طيف عابر قلمها كان الامير
طيف عابرقلمها كان الامير
**********
القلم زى البندقية فى الميدان
يسطر الخاطر وهمس اللسان
هو ضميرك اخشي معاه من الرحمن
احنا هنرحل وحروفه هتفضل عنوان
**********
وقلمها كان غير كل اقلامنا
يسطر كلام اغلىمن كلامنا
وكانت تشجع وتشحذ هممنا
لا صورة ولا صوت منها سمعنا
قلمها فى منتدانا هو اللى جمعنا
************************
ملكة وعلى عرش المنتدى اتربعت
كأنها بالثقافة من الصغر اترضعت
يارب بالجنة لديك تكون فاز فتمتعت
ويجازى بالخير اللى صبرت واسترجعت
*********
قلمها كان زهرة عبيرها فى كل الحقول
ولما تختار الرائع تقول منقول
تفيد القارئ فتحترمها كل العقول
يارب عملها لديك يكون بالرحمة مشمول
********
اسلوبها يخليك برضاك تحترمها
بالتسامح حبت مواضيعها تختمها
يارب بعفوك ورحمتك تكرمها
*********
حقيقى قلمها كان اكبر من حكاية
وعاجز انا عن كتابة كل الرواية
ساعدونى ياللى عرفتوها من البداية
ويارب تكون الجنة مثواها فى النهاية
*********
زى الشمس ما منها النور والدفا
فالاخوة اخلاص وفيها الوفا
وقلمها زى القمر ضيه ما هيختفا
يا بخت من سامح وقلبه صفا
يارب تكون ممن غفر لها الله وعفا
***********
كانت بتكتب فى التو واللحظة
والحرف منها يقول ملاحظة
للخير تدل وليك دايما ناصحة
***********
ردودها بيها كنا بنفرح كتير
وللصباغ ومدكور الشكر والتقدير
فى حياتها ومماتها اتجمع الصغير والكبير
فهى الملكة وقلمها كان الامير
يارب تجازيها من خيرك اللى اكتر من كتير
**********
كلمات عماد الدين محمد
رحمك
الله يا طيف واسكنك الجنة
اللهم آمين يارب العالمين
