مذكراتي وانا عندي برد ( اللي هيضحك هعضه )

http://img17.imageshack.us/img17/6845/atsiu2.jpg


ياللا بقه امرى لله

اكتب يومياتى و خلاص





صداع ... دبدبة فى نافوخى .. الناحية الشمال بالزات .. دب دب دب دب

سخونية .. مولع

نف ... بررررررررررررررببببش

زورى ... اه اه سكاكين فى زورى مش قادر

يا رب ماعطس .. يا رب ماعطس

لو عطست السكاكين اللى فى زورى هتتحرك من مكانها تقطع ...

هاااااااااا

هاااااااااااااااا

عااااااااااااااااااااا

عاااااااااااااااااااااااا ااتشوووووووووه

اااااااااااااه

- حماده حماده ..

اصحى يا حبيبى

- ماما

- اهدى يا حبيبى دا لازم الكابوس اياه بتاع الانفلونزا

احنا اصلنابقينا ف تالت يوم فى الشهر .. و لسه الدور بتاع الشهر ده مجالاكش .. اتاخر اوى الشهر دة ..

دانت كنت كل اول شهر بالدقيقة لازم تعيا

- معلش بقه يا ماما هنعمل ايه .. مانتى عارفة ان المناعة بتاعتى واخدة اجازة بقالها ... يجى من ساعة ما اتولدت كده

- طيب خد اشرب شوية مية .. بل ريئك من الخضة بتاعة الكابوس

- هاتى ...

بق بق بق بق بق بج بج بج

اااااااااااااه

- خير يا حبيبى

- يظهر ياما ان النتيجة ظهرت

- نتيجة ايه يابنى احنا فين و الامتحانات فين

- نتيجة الكابوس يا حاجة ..

وانا بشرب المية حسيت بحاجة فى زورى

- يظهر ان اللى كنا متوقعينه حصل يامـــٌا

دور برد م العيار التئـيل


فى ثانية

لاقيت امى برة الاوضة

و راجعة بكمادات و شنطة الادوية

و ملت كفها براشيم و ادتهوملى ... بلبعتهم و نمت


قبل الكلام ده بساعتين ..

ماشى بتدحرج فى الكلية .. من محاضرة لسكشن .. و من سكشن لمعمل .. و من معمل لورشة يا قلبى لا تحزن

قابلت الواد تيمور الفقرى ..

بسلم عليه .. و ببوسه

راح .. عااااااتشوووووووه

فى وشى

- الله يسلمك يا تيمور .. انت ايه اللى هببته ده يابن المخنوقه

- معلش يا حوبى و الله ما قصدى بس اصلى عيان عيا واعر جوى جوى يابوى عااااااااااااا

- خلاص خلاص و الله مصدقك ..

طيب يعنى مش هننزل انهاردة .. ده انهاردة الخميس .. و انت عندك فى الكلية دى هو خميس واحد بس فى الشهر

- طبعا هننزل يا غدع ( قصده جدع ) انت بتتكلم فى ايه

- بتكلم فى النزول .. هتنزل و انت فى حالتك المتاخرة دى ؟

- طبعا هننزل يا عااااااااااااام .. انا مبتفرقش معايا الحاجات دى خالص

بس بقولك ايه معاكش بداديل ؟

- بداديل ؟ بداديل ايه يا تيمور ؟ دا انجليزى ولا تايوانى ولا انهى لغة دى ؟

بداديل يا عم بداديل

- يا عم طب هو مقالكش العنوان ايه ؟ طب جنب ايه طيب ؟

- خلاص خلاص ولا انت فاهم حاجة .. هكلمك اما اروح

- طيب ..


بعدها بساعتين

بررررم برررررررررررم

برررررم برررررررررررررررم

- الو اهلا اهلا ازيك يا تيمور يبنى

- ازيك يا طنط .. حماده موجود

- موجود يابنى بس عيان اوى و هنزل بيه المستشفى دلوقتى

- يا ساتر يا رب .. دانا لسه كنت معاه من ساعتين لا حول ولا قوة الا بالله

و حتى كان معانا الواد ابو رخامة دة اللى اسمه إســـو

- إسو ؟؟؟

- الواد اسلام كان عيان اوى و عطس فى وش حماده .. ربنا ينتقم منه .. طب معلش بقه انا هبقى اتصل اطمن عليه



و هرب تيمور من عملته السودا بعد ماعطس فى وشى شقى تيمور

صحيت من النوم انا بقه

فتحت كتاب سنة اولى طب انا فى (زراعه) عشان اشوف باب البرد صفحة الانفلونزا (مش الطيور)

لاقيت جميع الاعراض و المؤشرات الموجودة فى الباب كله عندى



عطست عطسة

عاتشوووووووووووووه

- بابااااااااا .. يا بابااااااااااا

بابا جه من اخر الشقة عشان يشوف اللى بيزعق ده

- ايه يابنى انت بتزعق كده ليه

- انت حضرتك حد نده عليك ؟؟ انا بنده على بابا

- نعم ياخويا .. انت جرى لمخك حاجة يابنى

ساعتها افتكرت الواد تيمور و فهمت كان يقصد ايه ساعة ما قاللى " بعاك بداديل "

قلت لابويا طب خلاص بعلش روح انت

يا بابااااا يا بابااااااااا ياباااااااااا

يووووووه .. انت جيت تانى .. طب بص اندهلى الست اللى انت متجوزها مانا مش هعرف انطقها اللى هى لما اتجوز واحده هتقولها ياحباتى


بابا:الواد ده بيتعاطى حاجه ولا ايه (غريبه)


