محاولة تيجوا نجرب مع بعض يمكن........

السلام عليكم ورحمة الله وبركاته

منذ انضممت الى منتديات مصراوي كافيه

اكتفيت بالرد على اخوتي في الله هنا

لأتعرف على الدار وأهلها

واستهللت موضوعاتي بموضع منقول

كفاني منه شرفا أنه دعاء استغفار وانابة الى الله عز وجل

والآن أبدأ أولى خطواتي هنا

بسؤال

الى متى تأكل السلبية أواصر عروبتنا وشرقيتنا

بل وجذور اسلامنا[-(

يأتينا دعاة الغربة عن أوطاننا بفكر الشرق الأقصى أو الغرب البعيد

ليمحو أفكارنا العربية من الجذور

وليكن موضوعي أكثر قربا من قلوبكم سأنحي العربية جانبا

ولنتحدث بلهجتنا البسيطة السلسلة:)

******
**

ياترى من امته

تيجوا نرجع شوية لورا

من أيام الحكم العثماني لما بدأ في الضعف والتخلف

وفرض على العالم الاسلامي سحابة الجهل والفقر والمرض

وكبر غول الاستعمار الصليببي اللي مش طمعان في أراضينا بس

لأ ده طمعان في هدم اسلامنا ومحوه من على وش الدنيا

ازاي ينهب خير بلادنا وفي نفس الوقت يحول شعوبنا لعبيد

والغريب انه مقدرش يعمل كده بايده تعرفوا مين اللي عمل فينا كده

ناس مننا من أهلنا نفوسهم مريضة وقلوبهم حجر

هان عليهم أهلهم وبلادهم وأوطانهم

صدق رسول الله محمد صلى الله عليهم وسلم

دعا ربه انه مايسلطش على المسلمين عدو

فاستجاب رب العالمين تبارك وتعالى

لكنه قال له ان العدو هيكون مننا فينا

مليون قضية النهارده ومليون فكرة غريبة دخلت علينا

ماتعدوش وولادنا بأوا فريسة سهلة للفكر الغريب تشبعوا بيه

اما بسبب الاعلام

أو بسبب بيت مريض واهل باع دينهم بدنياهم

واما واما .............

لكن الأغرب من كده دور على أي صباع يعجبك:-SS

وحاول تشاور بيه على واحد بس حاول يعمل حاجة يغير بيها اللي احنا فيه

مش كفاية تبأى رافض مش كفاية تبأى شايف الصح


لكن لازم تدل عليه

ماتسكوتش:-$

مش لازم بالنصيحة مش كل انسان ممكن يقبل النصيحة

انته نفسك ممكن ماتكونش أهل لتوصيل النصيحة

معندكش الموهبة والقدرة

ما تيجوا نعمل زي ماعمل الحسن والحسين رضي الله عنهما

لما شافوا واحد من المسلمين بيتوضأ غلط

حبوا يعلموه..ياترى يعملوها ازاي وهمه صغيرين وهوه كبير

راحوا للراجل ده وطلبوا منه يحكم مابينهم مين فيهم بيتوضأ أصح من التاني

وتوضأوا على أحسن مايكون الوضوء

ساعتها فهم الراجل ده المغزى واتعلم

طيب نتيجوا نفكر مع بعض في الأفكار الغريبة اللي دخلت علينا

ليه كل واحد فينا مايخترش حاجة شايفها غلط ويكتب ولو سطر واحد ويقول ده غلط ده مش صح[-(

ومنين كان الغلط وأصله وفصله ونعمل ايه عشان نغيره ونعدل الموازين

ياترى اللي بقوله صعب التنفيذ

ولا يستاهل نجرب ونحاول

بجد اخفض لكى قبعتى سيدتى حضرتك بليت بلاء حسنا موضوع رائعععععععععععععععععععععع
وانا ممكن ابدا باول حاجه شايفاها خطا ونفسى تتصلح
الزواج العرفى ماسببه وكيف نقومه ؟

مشكوره على الموضوع الجميل
وفعلآ فيه حاجات كتير فى حياتنا محتاجه للتغيير
انا شايفه انه فيه حاجه احنا اخدناها من الغرب واستخدمناها غلط وهى الشات
يعنى هما استخدموا الشات لتبادل الافكار والمعلومات والثقافات فى حين انه المصريين او مش بس المصريين و العرب كمان اكثرهم استخدموه غلط كل الى يعملوه اسمك وسنك بتحب ايه بتكره ايه وما اعتقدش انه الهدف من الشات كده اعتقد انه ده موضوع محتاج انه احنا ننظر له من منظور اخر
سورى طولت عليكى
وميرسى كتير على الموضوع

