عـــمـــرى

انا مش عارفه اقول حاجه عشان بجد تعبت من الكلام بس انا بحب واحد بحبه بجد مش هعرف اتخيل حد تانى معايا غيره بحب كل حاجه فيه سواء كانت صح او غلط وحش او حلو راضيه بكل حاجه فيه مش عايزه اسمع كلمه بحبك من حد غيره.انا حلمت معاه هو .حياتى انا شفتها معاه.صعب بجد اعيشها مع حد تانى.انا عارفه انى بحبه اكتر ما هو بيحبنى بكتير..كان حصل زعل ما بينا وبصراحه انا اللى كنت غلطانه عشان كدبت عليه بس اما كدبت كان خوف على نفسى بس برضو غلط..بس رد فعله كان جامد اوى عليا.وقتها كان بيضايقنى بكلامه وفنفس الوقت يقولى انا عايز اللى حبتها.قعدنا فتره بس مجرد ان احنا نسأل ع بعض..وفتره قعدت معرفش عنه حاجه كنت بموت بجد بيوحشنى بطريقه محدش يتخيلها هو كان مسافر وقبل ما يمشى سابلى رساله توجع قلبى اكتر..المهم بعد كده اتكلمنا بس اوقات بحس انه بيحبنى اوى وانه بيحتاجلى واوقات بحس انه بيكلمنى زى اى بنت اتعرف عليها والاحساس ده من زمان من اول ما عرفته . وعرفت منه بعد كده ان احساسى ده كان صح ودلوقتى هو معايا عارفين انا بخاف الومه على اى حاجه او اعاتبه بخاف يبعد عنى ودى بجد مش هستحملها .انا بقلق عليه بجد وبيوحشنى لدرجه انا مش بستحملها.ومش بتخيل يوم من غير ما اعرف عنه حاجه ان لو هلحف ان بفكر فيه ال 24 ساعه بكل ثانيه فيها والله ده اللى بيحصل..من الاول عارفه انى حبى ليه اكتر واوقات بحس انه اتعلق بيا بس او شافنى غير اى بنت عرفها.بس انا مليش دعوه بده.انا دلوقتى فيا انا بجد انا مش هعرف انساه عشان حاولت كتير اعمل كده ومقدرتش يصعب عليا يوم يعدى من غير ما يكون جوايا.انا بخاف عليه اوى اسيبه ازاى..اللى جوايا عمرى ما هديه ولا حسه مع حد غيره.طب اعمل ايه بعد كده..انا دلوقتى يعتبر مش عايشه..اوقات كتير بقول هبعد عشان مش عارفه نهايه اللى انا فيه ده ايه.وهو كمان بيقدر يبعد..ولا حتى بعرف اتصل بيه مبقدرش كرامتى بتوجعنى.واوقات كتير مبستحملش وبتصل بيه وبرضو هو كمان اوقات كتير بوحشه.لما ببقى زعلانه منه واوقول مش هرد لو اتصل ببا او اقعد فتره ومكلمنيش..ويجى اتصل ببقى هموت ما بين انى ارد عليه ومابين ان جوايا وجعنى اوى منه .بس غصب عنى برد وانسى كل حاجه بمجرد انى اسمع صوته..انا بقالى دلوقتى اكتر من سنه مش عارفه اخرجه من جوايا او انساه عشان انا رافضه ده انا هتعب من غيره..انا نفسى ابقى زيه اعرف ابعد واجرح ومهتمش انا نفسى فعلا اعمل كده بس والله العظيم ما يهون عليا .بجد نفسى حد يقولى اعمل ايه انا تعبانه فبليز حد يساعدنى

very good good good

اشغلي نفسك بحاجه تانيه اي حاجه المهم تديها اهتمام اكتر منو ..
بس انا عايزه اقولك حاجه انتي متعرفيش اذا كان جاد ولا لا صح !
وكمان متعرفيش نهاية الموضوع دا اييه صح !
فالافضل متمشيش في سكه متعرفيش نهايتها فين ..
واتقلي شويه بلاااااش تكوني خفيفه آآآآآآآآوي كدا لو تميتي كدا مش هيحس بقيمتك ومش بعيد ينفضلك كمان ..
ابعدي شويه تجاهليه شويه كدا يعني وهتلاقيه جري وراكي ..:)

