مش عارفه اسميه ايه ........ ادخلوا وشوفوا ؟؟؟؟

السلام عليكم ورحمه الله وبركاته

ازيكم يا بنات وازيكم يا شباب .........

ممكن ادردش معاكم شويه ؟؟؟؟؟؟؟
>:D<>:D<



انا هدخل فى الموضوع على طول
اكيد كل واحد وواحده فينا انشغلنا فى فتره فى حياتنا بالتفكير والبحث بفارس الاحلام ........
هذا الرجل الذي يحمل صفات نتمناها.. صفات التدين والشهامة والطيبة والنجاح فى الحياة ..
هذا الذي سيكون رفيقًا لنا لبقية حياتنا .. الذي سنأتمنه على أنفسنا ونكمل معه رسالتنا فى الحياة ,, ونكون أيضًا رفقاء فى جنة الخلد إن شاء الله

♥دقات قلوبنا احيانا تصيب واحيانا كثيرة تخطئ..♥
♥كيف نحب؟
♥ومن نحب؟
♥ولماذا نحب؟
♥وهل الحب مقترن بالزواج؟
♥وهل الحب وحده يكفي؟
♥ما هو الحب؟
♥الحب من طرف واحد
♥وهم الحب
كلها أمور تشغل بالنا فى هذه الفترة التى تتكون فيها شخصايتنا .. ونبدأ الإحساس أننا حقًا مؤهلون لنكون زوجات عندما يطرق بابنا العريس.. أو عندما تنظر لنا والدتنا وتقول لنا فى زهو "والله وكبرتي وبقيتي عروسة" فنشعر بانتشاء وحمرة الخدين تزداد.. ونقول كالفتاة الصغيرة فى ذلك الفيلم "أنا عروسة؟:-P

هى رحله انا مرت بكل تفاصيلها
فلم أعيشها وحدي..
لكن كانت هناك صديقاتي اللاتي كن يختبرن تلك الفترة بشخصياتهن التى مؤكدًا تختلف عني..
كتير من التجارب عشتها وكتير من التجارب سمعتها منهن وكتير من الحكايات حكيناها..

لكن كل القصص لها طابع تكرارى غريب
مقدمات ...... لها نفس النهايات غالبا
مشاعر تصل الى قمتها ثم .............تنهار وتنكسر قالقلوب بكل اسف
ومن هذا المنطلق.. أحببت أن أخبركم ببعض التجارب التى اعتقد انها ستفيدكم
وأرحب جدًا بالأسئلة والاستفسارات التى قد تساعد فى تقصير المسافة..
وابعاد الكسر والجرح وكل كلام الأغاني الحزينة عنا..

عايزه تفاعل يعنى لو مافيش تفاعل انا هحس انكو مش حابين الموضوع ومش لازم اكمل


فاصل ونواصل

انا هتابع وبليس كملى=((
نيس توبيك:)

>:D<>:D<>:D<:x:x>:D<>:D<:x

قمر اول رد خلانى اتحمس لتكمله الموضوع
ويارب نقدر نساعد بعض
مع حبى

سبب رغبتى فى كتابه الموضوع

اى فعل بنعمله فى حياتنا اكيد بيقى وراه دافع.. والدافع لو حاولنا ندور عليه جوانا هنلاقيه بوضوح..
يعني مثلا .. سبب كتابتي للموضوع دة وراها دافع قوي جدًا.. وهو ان المشاكل -خلينا نسميها العاطفية- اللى بتمر بيها البنات فى فترة ما قبل الزواج بتبقى احيانا كتير متشابهة جدا .. واحيانا فعلا -زي ما بتقول أنغام- ما بتعلمش.. يعني نمر بتجربة وتفشل .. ونعرف سبب الفشل أو ما نعرفش على حسب.. ومافيش شهر او اتنين نقع فى نفس الغلطة من تاني

طيب ايه اللى يخلينا نكرر الخطأ .. إن كان الرسول http://haridy.com/ib/images/smilies/saws2.gif قال : "المؤمن لا يقع فى جحر مرتين"
يعني المؤمن ما يغلطش نفس الغلطة مرتين..
فى رأيي ممكن الموضوع يتعدد أسبابه..
مثلا .. :
♥♥♥ إننا بعد ما طلعنا من التجربة الفاشلة ما طلعناش الدروس المستفادة منها وما عرفناش مين بالظبط الغلطان وفين الغلط بالظبط (وان كنت لا اعتبر التجربة فاشلة لأنها سبب فى اكسابنا الخبرات)
♥♥♥ أو يمكن وجود فراغ فى حياتنا كبير مخلينا حاسين اننا محتاجين وجود "شخص"يساعدنا فى ملئ الفراغ ويحسسنا اننا عندنا "حاجة نعيش ليها" وحاجة تخلينا اول ما نصحى من النوم نجري نمسك الموبايل ونتصل بهذا الشخص لنخبره بأن "صباح الخير" (وننسى الحمد لله الذى أحيانا بعد ما أماتنا -- أحيانا ليه؟ ايه هدفنا فى الحياة -- نقطة هامة)
♥♥♥ أو يمكن لإحساسنا بحب التجربة نفسها.. فيه حد بيسأل علينا ويمكن يكون هو دة النصيب فعلا .. (واخدين بالكم من يمكن؟)

