اسف ليه هو انت دوست على رجلى ؟؟

http://www.masrawycafe.net/upload/up...966f731ed0.gif



اسف لية هو انت دوست على رجلى؟؟؟؟؟؟؟؟؟

كانت نازلة على السلم والدنيا كحل ف وشها
وهو قابلها على السلم وقالها :

انا اسف


ردت وقالتله : على ايه هو انت دوست على رجلى من غير ما تقصد ؟!!


انا بتكلم على مين بقي ؟


دا سؤال مهم

انا بحكى على منى زكى وكريم عبد العزيز ف مشهد من فيلم اضحك الصورة تطلع حلوة


ايه بقي الموضوع ؟


اكيد اغلبكم شفتوا الفيلم ده
القصة انهم كانوا بيحبوا بعض جدا وبعدين فجاة سابها وخطب واحدة تانية




ولما عرفت الخبر كانت مخنوقة وهتموت لما شافها قالها : اسف ردت وقالتله : على ايه انت دوست على رجلى من غير ما تقصد ؟!!




ايه اللى انا عايزة اقوله من دا كله ؟


دا سؤال اهم






لما بتدوس على رجل واحد ف الشارع من غير ما تقصد
بيكون كافى ان احنا تقوله



اسف/ة

لكن لما تجرح حد بتحبه جرح كبير يا تري المفروض برضو
تقول نفس الكلمة السخيفة!!!



اسف/ة

وتقدرتقول بقى الاسف هيعمل ايه ؟
هيرجع الدنيا بمبى بعد ما بقيت كحلى مش عايزه اقول سوده كمان ؟


ولا هينسينا الايام والذكريات وكل الحاجات ؟
كل واحد فينا كم مرة جرح او هان حد بيحبه وبعدين رجع بكل سخافة وقاله اسف ؟


دا باعتبار ان الكلمة دى بتعوض الالم والليالى الحزينة اللى الواحد ممكن يعيشها لو اتجرح من حد بيحبه ؟




كام مرة اتجرحت او جرحت حبيبك ؟
امك او ابوك او خطيبك او خطيبتك او جوزك او مراتك او ابنك او بنتك او صاحبك او حتى اي شخص بجد ميستاهلش ده منك ؟؟
ورجعت وقلت


اسف !!

بصوا بقي

قدامنا حلين

يا اما نفكر مليون مره قبل ما نجرح


او ندور على تكفير للى عملناه غير الكلمة دى


لان ما ينفعش نساوى الدوس على الرجل من غير قصد مع جرح القلب

مش كدا ولا ايه.........؟؟



https://forum.masrawycafe.net/images/welcome.gifhttps://forum.masrawycafe.net/images/welcome.gifhttps://forum.masrawycafe.net/images/welcome.gif

عليكم السلام ورحمه الله
سهل اوى اننا نجرح انسان
بس الى صعب اوى اننا مش بنحس بالجرح غير لما بنجربه فعلا
طيب تفتكرى ايه الحاجه الى ممكن نقدر نعوض بيه الشخص الى ممكن نجرحه
ياترى فيه حاه كافيه يعنى؟

وتسلم ايديكى بجد على الموضوع الجميل ده

وعليكم السلام

هو اصلا لية الجرح من اصلة
ولو حصل لية بدل مانقول اسف لا مانكرروش تانى الغلط ابدااا
بجد فى اوقات كلمة اسف بتجرح اوى

شكرا ليك محمد بجد نورت موضوعى :)

السلام عليكم و رحمة الله و بركاته....

اولا بحييكى على طرحك للموضوع يا شيرى و احب اقولك ان طريقة عرضه بسيطة و دمها خفيف جدا:)...

ثانيا نيجى للرد على اسئلتك .. انتى بتسالى هل الدوس على الرجل يتساوى على جرح الاخرين و خصوصا ان كانوا قربيين مننا جدا؟ بالطبع هقولك لا و لا يمكن نساوى الاهانة بالدوس على الرجل بدون قصد لان الاولى بتبقى متعمدة و التانية بتكون انانية جوه الشخص اللى يا عاوز يتسلى يا عاوز يثبت انه افضل من الاخرين و هما مجرد حمقى او عقدة جواه بقى و لا ايه الله اعلم .. فبالتالى من وجهة نظرك ان كلمة اسف مش هتنفع و هتكون سخيفة.

