بسم الله الرحمن الرحيم
لو كنتى موجوده فى باخرة تايتنك مثلا او السلام 98
وحصل لا قدر الله كارثة
اكيد او ناس هيتم انقاذهم البنات والأطفال
ولو فيه مثلا 5 اطواء نجاه فى الباخرة هيدوهم الاول للبنات
والاطفال ولو فيه مكان فاضى هيبقوا يفكروا فى الرجالة
!!!!!!!!!!!
هدوم الأولاد بتبقى جميلة جدا على البنات ولو بنت
لابسه مثلا بنطلون جينز او شوز رياضى او كاب او تيشيرت بتبقى
لها جاذبية خاصة وشخصية مميزة وكده
فى موضوع الهدوم ده وهو انها تقدر تدخل على هدوم
اخوها فى اى وقت
وده طبعا بالاضافه لهدمها البناتى
**-**-**-**-**-**-**
بالنسبة للولد بقى اعتقد ان هدوم البنات ماتنفعلوووووش
خالص ولو فكر يلبس فستان مثلا غالبا هيقولوا عليه عبيط
بالنسبة للمواصلات... فللبنات فرصة اكبر بكتييير ان
التكسيات تقفلها اكتر من الولد
وحتى فى الاتوبيس او المترو لو قالت عاوزه اعد جنب الشباك
عشان مخنوقة .. محدش قدر يعترض
لكن لو ولد قال كده هيقولوا عليه "دلوعة مامته"
فى المصالح الحكومية تلاقى طابور الستات
بيتحرك بسرعة 1/ساعة
وده طبعا معدل سرييييييع جدا بالنسبة لطابور الرجالة
وده غير ان طابور الرجالة ديما مبيقلش
عن 25-30 واحد
وطابور الستات تلاقى فيه 5-6 ستات
ومع ذلك الراجل دبيمشى واحد من هنا واحده من هنا
الولد لو خبط واحد وهو ماشى بالعربية
.. غالباً بياخد علقة للذكرى
اما لو ال سايقة بنت ... تلاقى الناس بتتعامل معاها
كأنها هى ال مخبوطه؟!
البنت لو مكتئبة ممكن تروح لكوفير أو تشترى
"صباع روج" لونه مبهج يفقع العين
وتقف قدام المرايا وتتأمل فى جمالها بعد ما عملت
شعرها وحطت روج
اما الولد لو عمل كده يبقى الإكتئاب لأسف
وصل لمرحلة جنون بشرى!!
أى بنت ممكن تعد على اى بلاج فى اى بيتش
اما الولد ممكن يعد على اى بلاج فى اى بيتش
ما عدا شاطئ السيدات؟!
البنت لو شافت نانسى عجرم فى الشارع ممكن
تروح تسلم عليها وتحضنها وتبوسها بوستين
اما الولد اعتقد مستحيل....!
البنت بتعد معززه مكرمه فى بتها ويتقدملها عرسان لحد عندها
وترفض براحتها لغاية ما تلاقى العريس ال يناسبها
اما الولد بتتطلع عينه عقبال ما عروسه تقبله
من الأخر بيطمرمط
