المنصورة تانى علشان عيون شيخ البلد وخاله
رد: المنصورة تانى علشان عيون شيخ البلد وخاله
رد: المنصورة تانى علشان عيون شيخ البلد وخاله
رد: المنصورة تانى علشان عيون شيخ البلد وخاله
ان شاء الله الرحله القادمه بعد رحلة الفيوم ستكون للمنصوره بدعوه من شيخ البلد وخاله وانا اتحدث بلسانهم
((ولاهاتكسفونا))
مظنش
رد: المنصورة تانى علشان عيون شيخ البلد وخاله
أنا فرحانة قوي حضرتك
دي بلدي :)
حضرتك تعرف حد من المنصورة أو كدة غير شيخ البلد
أنا بجد فرحانة خالص :)
بس بجد حضرتك تعرف ناس من المنصورة أو كدة بجد :)
رد: المنصورة تانى علشان عيون شيخ البلد وخاله
رد: المنصورة تانى علشان عيون شيخ البلد وخاله
والله انتوا تنوروااااا المنصوره كلها
بس لازم تيجوا
رد: المنصورة تانى علشان عيون شيخ البلد وخاله
استني..سلمى..إنتي من المنصورة ..بجد :) أنا كمان منها :)أنا فرحانة قوي إنك بنت بلدي :)
شكرا لحضرتك يا أستاذ صباغ على الصور بجد جميلة قوي :)
رد: المنصورة تانى علشان عيون شيخ البلد وخاله
مشكور جدا استاذي على الصور الجميله جدا
فعلا اصبحت صورة متكامله عنها
بارك الله فيك وفي عمرك
رد: المنصورة تانى علشان عيون شيخ البلد وخاله
مشكوووووووور جداااااااااااا
علي المجهوووود الرائع
رد: المنصورة تانى علشان عيون شيخ البلد وخاله
بجد انا أول مرة اعرف ان المنصورة اجمل من طاميه
انا كنت متخيل ان اجمل بلد فى الدنيا طاميه
على العموم المنصورة منورة وحلوة بأهلها علشان خاطر شيخ البلد وسلمى وسما مصر وشوية ناس اصحابى كده...!!!!
رد: المنصورة تانى علشان عيون شيخ البلد وخاله
لا طبعا جميله المنصوره من الصور باينه بس ياريت تبقو تنزلو صور تانيه لطاميه لان شكلها رائع بردو
رد: المنصورة تانى علشان عيون شيخ البلد وخاله
اولاً لازم تحطو صور لطامية نزول لرغبة الدكتورة
ألف ألف ألف شكر أبى الغالي على الاهتمام والموضوع الرائع إللى حضرتك تفضلت وطرحته
وطبعاً حضرتك مش محتاج لعز ومات والكلام دة ونتشرف إن سعتك تطل علينا في اى لحظة ويا ريت
وان شاء الله الدعوى إلى مدينة المنصورة قائمة بعد رحلة الفيوم التي لا نعلم متى ستكون ولبيان مصداقية كلمتنا و قولنا وعشان إحنا بحب نجيب من الأخر ( حضرتك واخد بال حضرتك ازاى هههههههههه )
إليكم البرنامج المبدئي للرحلة
*التواجد صباح يوم الرحلة الساعة 10 صباحاً في مدينة المنصورة التوجه إلى منزل شيخ البلد لتقديم واجب الضيافة وعبارة عن وجبة فيطار من فول مطاعم البغل الشهيرة ( على فكرة دي مزار سياحي )
* بعد كدة التوجه إلى صلاة الظهر والتي ستكون ( بمسجد النصر الكبير )
في الفترة ما بين الظهر والعصر نقوم بزيارة دار ابن لقمان ( إللى طبعاً أتأسر فية لويس التاسع )
* ثم نتوجه قبل العصر بقليل إلى مسجد الشيخ ( حسنين ) وطبعاً مش نصلى فيه لان فيه قبر ؟؟ نصلى في مسجد النجار بمنطقة الجلاء .
* بعد صلاة العصر مباشرتاً هنرجع من شارع بور سعيد مروراً بشارع السكة الجديدة وشارع حسين بك ثم شارع المحاكم المختلطة ( شارع المختلط ) طبعاً للعلم منزل شيخ البلد بجوار المحاكم المختلطة مباشرتاً وعلية يكون الرست الأول في منزل شيخ البلد وفاصل مع واجب الضيافة و يشمل وجبت غداء عبارة عن مأكولات بحرية ( واوعا حد دماغه تروح لبعيد مأكولات بحرية أعنى سمك بولطي " شبار" وبوري ويمكن فواكة بحر بس عشان محدش يفكر في لا سمح الله الكابوريا أو استغفر الله العظيم الحنبرى والاستاكوزة ) ...
