البنت عايزة أيه " زجل لـ عصام الدين محمد "

البنت عايزه ايه

**********

البنت عايزه ايه

عايزه كل حاجة

حبيبها روش وبيه

وعنده كل حاجة

يخلص في هواه ويوفي

وعنده مال يكفي

وحياتها معاه تكون ايه

تشبه كدة الترفيه

رقيق كده زي الورد

ويحميها ولا بودي جارد

وياسلام لو واد وسيم

حياتها تبقي نعيم

اقل حاجة تعملها

تفرس بيه الحريم

ولو طيب شوية

تقول ما عندوش شخصية

ولو دايما معاندها

تروح تشتكي لوالدها

ولما يسمع كلمة أمه

تقول دلدول ابن امه

يعني لما تبقي زوجة

مش عايزاه بغيرها يحس

ولما ف يوم تبقي أم

عايزه ابنها ليها وبس

يعني انتي بقي ياجميل

عايزاه راجل تفصيل

الله يكون في عونه

م تاخدوه وهو نونو

ربوه انتوا علي اديكوو

وشوفوا ايه يرضيكوو

ولا أقولكوا انا عندي فكرة

ما تصبروا لحد بكرة

يمكن يخترعوا حاجة

عنوانها "لو محتاجة "

عندنا راجل تفصيل

قرب جرب ياجميل

بيغني لو عايزاه

وبيلطم ويقول آه

وبيعمل شغل البيت

ويربيلك الكتاكيت

ومقولكيش ده رومانسي

يعني معاه راح تنسي

قربوا عندنا يابنات

مين فيكوو هتقول هات

ده فيه مزايا كتير

وممكن يوصل لوزير

الموضوع كله اهو عاندك

وعمره ف يوم ما يعاندك

ولو بعد الشر عنك موتي

ما يعشي يوم كده بعدك

لأنك تقدري ياعنيه

تتحكمي في مدة الصلاحية

وتضمني مفيش واحدة غيرك

تاخد حاجة كانت في ايدك

***********************

خواطر زجلية لـ : عصام الدين محمد

ياااااااااااااااااااااااا اااااااااااه
من ايه دا؟
انت متضايق مننا ليه كدة؟:)
بس على فكرة اكيد كل بنت بتحلم برجل بيه كل الصفات لكنه مجرد حلم وفي الاخر بترضي بقليله :-S
وبعدين تعالى هنا انتو يعنى اللى ياعينى ملايكة؟ مش عايزين بنت كاملة من كله ايشي حلوة وعنيها مش عارفة ايه؟ تعليمها ايه؟.:((........................الخ
بس سيبك موضوع تحفة بس ماتجيش علينا اوى كدة:(
تقبل مرورى

عزيزتي ياسمين (قطقوطة )
شكلرا لمرورك الجميل وعلي فكرة انا جي عليكم حبا فيكم وقصدي يعني زي ما انتي قلتي نرضي بقليله اديكي شايفة القلوب متشحتفة وطيف المأذون اهو اختفي وده كله بسبب التكلفة وقله الخبرة والمعرفة ...
عشان كدة حبيت أوعي البنات اللي هم أحلي حاجة في دنيتنا وحياتنا من غيرهم مالهاش معني
عصام الدين محمد

ههههههههههههههههههههههههه ههه =))

موضوع لذيذ اوى بس زى ماقالت قطقوطه بالظبط واكيد لازم نرضى بقليلنا برده

تقبل مرورى

tota_memo اشكر لك مرورك الجميل ونورتيني ياتوته ودي مش آخر الحدوتة
عصام الدين محمد

ياااااااااااااااااااااااا ة البنات طلعت وحشة اوى كدة على فكرة البنت ملايكة ولازم تعرفوا كدة وبصراحة كلامك صح بس مش كل البنات كدة :D

عزيزتي queen 2010 بتقولي ان البنات ملايكة واحنا مقلناش حاجة لكن الملايكة فيهم ملايكة نعيم وفيهم ملايكة جحيم وانتم فيكم اللي كدة واللي كدة وحنا وحظنا بقي وبعدين انا بناغشكم مش اللي يحب حد يناغشه لكن ايه رأيك في الزجل نفسه كمقطوعة أدبية ؟

ياعصام انتا مخنوق مننا كدة لية وانا مش هاشترى من الصنف الا انتا بتبيعه دة لان لو دى مواصفات البنت فى الوالد دى اسفة مش هايكون راجل دا هايكون حاجة تانية ومرة تانية ياعصام بية براحة علينا شوية بس الموضوع كمقطوعة رائع بس دى اخر مرة هانقبل انك تتكلم علينا كدة

الأخت العزيزة لولي
تحياتي لمرورك الجميل وأكرر أن المقصود هو التوعية للبنات والسخرية من النوع الذي أشرت اليه والحمد لله انه مش كتير في بلدنا الغالية مصر ... مع اجمل تحياتي
عصام الدين محمد