ان الله لايغير ما بقوم حتى يغيروا أنفسهم

اهلا سيدتى

اول ما نزل البلاء ع من كانوا قبلنا ان الرجل يرى اخاه قائما ع معصيه فقول له يا هذا !!
انتهى فان هذا لا يحل لك..
ولا يمنعه هذا من اليوم التالى ان يكون اكيله وشريبه رغم انه مازال قائما ع معصيتهُ ..هكذا اخبرنا الحبيب صل الله عليه وسلم ..
واخبرنا ايضا ع نبأ القوم فقال ان الله أمر باهلاك قوم كذا فقال الملك يا رب ان فيها عبدك فلان لم يعصك طرفه عين فيقول لهم -الرب جل ف علاه- فبه فبدأ!!
لانه وجه لم يمتعض من المعصيه او لانه لم ينه قومه او لانه لم يقف كجندينا ع حدود الله يذب عنها ويدافع من اجلها ويبذل من اجلها ما ملكت يداه..
واخبرنا المصطفى عن احوال المؤمنين فالمؤمن القوى خير عند الله من المؤمن الضعيف وفى كلا خير..
وامرنا بأنكار المنكر والامر بالمعروف وحدد درجاته وهى بيده-بسلطته مثلا..- بلسانه-المنابر الاعلاميه ربما ..- او بقلبه وهذا اضعف الايمان ..وليس بعد ذلك من الايمان ف شئ..
من كل هذا يتضح جليا ان ما حال بالامه ما هو الا نتيجه تركنا لواجب ..
الامر بالمعروف والنهى ع المنكر.
عندما سأل عمر رضى الله عنه عما يحب من الدنيا فذكر"الامر بالعروف وان كان سرا والنهى عن المنكر وان كان جهرا"..هذه همه هى همه عمر الفاروق ..
اما نحن فسيطر علينا -انا مالى- فنتشر المنكر وعم البلاء و نزل غضب الرب لانه لم يرى فينا جنود ف كتيبه الدفاع عن دينه والذب عن محارمه واعلاء كلمته ..
سيطرت النزعه الفرديه وانتشر التعصب للقوميه واصبح الولاء لغيرنا لان لاخواننا وابناء عمومتنا..
اصبحت الامه كغثاء السيل تتخطفها الذائب من كل جانب فاصبح الحق معنا ولا يجد من يحملومنه واصبح الباطل مع غيرنا ولكنه وجد رجال يعلون منه ويعظمونه حتى ظن من ف قلوبهم مرض والمرجفون انه الحق فرفعوا ريات الباطل ظنا منهم بجهل انه الحق والخلاص من واقع الم بالامه ..
فتناسوا قول عمر -اننا قوما اعزنا الله بالاسلام فمن طلب العزه من غيره اذلنا الله-
واقسم ان لو فينا رجال كمثال الفاروق قائمين ع حدود الله يأمرون بالمعروف وينهون ع المنكر ..ما بقى ف الامه عاصى ولا جاهل..
ولو فينا رجال كمثال ابو بكر يأخذ ع يد الظالم ويقتص منه للمظلوم فقام العدل وانتشر الامن وحسنت نفوس الناس فتوارت البدع وعم الخير ..
ولو فبنا كمثال ابن عبد العزيز الذى اقام العدل ونشر الامن واوصل الذكاه لاواسط افريقا فكانت ترد لان البطون قد امتألت شبعا من عدل هذا الرجل.. وانتشر العلم وكثره الفتوحات ولم يحتج الرجل الا فقط ما يربوا عن سنتين ونصف السنه لكل هذا وهى ولايه عمر ..
لم اتكلم عن المشاكل وذكر التشخيص حتا نعرف من اين اتت العله وما هو العلاج؟؟!!
فبرجال يقيمون الدين ويأخذون ع يد الظالم ويقتصون للمظلوم
امرون بالمعروف ناهون عن المنكر قائمون ع الحدود بعلم وسلطه..
اطلت :(
ولى عوده للمناقشه
ان لزم الامر:)

اية الحلوة دى يا ابو حميد
الموضوع جامد جدااااااااا
بس كبير حبتين؟!