هو لللاسف عارف ان بحبه.هقدر اعمل كد وابعد... بس لغايه امتى ؟ ياريت بجد حد يقولى اعمل ايه ان نفسى اخرجه منى اصعب حاجه انك تحسى من اللى بتحبيه انك بتهونى عليه.وفعلا انا معرفش نهايه اللى انا فيه ايه..وبالعكس يا جوليت والله مش خفيفه ده هو اللى بيضايقه انى شافنى غيرهم مش بجرى وراه وكده..بس برضو للاسف متأكد انه بحبه وده اللى بيخليه يعمل كده .وميرسى يا جوليت ليكى ولردك

أولا بجد أنتي أنسانه كويسه جدا أنا لما قرأت مشكلتك أستغربت معقوله في حد بيحب حد كدا في زمن أختفي فيه الحب _انا عايز أقولك رأي من رأي جوليت لازم تبعدي شويه وتشوفي حاجه تشغلك هولو بيحبك بجد مستحيل يتخلي عنك وهاجيلك لحد عندك وفي حاجه مهمه كمان لازم تعرفي نهايه الحب دا أيه وبعدين أنتم بقالكم سنه المفروض يكون في خطوة أيجابيه من ناحيه حبيبك دا لو كان بيحبك لأن اللي بيحب بجد مش بيستني حبيبه بيضيع منه _حرام عليكي أنتي بتعذبي نفسك وخلاص لازم تعرفي أخرة الحب دا أيه أرتباط وتكوين أسرة ولا تسليه وخلاص لازم تعرفي أخرتها أيه واجهيه وهولو بيحبك تأكدي انه هيعمل المستحيل علشانك ولا ربنا أراد غير كدة فأنتي عملتي اللي عليكي وعايز أقولك حاجه أخيرة وهي حكمه جميله { نهايه مؤلمه أفضل من ألم بلا نهايه } واسف لو طولت عليكي

ايه ده يابنتى الحب كويس وكل حاجه
و حلو قوى انك تحبى حد و تعيشى معاه قصه حب و احلى ايام
بس الاهم من كده كرامتك يا حبيبه قلبى كرامتك فوق كل حاجه حتى فوق قلبك
من حبنا حبناه و صار متعنا متاعه و من فرقنا فرقناه يحرم علينا اجتماعه
ما تحوليش تشترى حد بايعك لانك هتخسرى قوى
هو لو بيحبك بجد هيحافظ على كرامتك مش هيدوس عليها
اتقلى يا بنتى شويه و ما تبينلوش انك هتموتى من غيره
حتى لو هتمثلى سعات بيجيب نتيجه

صدقينى انا مش عايزه امثل انا عايزه فعلا عمل كده بجد نفسى والله اكون انانيه عايزه اعمل زى ما هو بيعمل ويقدر يبعد نفسى يهون عليا بجد انا تعبت زعلى منه كبير اوى المره دى وبرضو نفسى ابعد من غير ما اجرحه ولا اضايقه فنفس الوقت مش قادره ابعد جوايه مش هيهون عليا .بالعكس كرامتى هى اللى مخلانى مش عارفه اكلمه ولا احاول اعرفه من حاجه ولا اطمن عليه جوايا اه وحشنى بس مش قادره المره دى اعمل حاجه..انا نفسى حد لما يبص لمشكلتى يشوفها من ناحيتى انا يقولى انا اعمل ايه .ماشى هبعد وكل حاجه..طب والى جوايا ده اعمل فيه ايه بجد استحمل ازاى

انا عارفه والله
و حاسه بيكى قوى كمان
بس ليه بيقولوا انك لازم تخدى رأى الناس
لانك بتفكرى بقلبك و بعواطفك و مشاعرك
لاكن انا دلوقتى مش فى موقفك يعنى بفكر بعقلى
انا معاكى ان العقل بيقول انك تبعدى و قلبك بيقول مش هاين عليا
بس لو مشينا ورا قلبنا هنخسر
اقول على حاجه احنا دلوقتى فى شهر كريم قربى من ربك و اعبديه كتير
و حاولى تشيلى حب الانسان ده و تتحطى مكانه حب ربك و عبادتك

ياريت ربنا يقدرنى واعمل كده.انا فعلا هبعد بس هبعد وانا مجروحه اوى منه عارفه اصعب حاجه بجد انك تحبى حد وتيجى لحظه تحسى انك حمل تقيل عليه ربنا ما يحط اى بنت فمكانى ده ولا تحس بالاحساس ده..انا مش عايزه منه حاجه انا والله بتمناله الخير وان ربنا يحفظه من نفسه.بس نفسى ارتاح ويخرج منى .ربنا يهدينى ويقدرنى على انى انساه

