بتحبيه ؟؟ طب ليه بتعذبيه ؟؟؟

http://www.masrawycafe.net/upload/up...adaab890a6.gif



http://www.masrawycafe.net/upload/up...5d540029a5.gif





:) سؤالى النهاردة هو نصف الموضوع بس ، لأنى ان شاء الله هعمل له تكملة كمان كام يوم كده على ما نتناقش فى ده ــ لو تكرمتم عليا بردودكم ـــ أدخل فى الموضوع ..
;) الحكاية و ما فيها هى ان لما بيكون الطرفين ( الزوجين ) حد منهم بيحب التانى أوى و بيتعب عشانه كتير و الطرف التانى مستحلى كده و يعذب المحب ده ..
;);;) الكلام دلوقتى مع الزوجة :
:( أنا عارفة انك بتحبيه .. طب ليه تكترى طلباتك و ترهقى ميزانية البيت و بالتالى : مرتبك مش بيكفى مصاريف البيت اشتغل شغلانة تانية ؟
:( أو ليه تبصى لجارتك أو صاحبتك أو قريبتك و تقوليله اشمعنى فلانة عندها كذا و كذا و أنا لأ ؟
:( أو ليه عاوزة كل أسبوع تتفسحى و تصرفى على أكل فى مطاعم غالية عشان تانى يوم تحكى لأصحابك و تتمنظرى قدامهم ؟
=(( و غير كده حاجات كتير الزوجات بيعملوها و يتأذى منها الرجال و فى الآخر تعيط لما يحب عليها أو يتجوز عليها ( لو معاه يفتح بيت تانى ) و لو مش قادر هينكد عليها كل شوية و هى مش عارفة انها السبب فى ده كله =(( :(
:-/:-/ تفتكروا اللى بتعمل ده بتبقى مدركة انها كده بتخرب بيتها بالبطىء ؟؟
:-/ طب و لما يكون لها مطالب تعمل ايه و تطلب ازاى و لا بلاش تطلب أحسن و تيجى على نفسها ؟؟
>:D<;) طبعا منتظرة رأيكم
>:D<فى حفظ الرحمن>:D<

السلام عليكم ورحمة الله و بركاته....

منورة يا botta :D بقالى فترة مش شفتلك مواضيع ليه؟!!!!

المهم نخش على طول فى الجد...

انتى هنا بتتكلمى عن انانية الزوجة فى تعاملها مع زوجها .. و انها بترهقه و بتضايقه بطلبات كتير لمجرد انه بيحبها و هى بتقول بعد اما ينفذ طلباتها انها بتحبه!!!!!!!

اسمحيلى ليا وقفة هنا، ده مش حب .. ده استغلال من الدرجة الاولى، و احب اقولك انها بتبقى مش شايفة غير نفسها و بس للاسف و بتكون مدركة و واعية انها ممكن تسبب مشاكل لجوزها فى الاول خالص و ممكن تكون عارفة انه هيتداين و ممكن يطلب فلوس من اخوه او ابوه او اى حد غريب علشان يبسطها و بس .. لكن للاسف هى مع الوقت بتحس ان ده عادى مادام هو مش بيتكلم و ساكت و معتمد على انها مرة و لا حاجة و خلاص!!!!

للاسف فى بنات بيكونوا عايشين حياة مرفهة فى بيوت اهاليهم، و مش مدركين اهاليهم بيحرموا نفسهم من ايه علشان خاطرهم خصووا البنات -مع الاعتذار لكل البنات مش اقصد حاجة بس دى حقيقة- لان البنت بيتصرف عليها حتى و ان فضلت قاعدة فى بيت ابوها طول حياتها على عكس الولد اللى ممكن يشتغل و هو فى الاجازة الدراسية علشان يتعلم الاعتماد على نفسه طبعا .. فلما بتروح بيت جوزها فاكرة ان الحياة هتمشى بنفس الرتم و مفيش حاجة هتتغير ابدا و ده بقى عيب الام اللى مش فهمتها قبل الجواز يعنى ايه مسؤلية و لا قالتلها هى و ابوها كانوا بيصرفوا عليهم ازاى و بيتعبوا ازاى.