بعد صلاة العشاء إن شاء الله نتفرج على فيلا سان ستيفانو ( أو اسمها الشناوي أو المحلاوى تقريباً ألان ) و إللى ممكن نشفها من منزلنا لأنها أممنا مباشرتاً ونتفرج على النيل كمان بالليل من فوق السطح عندي في منتهى الروعة
*نشوف مكتب خدمة الري ( هيئة المساحة ألان ) وإللى طبعاً جنب البيت أيضا ثم نتجة إلى أول شارعنا عشان نلقى نظرة على مبنى محافظة الدقهلية ومن ثم نشاهد ميدان أم كلثوم ( 6 أكتوبر ) ثم النصب التذكاري للجندي المجهول وأيضا نشاهد مديرية الأمن القديمة . ومروراً بمسجد النصر مرة أخرى ثم تمثال رمسيس أخر ضيوف مدينة المنصورة القائمين و استاد المنصورة ( ونشرب حلبسة من عند الراجل إللى بيبع حلبسة )
* نتيجة مباشرتاً إلى أهم الأحياء في المنصورة وهو حي الجامعة وإللى معظم الصورة مأخوذة منه وجولة جميلة ظريفة في حي الجامعة ونتمشى شويا على الكورنيش ( نأكل ذرة ونشرب حلبة ) والمشاية الساعة ألان بعد هذه الجولة 11 مساءً وطبعاً يكون طلع عنينا كلنا باستثناء الأستاذ / احمد الصباغ ممكن نركب مركب في النيل نريح فيه شويا ( يعنى 10 دقائق تقريباً ) * نرجع من الجامعة نمر على كوبرى طلخا بتاع السيارات ( وطبعاً دا أثرى ) ومنه إلى موقف مدينة جمصة سوف نصل بأذن الله إلى مدينة جمصة الساعة 12.30 مساءً وهناك سيتوفر عدد 2 شقة احدهم رجال والأخر سيدات دا طبعاً لو في سيدات هتيجى .
* الاستيقاظ من النوم تاني يوم الساعة 7 صباحاً نقضى اليوم دا كله في جمصة إللى نفسة في حاجة يعملها ممكن ننام شويا العصر بعد ألغدا طبعاً ونصحا الساعة 7 – 8 مساءً نتمشى شويا في جمصة
* ننتقل إلى مدينة رأس البر مثلاً الساعة 12 مساءً وهنا نسهر حتى الصباح الباكر وستستمتعون ان شاء الله بمنظر شروق الشمس على لسان رأس البر ( واللسان هو المكان الذى يلتقي فيه مياة نهر النيل العزبة مع مياة البحر المتوسط المالحة ) وكما قال رب العزة سبحانة (وَهُوَ الَّذِي مَرَجَ الْبَحْرَيْنِ هَذَا عَذْبٌ فُرَاتٌ وَهَذَا مِلْحٌ أُجَاجٌ وَجَعَلَ بَيْنَهُمَا بَرْزَخًا وَحِجْرًا مَّحْجُورًا (53) سورة الفرقان . مع عودة سفن الصيد منظر فى غاية الجمال فا سبحان الله العظيم . والى هنا تمت طرح برنامج الرحلة كاملاً والموضوع مطروح للاضافة والتعديل وتحديد الموعد
يارب تكون الرحلة عجبتكم
سائلين المولى العلى القدير عز وجل إن يكتب لنا فيها الخير وجنبنا شرها وفتنتها .
رد: المنصورة تانى علشان عيون شيخ البلد وخاله
طبعا وبدون ادنى شك قمة الكرم
((كرم طائى نسبة الى حاتم الطائى اكرم العرب والذى يضرب به المثال على الكرم ))
ونبل الاخلاق والمروءه والشهامه والمجدعه والرجوله و... و..... و....... كثير الكثير منك ياشيخ البلد ومش شيخ بس لأ ده انت عمده وحكمدار وقائم مقام عالى رفيع ((انت باشا يا باشا))
فليس جديدا او مستغربا منك هذه الدعوه الجميله الكبيره الفخمه لزيارتكم فى بلدنا المنصوره
وانا على يقين ومتأكد انك ادها وادود وتقدر على اكبر واكثر من هذا فشكرا لك ولكل اهلى اهل المنصوره بالنيابه عن اعضاء مصراوى كافيه على هذه الدعوه الجميله التى من الصعب تحقيقها بمثل هذه الصورة التى قمت بشرحها لانها تحتاج لثلاثة ايام على الاقل وهذا صعب جدا على معظمنا وان كان المتيسر بأذنه تعالى هو يوم واحد ان امكن وهذا الكلام سابق لاوانه لان الحديث الان سيكون عن رحلة الفيوم التى تم الاتفاق فيما بيننا على ان تكون بمشيئة الله تعالى يوم الجمعه الاول من شهر ابريل نظرا للظروف الجويه وحتى يستعد الجميع ويشارك اكبر عدد ممكن من اعضاء المنتدى واصدقائهم واهلهم فى هذه الرحله
فأهلا وسهلا ومرحبا بكم فى مدينة الفيوم فى يوم
الجمعه الاولى من شهر ابريل بأذن الله
ومرة اخرى لك الشكر كل الشكر شيخ البلد الاخ العزيز الغالى ابن الغاليين عمر
رد: المنصورة تانى علشان عيون شيخ البلد وخاله
اولاً حضرتك الكرم والحجات إللى حضرتك تفضلت وقلتها والاستاد / ممدوح ابو على الطائى والحجات دى انا مش جيبها من برة حضرتك إللى ربتنا على كدة ولا اية ؟؟
وان شاء الله سوف يتم تنفيد البرنامج كما ورد ان شاء الله وبعد ازن حضرتك وسنراعى فى تحديد الموعد كافت ظروف السادة الاعضاء والله من وراء القصد
ابنك عمر
رد: المنصورة تانى علشان عيون شيخ البلد وخاله
الله الله الله تحفه بجد
انا عمرى ماشوفت المنصوره ماكنتش اتصور انها بالجمال والروعه دى
على فكره المحافظات كلها بقت كدا
بس إسكندريه اللى بدات تخيب عشان ال ..... الجديد أنته فاهمنى طبعا
يلا ربنا يسمحه بقى .
مرسى اخوى على الرحله الممتعه دى
Dama