مش عارف بس انا بختلف معاكى بصراحة و ده مش بسبب انى بحب كريم عبدالعزيز و حاسس انه مغلطتش، لا ده رايى الشخصى بصراحة -خصوصا انى شفت الفيلم مرة واحدة و معجبنيش اصلا، غير كده انا مبحبش كريم عبدالعزيز:-P- لان فى بعض الاحيان كلمة اسف بتكون فى بعض الاحيان لما بتخرج من القلب بتقول كل الاعتذرات اللى عاوزين نقولها للى قدامنا .. مع الوضع فى الاعتبار ان كلمة اسف كإعتذار مش كلمة سخيفة ابدا ان اتقالت بصدق خصوصا ان ناس كتير ميعرفوش يعنى ايه اعتذار، و غير كده ان كان اللى قدامى قريب منى و عارفنى كويس هيعرف انا بعتذر فعلا و عاوز اراضيه و لا مجرد عاوز ابان انى انسان كويس قدام غيرى و خلاص و انا اصلا حقيقتى غير كده!!!!

يمكن اكون غلط .. و يمكن اكون صح، بس الاهم ثقتى فى انى مبتصرفش غلط و عارف بعمل ايه علشان مش اهين غيرى و ان حصل ده فى يوم من غري قصد اكون شجاع و اروح اعتذرله و استسمحه و الاهم من ده و ده ان الطرف التانى مش يتبغدد و لا يتكبر و لا يذل اللى قدامه اكتر ما هو حاسس بالذل و الا كل شئ بيضيع ساعتها و بدل الحب و الاحترام بيتولد الكره و الاحتقار و اللى بيولد الرغبة المجنونة فى الانتقام الاعمى اللى اكيد بيولد مصايب و كوارث بعدها الكل بيندم عليها.

معلش قعدت ارغى كتير بس موضوعك عجبنى قوى .. ارجو انك تتقبلى رأيى و منتظر جديدك ان شاء الله...

دمتى بود...

محمود...

لا طبعا ولا طولت وحاجة واهلا بيك فى اى وقت
وبعدين الاختلاف فى الرئي لا يفسد للود قضية :D
بس انا مش معاك ان الاعتذار مهما كان كافى لان فى اوقات الاعتذار مالوش لزمة من الاساس :)
واهلا بيك وبمناقشاتك فى كل مواضيعى ويارب تنورنى دايما :)
وفى الفلم كريم غلطان بقى :-P

;;) =; ازيك يا مشمشتى
:) بصى يا ستى : الاعتذار عمره ما يداوى جرح
لأن جرح القلب و كسرة النفس أثرهم مميت للانسان المجروح ده و خصوصا لو عنده دم ــ و الله بجد مش هزار ــ
L-) الموقف البسيط بآسف و هىء و مىء و انتهت الحدوتة
L-)=((=(( انما تكسرنى و عاوزنى أصفالك بكلمة .. صعب
:-S كمان فى ناس بتستسهل آسف و تقول عديها بقى
أنا ساعات بعديها بس أثرها جوايا مش بيتمحى ( مش سواد قلب ) بس الواحد بتصعب عليه نفسه برده
;) رغيت كتير ؟؟ آسفة :-P:-P:-P
:)يلا بقى التوبك الجاى تعزمينا على فرحك:x
>:D<فى حفظ الله يا شيرى>:D<

بصراحه كل الردود الي الطرحت جابت خلاصت النوضوع
اتفق مع شيري في ان ليه نجرح الانسان من الاساس
طيب يا شيري لو حصل وجرحنا
اظن ان اسف تعني الكثير لمن يقدر معناها وطريقه قولها
وفي الغالب لا احد يعرف مابداخل الانسان الي الله سبحانه وتعالي
طيب لو جرحنا مافيش مانع انك تقول اس بس يكون معها موقف يداوي الجرح
اكيد انت هتكون علي علم كبير بهذا الشخص تعنله حاجه كان نفسه يعملها اوي
تحاول التقرب منه بفعل هو يحبه +(اسف)
طولت معلش