اقتباس:

---

المشاركة الأصلية كتبت بواسطة dr_manoon

بجد اخفض لكى قبعتى سيدتى حضرتك بليت بلاء حسنا موضوع رائعععععععععععععععععععععع
وانا ممكن ابدا باول حاجه شايفاها خطا ونفسى تتصلح
الزواج العرفى ماسببه وكيف نقومه ؟

---

عارفه يامنون انتي حطتي ايدك على أكبر مصيبة النهارده

مين كان يسدأ ان الجواز العرفي اللي كان بيعتبر فضيحة للبنت زمان لأنه مش مشهر

دلوقتي بأه علني وياريت المصيبة وقفت لغاية ولاد وبنات الكليات

المصيبة وصلت للأطفال

أطفال اعدادى ومراهقين الثانوي

وياريت في المحافظات الكبيرة زي القاهرة أو اسكندرية لأ

ده حتى في محافظات الموضوع ده كان فيها مش بس مصيبة ده كان جريمة فيها دم

طيب كده حطينا ايدنا على كارثة من الكوارث

هنسكت ولا هنكمل

هناقشها ولا هنسيب الاعلام المصري يناقشها بمعرفته=((

صحيح القانون المصري أخيرا اتحرك

لكن قانون الناس لسه مااتحركش:-$

ياترى توافقي ايدي على ايدك ونفتح موضوع نناقش الموضوع ده بشكل أوسع

ونجيب أصله وفصله

ونحاول مع بعض كلنا نجرب أسلوب جديد

أسلوب الدين أساس الدنيا

الدين الوسطي الكريم اللي بنى الدنيا وخلى البدو ملوك الأرض

ونناقش وصل حال بلدنا لكده ليه

الكل بيحاول يحل

لكن أنا وجهة نظري دور على أصل المشكلة وحللها كويس عشان حلك يكون صح

ياترى موافقة

بارك الله فيكِ اختنا شمس على هذا الطرح المفيد والمميز

واثني على رد احمد عمر فقد اوجز نقاط مهمة جدا تتعلق مباشرة بالموضوع

واسمحي لي ان اخبرك عن ما هو مؤرق بالنسبة لي ومن وجهة نظري الخاصه

انها العنصريه التي تجتاح الدول العربيه فعوضاً عن التمسك بالاسلام نتمسك بقشور فارغة تعيدنا للخلف الف خطوة

كلنا نعشق اوطاننا ولكن علينا ان نعشق اسلامنا وان يكون له انتماؤنا ثم لامتنا العربيه ثم لاوطاننا

فحب الوطن والاخلاص له والتفاني من اجله ايضاً عبادة

اقتباس:

---

المشاركة الأصلية كتبت بواسطة yara

مشكوره على الموضوع الجميل

وفعلآ فيه حاجات كتير فى حياتنا محتاجه للتغيير
انا شايفه انه فيه حاجه احنا اخدناها من الغرب واستخدمناها غلط وهى الشات
يعنى هما استخدموا الشات لتبادل الافكار والمعلومات والثقافات فى حين انه المصريين او مش بس المصريين و العرب كمان اكثرهم استخدموه غلط كل الى يعملوه اسمك وسنك بتحب ايه بتكره ايه وما اعتقدش انه الهدف من الشات كده اعتقد انه ده موضوع محتاج انه احنا ننظر له من منظور اخر
سورى طولت عليكى
وميرسى كتير على الموضوع

ان الله لايغير ما بقوم حتى يغيروا أنفسهم

---

أهي دي بأه يا يارا حلقة من نفس السلسلة اللي اتكلمت عنها دكتور منون

فساد الأخلاقيات

الشات سلاح ذو حدين

الحدالأول في خدمة الاسلام

والحد التاني في خدمة الشياطين


العجيب ان الشات المحترم عندنا اما شات اسلامي مية المية

اما شات سياسي بحت

طيب الشات الاجتماعي

معندناش

طيب والشات الثقافي

الثقافة عندنا نوع واحد لونه اسود ومهبب:-SS

ليه صديقة فاضلة
دخلت مرة على الشات بس حجرات أجنبية

كانت بتتفرج بس أصلها زي حالي الشات عندها عامل زي عفريت العلبة

لاقت الناس بيتكلموا في موضوعات هامة ومختلفة وثقافية

وعن طريق الصدفة جمعها الحوار مع شخص ياباني

سألته مباشرة تسمع عن الاسلام

قالها أيوه أعرف انه ارهاب

كلمته عن المسلمين وعن أخلاقياتهم استغرب جدا

وسألته ياترى لسه فكرته عن المسلمين كده

رد وقال لأ دلوقتي لازم أدور وأعرف مين همه المسلمين

@-)