و برضه فى شق غلط على الزوج و هو انه مش اتفق معاها قبل الجواز و فهمها ان الظروف هتختلف و انهم لازم يحوشوا علشان الزمن و لازم لما يجيبوا اطفال يسعدوهم حتى و ان كانوا هيحرموا نفسهم و ... و .... و حاجات كتير جدا اكيد معروفة للشباب و البنات اللى مرتبطين او متزوجين هنا فى المنتدى.

ده كان الو سؤال .. بالنسبة للتانى تيجى على نفسها و لا لا، اممممم .. بصى علشان ابقى صريح معاكى دى مترتبة على الكلام اللى فوق و على اساس البنت بتتعظ و لا لا من اللى حواليها، يعنى احب اقولك اننا الحمدلله ربنا موسعها علينا و حالتنا المادية فوق الممتازة لكن مع ذلك ماما بالعافية بتفكر نفسها و لازم بابا اللى يقولها جيبى عبايات و خمارات ليكى و البسى جديد!!!!

يمكن ده بحكم سنها لانها ست كبيرة قربت على الخمسين فاللبس مش مشكلة و هى مش تعتبر بتخرج كتير لانها فى اجازة من الشغل حاليا و كل الستات الكبار على ما اظن بيتصرفوا كده برضه .. لكن الغريب والله انها كانت كده حتى و هى متجوزة و من على لسان بابا ربنا يديله الصحة: "ماما ما ساعة ما ربنا رزقنا بيكم و هى خلاص نسيت نفسها و بقيت بتفكر فيكم و فيا و فى شكلنا و حياتنا و بس، انما نفسنا لا".

بيتهالى انا رغيت كتير معللش متزعليش بقى بس انتى طرحتى الموضوع و فتحتيه للمناقشة و انا ناقشت اهو:):) .. و انا مبسوط لانى اول واحد رد عليكى:D:D

منتظر الجزء التانى ان شاء الله و ان كنت اظن انه هيكون عن الزوج المرة الجاية مش الزوجة صح؟ و لا انا غلطاااااان؟!!!!!!;):D

يلا دمتى بود...

محمود...

بصي شيماء الناس دي زي ما تقولي مش عاوز تعيش مع اللي عايشين معاهم فبيخربو علي نفسهم
يعني من الاخر غاوين يخرب علي نفسهم :D
والسلام عليكم ورحمه الله وبركاته:)

اقتباس:

---

المشاركة الأصلية كتبت بواسطة جلال عزت

السلام عليكم ورحمة الله و بركاته....

منورة يا botta :D بقالى فترة مش شفتلك مواضيع ليه؟!!!!

المهم نخش على طول فى الجد...

انتى هنا بتتكلمى عن انانية الزوجة فى تعاملها مع زوجها .. و انها بترهقه و بتضايقه بطلبات كتير لمجرد انه بيحبها و هى بتقول بعد اما ينفذ طلباتها انها بتحبه!!!!!!!

اسمحيلى ليا وقفة هنا، ده مش حب .. ده استغلال من الدرجة الاولى، و احب اقولك انها بتبقى مش شايفة غير نفسها و بس للاسف و بتكون مدركة و واعية انها ممكن تسبب مشاكل لجوزها فى الاول خالص و ممكن تكون عارفة انه هيتداين و ممكن يطلب فلوس من اخوه او ابوه او اى حد غريب علشان يبسطها و بس .. لكن للاسف هى مع الوقت بتحس ان ده عادى مادام هو مش بيتكلم و ساكت و معتمد على انها مرة و لا حاجة و خلاص!!!!

للاسف فى بنات بيكونوا عايشين حياة مرفهة فى بيوت اهاليهم، و مش مدركين اهاليهم بيحرموا نفسهم من ايه علشان خاطرهم خصووا البنات -مع الاعتذار لكل البنات مش اقصد حاجة بس دى حقيقة- لان البنت بيتصرف عليها حتى و ان فضلت قاعدة فى بيت ابوها طول حياتها على عكس الولد اللى ممكن يشتغل و هو فى الاجازة الدراسية علشان يتعلم الاعتماد على نفسه طبعا .. فلما بتروح بيت جوزها فاكرة ان الحياة هتمشى بنفس الرتم و مفيش حاجة هتتغير ابدا و ده بقى عيب الام اللى مش فهمتها قبل الجواز يعنى ايه مسؤلية و لا قالتلها هى و ابوها كانوا بيصرفوا عليهم ازاى و بيتعبوا ازاى.

