ايه الحل ؟؟ هل بجد او لا( بسرعه )

انا فى حيرة كبيرة جدا وفى سؤال دايما على بالى ؟؟؟؟





؟؟؟؟؟




هل من الممكن ان يرتبط شخص بانسانه من على النت ويكون بيحبها جدا زى ما بيقول لكن هى بتحبوا اوى اوى اوى

بس المشكله ان هما مستحيل يتقابلوا غير بعد 3 سنين او 2 اه محدش يستغرب دى اول مشكله

تانى مشكله والى مترتبه عليها الاولى ان الشاب ده عنده 21 سنه والبنت عندها 15 سنه

تالت مشكله هو من الفيوم وهى من بلد بعيده عنه جدااااااااااااااااااااا

رابع حاجه ان اهلها ميعرفوش واكيد لو عرفوا مش هيوافقوا لان داا جواز يعنى بيت واسرة ودا واحد ميعرفوش عنوا حاجه

خامس حاجه والاهم انها بتحبه جدااااااااااااااااااااااا اااااااااااااااااااا وبتموت فيه

بس هو دايما بيقولها انو بيحبها وهيرتبط بيها اول ما يخلص وكده بس لما قال لوالدته هى رفضت خالص بس قالها

ان هو الى هيرتبط مش والدته يعنى ممكن يجى يخطبها من اهلها لوحده من غير والدته

اكيد انتو فهمتوا انا عايزة ايه وقصد ايه


بس اعرف الرد ارجووووووووووووووكم ساعدونى

لان واحده صاحبتى وعزيزة عليا جدا فى الورطه دى ومش عارفه تعمل ايه ولا انا عارفه اساعدها

نسيت اقولكم ان هو فى كلية وهى لسه فى 1 ثانوى وهو فى اخر سنه وكمان بيتكلموا بالساعتين والتلاته على الايميل وكل حاجه بيقولها عليها بتنفذها
بس يعنى الحجات دى كلها كويسه يعنى متلبس بناطيل لانها حرام تلبس جيبات تنتظم فى الصلاة تحسن علاقتها مع والدتها واخواتها
بلاش تعمل كذااااااا--------------- وكذا---- وهى بنفذ كل ده قبل ما يقولها انو بيحبها وهى كمان يعنى قبل اصلا ما تحس من جهته باى حاجه ولا هو

99% من الموقف الى بتحكى عليه حصل بالظبط مع اختلاف البلد
لولا انك قلتى الفيوم انا كنت ابديت اشك بصراحه
بس مش مهم حصل مع مين
بس هقولك بقى على الى حصل لان برضه كان كل واحد من بلد يعيد عن التانى

هو جاب موبايل والدها وكلم والده فى الموضوع ووافق
ولما والده كلم والدها ف التلفون طبعا
والدها رفض بكل الطرق
رفض نهائى بدون تفااااهم


اقولك على الاسباب الى خليته يرفض
ومن المتوقع والله اعلم انها تحصل مع زميلتك دى لو الموضوع اتطور

البلاد بعيده ودى اكبر مشكله
انهم اتعرفوا من النت
لسه بيدرس
البنت لسه صغيره والقانون ف مصر بيبقل جواز من سن 18
يعنى هيقعدوا 4 سنين ولا حاجه مخطوبين

تفتكرى يتعذبوا دلؤتى احسن ويسيبوا بعض وانا عارف انه صعب اوى :(
ولا يخاطروا ويكملوا ويفاتح اهلها دلؤتى يا اما بلاش
بس هيتعذبوا فى الاخر برده لانهم هيبقى زى المتعلقين ف الهوااااا=((

بصي يا جميله الافضل لصحبتك انها تقطع علاقتها نهايي بهذا الشاب لانها لسه صغيرة ومتعرفش أيه هو الحب هو بالنسبه ليها مش أكتر من أعجاب من شخص مهتم بيها وبيقولها أعملي كذا وكذا من غير حتي ما يتقابلو ولو مرة واحدة وجها لوجه تفتكري دا حب دا بيبقي أعجاب مش اكتر لان الحب الحقيقي بيتولد في النور وقدام الدنيا كلها مش في الضلمه ومن وراء الشات والانترنت وبعدين هي لسه قدامها دارسه ومستقبل المفروض انها متعذبش نفسها وتعيش في وهم أيو وهم انه يجي يخطبها من غير أهله فما أعتقدش أني أهلها هيوافقو طبعا _فليه هي بتعذب نفسها وتعيش في وهم أسمه الحب _دا طبعا رأي الشخصي وكل واحد له رأي _فاريت تقولها اني هي تنسي هتتعذب شويه في الاول وبعدين هتنسي أفضل من أن تفضل عايشه في عذاب علي طول _لان نهايه حزينه أفضل من حزن بلا نهايه