بياكلوا رز ولبن بس مع اأصحابهم اللي عندهم قرون

الشات مشكلة مش قليلية كتير اتناقشوا فيها

لكن لسه الباب مفتوح عشان لسه الموضوع مااتحلش

ولسه السيبرات وقهاوي النت في بلادنا عمرانه بالشباب اللي بيروح بس عشان الشات

يارا

عرفتي الغلط فين ..هتسبيه؟ ولا هتكوني وراه وتحاولي تغيريه ؟

هتفتحي موضوع وتناقشي ده؟

لو هتعملي كده أنا أول واحدة معاكي =D>

يمكن ربنا يكتبها لنا في ميزان حسناتنا

ونلاقي حاجة يوم الدين تسترنا من عذاب الرحمن

نقوله يارب عملنا ده لوجهك الكريم

مستنية ردك

حياك الله أخي في الله

اقتباس:

---

ولى عوده للمناقشه

ان لزم الامر:)

---

ألزمت نفسك بالعودة دون أن تدري

اقتباس:

---

واخبرنا ايضا ع نبأ القوم فقال ان الله أمر باهلاك قوم كذا فقال الملك يا رب ان فيها عبدك فلان لم يعصك طرفه عين فيقول لهم -الرب جل ف علاه- فبه فبدأ!!

---

لحظات العمر تمر تمر بسرعة الضوء
من هنا فلنبدأ قبل أن يبدأ بنا احماء نار جهنم

يد على يد وعمل لوجهه الله تعالى

يراد به رضا الله

لنعين كل من يري خطأ على مناقشته لمعالجة مشاكل الأمة

لسنا عمر بن الخطاب رضي الله عنه وأرضاه

ان كنا دونه فلنلحق بخطا ركبه

قتل عمر في زمن من أشرف الأزمنة اغتالته يد الحقد على الاسلام

وكان في خير زمن

زمن الرسول محمد صلى الله عليه وسلم

ومن بعده زمن الصحابة الأجلاء رضي الله عنهم وأرضاهم

واليوم

نحن في زمن ندعو الله أن يرحم عباده
اليوم وجب العمل

قال ربنا عز وجل

ماكان الله ليعذبهم وأنت فيهم

رحمهم الله برجل هو خير من حملت الأرض

فلما لا يرحم ربنا أهل زماننا بعباد عرفوا الله وسعوا اليه

وهو الرحمن الرحيم التواب الكريم

جهاد الكلمة في سبيل الله

أقوى من جهاد الدم

كلمة حق
كلمة

تلقي في النار
وكلمة نترقي بها الى الفردوس الأعلى من الجنة

فهل تشاركنا في العمل

سأشارك كل من يبدأ في موضوع نقاشي يخص أزمة معاصرة

فهل تكون من أول المشاركين

بل هل تكون أول المتابعين

في انتظار ردك الكريم

أذاكر شوية :((وبعدين هرجع تاني

اقتباس:

---

المشاركة الأصلية كتبت بواسطة مصطفي

اية الحلوة دى يا ابو حميد

الموضوع جامد جدااااااااا

بس كبير حبتين؟!

---

الكلام مش كبير ولا حاجة هوه هوه باللغة العربية الفصحى ولا بالعامية

كل شخص بيعبر بطريقته

عن الحال اللي شايفه

في انتظارك تشاور وتقول ده مش صح

وتكون معانا

ماشي:)

اقتباس:

---

المشاركة الأصلية كتبت بواسطة طيف عابر

بارك الله فيكِ اختنا شمس على هذا الطرح المفيد والمميز

واثني على رد احمد عمر فقد اوجز نقاط مهمة جدا تتعلق مباشرة بالموضوع

واسمحي لي ان اخبرك عن ما هو مؤرق بالنسبة لي ومن وجهة نظري الخاصه

انها العنصريه التي تجتاح الدول العربيه فعوضاً عن التمسك بالاسلام نتمسك بقشور فارغة تعيدنا للخلف الف خطوة