هههههههههههههههههه تسلم والله على الموضوع ده

هههههههههههههههه طبعا الاخ كاتشو فرحان فينا

اوكى احنا هنعمل موضوع باسم الشاب عايز اية *جوليت *

ياااااااااااااالهوتى
انت شكلك شارب من البنات لما قايل بس
بس بردة مش كلهم كدة بلاش ظلم
وبعدين هو حد لاقى اليومين دول اهو البنات
بترضى بأى عريس والسلام
هههههههههههههههه
تسلم ايدك على الموضوع

ايوة فرحان واللى مش عاجبه يطق

هههههههههههههه انا مش عجبنى ومش هطق

ليكم يوم ياشباب هقعد افرح فية فرح

بس اصبروا ان الله يحب الصابرين

انا رايي زي مالرسول ص الله عليه وسلم قال تنكح المراه لاربع لحسبها ونسبها وجمالها فظفر بذات الدين تربت يداك اهم حاجه الدين لان الباقي فاني كذالك بالنسبه لاختيار الشباب زي مالسيده خديجه رضي الله عنها اختارت الرسول ص الله عليه وسلم لامانته وصدقه وفروسيته
والرسول قال اختاروا لنطفكم فان العرق دساس
وقال اياكم وخضراء الدمم
الموضوع اكب من نفصيل او غيره الموضوع توافق فكري ثقافي وعقلي وديني واخلاقي
تلك هي الزيجات التي يرض عنها الله ورسوله وليها لحق البنت تختار ده مش حياة يوم ايو يومين ديه حياة العمر كله وكذلك الشباب

اقتباس:

---

المشاركة الأصلية كتبت بواسطة الكاتشو

هههههههههههههههههه تسلم والله على الموضوع ده

---

شكرا أخي الكاتشو علي مرورك وتعليقك وآسف لتأخر الرد
اخوك عصام قمر

اقتباس:

---

المشاركة الأصلية كتبت بواسطة queen2010

هههههههههههههههه طبعا الاخ كاتشو فرحان فينا

اوكى احنا هنعمل موضوع باسم الشاب عايز اية *جوليت *

---

اختي queen2010

شكرا لمرورك الجميل ونورتي التوبيك وآسف علي التأخير في الرد .... أما بخصوص انه فيه حد فرحان فيكم فأنا لا أعتقد ذلك وانما هي مناغشة مش أكتر ... بكل الود تقبل تحياتي وخالص وأرق سلاماتي
اخوكي عصام قمر

اقتباس:

---

المشاركة الأصلية كتبت بواسطة الكاتشو

ايوة فرحان واللى مش عاجبه يطق

---

أخي الكاتشو
رفقا بالقوارير أخي العزيز د إحنا وهن فولة وانقسمت نصين وملناش غني عنهن ابدا
تقبل خالص تحياتي... اخوك عصام قمر

اقتباس:

---

المشاركة الأصلية كتبت بواسطة queen2010

هههههههههههههه انا مش عجبنى ومش هطق

ليكم يوم ياشباب هقعد افرح فية فرح

بس اصبروا ان الله يحب الصابرين

---

الغالية queen2010

ألف سلامة عليكي وعلي بنات حوا أخواتنا وامهاتنا وخالاتنا وعماتنا وحبايبنا
ولا تزعلي نفسك ... صحتك بالدنيا ... الموضوع ما يستهلش
بكل الود تقبلي تحياتي
اخوكي عصام قمر

اقتباس:

---

المشاركة الأصلية كتبت بواسطة lionhearted111

انا رايي زي مالرسول ص الله عليه وسلم قال تنكح المراه لاربع لحسبها ونسبها وجمالها فظفر بذات الدين تربت يداك اهم حاجه الدين لان الباقي فاني كذالك بالنسبه لاختيار الشباب زي مالسيده خديجه رضي الله عنها اختارت الرسول ص الله عليه وسلم لامانته وصدقه وفروسيته
والرسول قال اختاروا لنطفكم فان العرق دساس
وقال اياكم وخضراء الدمم
الموضوع اكب من نفصيل او غيره الموضوع توافق فكري ثقافي وعقلي وديني واخلاقي
تلك هي الزيجات التي يرض عنها الله ورسوله وليها لحق البنت تختار ده مش حياة يوم ايو يومين ديه حياة العمر كله وكذلك الشباب

---

أخي العزيز lionhearted111
بارك الله فيك ... أؤيدك في كل ما قلت .... نفعنا الله بعلمك ونصحك
بكل الود تقبل تحياتي
أخوك عصام قمر