يا رب يا حبيبتى
و عايزه اقولك على حاجه دايما بقولها لنفسى
لازم تكونى قويه اقوى من اى حاجه فى الدنيا لازم تطلعى من اى تجربه و انتى الكسبانه
حتى لو ما كسبتيش حبيب مخلص صادق ممكن تكسبى عبره و تخافى على نفسك اكتر
لازم تعرفى انك غاليه قوى ولازم تحافظى على نفسك و تدى حبك للانسان اللى يقدره بجد
حبيبتى انا بقولك الكلام ده لانى حسيت بيكى ولانى استريحتلك قوى و حسيت اد ايه انتى انسانه كويسه
و ربنا يوفقك و يقويكى

يارب ربنا بجد يقوينا على كده انا حسه انى فالبعد عنه هرتاح..عشان هو معايا تعبنى اكتر وانا مش متحمله ده ويقدرنى كمان انى انسى اللى عمله فيا والله اكتر دعوه بدعيها وانا بصلى انى اتحمل اللى فيا ده وانساه..حتى دى صعبه واحد كنت بتدعى ربنا انكم تكونوا لبعض وبعد كده تدعى انك تنسيه بجد ربنا يسامحه..بس هو فيه فعلا كده ان واحد كانت اكتر حاجه بتوجعك انك تشوفيه زعلان او مضايق من حاجه تهونى عليه كده ليه بشر ده بجد..ع العموم يا نونا شكرا ليكى بجد والله كلامك معايا بيريحنى كتير وبرضو ع فكره والله قادنى

انا بجد تعبانه اوى.والمطلوب منى انى اعيش حياتى عادى وانسى كل حاجه.حقيقى صعبه.انا فى عز جرحى ده وانى فعلا مش هقدر اكلمه.بس نفسى هموت واطمن عليه لو حتى من بعيد بس مش قادره اعمل حاجه.هى دى غلطتى عشان حبيته زياده ولا ايه عايزه افهم بجد طب مدام نهايه اللى بيحب كده يبقى ليه الحب من الاول .مش الحب ده حاجه غصب عننا وموجود يعنى مش احنا اختراعناه امال الناس اللى قلوبها حجر دى قادرين يعيشوا ازاى ..بجد نفسى حد يريحنى مش عايز احس انى لوحدى .المشكله ان حبه ده الحاجه الوحيده الحلوه فحياتى حتى لو كنت اتعذبت فيه بس ده كان احلى حاجه عندى.كان معوضنى عن حاجات كتير فغصب عنى هفكر فيه..اعمل ايه بجد؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟

نفسى بجد حد يساعدنى انا مش عارفه اعمل حاجه وغصب عنى بيوحشنى ونفسى اطمن عليه وبرضو غصب عنى مقدرش اكلمه كرامتى .وهو كمان قدر يبعد ومش فارق معاه ان بعدت عنه.بس انا مليش دعوه بتصرفاته دى.انا فيا انا عشان اللى حبيت بجد.ومش عارف اساعد نفسى واخرجها من اللى انا فيه حقيقى تعبت.انا تقريبا بحلم بيه كل يوم.نفسى اعرف انساه ازاى ياربى انا تعبت..بجد حد يقولى اعمل ايه ولو حب قبل كده قدر ينسى ويقولى ازاى ؟؟؟

والله نفسى اساعدك
بس مش عارفه اقولك ايه
بس ربنا يقويكى و تنسيه

ياريت بجد تقدرى تساعدينى.انا كرهت نفسى بسبب اللى انا فيه .بحاول اشغل نفسى كتير بس مفيش فايده.بس صدقينى يا نونا مينفعش عشان هو كان كل حاجه بجد عندى.انا لما بزعل بفتكر لما كان يقولى مفيش حاجه تستاهل انك تكونى مضايقه عشانها ولما اكون عايزه اضحك بفتكر والله اى حاجه قالها وضحكتنى.. واضحك فعلا كانى اول مره اسمعها.لما يبقى فى مشكله او مضايقه او خايفه اول حاجه بتيجى على لسانى اسمه والله برتاح انا كده وهو مش معايا لو معايا هكون ازاى اكيد هكون سعيده بس هو بعد عنى .بعد ومش قادره اسامحه .صعب عليا انى احس ان حمل تقيل عليه.ياربى ربنا ما يحط اى بنت فالموقف ده.انا وبصلى بعيط ان ربنا يخرجه منى عشان نفسى ارتاح انا نسيت كنت ازاى الاول اعمل ايه تانى عشان انسى .دى حاجه غصب عنى .برغم اللى عمله فصلاتى اول دعوه ليه هو قبل ما افطر لازم ادعى ليه الاول وان ربنا يحفظه ويهديه..ربنا يهدينا .ميرسى ليكى يا نونا ولكلامك معايا.ربنا يوفقك