك يبقي بيحبك مش صالحك يبقي ماصدق في الحال ده تعيشي حياتك عادي جدا مش هتموتي من غير الحب كنت انا موت لكن لسه حايه اهوه

بصراحة مش فاهم اي حاجة:-B:-O:D

الاول هو الموضوع صعب يتفهم شويه وعايز أقولك لو الأنسان دا بيحبك بجد مش هيستغني عنك بسهوله هو واضح أنه خدها حجه وعملها زعله وخلاص وكبر الموضوع وبعدين جايز هما كانو بيتكلمو مع بعض كتير من وراكي وخدو علي بعض ويمكن عايز يكمل معاهاقصدي صحبتك طبعا وعايز ما يكونش هو الغلطان عايز أقولك حاجه أخيرة هولو بيحبك بجد هيرجعك ويصالحك ويا ريت ماتحوليش تتصل عليه علشان ما يحسش أنك رخيصه بالنسبه ليه سيبه براحته وأسف لو طولت عليكي

شكرا ليكم بجد بس تقريبا الموضوع انتهي وانا اصلا مش فاهمه حاجه من اللي حصل لانه مش عايز حتي يقولي حصل ايه وقفل تليفونه وعلي فكره في حاجات كتير في الموضوع غير اللي انا قولته بس انا عمري ماهعرف اوصله بالكلام انا والله مش فاهمه حاجه وصاحبتي كلمتني واقنعتني ان ماعملتش حاجه وفهمت منها الموضوع بصراحه اقنعتني انها مش عملت حاجه غلط وكانت قاصده خير وانا بصراحه مش عايزه اخسرها ومعتقدش انها ممكن تكون بتكلمه لانها ادتني موبايلها وقريت الرسايل اللي منه رساله بيقولها ممكن نكون اصدقاء وهي مردتش عليه وورتني الرساله وهي كمان سألته انت بتحبها ولا لأ قالها مش هجاوب عليكي المهم انه بيقولي في الرساله اني كدبت عليه انا بقي مش فاهمه حاجه خالص وهو بيقول كده ليه طيب هو عارف انها صاحبتي يعني هتقولي اكيد والرساله معناها انهم مش بيتكلم مع بعض وان مفيش حاجه وعلي فكره انا اتصلت من تليفونها عليه ورد وعرف اننا مع بعض راح قفل الموبايل خالص من يومين بصراحه الموضوع متعقد جامد وانا مش فاهمه حاجه لكن مش هتوضح غير لو كلمني انا بقي هستني اشوف هيتصل ولا لأ ولو كنت لسه فاكراه ولسه بحبه ممكن ارجعله غير كده يبقي خلاص هقوله شوف انت رايح فين لاني بجد اتخنقت منه ومن اليوم اللي شوفته فيه =((

نور لازم تتاكدى ان كانت دى صاحبه بجد ولا لا وسهل اوى انها تمسح الرسايل اللى تطلعها غلطانه وتسيب الرسايل اللى تغلطه هو فكرى كويس اوى قبل ما تغلطى غلطه عمرك وياريت تحطى حدود بينك انتى وصاحبتك دى واللى قصده خير بيعملوا قدام الناس كلها مش فى الخفا وهو ولا يستاهل انك تفكرى فيه اصلا ابعدى عنه تماما ولا تفكرى انك تنتظرى مكالمته حتى ولو لتصل نفضى تماما ومترديش اصلا ولا يفرق معاكى وصدقينى لو رديتى هتحنى والولاد عندهم الف طريقه وطريقه يقنيعوكى بيها انهم صح وانتى غلط وربنا يوفقك :-*:-*

يا جماعة طبعا مفيش شك ان هى غلطت بس المفروض نشوف حل
بصى يا ستى انتى تحولى توصليله الى انتى كتباه باى طريقة المهم انه يفهم
وعلى فكرة لو بيحبك اوى الامور هتعدى عادى
وانشاء الله خير
واهو الواحد مبيتعلمش ببلاش
لازم يبقى فيه غلط وصح

انا قريت كل حاجه ان افهم كلمه :))
مفهمتش ولا حاجة ولا الهوى:))

اقتباس:

---

المشاركة الأصلية كتبت بواسطة ديدى

انا قريت كل حاجه ان افهم كلمه :))
مفهمتش ولا حاجة ولا الهوى:))

---

ابصطهالك
:)):)):)):)):)):))

والله ياروح قلبي انا نفسي مش فاهمه حاجه خالص انا حاسه اني هتجنن قريب من الموضوع ده :x

شكرا ليك ياميزو بس لو عندك وجهه نظر في الموضوع ياريت تقولهالي لاني والله مش فاهمه الموضوع ولا عارفه في ايه انا بجد تايهه :((

:x بصى يا نورانا عارفة انه صعب عليكى اللى هقوله بس ياقلبى اتاكدى منه الاول اتصلى بيه وقوليله اخرة اللى حصل ده ايه واسمعى رده وبرده عليكى هتعرفى ان كان لسه باقى عليكى وللا لا لكن صاحبتك دى انا بجد مخنوقه منها لانه لو بتعزك ومخلصه ليكى ما كنتش كلمةت حبيبك X-(ياجماعة انا برده مجروحة لان محمد دايما بيشك فيا واى كلمة اصحابه يقولوها عليا يصدقها ونتخانق ونبعد عن بعض ويرجع تانى يصالحنى واقبل الاعتذار لانى بحبه =((مع العلم ان احنابنحب بعض من 4 سنين :((PLEASE محتاجة الرد

;):-*ممكن ابقى صديقة ليكم انا مشمشة:);;)