الموضوع بجد تحفة انا مع محمود في انا اسف ممكن تكون كفاية بس في اسف بططلع من قلبك بجد تخلي الي ادمك يحسها اما في اسف تانية عادية مش ليها اي معنا والجرح عمتن شي صعب خصوصا علي الي جاربوا =(( بس الاصعب انك تلاقي اقرب الناس ليك هو الي جارحك فبلاش الجرح ممكن نجرح حد من غير مانحس اننا بنجرح بس انا علي ما اظن انا مفيش حد بيجرح حد بيكون اصد معلش انا طولت عيكوا بس انتي السبب ياشيري موضوعك شدني اني اتكلم فية من كتر جمالة ميرسي علي الموضوع ياقمر:x

الموضوع جميل جدا .....
لكن أنا حينما أبدى أسفى لأنسان قد أكون جرحته
أفضل من أن أعلقه فى حبال الهوى ..
و لكن يا حضرة المشرفة ..شتان بين دهس القدم ..و جرح القلب ..
و لكن لماذا كل هذا التشاؤم ....
أريد أن أخبرك شيئا على ان تردى على .....
موافقه ...........




أحنا امتى بنجرح قلب بعض .....؟؟؟؟؟؟

على

انا معاكى شيرى ان كلمة آسف عمرها ما تدواى جرح
بس احيانا بتخفف من وقع الجرح ده وبالذات لو حسيتى وانتى بتسمعيها من اللى بيقولها انه ندمان واسف من اعماقه
ولكن عموما الجرح صعب اوى انه يتنسى لو مكنش مستحيل
وميرسى يا قمرايه على التوبيك الروعه دمتى مميزه
:-*:-*






http://img510.imageshack.us/img510/8...7449ebdha3.gif

اقتباس:

---

المشاركة الأصلية كتبت بواسطة botta

;;) =; ازيك يا مشمشتى

:) بصى يا ستى : الاعتذار عمره ما يداوى جرح
لأن جرح القلب و كسرة النفس أثرهم مميت للانسان المجروح ده و خصوصا لو عنده دم ــ و الله بجد مش هزار ــ
L-) الموقف البسيط بآسف و هىء و مىء و انتهت الحدوتة
L-)=((=(( انما تكسرنى و عاوزنى أصفالك بكلمة .. صعب
:-S كمان فى ناس بتستسهل آسف و تقول عديها بقى
أنا ساعات بعديها بس أثرها جوايا مش بيتمحى ( مش سواد قلب ) بس الواحد بتصعب عليه نفسه برده
;) رغيت كتير ؟؟ آسفة :-P:-P:-P
:)يلا بقى التوبك الجاى تعزمينا على فرحك:x
>:D<فى حفظ الله يا شيرى>:D<

---

لا حبيبتى ارغى زى ما انتى عايزة :-*
وانا معاكى ان الواحد حتى لو قبل كلمة اسف بيكون لسة مصفيش من جواه =((
ان شاء الله ادعيلى يا شوشو وهاعزمك ولما اشوف هاتيجى ولا لا منوره ياحبيبتى :x:-*

اقتباس:

---

المشاركة الأصلية كتبت بواسطة احمد حسين

بصراحه كل الردود الي الطرحت جابت خلاصت النوضوع

اتفق مع شيري في ان ليه نجرح الانسان من الاساس
طيب يا شيري لو حصل وجرحنا
اظن ان اسف تعني الكثير لمن يقدر معناها وطريقه قولها
وفي الغالب لا احد يعرف مابداخل الانسان الي الله سبحانه وتعالي
طيب لو جرحنا مافيش مانع انك تقول اس بس يكون معها موقف يداوي الجرح
اكيد انت هتكون علي علم كبير بهذا الشخص تعنله حاجه كان نفسه يعملها اوي
تحاول التقرب منه بفعل هو يحبه +(اسف)