اسباب كتير ممكن تدفعنا إننا نكرر الخطأ مرة واتنين وتلاتة..
أو على الأقل نكرر خطأ الآخرين ..
واعتقد من ثمرات الموضوع دة اننا نشوف أخطاء الآخرين ونبعد عن الخطوات اللى بتأدي ليها.. لإن الخطأ عمره ما حد بيوصل له بخطوة واحدة .. (مثلا : الإنسان اللى بيقع فى معصية كبيرة بيسبقها عدة خطوات وان كان فى البداية لا يتخيل وقوعه فى تلك الكبيرة)

نكتفى بهذا القدر ونواصل بعد الفاصل..
لكن تذكري :

1. اسألي نفسك قبل أي فعل.. ايه الدافع؟ ويا ترى الفعل دة هيرضى ربنا؟ ويا ترى هينجح ؟ إيه اللى هينجحه؟ وإيه اللى هيخليه يفشل؟
2. استفيدي من خبرات الآخرين وقصري المسافة على نفسك .. فشل الآخرين فدى نجاحك إنتِ http://haridy.com/ib/images/smilies/friends.gif
3. لو حسيتي انك بتقبلي الشخص اللى قدامك عشان ماصدقتي الفراغ اللى في حياتك يتملي .. أعيدي التفكير مرة تانية ..

الحلقة الجاية ..
♥♥♥من البداية اعرفي النهاية + قصة صديقتي اللى دفعتني لكتابة الموضوع♥♥♥
..
لكن مش هكمل قبل ما اشوف الردود على الموضوع..
أكمل ولا لأ ؟http://haridy.com/ib/images/smilies/wub.gif

اولا شكرا علي الموضوع الاكتر من هايل بس انا عاوز اسألك للبنات سؤال عارفينن ليه البنات بالذات لانهم همه الي بتترتب عليهم العلاقة اذا كانت فعلا هتنجح ولا لا اولا انا مش معترف ان في حاجة اسمها الحب اعمي اولا البنت لما تيجي تحب تعمل علاقة مع شاب لازم من اول العلاقة تعرف تعرف هل الشاب ده فعلا مؤهل انه يكون شريك حياتك ولا لا لاكن للاسف بتلاقي البنت بتتمادي في العلاقة مع شاب فاشل وتيجي تكلمها تقولي ده اصله طيب وحنين شوية تلاقي العلاقة انتهت والبنت هيه الي خسرانه لان الشاب بطبيعة بينسي علي طول شكرا :)

شكرا يا عروسة النيل على الموضوع الجميل بجد هايل
وموضوعك فكرنى بحاجات كتير وتجارب انا مريت بيها
بس كلها استفدت منها وعلى اساسها انا اتجوزت وسعيدة فى حياتى جدا

موضوعك حلو قوووووووووووووى
و بجد و انا بقراء كلامك حسيت انه موجه ليا

:-/

اقتباس:

---

المشاركة الأصلية كتبت بواسطة mahmoud_sadik

اولا شكرا علي الموضوع الاكتر من هايل بس انا عاوز اسألك للبنات سؤال عارفينن ليه البنات بالذات لانهم همه الي بتترتب عليهم العلاقة اذا كانت فعلا هتنجح ولا لا اولا انا مش معترف ان في حاجة اسمها الحب اعمي اولا البنت لما تيجي تحب تعمل علاقة مع شاب لازم من اول العلاقة تعرف تعرف هل الشاب ده فعلا مؤهل انه يكون شريك حياتك ولا لا لاكن للاسف بتلاقي البنت بتتمادي في العلاقة مع شاب فاشل وتيجي تكلمها تقولي ده اصله طيب وحنين شوية تلاقي العلاقة انتهت والبنت هيه الي خسرانه لان الشاب بطبيعة بينسي علي طول شكرا :)

