ممكن حد يحللى مشكلتى .......

أنا عارف مشكلتى ميحلهاش حد غير مجلس الأمن أو الأمم المتحده ..
أبدأ الموضوع ..
أنا عندى بنت خالتى بحبها جدا إلى حد إن بغير عليها لما بتكلم مامتها ..
حاولت أتقربلها وبعدين كلمتها والكلام ده وبعدين صارحتها بالحقيقة وقلتلها بحبك ..
وبعدين هى زعلت منى جامد وفضلنا فترة مبنكلمش بعض بسبب الموضوع ده ..
فضلنا حوالى 20 يوم وبعدين هى رجعت وصالحتنى وأنا بحبها أكتر من الأول ومينفعش أقولها بحبك تانى علشان متزعلش وهى أصغ منى بسنتين وأنا فى 3 جامعة دلوقتى وخايف لأنى قدامى سنين كتير على الزواج وخايف لتكون من نصيب حد تانى وأنا مش عارف أعمل إيه ..
يا ريت نتناقش فى الموضوع ده ..
واللى عنده أى يشاركنى فيه ..

يابنى ده مفيش اسهل من مشكلتك يعنى بنت خالتك وعارفها وقريبه منكم
اتكل على الله و اتقدملها رسمى او كلم والدتك تكلم اختها ف المضووع
لانها واضح انها محترمه وانت لازم تحترم مشاعرها كده

بوص هقولك حاجة ومتزعلش بس هى عادى اتاكد الاول انها مش بتفكر فى حد تانى ودة وارد اى بنت ممكن تكون مرتبطة عاطفيا وتكون معتبراك زى اخوها واوعا تعيش فى مرحلة الحب من طرف واحد لحسن هتتعب اووووى L-)L-)L-)L-)L-)L-)L-)L-)L-)L-)L-)

أقولك انتا تواجها الأول وتشوف اني في حد في حياتها ولا لا لو مفيش حد تقولها أنك عايز تخطبها بس لازم تتأكد الاول من عدم وجود حد في حياتها ولو كان فيه حد في حياتها حاول تحترم وجهه نظرها وتقولها أنك أخوها وتنسحب بهدؤ من حياتها وتتمني لها السعادة لانها بنت خالتك في النهايه _نصحيه أخيرة متكلمش حد من العليه غير لما تعرف موقفها أيه علشان عدم الاحراج _ويارب تكون أنتا من نصيبها بس متنساش تعزمنا علي الخطوبه والفرح أنشاء الله

انا رأى من رأى عمار
و اتكل على الله و فاتحها فى الموضوع و انا مستنيه عزومتى على الخطوبه

بص يابنى انت تروح لحد كبير زى مامتك او بابك وتقلة ودى حاجة مش عيب انت هتتكسف بس فى الاول بس عشان توصل للانت عاوزة متتكسفش اوك روح واحكلهم وسيب الباقى على الكبار هما هيتسرفو احسن منك وعندى حل تانى انك ممكن تقولها انك عايز ترتبط وتخطب والكلاام دة وشوف رد فعلها هيبقى ازاى وركز فى رد فعلها وربنا يوفقك وينولك اللى انت عاوزة بس انت توكل على الله

أولا : أنا متأكد إن مفيش حد فى حياتها 100 / 100
ثانيا : مينفعش أصارحها تانى ..
ثالثا : مينفعش أكلم حد أو أتقدم لخطوبتها لأن لسه قدامى كتير على الموضوع ده لغايت ما أخلص جامعه على الأقل ..
رابعا : حتى لو محصلش نصيب أنا أتمناها تكون أسعد واحدة طبعا ..
خامسا : أنا بشكركم على شعوركم الجميل ده .

اقتباس:

---

المشاركة الأصلية كتبت بواسطة نونا الشعنونه

انا رأى من رأى عمار
و اتكل على الله و فاتحها فى الموضوع و انا مستنيه عزومتى على الخطوبه

---

أكيد أول واحدة هتكونى إنتى .

طيب يا عاصم لما ينفعش تصارحها ومينفعش تتقدم ليها يبقي شيل الموضوع دا من دماغك وركز في دراستك وبعد كدة أكيد هيجي اليوم وتلاقي بنت الحلال اللي تحبك وتحبها وساعتها هتقدر تتقدم ليها وتتجوز وتعيشو في تبات ونبات وتخلفو صبيان وبنات _

اقتباس:

---

المشاركة الأصلية كتبت بواسطة عمارطه2009

طيب يا عاصم لما ينفعش تصارحها ومينفعش تتقدم ليها يبقي شيل الموضوع دا من دماغك وركز في دراستك وبعد كدة أكيد هيجي اليوم وتلاقي بنت الحلال اللي تحبك وتحبها وساعتها هتقدر تتقدم ليها وتتجوز وتعيشو في تبات ونبات وتخلفو صبيان وبنات _

---

يبدوا إن الموضوع هيرسى على كده ..
أدعوا لى ..