طولت معلش

---

وانا معاك فى اننا واحنا بنعتذر نعمل حاجة او موقف تنسي اللى اتجرح ان كان فى حاجة اصلا
انت تنور فى اى وقت وطول براحتك :)

اقتباس:

---

المشاركة الأصلية كتبت بواسطة allloa

الموضوع بجد تحفة انا مع محمود في انا اسف ممكن تكون كفاية بس في اسف بططلع من قلبك بجد تخلي الي ادمك يحسها اما في اسف تانية عادية مش ليها اي معنا والجرح عمتن شي صعب خصوصا علي الي جاربوا =(( بس الاصعب انك تلاقي اقرب الناس ليك هو الي جارحك فبلاش الجرح ممكن نجرح حد من غير مانحس اننا بنجرح بس انا علي ما اظن انا مفيش حد بيجرح حد بيكون اصد معلش انا طولت عيكوا بس انتي السبب ياشيري موضوعك شدني اني اتكلم فية من كتر جمالة ميرسي علي الموضوع ياقمر:x

---

والله انتى اللى قمر وردك ورائيك جميل خالص
ويارب ماتشوفى جرح ابدا
منورة ويارب تنورنى دايما ياقمر :-*

اقتباس:

---

المشاركة الأصلية كتبت بواسطة thegohst

الموضوع جميل جدا .....

لكن أنا حينما أبدى أسفى لأنسان قد أكون جرحته
أفضل من أن أعلقه فى حبال الهوى ..
و لكن يا حضرة المشرفة ..شتان بين دهس القدم ..و جرح القلب ..
و لكن لماذا كل هذا التشاؤم ....
أريد أن أخبرك شيئا على ان تردى على .....
موافقه ...........

أحنا امتى بنجرح قلب بعض .....؟؟؟؟؟؟
اوقات كتير وحنا مش حسين ممكن اهمال ممكن بكلمة او معاملة سيئة او حتى الاستهتار بمن حولنا
اشكال كتير للجرح ;;)

على

---

بص ياعلى مش شرط اننا نجرح واحنا حاسين اننا بنجرح غير لما الطرف اللى قدامك يرفض جرحك ساعتها بس هاتحس بللى انت عملتة
يارب اكون وصلتلك اللى كنت عايزة اقولة
ومنتظرة رد زى ماقولت :)

بصراحة موضوعك تحفة بجد..........
انا بقة من وجهة نظرى انه لاوالف لا ...........
يعنى ايه تتسبب في عذابي وجرحى والمى وسهرى وتعبي وكمان اهانتى وتيجى عاوزنى اسامحك بكلمة اسف؟
ونرجع تانى عادى وكأن شيئا لم يكن ؟:-/
لا انا بقول كلمة اسف دى توفرها مالهاش لزوم :(
وانا اللى في الحالة دى هقوله اسفة انى عرفتك اصلا
تقبلي مرورى ياجميل

اقتباس:

---

المشاركة الأصلية كتبت بواسطة _Nada_

انا معاكى شيرى ان كلمة آسف عمرها ما تدواى جرح

بس احيانا بتخفف من وقع الجرح ده وبالذات لو حسيتى وانتى بتسمعيها من اللى بيقولها انه ندمان واسف من اعماقه
ولكن عموما الجرح صعب اوى انه يتنسى لو مكنش مستحيل
وميرسى يا قمرايه على التوبيك الروعه دمتى مميزه
:-*:-*

http://img510.imageshack.us/img510/8...7449ebdha3.gif

---

طبعا اوقات كلمة اسف بتخفف وتداوى جرح وفى
اوقات بيبقى فات الاوان عليها انها تتقال اصلا
وبجد الاجمل اننا مانجرحش اللى بنحبهم من البداية
وتسلميلي ياحبي لمرورك اللى زاد نور لموضوعى :x:-*