---

وجهه نظر سليمه ميه فى الميه بس انا ليا وجهه نظر تانيه اولا
كلمه العلاقه بتعنى ايه انها علاقه حب ولا خطوبه ولا ايه
ولو حب فاحنا مسلمين وما بنيى على باطل فهو باطل يعنى تلاقى البنت ولا الولد يقولوا لا لازم تعرف على بعض قبل ما نتخطب طب هما عملوا الخطبه ليه ؟؟؟؟؟؟؟؟؟؟؟؟؟؟؟؟؟؟؟؟؟؟

لو خطوبه الشيوخ كلها اكدوا انها حرام شرعا وتعتبر اجنبيه عنه ما تحلش ليه انو يكلمها شوف دى الخطوبه اللى هيا المفروض دى بقت سمه فى الجواز فى مصر
ومن الاخر اى ارتباط بين ولد وبنت لازم يكون كتب كتاب طب دا فين دلوقت :-/
اعتقد انها عادات دخلت علينا وبقت جزء من تفكيرنا يعنى وضع ان بنت تكون ليها بوى فرند ولو ما حصلش تكون كائن جى من كوكب اخر
ربنا يهديهم ويهدينا
وشكرا على الراى المتميز

اقتباس:

---

المشاركة الأصلية كتبت بواسطة ملوكة

شكرا يا عروسة النيل على الموضوع الجميل بجد هايل
وموضوعك فكرنى بحاجات كتير وتجارب انا مريت بيها
بس كلها استفدت منها وعلى اساسها انا اتجوزت وسعيدة فى حياتى جدا

---

ربنا يسعدك كمان وكمان وسعيده بمرورك اللى شرفنى

اقتباس:

---

المشاركة الأصلية كتبت بواسطة نونا الشعنونه

موضوعك حلو قوووووووووووووى
و بجد و انا بقراء كلامك حسيت انه موجه ليا

---

ميرسى ياقمر

ويارب اكون افادتك

تحياتى

♥♥♥ بسم الله الرحمن الرحيم ♥♥♥
فيه معلومة حلوة اوي بتقول ان اللى اتعود يقول بسم الله الرحمن الرحيم فى الدنيا أما بيمسك صحيفة أعماله فى يوم الحساب بيبدأ ببسم الله الرحمن الرحيم..

♥♥♥بسم الله ..
ساعدتنى فى أوقات كتير لما كنت ببقى مش عارفة فين الصح من الغلط.. قررت -وان كنت اسهو فى بعض الأحيان- انى قبل ما اعمل اي فعل ابتديه ببسم الله .. واكيد مش هعرف اعمل حاجة غلط وانا فاكرة قبلها الله .. وإنه بسم الله ..!
أحيانًا الواحد من كتر ما الدنيا ما لخبطت معاه ونسي فطرته اللى كانت بتفرق بسهولة بين الصح والغلط بيبقى محتاج دليل .. زي لمبة حمرة تنور فى الغلط وتانية خضرا تنور فى الصح ..

طيب ما احنا فعلا عندنا الميزة دي .. عندنا القرآن الكريم اللى بيوجهنا وبيقول لنا نعمل ايه وما نعملش ايه ..
تعالوا معايا نقرا الآية دي .. كإننا ما قرأنهاش قبل كدة ..
بسم الله الرحمن الرحيم :
وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آَبَائِهِنَّ أَوْ آَبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ ( 31-النور)

__((غض البصر ))__
من أكتر البدايات اللى بتؤدي للنهايات باختلاف اتباع ذلك الأمر أو تجاهله..
يعني ايه اغض بصري؟؟
طول عمرنا بنميل إن غض البصر للرجال .. وإنهم ما يبصوش للنساء عشان ما يفتتنوش..

اعرف واحدة كانت بتلتزم بغض البصر وواحدة كانت ما بتغضش بصرها .. هنشوف غض البصر كبداية بيؤدي إلى أي نهاية ..!