يا عصام
يا أخويا
بس مش من امي وابويا
كلنا عارفين يا اخويا
يعني ايه صنف الحريم
يعني أمي يعني امك
يعني دول عايشين في دمك
يعني حب
يعني خوف
يعني قلب يكون دروعي
يعني يحمي م الظروف
يعني شجره
يعني ضله
يعني بستان
يعني فله
يعني لما احزن واعاند
القى روحها فيا طاله
يعني اخت
يعني خله
يعني غيمة في الحرارة
أو كشمس ف برد طاله
يعني حنه يعني جنه
يعني دكتور لو عندي عله
يعني بستان للأماني
تفرشه ورود وحنه
لو تعيش من غيرها ساعه
يبقى بيك العمر ولى
لو كلامي بعضه ناقص
كمل أنت وقولو يللا

الاخ العزيز thesniper
كلامك والله زين
يااخويا يانور العين
وانا عايز بس أوضح
من غير والله ما أجرح
وعايز البنت تلايمها
وتحط الأصول قدامها
ساعة ما تيجي تختار
حبيبها شريك حياتها
*************
وف آخر كلامي سعدت والله بردك
وياريت نص الأعضاء ياغالي يكونوا زيك
كان المنتدي انتعش بضي زي ضيك
أدعي وقول يارب والدعوة تكون من قلبك
أخوك عصام قمر

ههههههههههههههههههه بجد كلامك جميل بالرغم من انه يعتبر فيه توبيخ لينا
بس عجبنى الاسلوب اوى تسلم ايديك واكيد طبعا زى ما حضراتكوا
بتكتبوا فينا وبتفكروا فينا بالشكل ده احنا كمان
واخدين منكوا موقف جامد ولو اتكلمنا فيكوا هنقول اشعاااااااااااار وربنا يسهل بقة ههههههههههه
بس ياريت تسألوا كل بنت حلمها ايه وانتوا هتعرفوا قد ايه حلمها بسيط
بس اكيد فى بنات مفترية واحنا عارفين
وشكرا ليك على زجلك اللى فعلا عجبنى
تقبل مرورى

اقتباس:

---

المشاركة الأصلية كتبت بواسطة العاشقة المجروحة

ههههههههههههههههههه بجد كلامك جميل بالرغم من انه يعتبر فيه توبيخ لينا
بس عجبنى الاسلوب اوى تسلم ايديك واكيد طبعا زى ما حضراتكوا
بتكتبوا فينا وبتفكروا فينا بالشكل ده احنا كمان
واخدين منكوا موقف جامد ولو اتكلمنا فيكوا هنقول اشعاااااااااااار وربنا يسهل بقة ههههههههههه
بس ياريت تسألوا كل بنت حلمها ايه وانتوا هتعرفوا قد ايه حلمها بسيط
بس اكيد فى بنات مفترية واحنا عارفين
وشكرا ليك على زجلك اللى فعلا عجبنى
تقبل مرورى

---

الغالية العاشقة المجروحة
شكرا لمرورك الذي عطر صفحي بأزكي الرياحين ... وإحنا مش واخدين منكن موقف ولا حاجة
إحنا بنحبكم تكونوا محكمين القلب والعقل في الإختيار .... مش أكتر وبعدين ياستي حقكم علينا ما انتوا دايما تزعلوا واحنا للي نصالح..... أشكرك لجمال تعليقك علي الناحية الأدبية الزجلية في الموضوع ... بكل الود تقبلي خالص تحياتي
عصام الدين محمد " عصام قمر "

يا عم عصام دول حكايه
عاوزين كل يوم فيلم وروايه
لو قولتله احبك تقولك اجري وراي

تسلم ايدك عصام
دائما مبدع ومتالق ومتميز

بارك الله فيك وحفظك ورعاك

كلماتك واقعيه جدا
الناس انواع مختلفه
فى فعلا بنات بالطريقه دى
بس لو حتى فصلتهولها مش هيعجب
اهم حاجه الرضا بالنصيب
وعلى الرغم ان فى بردو بنات على العكس تمام
بس انت رؤيتك للنوع اللى اتكلمت عنه
رؤيه ثاقبه جدا
تسلم يارب عالكلمات الجميله

اقتباس:

---

المشاركة الأصلية كتبت بواسطة هشام اللول1

يا عم عصام دول حكايه
عاوزين كل يوم فيلم وروايه
لو قولتله احبك تقولك اجري وراي

تسلم ايدك عصام
دائما مبدع ومتالق ومتميز

بارك الله فيك وحفظك ورعاك

---

شكرا عزيزي هشام علي مرورك الجميل وتعليقك الرائع ويارب ما يحرمني من كرم أخلاقك....بكل الود تقبل تحياتي وخالص شكري وإمتناني
عصام قمر

اقتباس:

---

المشاركة الأصلية كتبت بواسطة اسلامى حياتى

كلماتك واقعيه جدا
الناس انواع مختلفه
فى فعلا بنات بالطريقه دى
بس لو حتى فصلتهولها مش هيعجب
اهم حاجه الرضا بالنصيب
وعلى الرغم ان فى بردو بنات على العكس تمام
بس انت رؤيتك للنوع اللى اتكلمت عنه
رؤيه ثاقبه جدا
تسلم يارب عالكلمات الجميله

---

إسلامي حياتي....
شكرا لمرورك الطيب علي صفحتي وتحليلك للموضوع أثار إعجابي... ربنا يوفقك في حياتك يارب
عصام قمر

أيوة عاوزينه تفصيل

حاجة كدة ظابطة يا جميل

عاوزينه على آخر صايحة

عاوزينه قابل التعديل

لو حاجة مش عاجبانا

أو حاجة فيه نقصانه

نعدل ونظبط حاله

للقطع الناقصة بديل

إن عاجبه عاش ويانا

مش عاجبه يروح ينسانا

بلا وجع دماغ وصداع

جيلنا منكو وطويييييييييييل

:-P:-P:-P:-P:-P:-P كلماااتــــــي عشان تحرمو بس :-P:-P:-P:-P:-P:-P:-P

:D:D:D:D

اقتباس:

---

المشاركة الأصلية كتبت بواسطة هناا

أيوة عاوزينه تفصيل

حاجة كدة ظابطة يا جميل

عاوزينه على آخر صايحة

عاوزينه قابل التعديل

لو حاجة مش عاجبانا

أو حاجة فيه نقصانه

نعدل ونظبط حاله

للقطع الناقصة بديل

إن عاجبه عاش ويانا

مش عاجبه يروح ينسانا

بلا وجع دماغ وصداع

جيلنا منكو وطويييييييييييل

:-P:-P:-P:-P:-P:-P كلماااتــــــي عشان تحرمو بس :-P:-P:-P:-P:-P:-P:-P

:D:D:D:D

---

عزيزتي هنا
الله علي كلماتك الحلوة... بجد عجبني إني ألاقي اللي يعلق علي الموضوع بالزجل..لأن الزجل بيخلي طعمه أحلي وأحلي من الكلمات النثرية... بس تسمحيلي أقولك إني أنا كلامي كان عن الصنف المدلع أوي من البنات اللي مش عايز يجبها البر ومش عاجبه أي حاجة... لكن الحمد لله أغلب بناتنا حلوين وراضين بالقسمة والنصيب ...لكن بردو اسمحيلي أرد عليكي بالزجل وياريت تبقي مساجلة ما بينا وبين الأعضاء كلهم :
مسا السعادة والهنا
علي عيونك ياهنا
بتقسي عشان عارفانا
ملناش عنكم غني
بقي عايزينه راجل تفصيل
وكمان قابل للتعديل
وله قطع غيار ياجميل
صدقيني ده هم تقيل
الله يكون ف عونكم جيل
وإن مكانش عاجبنا نروح
نشرب من كاسنا ونطوح
امال لو ف الوش نشوح
هتورونا بإيديكوا الويل
بقي عايزينه آخر صايحة
وتأنجشيه جاية ورايحة
والله لو واحد شخط فيه
هتبصي جنبك مش هتلاقيه
ياريته حتي جري هربان
ده من الخضة أغمي عليه
*****************
في إنتظار الرد
عصام قمر

قال راجل تفصيل قال
غنيتوا بقى الموال
وعملتوا حكايه كبيره
واحنا اللى ظلمنا الراجل والظلم ف بيتنا جبال
طيب ماانتو يارجاله
حالتكم والله حاله
عايزينها بيضه وشقرا
او سمرا واهى شغاله
وان كانت حلوه جميله
بتبص لغيرها تعاكس
وبتعمل فيها مشاكس
وتخون وتهون على قلبك لو حتى ب6 عيال
وتقولى تفصيل قال

كلمات زجليه جميـــــــله
سلمت يداك

عزيزتي أميرة بلا وطن
شكرا لمرورك الجميل .... أسعدتني كلماتك الزجلية.... وتسمحيلي أقولك:

الدنيا فيها وفيها
والخير والشر ماليها
بتقولي الراجل بيخون
ومراته عليه بتهون
طيب ياست العاقلين
الراجل بيخون مع مين
مش بردو مع واحدة خاينة
أختها عليها هاينة
وبتلومي عليه ف حقه
يوم ما يختار اللي تشاركه
هو حر ف قراره
بيضة سمرة ده إختياره
وإنتي عارفة ياست الكل
الإختلاف بيفيد الكل
وزي م قالوا ف الأمثال
كل فولة ولها كيال
************

بكل الود تقبلي تحياتي وأجمل أمنياتي .... في إنتظار الرد
عصام قمر