اه هى فعلا حاولت تنساه فترة وهو كمان لما هو فاتح اهلة وموافقوش وصلوا انهم ينسوا كل شئ بس لا هو قدر ولا هى قدرت تفتكر ان ده ميكونش حب؟؟؟ظ بس هى فعلا حاسه انها بتحبه جدا

وميرسي لرايكم كلكم وشكرا ليكم

تفتكرى يتعذبوا دلؤتى احسن ويسيبوا بعض وانا عارف انه صعب اوى :(
ولا يخاطروا ويكملوا ويفاتح اهلها دلؤتى يا اما بلاش
بس هيتعذبوا فى الاخر برده لانهم هيبقى زى المتعلقين ف الهوااااا=((
هو ده فعلا الى محيرها يسيبوا بعض ولا يكملوا وفى النهايه برده يفترقوا
حاجه فعلا تحير يا game
وميرسي لمشاركتك

على فكرة يا جماعه هى بتكلمه فى التليفون وكده بس هى عمرها ما لقت منه اى حاجه وحشه .......... يمكن ده فى الاول يعنى علشان يوهمها بحبه ولا ايه بس كل الى جارحها انها بتحبه جداااا جدا وهى لحد دلوقتى مش عارفه هو بيحبها او لا مع ان هو قالها انو بيحبها بس هى متردده جدا

على فكره الحل دلوقتى فى ايد اللى بتحبه لان هى عملت اللى عليها بحبها ليه والحل ان هو يستنى لما يخلص كليته وبعدها يفاتح والده تانى فى الموضوع واظن لو كان فعلا بيحبها هيعمل المستحيل عشان متروحش منه لحد تانى واعتقد ان مشكله ان هم بعاد عن بعض دى مش مشكله فى الاساس لان الناس بتجوز من تانى دوله يبقى مش هيعرفوا يجوزا من بلد واحده ؟؟؟؟؟؟؟!!!!!

على فكرة كل ملواحد يحاول يغير رئيوا عن الحب وياخدوا بصورة احلى تطلع ناس وتكرهوا فى الحب عمارطة مش علشان انت كبير وفاهم الحب تحطم قلب ببنت علشان حبت ومش معقول 15 سنة ومش لسة فهمة الحياة مشية ازاى ودة رئيك طبعا وانا احترم ر ئيك جدا واشيلوا فوق راسى بس 15 سنة مش قليل علشان تعرف انها بتحب شخص ولا لاء ياريت يا جميلة المغرورة تحاولى تفهميها بئراء اعضاء وسيبلها طريق تفكير من غير منتى تطغطى عليها وهيا اكيد هتفهم وهتاخد الموضوع صح واسفة ااذا كان كلامى قاسى بس انا بقول الحق وشكراا وائراء الاعضاء قبل رئى وانا بحترم كل رئى بجد بس بلاش كلام انت لو فى موقفها مكنتش هتقول كدة

أوكي يا كوين أنا مش بكرة حد في الحب ولاحاجه ذي ما أنتي فاكرة أنتم يا بنات اللي مش فهمين أيه هو الحب أيه هو الحب من وجهه نظرك يا كوين اني واحد يقولك أنا بحبك من غير مايشوفك ولا حتي يعرفك مجرد كلام يقوله يبقي خلاص كدة بيحبك _وبعدين لما يلاقي واحدة تانيه يقولها نفس الكلام وخلاص وهي تفتكر أنه بقي خلاص بيحبها وميقدرش يعيش من غيرها أنا مش بتكلم عليكي أنتي يا كوين أنا بقول الكلام دا للبنات اللي مش فاهمه أيه هو الحب _ الحب مش مجرد كلام يتقال الحب أكبر من كدة بكتير _الحب مشاعر وأحسايس وتضحيه وأفعال واللي يحب بجد بيعمل المستحيل علشان خاطر حبيبته مش يقعد يقولها في كلام وخلاص _ولا أنتي رأيك أيه يا جميله _في الكلام دا

انا رايى انك تبعدى عن الموضوع ده خالص وتحاولى تنسيه انتى لسه صغيره.لو اتعلقتى بيه اكتر من كده هتتعبى .ونصيحه بجد منى ابعدى عن النت ده خالص واللى بيحصل فيه..وخدى بالك ممكن اصلا ميكنش حب ومنه صدقينى انا مش بقولك كده عشان تبعدى وخلاص انا بس بقولك خدى بالك لا ن ف شباب كتير ع النت كل متعهم انهم يتسلوا ع البنات وف الاخر صدقينى مش هتلاقى حاجه انتى اللى هتخسرى حتى لو كنتى حبيته بجد ف انا اقصد انك تاخدى بالك.ولو انتى شايفه الظروف صعبه وانكم مش هينفعوا ترتبطوا يبقى خلاص الموضوع ينتهى من دلوقتى احسن وانا شايفه انك هتقدرى.. سنك ولسه كمان هتدخلى حياه جديده بعد كده وهتقدرى تنسى.ولو هو فعلا بيحبك اكيد هيبقى عايز مصلحتك وهيخاف عليكى