انت اول كلم خلتك عشان ميحصلش مشاكل بين ممتك و خالتك
صدقني عن تجربة

اقتباس:

---

المشاركة الأصلية كتبت بواسطة tmsd

انت اول كلم خلتك عشان ميحصلش مشاكل بين ممتك و خالتك
صدقني عن تجربة

---

أنا مقدرش أعمل حاجة دلوقتى فير بعد ما أكمل دراستى ..

بص انا هقولك حاجة واحدة هى لو مكنتش عيزاك او بتفكر فى الموضوع دة زيك مكنتش رجعتلك تانى بس هو تقل بنات بس اتكل على الله وفاتحها

المثل بيقول " إن خفت ما تقولش وإن قلت ما تخفش " وواضح إنك قلت ومخفتش .. قولي ليه خايف تاني فاتحها طالما قصدك شريف وعايز تتجوزها وأطلب منها تستناك وأوعدها بأنك مش هتعطلها عن دراستها وبعدين بمجرد انتهاء دراستك صارح والدتك وخليك حلو مع خالتك يعني بالكلمة الحلوة والهدايا والذي منه وفوق كل ده حاول تجيب تقدير كويس تثبت من خلاله إنك مجتهد وجاد في حياتك وبمجرد التخرج أسعي جاهدا للحصول علي وظيفة دخلها كويس يمكنك من اداء متطلبات الزواج وعلي فكره أنا بنيت الحل ده علي اساس انها مش رفضاك بدليل انها لما زعلت في المرة الأولي رجعت كلمتك يعني هي اعطت لنفسها وقت تفكر فيك كحبيب وزوج او انها فرحانة من الاول بس ده دلال علشان تبقي غالية عليك ومتقولش في نفسك دي مصدقت وجات بسرعة والخلاصة أكمل ما بدأت ولا تتردد

هى قالتلى لما صارحتها المرة الأولى قالتلى أنا مبفكرش فى حاجه زى كده مع أى حد وكان ردها خشن شويه ..

اقتباس:

---

المشاركة الأصلية كتبت بواسطة عصام الدين محمد

المثل بيقول " إن خفت ما تقولش وإن قلت ما تخفش " وواضح إنك قلت ومخفتش .. قولي ليه خايف تاني فاتحها طالما قصدك شريف وعايز تتجوزها وأطلب منها تستناك وأوعدها بأنك مش هتعطلها عن دراستها وبعدين بمجرد انتهاء دراستك صارح والدتك وخليك حلو مع خالتك يعني بالكلمة الحلوة والهدايا والذي منه وفوق كل ده حاول تجيب تقدير كويس تثبت من خلاله إنك مجتهد وجاد في حياتك وبمجرد التخرج أسعي جاهدا للحصول علي وظيفة دخلها كويس يمكنك من اداء متطلبات الزواج وعلي فكره أنا بنيت الحل ده علي اساس انها مش رفضاك بدليل انها لما زعلت في المرة الأولي رجعت كلمتك يعني هي اعطت لنفسها وقت تفكر فيك كحبيب وزوج او انها فرحانة من الاول بس ده دلال علشان تبقي غالية عليك ومتقولش في نفسك دي مصدقت وجات بسرعة والخلاصة أكمل ما بدأت ولا تتردد

---

ايف أفاتحها تانى وهى تكون مبتفكرش فى الموضوع ده نهائى مع أى حد زى ما قالت ..
وبعدين الرة ديه تبقى زعله منى للأبد . بس ده اللى خوفنى ومش مخلينى أفاتها تانى .

بص انا بنت و الحركات دى بنعملها كتيييييييييييييييييير
خليك شجاع و روح فاتحها فى الموضوع الفت ناظرها باى حاجه خليها تتعلق بيك
و صدقنى هيه بتحبك و المره دى مش هتزعل و لو حتى زعلت خليك حنين فى حقها
و صالحها و خليها تحس انك مهتم بيها قوى و انها اهم حد عندك صدقنى هيه الاساس و بعد اما تخلص دراسه فاتح مامتك و انشاء الله هتكون من نصيبك

اقتباس:

---

المشاركة الأصلية كتبت بواسطة نونا الشعنونه

بص انا بنت و الحركات دى بنعملها كتيييييييييييييييييير
خليك شجاع و روح فاتحها فى الموضوع الفت ناظرها باى حاجه خليها تتعلق بيك
و صدقنى هيه بتحبك و المره دى مش هتزعل و لو حتى زعلت خليك حنين فى حقها
و صالحها و خليها تحس انك مهتم بيها قوى و انها اهم حد عندك صدقنى هيه الاساس و بعد اما تخلص دراسه فاتح مامتك و انشاء الله هتكون من نصيبك

---

أنا هحاول أتقربلها تانى وأحسسها إنى مهتم بيها بجد ... بس يارب هى تحس بي .

انشاء الله هتحس بيك و هتكون من نصيبك

اقتباس:

---

المشاركة الأصلية كتبت بواسطة نونا الشعنونه

انشاء الله هتحس بيك و هتكون من نصيبك

---

لو حصل الكلام ده هيكون ليكى الحلاوة وادعيلى .