عايزة حد يفكر معايا

يا جماعة انا عندى مشكلة مش عارفة احلها
ياريت حد يحاول يحلها معايا
انا مرتبطة بقالى 3 سنين انا بحبه اوى وهو كمان دايما يقول انه بيحبنى وبالصراحة كل الناس اللى شافوه وشافوا تصرفاته بيوقولوا انه بيحبنى بس المشكلة انه بيحبنى بشكل غريب
يعنى مثلا مش بيرضى ينزلنى الجامعة خالص هو بيقولى عشان انا بخاف عليكى
ومش بيرضى يخرجنى ولا حتى مع مامتى وطول الوقت عصبى
وعلى طول بيوقولى اللبس ده لازم يوسع شويه مع انى لبسى عادى ومحجبة الحمد لله
لو هزرت مع ابن خالى اللى عنده سنتين بيغير ويزعل
لو كلمت وحدة صحبتى اكتر من ربع ساعة فى التليفون بيزعل ويتخانق
وعشان اروح اى مكان لازم اتحايل عليه عشان يرضى
وفى نفس الوقت هو بيخرج ولو اما بقله لاء مش تخرج بيقولى انتى مش هتمشى كلمتك عليا وارجع وقت ما يعجبنى ومش هتتحكمى فيا وكده
بس بالصراحة هو مش مخلينى عايزة حاجة كل حاجة نفسى فيها بيجبهالى ومش بيكلم بنات خاااالص وانا اتاكدت بنفسى بس المشكلة انى بدأت اتخنق من التصرفات دى فى الاول كنت فرحانة بيها لكن دلوقتى مش عارفة بقيت احس انه عايز يلغى شخصيتى
انا عارفة انه بيحبنى لانه مش بيقدر يبعد عنى حتى اما بزعل منه اوى بيكلم ماما كل شويه عشان يطمن عليا

انا مش عارفة اعمل ايه يااااااريت حد يقولى

ياحبيبة قلبى بدام هو بيحبك خلاص وكمان مش مخليكى نفسك ف حاجه يبقى خلاص متعمليش حاجه غير انك تقوليلو على التصرفات الى بدايقك وهو انشاء الله هيبطل بس على فكره شئ حلو انو يكون بيعمل كده انتى تطولى تلاقى حد يحبك زيه :D

هو بيحبك شكله بس بيغير اوى وعلى فكرة محدش بيغير على حد كدة غير اما يكون بيحبه اوى انا والله اغير مش من ابن خالها اللى عنده سنتين لا دة لو لسه مولود هههههههههه هو بيحبك بس معلش يعنى الاسلوب ممكن يكون بيئه حبه يعنى ايه متمشيش كلامك عليا اهو انتى كدة هتزعلى انما لوجابها بطريقه احسن تبقى حلوة بمعنى اصح البنات بتحب اللى يضحك عليها لو كان رضاكى مكنتيش زعلتى يضحك عليكى بكلمتين كدة القمر دة ميمشيش كلامه ويضحك الجميل زعلان انى نازل خلاص هنزل واجى بسرعه وهو ينزل يسهر لحد الفجر الكلام دة يعنى ومتزعليش والله هو بيحبك

بص هو كويس في كل حاجه بيحبك وبيجبالك كل حاجه انتي عاوزها وبيغير عليكي مع العلم ان في رجله مش بتغير اصلا ودي بيديق بنات كتير بس في حاجه لازم تفهميها غيرا من النوع دي اسمها كبت حريا لو انتي هتقدري تستحملي اوك غير كدا انتي بتظلمي نفسك اوي والاخت الي قالتالك هومع الايام هيتغير سوري مفيش حد بيعرف يغير اسلوبه انتي ممكن تحاولي تتكلمي معاه وشوفي رد فعله ايه مع العلم ان مش عشان بيجبالك كل حاجه يبقا هو احسن واحد في الدنيا لا في احسن منه كتير

السلام عليكم
انا عاطف
طلقت زوجتى بسبب غيرتها المبالغ فيها
الغيرة ان لم يكن لها سقف فتكون قاتلة
احترمت خصوصيتها ولكنها لم تحترم خصوصيتى
بالرغم من انه لم يكن هناك ما يستتر عنها
العمليه كانت نسبيه ان استتر عليها امر فيكون ليومين فقط حتى أتأكد انها غير متورطه فيه
وفى النهاية اتهمتنى باننى على علاقة بصديقتها سيئة السلوك
فى النهاية انا ارى ان ما بينكما جميل وكنت اتمنا ان تحبنى زوجتى مثلما تحبين انت حبيبك والدليل انك تحتملينه على الرغم من ان ذلك يكبدك معاناه نفسيه
وفقك الله والهمك الصبر
تابعينى فالعلاج عندى لحبيبك
حتى يقتنع ان العصفور لا بد ان يكون حرا حتى تستمتع بتغريده

والله ما بدرى
وين الرد بتاعى
مش لاقيه

ميرسى يا جماعة جدا على انكم مهتين بالموضوع وميرسى اكتر لردودكم الجميلة بجد انتوا احسن صحاب فى الدنيا
ويا استاذ عاطف انا هتبعك جدا يمكن يكون فعلا عندك الحل

يابنتى حرام عليكى تشتكى بجد
حد يلاقى حد بيغير عليه وبيحبه كده ويطلع فيه عيب
المفروض تنبسطى كده

اقتباس:

---

المشاركة الأصلية كتبت بواسطة THE_GAME

يابنتى حرام عليكى تشتكى بجد
حد يلاقى حد بيغير عليه وبيحبه كده ويطلع فيه عيب
المفروض تنبسطى كده

---

اوك كلامك معقول بس لو الغيرة دى بالشكل دة بتبقى مش كويسه
واحيانا بتبقى خانقه وجامدة انا الكلالام دة بجد حصل معايا
ومطقتش وكانت بتحبنى وكان النتيجة اننا انفصلنا
وبسبب الغيرة الزيادة
حاولى تتكلمى معاه وتصارحيه انه يغير من تصرفاته شويه
او يخف الغيرة شويه بس بطريقه لطيفه وربنا يسعدك

هو ده الحب(الغيرة) بس على رأي المثل الشىء اللي يزيد عن حده يتقلب لضده بس انتي لازم تقعدي معاه وتفهميه براحة مش بعصبية علشان لو حس ان الكلام ده امر طبعا هتحصل مشاكل لاسمح الله بدون سبب ويا ستي بتوع زمان بيقولوا اشتري اللي يحبك مش اللي تحبيه
ده مجرد رأي شاب مصري

بالعكس معنى انه بيغير عليكى انه بيحبك..لو هو مش غار عليكى وبينلك انه عادى انا واثقه اك هتضايقى.فهو واضح انه بيحبك..انتى بتقولى انه غار من طفل عنده سنتين ده عادى فى فعلا كده .ومش بس كده لو ليكى اخ هغير عليكى منه