ميرسي لارائكم يا جماعه وعلى مساعدتكم

صح يا عمار هو فعلا افعال واحاسيس ومش كلام بس
بس هو فعلا عمل كل حاجه مع اهله بس هما معترضين جدا جدا جدا على كل حاجه سنها اهلها وكمان متعرف عليها من النت ...... فاهمنى طبعا
بس هو كده مفيش قدامه غير لما يخلص ويفاتحهم تانى وهما لسه مع بعض بس هى مش عارفه تقطع علاقتها بيه لحد ما يخلص ويقنع اهله
ولا تكمل معاه وبعدين اهله ما يوافقوش ويفترقوا ويبقي صعب عليها انها تنساه يعنى هما وصلوا انهم يكملوا لحد النهايه ويشوفوا ايه الى هيحصل بعد كده يعنى-

بصى يا حبيبت قلبى ده مش حب و اسألى مجرب انا كنت فى فتره كنت موهومه انى بحب واحد و كان نفس القصه دى كان مهتم بيا قوى و مهتم انه يقولى اعملى كذا و متعمليش كذا و كان الموضوع جد جداااااااااااا و كنت انا مسافره بره مصر و كنت اول اما هاجى هيتقدملى و الفرق الوحيد بينى و بين صحبتك ان مامته كانت موافقه و كانت فرحانه جدا جدا بس انا ما قدرتش اعيش فى الضلمه كتير و روحت صارحت ماما و ماما انسانه متفهمه جدا و طلبت منى انى اقطع صلتى بيه و فعلا قطعت صلتى بيه و صدقينى كان صعب جدا فى الاول بس دلوقتى عايشه حياتى كويس جدا و نسيت الموضوع
طب اقولك على حاجه كمان انى لما نزلت مصر عرف يوصلى و كلمنى و طلب منى انى احدد معاد مع بابا علشان يتقدملى و انا رفضت لانى اتأكدت انى مش بحبه و انه كان مجرد اعجاب بحد مهتم بيا بحد عجبتنى طريقه تفكيره و تصرفه بس مش اكتر يعنى مش حب

بس يا نونا هى فعلا بتحبه مش معجبه بيه بتحبه اوى اوى كمان هى اهم حاجه ولدته دى مش موافقه خالص وهى خايفه تحكى لولدتها تقولها اقطعى علاقتك بيه وهى متقدرش تعمل كده لانها بتحبه بجد بجد بجد مش مجرد اعجاب صدقينى بتحبه اوى وهو قالها انو اول ما يخلص هيفاتح اهله تانى فى الموضوع ويحاول يقنعهم وربنا يعمل الى فيه الخير بس هى فعلا بتحبه يا نونا

اوكى يا عمارطة انا اسفة جدا والبنات مش فهمين حاجة خالص فى الحب سبنلكم ياشباب تعريف الحب ونشوف بقا هتعملوا اية

براحه بس يا كوين متنفعليش اوى كده يا جميل

سوري يا جماعه تقريبا الأخت كوين زعلت مننا طيب قولي ليها حاجه يا جميليه وأحنا بنتعذر ليكي يا كوين مرة أخري _وبعدين مين قال البنت مش بتفهم في الحب بالعكس أنا قولت قبل كدة ان البنت لما بتحب بتحب بجد وبتخلص في الحب أكتر من الولد بس ذي ما قولت بردة بيبقي غصب عنها ممكن تفضل تحب وتلاقي الغدر من اللي حبيته أو ينتهي حبها نهايه غير سعيدة لان أغلب البنات أمرها مش بأيدها بيبقي غصب عنها كتدخل أهلها في فرض وأختيار شريك حياتها حتي من غير رضاها وأي بنت في الدنيا بترتكب أكبر غلطه لو فكرت تضحي بأهلها علشان خاطر حبيبها واللي مالوش خير في أهله أعتقد مالوش خير في حد _وبعدين كدة كدة في النهايه حتي لو تحدت أهلها وأتجوزت غصب عنهم أكيد في أي يوم لازم يحصل خلاف تروح فين هيا بقي مدام خسرت أهلها _محدش يقولي أنهم هيفضلو سعداء علي طول لازم يكون في خلاف في يوم من الايام لان الدنيا كلها يوم معاك ويوم عليك _كفايه كدة أنا خرجت برة الموضوع أنا داخل علشان أقول للأخت كوين متزعليش مننا وأحنا هنا كلنا أخوات والاختلاف في الرأي لا يفسد للود قضيه