و برضه فى شق غلط على الزوج و هو انه مش اتفق معاها قبل الجواز و فهمها ان الظروف هتختلف و انهم لازم يحوشوا علشان الزمن و لازم لما يجيبوا اطفال يسعدوهم حتى و ان كانوا هيحرموا نفسهم و ... و .... و حاجات كتير جدا اكيد معروفة للشباب و البنات اللى مرتبطين او متزوجين هنا فى المنتدى.

ده كان الو سؤال .. بالنسبة للتانى تيجى على نفسها و لا لا، اممممم .. بصى علشان ابقى صريح معاكى دى مترتبة على الكلام اللى فوق و على اساس البنت بتتعظ و لا لا من اللى حواليها، يعنى احب اقولك اننا الحمدلله ربنا موسعها علينا و حالتنا المادية فوق الممتازة لكن مع ذلك ماما بالعافية بتفكر نفسها و لازم بابا اللى يقولها جيبى عبايات و خمارات ليكى و البسى جديد!!!!

يمكن ده بحكم سنها لانها ست كبيرة قربت على الخمسين فاللبس مش مشكلة و هى مش تعتبر بتخرج كتير لانها فى اجازة من الشغل حاليا و كل الستات الكبار على ما اظن بيتصرفوا كده برضه .. لكن الغريب والله انها كانت كده حتى و هى متجوزة و من على لسان بابا ربنا يديله الصحة: "ماما ما ساعة ما ربنا رزقنا بيكم و هى خلاص نسيت نفسها و بقيت بتفكر فيكم و فيا و فى شكلنا و حياتنا و بس، انما نفسنا لا".

بيتهالى انا رغيت كتير معللش متزعليش بقى بس انتى طرحتى الموضوع و فتحتيه للمناقشة و انا ناقشت اهو:):) .. و انا مبسوط لانى اول واحد رد عليكى:D:D

منتظر الجزء التانى ان شاء الله و ان كنت اظن انه هيكون عن الزوج المرة الجاية مش الزوجة صح؟ و لا انا غلطاااااان؟!!!!!!;):D

يلا دمتى بود...

محمود...

---

:) انت اللى منوريا دكتور
:( فعلا اللى بتعمله الزوجة دى يبقى استغلال و أنا سميته فى عنوان الموضوع : عذاب ، لأنه ما يرضيش ربنا طبعاX-(
;) و عن نفسى فأنا فصلت خالص بين حياتى قبل و بعد الزواج لأن أكيد ظروف زوجى هتكون مختلفة عن والدى اللى عمره كله فى الشغل ، لكن الزوج طبعا مش له فترة طويييييييييلة بيشتغل
:) و فعلا كنت هكتب الجزئية دى و أنا بعمل الموضوع بس حبيت انها تيجى فى رد و دورى يبقى تعليق عليها بس
:):D بجد أحترم رأيك و تفكيرك العميق و طبعا الموضوع الجاى عن أخينا الزوج
>:D<فى انتظار تشريفك طبعا>:D<

اقتباس:

---

المشاركة الأصلية كتبت بواسطة ::::..ISLAM..::::

بصي شيماء الناس دي زي ما تقولي مش عاوز تعيش مع اللي عايشين معاهم فبيخربو علي نفسهم
يعني من الاخر غاوين يخرب علي نفسهم :D
والسلام عليكم ورحمه الله وبركاته:)

---

:) صح يا اسلام
:( لو الزوجة واعية للى بتعمله و عارفة انه غلط و بتعمله برده تبقى قاصدة تخرب بيتها بايدها=((
:( بس لو مش مدركة ده تبقى محتاجة لحد يفهمها و يرشدها
منـــــــــــــــــورنى طبعا>:D<

