انا مش عارف ينفع اتكلم في حاجه زي كده ولا لا
انا حياتي اتحوله لي جحيم
انا مش عارف اقول
والدي عيزين ينفصلو عن بعض و مش عارف اعمل ايه
انا سني 23 و لي اخ اكبر مني بسنه
الخلفات دي من زمان و تتطوت لما اتخرجنا
كانو بيقولو هيفضلو يستحملو بعض لما نخلص تعليمنا
و فعلا خلصنا
انا مش عارف اعمل ايه
ساعدونـــــــــــــــــــ ــــي
اول حاجه بعد اذنك غير الاسم بتاعك دا وحش اوى
تانى حاجه ان الله مع الصابرين يعنى انت خلى علاقتك مع ربنا حلوة و ان شاء الله ربنا هيساعدك
و حاول تصلح ما بين والدك و والدتك يعنى هدى الامور بينهم انت و اخوك
و قلهم احنا هنعيش ازاى من بعد ما تنفصلوا و كلام زى دا يعنى
و زى ما قلتلك خلى علاقتك مع ربنا كويسه
صدقنى هتتحل كل المشاكل
ربنا يوفقك يا رب و يحللك كل امر عسير يا رب :):)
اولا ربنا معاك ويحللك كل امر عسير
بس بما انك كبير انت واخوك تقدر تقنعهم انهم ما ينفصلوش واقولهم ان محدش هيضر الا انتو خلى كل واحد منهم يقول هو مضايق من التانى فى ايه
حاول تخيلهم يتفهموا او تجيب حد من العيله كيبر بيسمعوا كلامه ويعد معاهم
حاول بكل ما تقدرانهم ما ينفصلوش عن بعد او خليهم يبعدوا عن بعد فتره كدا لحد ما يهدوا
واهم حاجه تتقرب من ربنا وتدعيه لانه هو القادر احنا مهما قولنا او انت عملت مش هيحصل الا اللى ربنا كتبه
وربنا يفرج كربك ويسعدك
المهم قولهم مش لازم يخدوا قرار وهما متعصيبن
انا فعلا حولت اصلح الامور بس زادت اكتر
والدي مصمم علي رايه
و هددني لو مبطلتش محاولاتي هيترضني
انا حاسس اني بقيت يتيم رغم وجدهم
ده هيبقي اسواء رمضان عشته
و علي فكره انا متدين جدا
بس ده نصيبي
المنبوز في الارض
ليه التشاؤم ده بس
انت حاولت مع والدك ومافيش فايده حاول مع والدتك وبلاش اليأس والتشاؤم ده ان انشاء الله مش يحصل حاجه وحياتكم تستقر >:D<
ان شاءالله ربنا مش هيخليهم ينفصلو علشان خطرك
بس انت ادعى ربنا وهو هيستجاب
بجد يعنى ربنا معاك
بس لازم تحاول على قد ما تقدر
والرسول صلى الله عليه وسلم قال ان ابغض الحلال عند الله الطلاق
لو كانت الخلافات الى بينهم مستمره
يبقى لازم الانفصال
انما لو تعرف تحاول انك تهدى العلاقات بينهم يكون افضل
وربنا يصبرك
أنا هأقولك على حاجة ويارب أفيدك أنت بس اللى هاتعرف أيه الحل لان دول أهلك أنت الى عشت معاهم يعنى تقدر تفهمهم وتفهم أيه اللى ممكن يأثر عليهم ولو كنت حاولت وفشلت حاول تانى مرة واتنين وتلاته ماتتعبش من المحاوله لان أنت لو مع واحد صاحبك بتحاول معاه آلاف المرات وخليك فاكر أنك أنت وأسرتك اللى هايخسروا لو الشمل مابينكم اتفكك حاول وربنا معاك
من غير ما اقول الاسم اللي اخترته ولاكن اخي الجميل اول حاجه بجد كتر الف خيرك حقيقي بص انت اللي عارف ايه سبب المشكله دي تمام وايه سبب الخلاف وبص حاول تأثر علي الام اكتر لانها بصراحه هي اكتر عطف يعني عندها الخوف الغريزي عن الاب يعني قولها تستحمل علشان خطركم وتحاول تشوف في ايه بيزعج والدك مش لانها غلطانه لا بس لانهاء الخلاف
ومن جانب والدك بص متحولشي تتدخل كتير في الجانب ده ولاكن خلي حد كبير من عيلة الدك يكلمه لان كلامك بالنسبه له يعني الاباء عموما يطنوه تحدي من الابناء لهم وربنا الموفق و اخيرا الله يكون في عونك وانا مقدر اللي انت فيه بجد
ودعوه مني يارب ينتهي الخلاف بين والديك يارب
عندكم حق في ادري واحد بالمشكله دي
بس انا من الضغط الي عليا مش عارف كنت اعمل ايه
علي العموم شكرا ليكم و لدعمتكم
اما عن الاسم بتاعي ده احساسي والله
و الموضوع حصل و خلاص
مفيش فيده من الندم
اشكركم و ربنا ما يوريكم الايام الي انا عيشها
شكرا
اقولك حاجة اوعى تيأس خالص تفائل وحاول تعمل لهم مفاجأة او تحاول تصلح بنينهم وربنا يصبرك بجد
اوعى تزعل نفسك اذا كان في خلافات كتير كانت بين والدي وولدتي وانا صغيره مبالك بقى انت كبير وراجل ومتيأسش وقول اللهم اني اشكو لك ضعف قوتي وقله حيلتي وهواني على الناس اما الانفصال بين الابوين فده ممكن يكون احسا في بعض الحالات مدام مفيش تفاهم بينهم ومنفضلك غير الاسم ده ايه التشاؤم اللي انت فييه ده الخلافات بين الاخوات ده شيء طبيعي طيب على الاقل انت واخوك صبيان احنا بنتين ومبنجبش بعض غير من شعورنا ومتقلش انك منبوز في الارض عشان ككل اللي في الكافيه بيحبوك وكلنا اخواتك واهلك وانت حاول تصلح بين بباك وممتك