موضوع حلو قوى بس سعات بنجرح من غير ما نقصد
و سعات بيكون غصب عننا
بس صعب نقول اسف لانها بتكون سخيفه فى الموقف ده

اقتباس:

---

المشاركة الأصلية كتبت بواسطة قطقوطة

بصراحة موضوعك تحفة بجد..........
انا بقة من وجهة نظرى انه لاوالف لا ...........
يعنى ايه تتسبب في عذابي وجرحى والمى وسهرى وتعبي وكمان اهانتى وتيجى عاوزنى اسامحك بكلمة اسف؟
ونرجع تانى عادى وكأن شيئا لم يكن ؟:-/
لا انا بقول كلمة اسف دى توفرها مالهاش لزوم :(
وانا اللى في الحالة دى هقوله اسفة انى عرفتك اصلا
تقبلي مرورى ياجميل

---

اولا مرورك منورنى يا ياسو ياقمر انتى
ثانيا بقى ماتبقيش قاسية اوى كده ومافيش مانع اننا نعرفهم غلطهم
لان صعب حد يلاقى حد بيحبة ولا اية رائيك :-*

اقتباس:

---

المشاركة الأصلية كتبت بواسطة نونا الشعنونه

موضوع حلو قوى بس سعات بنجرح من غير ما نقصد
و سعات بيكون غصب عننا
بس صعب نقول اسف لانها بتكون سخيفه فى الموقف ده

---

فعلا معاكى حق
بس لازم نمسك نفسنا اكتر من كده وكفاية جرح
ونعيش حياه كلها بمبى فى بمبي
شكرا لمرورك يانونا ياقمر :x

تحياتى لكى شيرين
موضوعك له مضمون
بالصدفه برد على مواضيعى القديمه

جرح اللسان اقوى من جرح الابدان
لازم كل انسان يعمل وقفه مع نفسه
حتى لايجرح من يحبهم
بارك الله فيكى
اختك طله
http://alforqan2.com/vb/uploaded/9447_1251503320.gif

بصي يا شيري انتي بتطلبي المستحيل اننا منغلطش بس نحاول علي قد ما نقدر نخفف من الغلط وكلمه اسف عمرها ما كانت تزل الواحد
بالعكش بتحبب الناسيه وانك مش بتاع مشاكل ولا واخدها فتونه وان كلمه اسف يتقلل من شانك اجمل حاجه لما تعتذر والشخص التاني يتقبل اسفك
وانا اسف اني طولت مقبول ولا عاوزه شكل :D

اقتباس:

---

المشاركة الأصلية كتبت بواسطة طلة القمر

تحياتى لكى شيرين

موضوعك له مضمون
بالصدفه برد على مواضيعى القديمه

جرح اللسان اقوى من جرح الابدان
لازم كل انسان يعمل وقفه مع نفسه
حتى لايجرح من يحبهم
بارك الله فيكى
اختك طله

http://alforqan2.com/vb/uploaded/9447_1251503320.gif

---

والله معاكى حق
واهو الواحد بجد بيحاول يعدل من نفصة واللى قدامة
وربنا مايجيب جرح ابداا
تسلمى طلة لطلتك الجميلة :-*

اقتباس:

---

المشاركة الأصلية كتبت بواسطة ::::..ISLAM..::::

بصي يا شيري انتي بتطلبي المستحيل اننا منغلطش بس نحاول علي قد ما نقدر نخفف من الغلط وكلمه اسف عمرها ما كانت تزل الواحد
بالعكش بتحبب الناسيه وانك مش بتاع مشاكل ولا واخدها فتونه وان كلمه اسف يتقلل من شانك اجمل حاجه لما تعتذر والشخص التاني يتقبل اسفك
وانا اسف اني طولت مقبول ولا عاوزه شكل :D

---

ايوة نقلل من الجرح لان مع مرور الوقت كلمت اسف ولا ليها اى معنى ;;)
وبعدين اللى بيحب حد اكيد هايغير من نفسة ويبطل جرح حتى ولو بسيط
واسفك مش مقبول بقى شوفلك مكان تانى :D:-P