كلنا نعشق اوطاننا ولكن علينا ان نعشق اسلامنا وان يكون له انتماؤنا ثم لامتنا العربيه ثم لاوطاننا

فحب الوطن والاخلاص له والتفاني من اجله ايضاً عبادة

---

قضية من أكبر قضايا عصرنا

هل نستطيع مجرد التفكير فيها

ولما لا

من بدعها هل هي الحكومات العربية

أم الاحتلال الخبيث حينما قسم العالم الاسلامي الى دويلات

قسم الفريسة الى أشلاء

تقاسم الكعكة الاسلامية

ونجح في مكيدته للاسلام

انجلترا فرنسا ايطاليا ألمانيا روسيا

والآن تحررنا ثم عدنا من حيث كنا

وعادت الكعكة تتشاطرها مخالب المستعمر من جديد

والغريب والعجيب أننا من نسن لهم أظافرهم لنشبوها في قلوبنا

عدنا للعصبية القبلية لذا عرف الغرب من أين تؤكل الكتف

انقسمنا وتباعدنا وتفككنا وصارت حرماتنا تنتهك ودماءنا تستباح وأراضينا تسلب

ولازلنا نسن لهم الأظافر

القضية أكبر من مجرد كلماتي

مصراوي كافيه ليس مجرد منتدى مصري يجمع المصريين

بل وطن صغير داخل الوطن الكبير جمع اخوة في الله

فهل بادر من يحمل لواء الحب في الله

من لديه الشجاعة ليسأل اخوته ما هي هويتك ومن هو أخوك ومن عدوك

من يستطيع المواجهة

هل تستطيعين يا طيف ؟؟؟؟؟؟؟؟

شمس الاصيل ..

حياك الله ..

الموضوع جميل جدا ..

ولكن فكره الاحتلال الفكري بالنسه لدول الغرب اكبرمما نحن نتصور فهذه هي الاشياء التي يسعون من اجلها لكي يتمكنو من العرب وهؤلاء الطغاه يريدون ان يقومو بمس كل عادات وتقاليد واحكام الدين الاسلامي خاصه وعادات وتقاليد العرب عمه من اخلاق وغيرها ..

ولي عوده بأذن لله ..
بس انا عاوز اعرف الموضوع منقول ولا ابتكار..
علشان نحطه من ضمن مواضيع الحمله لانه بجد موضوع مميز ..

بارك الله فيكِ اختي الغاليه شمس
وزادك قدرة على التعبير عما في خاطرك فانتِ تخطين بيدك ما قد نعجز عن التعبير عنه

اجيبك فاقول

قد --استطيع

وقد نستطيع
اليس عنوانك الذي اخترتيه ---نجرب مع بعض يمكن ---

بوجودك ووجود عقول نيَرة بيننا قد نستمر وننجح

ومن يدري ؟؟!! ربما

مشكورة جدا على المتابعه والاهتمام والتحليل

اقتباس:

---

المشاركة الأصلية كتبت بواسطة magman

شمس الاصيل ..

حياك الله ..

الموضوع جميل جدا ..

ولكن فكره الاحتلال الفكري بالنسه لدول الغرب اكبرمما نحن نتصور فهذه هي الاشياء التي يسعون من اجلها لكي يتمكنو من العرب وهؤلاء الطغاه يريدون ان يقومو بمس كل عادات وتقاليد واحكام الدين الاسلامي خاصه وعادات وتقاليد العرب عمه من اخلاق وغيرها ..

ولي عوده بأذن لله ..
بس انا عاوز اعرف الموضوع منقول ولا ابتكار..

علشان نحطه من ضمن مواضيع الحمله لانه بجد موضوع مميز ..

---

حياك الله يا ماجمان

رائع تعبير الاحتلال الفكري

لكن نعود من حيث بدأنا بيد من رشق الخنجر في ظهور ثقافاتنا العربية

هل هي يد الغرب

أم يد خائنة خرجت من وراء ظهورنا

هل تعلم تعبيرك هذا جعلني كالضائع وسط غابات متشابكة ملتفة لا نهاية لها

في انتظار عودتك

أما بالنسبة للموضوع فهو ابتكار

ونادرا ما ستجد لي موضوع منقول

أحترم المنقول اذا كان منه قيمة

ولا أشجع نقل الموضوعات من المنتديات الأخرى

لأن كثيرا منها يحمل فكرا مغلوط أو معلومات خاطئة

اقتباس:

---

المشاركة الأصلية كتبت بواسطة طيف عابر

بارك الله فيكِ اختي الغاليه شمس

وزادك قدرة على التعبير عما في خاطرك فانتِ تخطين بيدك ما قد نعجز عن التعبير عنه

اجيبك فاقول

قد --استطيع

وقد نستطيع
اليس عنوانك الذي اخترتيه ---نجرب مع بعض يمكن ---

بوجودك ووجود عقول نيَرة بيننا قد نستمر وننجح

ومن يدري ؟؟!! ربما

مشكورة جدا على المتابعه والاهتمام والتحليل

---

بل وجبت يا طيف

من رأى منكم منكرا فليغيره بيده أو بلسانه أو بقلبه وهذا أضعف الايمان

هكذا علمنا رسولنا الحبيب محمد صلى الله عليه وسلم

وعلمنا أن المؤمن القوي خير من المؤمن الضعيف

وعلمنا أن الأمة لن تضيع الا اذا ضعفنا

لذا يجب أن نكون أقوياء

ونحارب

لن نحمل سيفا

لن ننزع فتيل قنبلة نووية

بل لدينا ماهو أخطر

رصاصة الكلمة

وأنا معك

عملا خالصا لوجه الله

متيجو نجرب مع بعض يمكن

انا عنجد مش تحيز ولكننى اراه موضوع يستحق متابعه من كل الاعضااااااء

ومحتاجين نسمع اراء باقي الاعضاء عنه

اقتباس:

---

المشاركة الأصلية كتبت بواسطة شمس الأصيل

يارا

عرفتي الغلط فين ..هتسبيه؟ ولا هتكوني وراه وتحاولي تغيريه ؟

هتفتحي موضوع وتناقشي ده؟

لو هتعملي كده أنا أول واحدة معاكي =D>

---

مشكوره كتير على الرد والاهتمام
الغلط عرفته واكيد كلنا عارفينه
ربنا يعيننا على فتح الموضوح مش شرط انا او حضرتك او اى حد يفتح الموضوع
المهم يتفتح بجد وان الناس تهتم بيه
بس ان شاء الله احاول أفتح الموضوع واذا حضرتك سبقتينى مافيش مشكله المهم نفتحه ويكون مجال جاد للمناقشه
وميرسى مره كمان ومنتظره ردك علشان نشوف هنعمل ايه؟

يجزيكى الخير اختي وان شالله الله يقدرك وتعملي خير يا رب

اقتباس:

---

المشاركة الأصلية كتبت بواسطة طيف عابر

متيجو نجرب مع بعض يمكن

انا عنجد مش تحيز ولكننى اراه موضوع يستحق متابعه من كل الاعضااااااء

ومحتاجين نسمع اراء باقي الاعضاء عنه

---

ياريت تكون فيه مشاركة لأكتر من كده

لكن مش كفاية نشاور على الغلط نلازم نحاول نصلحه

والا نبأى ماعملناش حاجة

اقتباس:

---

المشاركة الأصلية كتبت بواسطة yara

مشكوره كتير على الرد والاهتمام

الغلط عرفته واكيد كلنا عارفينه
ربنا يعيننا على فتح الموضوح مش شرط انا او حضرتك او اى حد يفتح الموضوع
المهم يتفتح بجد وان الناس تهتم بيه
بس ان شاء الله احاول أفتح الموضوع واذا حضرتك سبقتينى مافيش مشكله المهم نفتحه ويكون مجال جاد للمناقشه
وميرسى مره كمان ومنتظره ردك علشان نشوف هنعمل ايه؟

---

لو وقتي يسمح كنت ففتحت لكل فكرة اتكتبت هنا موضوع وتابعته

أنا بدأت ياريت تكملوا وأنا معاكم بس نعمل حاجة

أتمنى حقيقي

يمكن نوصل لنتيجة تسعدنا

ونحس اننا نقدر نحرك جبل اليأس من فوق قلوب بنا

اقتباس:

---

المشاركة الأصلية كتبت بواسطة ساندرا

يجزيكى الخير اختي وان شالله الله يقدرك وتعملي خير يا رب

---

جزاك الله خيرا يا ساندرا

وياريت تبأى ايدينا في ايد بعض ونعمل حاجة مع بعض

انا طبعا من اكثر المعجبين بالموضوع ده لانه متجدد ومتولد ولو ذكرت قضية هاجيب منها عشرة لان مشكلة العالم العربي دلوقتي ان مشاكله ملهاش نهاية ولو احناعارفين نهايته كنا مسكنا فيها بايدينا واسناننا ولكن اين الطريق ولو هاديلكم نصيحة فانا هارجع لتوقيعي فعلا خطوة بخطوة هنوصل