ربنا يهدي

ميرسي للموضوع الجامد:x

اقتباس:

---

المشاركة الأصلية كتبت بواسطة ريماس

ربنا يهدي

ميرسي للموضوع الجامد:x

---

ميرسى ليكى انتى لمرورك:x

صباح الخير يابوتا
احييكى على فكرة الموضوع
اللى خلاص كل الردود وضحته
بس لى عتاب على الزوجه
وعلى البيت اللى قام بتربية الزوجه
ولم يجعل من تربيتها زوجه صالحه
بل استغلاليه

انا مش حابه لقب زوجه لها
لانها من شروطها الرحمه
ولانها كده تعتبر صفقه
استنزاف فلوس مش شرط فيه ولا مفيش
تعبان ولامش تعبان
قادر يشتغل شغلانه تانيه ولا
المهم هات
وبالشكل دى عندها نقص
وياسلام لو كانت لها صديقه من نوعها
تخرب الدنيا
وللاسف مهما قام الزوج بتلبية طلباتها
مش حتشبع
وبالنسبه مدركه ولا مش مدركه
مش فاهماها
الصفه دى فيها ومش حاسه انها تعبه زوجها ومحملاه فوق طاقته
من الاخرالزوجه هى حب وموده واحترام
واحساس وتحمل مسئوليه
ليه رجعه تانى
بارك الله فيكى
اختك طله

أزيك ياشوشو موضوع مثير كعادتك
ندخل بقى فى الرد
أنا شايفه أن الأساس من تحت من البيت العالى
بيت الأب فين الأم اللى المفروض تنصح بنتها
والمصيبه الكبرى ا\ا كانت الأم كدة
ومن المفروض أن كل زوجه تتعايش مع ظروف زوجها
مهما كانت حتى لو كانت تعيش ملكة فى بيت أبيها
وأن كان الزوج مقتدر ماديا لاأرهقه بمطالبى اللى ملهاش لزمه
بل لابد أن يدرك مدى حرصى وخوفى عليه وعلى ماله
مش اللى تأخديه منه أحسن من عينه
ولا أنا بأمن مستقبلى كما يقال
وربنا يهدينا ويهدى نساء المسلمين أجمعين
:x:x:x

سعد زغلول: مفيش فايده:|:|

اقتباس:

---

المشاركة الأصلية كتبت بواسطة طلة القمر

صباح الخير يابوتا
احييكى على فكرة الموضوع
اللى خلاص كل الردود وضحته
بس لى عتاب على الزوجه
وعلى البيت اللى قام بتربية الزوجه
ولم يجعل من تربيتها زوجه صالحه
بل استغلاليه

انا مش حابه لقب زوجه لها
لانها من شروطها الرحمه
ولانها كده تعتبر صفقه
استنزاف فلوس مش شرط فيه ولا مفيش
تعبان ولامش تعبان
قادر يشتغل شغلانه تانيه ولا
المهم هات
وبالشكل دى عندها نقص
وياسلام لو كانت لها صديقه من نوعها
تخرب الدنيا
وللاسف مهما قام الزوج بتلبية طلباتها
مش حتشبع
وبالنسبه مدركه ولا مش مدركه
مش فاهماها
الصفه دى فيها ومش حاسه انها تعبه زوجها ومحملاه فوق طاقته
من الاخرالزوجه هى حب وموده واحترام
واحساس وتحمل مسئوليه
ليه رجعه تانى
بارك الله فيكى
اختك طله

---

:-* الله عليكى يا قمراية انتى
;) فعلا كلامك تمام التمام
:) خصوصا و ان أساس الزواج : المودة و الرحمة
:( و الأخت دى ماعندهاش خالص
>:D<ربنا يصلح حالك و أحوالنا كلنا
و يراضى بينا أزواجنا>:D<
طبعا نورتينى جدااااااا:x:-*

اقتباس:

---

المشاركة الأصلية كتبت بواسطة ام اسراء

أزيك ياشوشو موضوع مثير كعادتك
ندخل بقى فى الرد
أنا شايفه أن الأساس من تحت من البيت العالى
بيت الأب فين الأم اللى المفروض تنصح بنتها
والمصيبه الكبرى ا\ا كانت الأم كدة
ومن المفروض أن كل زوجه تتعايش مع ظروف زوجها
مهما كانت حتى لو كانت تعيش ملكة فى بيت أبيها
وأن كان الزوج مقتدر ماديا لاأرهقه بمطالبى اللى ملهاش لزمه
بل لابد أن يدرك مدى حرصى وخوفى عليه وعلى ماله
مش اللى تأخديه منه أحسن من عينه
ولا أنا بأمن مستقبلى كما يقال
وربنا يهدينا ويهدى نساء المسلمين أجمعين
:x:x:x

---

:) ربنا يكرمك يا سكرة
;) صح يا أم اسراء : التربية فى بيت الأب بتبان فى بيت الزوج
>:D<ربنا يوسع علينا و على أزواجنا>:D<
اتشرفت بوجودك يا حبيبتى:-*:x

اقتباس:

---

المشاركة الأصلية كتبت بواسطة Spirit Cafe*1*

سعد زغلول: مفيش فايده:|:|

---

مصطفى كامل : لا يأس مع الحياة و لا حياة مع اليأس;);)

ميرسي على الموضوع ده بس الست او البنت من حقها تلبس وتخرج بس مش على حساب سعادتها ومش لازم الفشخره قدام اصحابها ملف مرفق 2968

اولا انا عاوز اشكرك على التوبيك الجامد دة وبجد دومتى متألقة وندخل بقا فى الجد
مع احترامى لكل الناس اللى ردو على الموضوع دة واللى رددودهم كلها شبة بعضها انا رأيى مختلف عنهم تماما وبقولكم العيب فى كدة مش على الزوجة ولكن على الزوج (الخروف ) اللى بينفز كل اللى هيا عاوزاه من غير مناقشة دة مش يبقا حب ولا طاعة عمياء دة سورى بجد فى اللفظ دة دة يبقا هبل من الزوج وانا اسف كمان مرة لو فى اى حاجة فى كلام تضايق وبجد نايس توبيك يا قمر وتقبلى مرورى

اقتباس:

---

المشاركة الأصلية كتبت بواسطة prinses

ميرسي على الموضوع ده بس الست او البنت من حقها تلبس وتخرج بس مش على حساب سعادتها ومش لازم الفشخره قدام اصحابها ملف مرفق 2968

---

حبيبتى .. أنا معاكى انها تلبس و تتشيك
بس انتى قلتى انه مش ممكن يكون المقابل هو سعادتها
كمان مش لدرجة انها تبقى الحدوتة على لسان معارفها : شفتى فلانة لابسة ايه و منين و بكام
ربنا يهدى بقى>:D<
نورتينى يا قمرة:):)

اقتباس:

---

المشاركة الأصلية كتبت بواسطة mada.voot

اولا انا عاوز اشكرك على التوبيك الجامد دة وبجد دومتى متألقة وندخل بقا فى الجد
مع احترامى لكل الناس اللى ردو على الموضوع دة واللى رددودهم كلها شبة بعضها انا رأيى مختلف عنهم تماما وبقولكم العيب فى كدة مش على الزوجة ولكن على الزوج (الخروف ) اللى بينفز كل اللى هيا عاوزاه من غير مناقشة دة مش يبقا حب ولا طاعة عمياء دة سورى بجد فى اللفظ دة دة يبقا هبل من الزوج وانا اسف كمان مرة لو فى اى حاجة فى كلام تضايق وبجد نايس توبيك يا قمر وتقبلى مرورى

---

:) أخى الفاضل
:"> ممكن يكون الزوج غلطان لتلبية رغباتها
أنا معاك إلى حد كبير
بس اللى أقصده من التوبك ده إننا نناقش الغلط من مصدره
و مصدره هو الزوجة الحلوة دى :);)
>:D<يلا ربنا يهدى كل الزوجات عشان ما يعملوش زيها
و يوسع على الأزواج عشان يبحبحوها على نفسهم و بيوتهم>:D<
نورتنى بمرورك و رأيك و دايما تنورنى :)