بصراحة وبدون زعل أنا تقريباً رأيي من رأي الأخ عمار طه 2009 مع بعض التحفظات طبعاً لبعض الكلام ، ولكن عندي كمان كم سؤال كده فاسمحي لي :
1-انا عايز اعرف انتي ياجميلة ليه ماحسساني ان الموضوع يخص شخصك وليس صاحبتك؟
وسبب سؤالي ده انني قرأت لكي رد فى أحد المواضيع تعترفي انكي تعرفي شاب عن طريق النت ، معذرة هكذا فهمت .
2-انا شايف انكي مصرة على تبرير موقف صديقتك ولا تريدي أخذ أي حلول وتخترعي مبرر لكل حل؟
3-السؤال المهم واللي عايز أجابته منك أنتي والاخت كووين هل هل مايحدث بين صديقتك وهذا الشاب يرضي الله عزوجل ؟وهذا هو الفيصل.
ولكي مني جميل الشكر>:D<>:D<>:D<>:D<
محمد محمد محمد

بصراحة محمد وعمار كلامهم صح لأن هم أكيد عارفين الشباب بيفكروا ازاى وبعدين أنتى عايزة تعرفى الرد وأنا شايفة أن ده أحسن رد لحل المشكلة دى وبعدين هى عارفة أن مامته رافضة وأن مامتها لو عرفت هاتقولها أقطعى علاقتك بيه يبقى الصح أن هى تبعد وما تعلقش نفسها أكتر من كده ده رأيى من غير زعل وياريت تقبلى مرورى
رحمة

1-انا عايز اعرف انتي ياجميلة ليه ماحسساني ان الموضوع يخص شخصك وليس صاحبتك؟
هو ممكن فى كل ردود مواضيعى الملاحظه الى انت لقتها دى
ودا لان انا وصاحبتى اكتر من اخوات يمكن كل حاجه بنعملها سوا يعنى مفيش حاجه بتفرقنا عن بعض غير النوم وكمان اوقات كتير يعنى بنبات سوا فهيا وانا واحد كل مفيش حاجه تفرقنا عن بعض ويارب تدوم الصداقه
2-انا شايف انكي مصرة على تبرير موقف صديقتك ولا تريدي أخذ أي حلول وتخترعي مبرر لكل حل؟
دا لانى فعلا عايزة يكون ليها نصيب فى الشخص الى بتحبه لانها فعلا لو مبقتش معاه ممكن يحصلها اى حاجه لانها بتحبه فعلا انت عارف معنى انك تحب حد ولاول مرة وكمان حاسس ان انت وهو ممكن متكملوش يبقي حياتها عامله ازاى
3-السؤال المهم واللي عايز أجابته منك أنتي والاخت كووين هل هل مايحدث بين صديقتك وهذا الشاب يرضي الله عزوجل ؟وهذا هو الفيصل.
دا بقي مش فاهماه ممكن توضحلى اكتر انت تقصد ايه


وكل الى عاوزة اقوله دلوقتى ان نادرا لما تلاقي فعلا صديق يخاف عليك وتحس ان انت وهو واحد

السؤال الأخير أقصد به أن مايحدث بين صديقتك وهذا الشاب من كلام معسول وغزل وخلافه هل هذا أمر شرعي يرضي الله هل هذا الأمر مثله مثل العلاقة بين الزوجين بلاش دي بين المخطوبين مع أصلا المخطوبين بدون كتب الكتاب يعتبروا شرعا أجانب عن بعد أي ليس من محارميها هل تعرفي ذلك فهل هذه العلاقة مثل هذه العلاقات الشرعية ؟هذا ماقصدته هل هذا يرضي الله يجب أن تنظري للأمر من هذه الزواية وأنتي تجدي الحل أما أذا أردتي حل يرضى هوى صاحبتك فاعلمي إن معظم الهوى يخالف الشرع لأنه من النفس وانتي تعلمي ان النفس للأمارة بالسوء إلا مارحم ربي .
ولكي مني جميل الشكر>:D<>:D<>:D<

السلام عليكم ورحمة الله وبركاته اختي جميلة بعد قراءتي للموضوع ولكل الردود الى وصلتك من بعض اعضاء المنتدى اسمح لي اقول لك رايي بصراحة ومن غير تزويق او تجميل في زمانا ذا يا حبيبتي مفيش حب طاهر وعفيف زي الي اتربينا عليه وخصوصا في النت وكمان زي ما قال الاخ محمد الحب الي من النوع ذا منافي للشرع غير ان اعرافنا كمان بتنكروا فعشان كدة حطلب منك...............لاء حترجاك تحاولي تبعدي صديقتك عن الموضوع ذا نهائي لانك قلت انك بتحبيها وتتمني لها الخير لان العلاقة ذي مصيرها الفشل اكيد وكمان لا تنسي ان الي ما ترضاش عليه الام اكيد ربنا مش حيبارك فيه ولك مني جزيل الشكر
اختك شريفة