و لما الحاجة جت

و شافتنى متنيل على عينى و مناخيرى حمرا و كبرت اكتر ماهى

قلتلها بقولك ايه انا عايز بداديل ضرورى احسن مفيش ولا واحد هدا

- نعم ؟ بداديل ايه دى كمان ان شاء الله ؟ نام نام بس انت و خد حبة البراشيم دى كمان و انت هتصحى تبقى كويس

- بش هينفع يا بابا بقولك لازم بداديل

- بابا ؟؟؟ انا امك يابنى ؟ و بداديل ايه دى ؟

و قعدت تعيط و جريت على ابويا تقوله الواد يظهر السخونية لحست مخه يا حبت عينى .. لازم ننزل بيه لدكتور

- دكتور ايه بس .. انتى مش ادتيله 12 برشامة لحد دلوقتى ؟ خلاص هو هينام شوية و يصحى زى القرد

- بس دا مش عارفنى و عمال يقول هاتولى بداديل هاتولى بداديل .. هيا ايه بداديل دى ؟ يكنش صنف مخدرات جديد ؟ يا لهوى

الواد سخن و بيخرف و بيقول على حاجات م اللى بيعملها و هو مش دريان ؟ يا لهوى يا لهوى ابنك مدمن مخدرات و صنف جديد كمان اسمه بداديل ..



شوية و لاقونى طالعلهم م الاوضة شعرى منكوش و مناخيرى مش شايف قدامى منها

و بقولهم بصوت يخوف .. عايز بداديل

مفيش بداديل ؟

طييييييييييب

انا نازل اجيب بداديل

- يابنى استنى بس مش هتقدر تنزل و انت كده ..

- هنزل يعنى هنزل لازم اجيب بداديل

- طب رجلى على رجلك بقه

- رجلك على رجلى ؟ ايه رجلك على رجلى دى ؟ طب ابشى ازاى ادا بقه .. البوهب خلصيــدى ياللا

- بوهب ايه و خلصيدى ايه ؟ ايه الكلام الغريب اللى انت بتقوله ده يابنى

- خلصى بس هتفهبى بعديد



نزلنا و عند اول سوبرماركت

- لو سمحت يا ريس عدك بداديل ؟

- نعم حضرتك ؟

- بداديل اللى هيا " زيدة " اللى هيا خبسوبية و خبسيـد بدديل دى

الراجل بص لامى اللى كانت بتطبطب عليا و لا كانى مجنون

الراجل قلق منى و قاللى انا مش فاهم حاجة حضرتك !

قلتله طب هات ورقة و قلب

قلب ؟؟

هات بس

رحت كاتبله " بداديل " .. . رحت شاطب عليها بسرعة و قلت يووووووووه مش عارف اكتبها حتى

و كتبتله " مناديل زينة اللى هيا خمسمية و خمسين منديل دى "

الراجل قاللى ااااااااه مش تقول كده م الصبح الف سلامة عليك .. عند برد ولا ايه ؟؟ هقهق

شكرد يا ريس

و امى فرحت اوى لما عرفت ان بداديل دى معناها مناديل بس عشان منخيرى مقفولة مش عارف انطقها

المهم اخدنا البداديل و قبل ما نمشى بقول للراجل عدك رز بلبد ؟؟؟

لبد ؟؟

اه رز بلبن ؟؟ لا مفيش

طيب شكرد يا ريس






ادعولى ربدا يشفيدى بقه

قصدى ربنا يشفينى

ياله على موبيدات بقه

ههههههههههههههههههههههههه ههههه
ههههههههههههههههههههههههه ههه
ههههههههههههههههههههههههه ه
هههههههههههههههههههههه
ههههههههههههه
ههههههه
ههه

هههههههههههههههههههه
جامده اخر حاجه
تسلمى

ههههههههههههههه

والله حاجه عسل اوى تعرفى انا كده دلوقتى وكل شويه حاجه سخنه داخله حاجه سقعه طالعه



تسلمى يا حببتى :-*

ههههههههههههههههههههههههه =))
جمدة جدا تسلمى :)

تسلمووووووووووووووووووووو وووووولى

=))=))=))=))=))=))=))=))=))=))=))=))
جامده اخر حاجة
بس الله يسمممممممممممــــ /:) عععععععععع تشن /:) ـــــحيك
=;عديتنى بالانفلونزا=;
>:D<>:D<

ههههههههههههههههههههههههه ههههههههه
جامدة اخر حاجة بس دلوقتى الانفلونزا خطر عشان الانفلونزا الخنازير
ههههههههههههههههههههههههه=))=))=))=))=))

ههههههههههههههههههههههههه ههههههههههههههههههههههههه ههههههههههههههههه:))=)):))=)):))= ))

ههههههههههههههههه

تسلمولى يا عثاثيل

ايه يا سومة الحاجات الجامدة ديه حاجات معدية لالالالالالالالالالا تسلم ايدك وربنا يشفيه :D تقبلى مرورى

=))=))=))=))=))=))=))=))=))=))=))=))=))=))=))=))=) )=))=))=))=))=))=))=))=))=))=))=))=))=))=))=))=))= ))
ههههههههههههههههههههههههه ههههههههههههههههههههههههه ههههههههههههههههههه توبيك جامد تسلمي:x

اااااااااااااتتتتتتتتتتتت تتتتتتتتتتتتتتتشششششششششش ششششششو
الحمد لله انا والله عندى اتشو برد تسلمى mawdo3 gamiil

ههههههههه بداديل :-P هههههههههه والله عسل ياسومه:)

تقبلي مروري يا قمر:x

يا عينى الله يكون فى عونك ويا رب متكون انفلونزة
=))=))=))=))=))=))خنزير

ههههههههههههههههههههههههه هههههههههههههههه

توبيك جااااااااامد يا بداديل اقصد سومه:-P
ههههههههههههههههههههه

ههههههههههههههههههههههههه ههههههه
تسلمووووووووووووووووووووو ولى