الأولى .. : غضت البصر عن الشباب,, فمالقتش مجال غير ان الصحبة اللى حواليها تبقى بنات.. لإنه طبيعي واحدة مش بتبص لرجل غريب عنها هتكلمه ازاى ؟ إلا لو فى حدود وعينيها باصة للأرض.. كانت دايما تفتكر إن الرسول http://haridy.com/ib/images/smilies/saws2.gif كان حيي وجهه يزداد حمرة حين يضحك .. وهو الرجل القدوة .. كانت تمشى فى شارعهم تحفظ أماكن الحجر الصغير المتناثر فى شارعهم من الحياء.. تذهب السوق لا مانع لكن وعينيها فى الأرض.. كم من الذنوب أبعدت عن نفسها.. وكم من الفتن حافظت على نفسها منها .. لكنها لا تخفي عنكم كانت احيانًا تسأل نفسها.. إلى أين سيذهب بي ذلك الحياء .. لن يتعرف إلي شاب.. إذًا لن أتزوج .. فلننظر ما حدث بعد أن نحكي عن الفتاة الأخرى ..
الثانية .. : كانت تنظر للأولاد.. لا تعلم أن هناك أمر من خالقها بغض بصرها عنهم.. فأصبحت من وقت مبكر جدًا .. عندما كانت فى المرحلة الثانوية .. تكلم الأولاد.. وتعتبرهم أصدقاء .. تحكي لهم أسرارها .. وتبوح لهم بمكنونات قلبها .. والصديق هو الرفيق.. هو المحب والمحبوب.. كيف لم تدري أنها حتمًا ستحب أحدهم .. فهو الذي يصغي باهتمام .. ويحتوي ويطبطب.. يقوم بدور الصديقة فى حياتنا جميعًا .. كم سمعت منها تلك الجملة التى أدهشتني "أصل الولاد بيسمعوا أكتر من البنات وبيعرفوا يحلوا المشاكل أحسن" .. وظلت تتنقل من هذا لذاك .. ليس بإرادتها .. فهي عندما تصادق ذلك الشاب .. الذى ستظن حسبما يقول سيأتي للزواج منها.. يذهب كما ذهب من قبله .. فتحس بالوحدة فلا تجد لديها المانع لتجرب الآخر والآخر والآخر ..! ونكمل بعد الرجوع لصديقتنا الأولى..

الأولى .. : أدركت الكثير عن العلاقات المشرعة مع الشباب من خلال إتاحة لنفسها الفرصة للاكتشاف والمقارنة بين التجارب التى تسمعها يوميًا.. عرفت ان حيائها جزء منها وإنها -حتى لو أرادت- لن تقدر التخلي عنه.. عرفها الجميع بطيبة أخلاقها وندرة صفاتها.. تقدم لها العديد لكنهم لم يجرأون على التحدث إلا إلى والدها.. رفضت البعض .. وقبلت البعض .. ومرت بتجارب لم تكتمل.. لكنها حافظت على نفسها من تلاعب الآخرين بها .. وفى النهاية تزوجت لمن لفت نظره إليها حيائها
الثانية.. : ظلت خطوات الشيطان تأخذها من هنا إلى هناك .. لم تكن تعلم بالطبع أن تلك الخطوات هي للشيطان .. ذلك العدو الذى نعوذ بالله منه ليل نهار .. لم تكن تعلم هذا .. لكنها حتمًا لم تكن تشعر بالراحة النفسية حينما كانت تزداد التجارب وتزداد الذكريات السيئة.. كانت حجتها أنها لم تجد "الحنان" فى المنزل .. فبحثت عنه فيمن حولها.. "وحولها هذا هي من صنعته بيدها" .. حتى جاء لها من يخطبها.. لم تنظر لأخلاقه ولا لدينه .. لكنها نظرت لوسامته .. لم تعرف لم اختارها هي بالذات.. لكنها اكتشفت بعد هذا انه لم يعد يثق فى البنات بسبب تعدد صحوبياته معهن.. لكنه وجد فيها "مظهر" البنت الملتزمة التى قد يثق بها.. لكنه بعد ما وجدها مثل الأخريات .. تركها ..

وكانت تلك الضربة القاضية على الفتاة الثانية ..!
كم شعرت بالندم وقتها .. إنها حقًا ظنت أنه هو النصيب .. لكن أيغني الظن عن الحق شيئًا؟؟؟
هذا الظن جعلها ,, :

• هذا الظن جعلها تخبره بمشاعرها..
• هذا الظن جعلها تنجرف فى حبها إليه..
• هذا الظن جعلها لا تحاول معرفة أصل ذلك الشخص الذي ستأتمنه على نفسها..(الذي اكتشفت أنه مدمن خمر بعد ذلك)
  
• هذا الظن جعلها تسمح له بأن يمسك يديها
• هذا الظن جعلها تقبل بركوب السيارة معه بمفردها
  
• هذا الظن جعلها وجعلها وجعلها..

.. http://haridy.com/ib/images/smilies/give_rose.gif

والآن..!
ماذا فعل بها ما كانت تظن .. غير الندم والندم والندم..
ندم بلا أي حيلة.. أين ذهب كل هذا الحب؟ ولماذا مات؟ لقد كنت مخلصة له بكل كياني..
وهو لم يخلص لي .. وباعني فى أول مواجهة لنا سويًا للحياة..!