شكرا علي مسعديتكم ليه
و ربنا يجزيكم خير ان شاء الله
و انا سيبها علي الله
و انا مقدر وافتكم جنبي
الموضوع حصل خلاص
امر الله نفذ
اما عن الاسم ده هغيره لما احس اني راضي عن نفسي
معلش اصل حلتي النفسيه سئ جدا
و مشكورين
أول هام أنا واثقة أن الاسم دة هيتغير عن قريب أنشاء اللة
تانى شىء أنابشكر الاعضاء على النصايح الغالية وبصراحة مخالتوش حاجة أقولها
تالت هام التفاءول مهم كانت الظروف سيئة
لان دوام الحال من المحال
وأدعى دايما اللى فية خير ربنا يعملوة:):):):):) لك أنت وأسرتك
وثق أننا فى دنيا لازم تتعاش وكد كد كل يوم هيمر مش هيرجع تانى يبقى نعيشوة واحنا بنضحك ولة واحنا بنبكى:):):):):):):):):):)
ياريت يكون علم وجارى التنفيذ:):):):)=;
بص حبيب قلبي اول حاجه انا مش هكلمك علي الاسم انما هكلمك عن حاجه تانيه هو "لما احس اني راضي عن نفسي" الجملة دي وفقتني جامد بسالك ليه انت مش راضي عن نفسك انت زنبك ايه في اللي حصل وصدقني مفيش حد بيختار امه او ابوه او حياته الحياة هي اللي بتختاره لهم ومن الاخر انت مش لك زنب في اللي حصل وعارف انها صدمه كبيرة بالنسبة لك وانت الوحيد اللي حاسس بها وربنا معاك ولك مني كل تمنياتي ودعائي بالصبر ومستقبل سعيد باذن الله من غير اي حوادث تانيه
خالص تحياتي
لو تقبلني صديقك
احمد عماد
شكرا جدا يا احمد علي كلامك ده
و شكرا جدا لكل واحد حاول يسعدني
الايام مش بداوي كل حاجه في جروح تفضل موجوده مش متروح
لاكن انا بتفائل خير انشاء الله
و علي فكره انا عمري ما رفت ان ده ولدي و دي ولدتي انا احسن من كتير غيري و في احسن مني كتير
بس انا وصلت لدهرجه ان مش عارف افكر
كنت محتاج حد يكون معايا
الحمد لله
الدنيه بخير و طبعا انت صديق افتخر به
و اشكركم لاتساع صدركم لي
و ربنا يتقبل من و منكم
و كل سنه وانتم طيبين
اخي الكريم طبعا انا بعزيك علي موضوعك وبحترمك لانك حاطط ثقة في المنتدي بص لو الانفصال لقدر الله تم انت ملكش اي زنب فيه بس انا عاوزك تبص للحانب المشرق عارف ايه هوه علي الاقل انت لسة ليك اب وام ربنا يخليهم ليك حط دي في دماغك حتي بعد الانفصال يعني انت مش يتيم وربنا ماكتب علي حد اليتم شكرا وربنا معاك تقبل مروري وتحياتي :x
اشكرك يا محمد و اشكر كل الذين همهم امري
كل سنه وانتم طيبين
بص ايها المحبوب فى الارض اولا انا بشكر كل الاعضاء اللى ساعدوك وانا قرات الردود كلها ومش هقدر اقول اكتر من اللى قالوه
بس بص فى حاجة عاوزه اضيفها ممكن تنفعك فى حياتك
اولا انا حاسة بيك لان نفس الموضوع حصل معايا وانا فى مرحلة كنت محتاجة ان الاسرة تكون مترابطة مش مفككة
وثانيا انابنت يعنى كانت مشكلتى اصعب بكتير
اول حاجة ممكن تعملها انك لما تلاقى نفسك مهموم وعلى اخرك بجد والله روح اتوضا وصلى ركعتين وادعى انا ربنا يفك همك واهدا والله هتلاقى نفسك مرتاح
واتمنى ان تقرا التوقيع الخاص بى
وبعد كده فكر ان الدنيا مبتديش الواحد كل حاجة هو عايزها وان ده قدر ومكتوب عليك من قبل ما تتولد وان اللى ربنا كاتبه هيكون حتى لو احنا مش عايزينه
بس فى حاجة لازم تقتنع ان ده اختبار واناللى بيختبرك هو اللىخلقك يعنى لازم تنجح فى الاختبار ده
وادعى انك تقدر تصبر وانه يلهمك الصبر
صدقنى والله طول ما انت قريب من ربك هيفضل جانببك ومش هيسيبك لازم تؤمن بكده وتصدقه من قلبك
وانا حاسة والله ان ربنا سيفرج همك وبالذات ان احنا فى رمضان وان للصائم دعوة لاترد
وفى الاخر احب اقولك زى ما اخواتنا اللى معانا قالولك ان كل اللى فى المنتدى بيحبك وانك مش منبوز فى الارض ولا حاجة وان انت ان شاء الله هتغير اسمك قريب وان الله سيجعل من بعد همك فرحا وسعادة وامل
وسرور وسيبلغك العشر الاواخر بالفرح بأذنه عز وجل وما عليك الا الدعاء والعمل الصالح وربنا ييسرك كل عسر وتقبل مرورى