اقتباس:

---

المشاركة الأصلية كتبت بواسطة مصطفى حمزاوي

انا طبعا من اكثر المعجبين بالموضوع ده لانه متجدد ومتولد ولو ذكرت قضية هاجيب منها عشرة لان مشكلة العالم العربي دلوقتي ان مشاكله ملهاش نهاية ولو احناعارفين نهايته كنا مسكنا فيها بايدينا واسناننا ولكن اين الطريق ولو هاديلكم نصيحة فانا هارجع لتوقيعي فعلا خطوة بخطوة هنوصل

---

لو كان سيد العالمين محمدا صلى الله عليه وسلم كان مبدأه كده

ماكناش النهارده موجودين

لكل عصر مشاكله

هل أيام محمدا صلى الله عليه وسلم كانت الدنيا أحسن

أبدأ

صحيح ماكانش عندهم قنابل نووية لكن عندهم اللي يناسب عصرهم في القوة

لو مسكنا مشكلة مشكلة هنلاقي العقدة اتحلت بس نبدأ للأسف عندنا يأس غريب

وكأن الأمل مات

رغم الرجاء في الله لاينقطع ولايموت

يا أخي الكريم مصطفى احنا محتاجين أكتر من توقيعك

احنا محتاجين حصان قوي سريع

مش حتاجين لا طيارة كنكورد ولا مكوك فضاء

احنا محتاجين سرعة معقولة وقوة

لا محلك سر ولا جري بدون خطة سليمة تحقق الهدف

شكرا ليك وفي انتظار كل أخ وأخت كريمة

عايزين يعملوا حاجة ينصروا بها نبيهم حقيقي

أستاذة شمس .. كتير أحيكي علي موضوعك الرائع و المميز
كلام باقي الاعضاء جميل و المشاكل اللي تطرقولها خطيرة و مهمة جدا
و لكن انا في رأيي ان سبب المشاكل اللي احنا فيها كلنا دي
حاجة واحدة .. لو حققناها و نفذناها حنحل بقية المشاكل


خلاص نسينـا نفسنــا .. نسينــا عادتنــا .. نسينــا تقاليدنـــا
نسينــا هويتنـــا .. بقينـــا تايهيين .. عايزين نوصل لبر الامان من غير ما نجدف
نسينـــا لغتنــا .. يقينــا مشوشيــن .. قفلنــا عنينــا و مش عايزين نفتحها و بنسأل عن الطريق

قفلنـــا مخنـــا و مش عايزيــن نفكــر .. دماغنــا بقت مشحونة بالهيـــافة
نظرتنـــا للأشيـــاء بقت بطريقة عقيمـــة .. القديم مش عايز يتطور
و الجديد نسي أصله و مش عايز يرجعله
الأقنعـــة انتشرت .. الضميــــر بقي مصطلح اتلغي من القاموس

الشرف و الأخلاص و الأدب و الأخلاق .. مصطلحات تعبر عن الضعــــف
تشبهنـــا بالحيــوانات و سعداء بالوضع دا .. بقينــا نقلد و نسينــا الابتكــار
الفشــل و الضيــاع مصطلحات رائجة و قويـــة
السرقــــة و النصب همـــا الأساس لتكـــون ناجــح

ليـــــــــه كل دا ؟!!
لإننــــا نسينــــاه .. لإننـــا اتلهينـــا
بقينــا ضايعيين من غيـــره .. عارفيين و ساكتين
و الدنيـــا عماله تليهي فينــــا

:: كل المشاكل دي حتتحل لو رجعنـــا تاني لربنا ::
و اتقينــاه و عملنا ألف حساب لليوم اللي مش حينفع فيه غير عملك
عارفيين و فاهميين و مطنشين .. و فيه كتير نسوا الموضوع دا

أعتقد إن المشكلة هنــا .. اننا بعدنا عن ديننــا و تعاليمه

:: آسف للإطاله .. بس دا الواقع اللي بنعيشه كلنــا في كل حته ::
:: و يا ريت نقدر نلاقي حل يرجع أمة محمد كلها لرشدها ::