انا دلوقتي خلصت ..
وزي ما اتكلمنا المرة اللى فاتت وقولنا عشان ما نكررش أخطاء الآخرين
محتاجة اعرف من كل واحدة فيكن ..

1. 3 دروس على الأقل مستفادة من القصتين
2. لو هناك نقاش او فكرة غايبة عن أذهانكم يا ريت نستفسر مع بعض..
3. لو عايزين تعرفوا اي تفاصيل عن الشخصيتين موجودة لأنهم قريبين مني شخصيًا
4. ♥لو سمعتوا عن تجربة مشابهة يا ريت تحكوهالنا .. وتقولوا لنا نهاية تلك التجربة وهل تشابهت مع تجارب البنتين دول ؟..♥

وإن كان من سهو فمني ومن الشيطان .. وإن كان من صواب فمن الله
دمتم .. مستنية مشاركاتكم.
وبتاسف ان الموضوع اتعمل على صفحتين
الحلقه الجايه
(لو اختك عرفت انها كدا تعمل ايه)

ميرسى ليكى قوى و ربنا يجعله فى ميزان حسناتك
انا عن نفسى استفدت كتير
اول حاجه ان لازم نضع حدود من البدايه فى التعاملات
و ان البنت غاليه قوى لازم تحافظ على نفسها زى الجوهره بالظبط لازم نعينها لصاحبه مش تتنقل من ايد لايد
و كمان ان مش كل التجارب ممكن اننا نخوض فيها
و كمان ان الحب و الارتباط لازم يكونوا على اسس صحيحه علشان ما بنى على خطاء فهو خطاء
و اهم حاجه اننا طول ما احنا ماشيين صح مهما تقابلنا مصاعب و مشاكل مانغيرش الطريق
زى ما البنت الاولى اما اتخطبت و دخلت تجارب و فشلت لكنها ماغيرتش مبدأها
و ان الحياء هو زينه المرأه
شكرا ليكى حبيبتى على الموضوع الحلو ده و مستنيه الحلقه اللى جايه

اقتباس:

---

المشاركة الأصلية كتبت بواسطة نونا الشعنونه

ميرسى ليكى قوى و ربنا يجعله فى ميزان حسناتك
انا عن نفسى استفدت كتير
اول حاجه ان لازم نضع حدود من البدايه فى التعاملات
و ان البنت غاليه قوى لازم تحافظ على نفسها زى الجوهره بالظبط لازم نعينها لصاحبه مش تتنقل من ايد لايد
و كمان ان مش كل التجارب ممكن اننا نخوض فيها
و كمان ان الحب و الارتباط لازم يكونوا على اسس صحيحه علشان ما بنى على خطاء فهو خطاء
و اهم حاجه اننا طول ما احنا ماشيين صح مهما تقابلنا مصاعب و مشاكل مانغيرش الطريق
زى ما البنت الاولى اما اتخطبت و دخلت تجارب و فشلت لكنها ماغيرتش مبدأها
و ان الحياء هو زينه المرأه
شكرا ليكى حبيبتى على الموضوع الحلو ده و مستنيه الحلقه اللى جايه

---

الحياء هو زينه المرأه
ياه لو كل البنات فهمت الكلمه دى وعملت بيها ان المراه بتزداد جمال بحيائها واعتقد ان البنت الحييه بتكون مميزه عن غيرها بكتير
طب انا هاحكيلك موفق بما انك جبتى سرت الحياء انا مره دخلت سوبر ماركت
كان فى بنتين بشعرهم ولبسهم ضيق جدااااا وماكياج وهيك وبنتين تانين منتقبات البنتين بيمشوافى المحل فى سكوت وهدوء ولاكانهم موجودين حاسبوا الولد وعينهم ما ارتفعت من الارض التانين حسيت انى اعده فى حفله صحك وصوت عالى ويهزروا مع الولد بتاع السوبر ماركت باليد وهما مسلمات الولد صار يقارن بينهم ويتعجب !!!!!!!!!!!!
انا سعيده بمرورك وبجد فلا رايك عجبنى ياريت كل البنات بتفكيرك
مع حبى

كلمك صح ميه في الميه وانا استفدت حاجات كتير من اللي قولتيه في بنات كتير بتعمل كده علشان التسليه او الفراغ او غباء وطبعا كله غلط وعمر علاقتها ما هتنفع وخصوصا اذا انتقلت من شخص لاخروانا شفت بنات كتير كده ونظره الناس لها مش بتكون حلوه علشان علطول ماشيه مع واحد